Migratsiya agentligi

🇩🇪Германия томони ноқонуний миграцияга қарши, аммо...

Бу ҳақда Миграция агентлиги директори Беҳзод Мусаев ҳамда Германия Федератив Республикасининг мамлакатимиздаги Фавқулодда ва мухтор элчиси Manfred Xuterer ўртасида бўлиб ўтган учрашувда айтилди.

Жаноб Manfred Xuterer ўтган йили Германия Федератив Республикаси Федерал Канцлерининг Ўзбекистонга ташрифи доирасида имзоланган “Миграция ва мобиллик соҳасида ҳар томонлама шериклик тўғрисида”ги ҳукуматлараро битим ташрифнинг муҳим ҳужжати бўлганини таъкидлади.

Мавжуд келишувларни ҳаётга тадбиқ этиш доирасида Германия Федерал ҳукуматининг Миграция келишувлари бўйича махсус вакили Dr.Yoaxim Shtamp бошчилигидаги ишчи гуруҳнинг Ўзбекистонга ташрифи ҳам кутилаётгани қайд этилди.

Хўш, Миграция агентлиги Германия билан қандай лойиҳалар устида ишламоқда?

Бугунги кунда Германиянинг 25 та иш берувчи ҳамда рекрутинг агентликлари билан ҳамкорлик ўрнатилган. Ўзбекистон ҳудудида қўшма ўқув дастурлари асосида немис тилини ўрганган ҳамширалар Германия клиникаларида фаолиятини бошлади ва яна 800 нафарга яқини немис тилини ўрганмоқда.

Немис тилини A2-B1 даражада биладиган ҳайдовчиларни Германиянинг “SBH West” ҳамда “SEIT for tomorrow” ташкилотлари билан ҳамкорликда Германияга юбориш олдидан немис тилини ўқитиш ва қайта тайёрлов дастурлари йўлга қўйилган.

Жаноб Manfred Xuterer ушбу лойиҳаларни тўлиқ қўллаб-қувватлашини, Германия томони ноқонуний, нолегал миграцияга қарши экани, аммо, қонуний, шартнома асосида ишлаш истагида бўлган юртдошларимизни қўллаб-қувватлашга тайёрлигини билдирди.


@uzmigration

Трампнинг миграция сиёсати ўзбеклар учун фойдали бўлиши мумкин!

Сўнгги йилларда минглаб инсонлар турли йўллар билан жиддий хавф-хатарга қарамай, катта маблағ эвазига Мексика орқали АҚШга ўтишга уринган. Ушбу йўл қийинчилик ва таваккаллар билан боғлиқ бўлиб, одам савдоси, фирибгарлик ва ҳуқуқий муаммоларга олиб келган. Бу йўлда кўплаб ўзбекистонликлар ҳам жабр кўрган.

"АҚШга ноқонуний йўл билан бориш учун Ўзбекистон фуқаролари Мексика чегарасини кесиб ўтиш схемасидан фойдаланишган. Улардан 30 минг доллардан 50 минг долларгача маблағ талаб этилган. Арзонроқ вариант фақат чегарагача етказиб қўйишни ўз ичига олган бўлса, қимматроқ хизматлар мигрантлар учун махсус автомобил тайёрлаш, чегарадан яширин ўтиш ва АҚШ тарафига ўтгач, адвокат ёрдамини ўз ичига олган",

- дейди Марказий Осиё минтақавий таҳдидларни ўрганиш маркази эксперти, иммиграция ҳуқуқи бўйича мутахассис Алишер Содиқов.

Содиқовнинг фикрига кўра, миграция сиёсатининг кескинлашуви бу хавфли йўлни деярли тўхтатади. Ўзбекистон фуқаролари учун ҳам ижобий бўлади.

Биринчидан, фуқаролар фирибгарлик ёки одам савдоси қурбони бўлишдан сақланади.

Иккинчидан, ноқонуний йўлга сарфланадиган 30-50 минг АҚШ доллари, қонуний таълим, бизнес ёки бошқа истиқболли лойиҳаларга йўналтирилиши мумкин.

Учинчидан, расмий миграция йўллари ривожланади. Хорижий давлатларга қонуний, хавфсиз ва кафолатланган йўллар орқали бориш имкониятлари кенгаяди.

