O'zLiDeP Xorazm viloyat Kengashi

#Хива_шаҳар
#Аёллар_қаноти_фаолиятидан
Мамлакатимиз иқтисодиётини янада ривожлантириш, халқ фаровонлиги даражасини юқори поғоналарга кўтариш, кичик бизнес, оилавий бизнес ва хусусий тадбиркорликни оммалаштираётган, ўз тадбиркорлигини энг қуйи поғонадан бошлаб бугунги кунда йирик ишбилармонга айланган аёлларимиз жуда кўпчиликни ташкил қилади.
Хотин-қизларнинг ижтимоий-сиёсий фаоллигини ошириш, уларда тадбиркорлик кўникмаларини шакллантириш, аёлларни кичик бизнес, оилавий тадбиркорлик, ҳунармандчилик, касаначилик соҳаларига кенг жалб этиш, жойларда айниқса, чекка қишлоқларда янги иш ўринлари яратиш юзасидан тизимли ишларни амалга оширилиб келинмоқда.
O’zLiDeP Хоразм вилоят Кенгаши “Аёллар қаноти” томонидан “Бунёдкор аёллар” лойиҳаси доирасида тадбир ташкил этилди. Унда вилоятда фаолият юритаётган тадбиркор аёлларнинг фаолияти билан яқиндан танишилмоқда.
Хива шаҳридаги “Ичан қалъа” маҳалласида фаолият олиб бораётган “Мирзабоши” ательеси раҳбари Анжела Давлетова бир неча йиллардан буён миллий либослар яратиш йўналишида иш олиб боради.
Бугунги қаҳрамонимиз тадбиркорлик фаолиятини янада ривожлантириш мақсадида тижорат банкларидан 200 миллион сўм миқдорида кредит олиб замонавий тикув дастгоҳлари олиб келиб ўрнатди, натижада иш унуми янада ошди. Шунингдек, тадбиркор шаҳарнинг марказида ўз савдо шаҳобчасини ташкиллаштирди. Шу билан бирга, ички бозорни сифатли маҳсулотлар билан тўлдириш имконияти яратилди.
- Тадбиркор деганда рақобатбардош маҳсулот ишлаб чиқаришга қодир, энг муҳими янги иш ўринлари яратиб, нафақат ўзини ва оиласини боқадиган, балки бутун жамиятга наф келтирадиган ишбилармон инсонлар тушунилади,- дейди ательеси раҳбари Анжела Давлетова.- Тадбиркорлик субъекти очилган вақтда 3-4 нафар ходим ишлаган бўлса бугунги кунда ательемизда 10 нафардан ортиқ ишчи меҳнат қилмоқда. 50 нафардан ортиқ шогирдлар “Устоз-шогирд” анъанаси асосида тикиш сирларини ўрганиб келишмоқда. Президентимиз раҳнамолигида тадбиркорларга кўрсатилаётган алоҳида эътибор ва билдирилган юксак ишонч бизни эл-юрт равнақи йўлида куч-ғайрат билан меҳнат қилишга ундайди.
Буларнинг барчаси мамлакатимизда кичик бизнес ва хусусий тадбиркорликни ривожлантириш, хотин-қизлар ва ёшларни тадбиркорликка жалб этиш борасида амалга оширилаётган тизимли ишлар натижасидир.

#Ҳазорасп_туман
#Аёллар_қаноти_фаолиятидан
25 ноябрь - Халқаро аёлларга нисбатан зўравонликка қарши кураш куни. Шу муносабат билан O’zLiDeP Ҳазорасп туман Кенгаши томонидан 13-сон болалар мусиқа ва санъат мактабида “Аёллар қаноти” бўлими томонидан “Биз зўравонликка қаршимиз!” шиори остида тадбир бўлиб ўтди.
Тадбирда аёллар масалалари бўйича раис ўринбосари, Оила ва хотин қизлар бўлими бошлиғи Мухайё Нуриллаева, туман имом хатиби, туман ФХДЁ ходимлари ҳамда маҳалла фаоллари иштирок этди.
Тадбирда сўз олганлар мамлакатимизда аёлларга нисбатан зўравонликларни олдини олиш, унга қарши курашиш борасида олиб борилаётган амалий ва самарали ишлар хусусида сўз юритилди.
Хусусан, хотин-қизларнинг гендер тенглигини таъминлаш, уларга нисбатан тазйиқ ва зўравонликнинг олдини олишга доир якка тартибдаги чора-тадбирлар ва уни қўллаш учун асослар, ҳимоя ордерини бериш ва унинг муддатини узайтириш тартиби, тазйиқ ва зўравонликдан жабрланувчиларга нисбатан ёки суд томонидан муомалага лаёқатсиз деб топилган шахсларга нисбатан ҳимоя ордерини бериш ҳақида ва туманда бу борада олиб борилаётган ишлар тўғрисида маълумотлар берилди.

#Қўшкўпир_туман
#Аёллар_қаноти_фаолиятидан
ЎзЛиДеП Қўшкўпир туман Кенгаши “Аёллар қаноти” томонидан Узпост Қўшкўпир туман бўлими ишчи ходимлари билан биргаликда «Ўзбекистон 2030» стратегиясида 25- мақсадида белгиланган вазифаларнинг ижроси юзасидан давра суҳбат ташкил қилинди. «Ўзбекистон 2030» стратегиясида қамраб олинган мақсад ва вазифалар ижросига бағишланган чора тадбирларда аёлларнинг сиёсий онги ва даҳлдорлик ҳиссини шакллантириш асосий мақсад ҳисобланади.
Унга кўра, хотин-қизларнинг ижтимоий-сиёсий фаоллигини ошириш орқали бошқарув лавозимларидаги хотин-қизлар улушини 30 фоизга ошириш, хотин-қизларнинг ҳуқуқлари ва қонуний манфаатларини таъминлаш ва "Аёллар дафтари" билан манзилли ишлашнинг шаффоф механизмини яратиш, мазкур ишлар бўйича жамоатчилик назоратини ўрнатиш белгилангани таъкидланди. Унда туман Кенгаши раиси Назокат Боймуратова тадбир иштирокчиларига стратегияда белгиланган вазифалар ва уларни амалга оширишдаги жамоатчилик фаоллигини оширишга қаратилган вазифалар юзасидан тушунтиришлар бериб ўтди.