@uzmigration

Миграция агентлиги масъуллари Қозон Федерал университети раҳбарияти билан учрашув ўтказди

Унда, рус тили, Россия тарихи ва қонунчилигига оид имтиҳонларни ўтказиш ва сертификат бериш тизимини Қозон Давлат университети билан ҳамкорликда мамлакатимизда йўлга қўйиш масаласи муҳокама қилинди.

Марказнинг Ўзбекистонда фаолият юритиши Россияда ишлаш ҳуқуқини берувчи руҳсатнома (патент) расмийлаштиришда талаб қилинадиган сертификат олиш жараёнларини сезиларли тарзда енгиллаштиради, харажатлар камаяди, ҳамюртларимиз учун ортиқча оворагарчиликлар олди олинади.

@uzmigration

Ўзимизникилар билан…

Миграция агентлиги раҳбарияти бошчилигида делегация аъзолари Санкт-Петербургда "Северний" миграция марказида бўлиб, юртдошларимиз билан учрашди.

Ҳамюртларимизга легализация жараёнлари, ҳуқуқий мақомини расмийлаштириш ва патент олиш бўйича маълумотлар берилди. Рус тили имтиҳонлари ҳамда тиббий кўрик жараёнлари билан яқиндан танишилди. Фуқароларни қизиқтирган саволларга жавоб берилди.

Шунингдек, Халқаро меҳнат миграциясига кўмаклашиш ассоциацияси ҳамда “СберБанк” масъуллари билан учрашувда “СберБанк”нинг "Меҳнат мигранти электрон картаси" лойиҳаси муҳокама қилинди.*

Қолаверса, "Балтийский берег", "Мигросервис", "МируСтрой" каби компаниялар вакиллари, "Токио Сити" ресторанлар тармоғи, "Петрович" қурилиш ширкати ва "Бахрома" ресторани раҳбарлари билан Ўзбекистон фуқароларини ишга жалб этиш бўйича музокаралар ўтказилди.

*”Меҳнат мигранти электрон картаси”– Россияда вақтинча меҳнат қилаётган фуқаролар учун махсус ишлаб чиқилган банк картаси бўлиб, уларнинг молиявий операцияларини соддалаштириш ва расмийлаштириш мақсадида жорий қилинган.

@uzmigration

Ўзбекистон ва Россия ўртасида меҳнат миграциясини тартибга солиш бўйича янги механизм жорий этилади

Бу ҳақда Ўзбекистон делегацияси вакилларининг Россия Меҳнат ва бандлик федерал хизмати (Роструд) раҳбари Михаил Иваньков билан бўлган учрашувида маълум қилинди.

Бундан ташқари, Россияда вақтинча меҳнат қилиш истагидаги фуқаролар учун Ўзбекистонда махсус тайёргарлик марказларини ташкил этиш бўйича қўшма лойиҳалар амалга оширилиши белгиланди.

Шунингдек, Россия Меҳнат ва бандлик федерал хизмати иш берувчиларнинг фаолиятини ўрганиб, ишончлилигини аниқлашда Миграция агентлиги билан яқин ҳамкорлик қиладиган бўлди.

@uzmigration

Миграция агентлиги раҳбарияти Москва шаҳрида вақтинча меҳнат фаолиятини олиб бораётган ҳамюртларимиз билан учрашди

Аввалроқ, Туркиянинг "Ant Yapi" холдинги Россиядаги лойиҳалари учун ишчи кучини Ўзбекистондан жалб қилмоқчилиги ҳақида хабар бергандик.

Миграция агентлиги раҳбарияти, Москвадаги элчихонамиз вакиллари ушбу компанияда ишчиларга яратилган меҳнат ва яшаш шароитлари билан танишиш мақсадида "Ant Yapi" нинг Москва шаҳридаги қурилиш объектларидан бирига боришди.

Учрашувда юртдошларимиз билан иш ҳақи, яшаш шароитлари ва меҳнат шартномалари бўйича суҳбат ўтказилди. Делегация аъзолари ётоқ жойларини кўздан кечириб, мавжуд имкониятлар билан танишди. Ишчилар ойлик маош ва иш фаолиятлари бўйича ўз фикрларини билдиришди.

Мазкур қурилиш объектида меҳнат қилаётган юртдошларимиз расмий шартнома асосида ишлаётгани, уларнинг ҳуқуқлари кафолатланганлиги ва маошлар ўз вақтида тўланиши таъкидланди.

Ҳозирда бу жойда 800 га яқин ўзбекистонликлар фаолият олиб бормоқда.

@uzmigration