O‘zLiDeP - Namangan

Жорий йилнинг 20 январь куни O’zLiDeP Наманган тумани Кенгаши томонидан “Агро банк” Наманган туман Бошланғич партия ташкилотида “Миллий хавфсизликни таъминлаш устувор мақсадимиз” мавзусида банкларда партия аъзолари сафини кенгайтириш мақсадида давра сухбати ташкил этилди.

Давра сухбати давомида партия вакили Х.Отаханова томонидан:
👉 эркин ва фаровон, қудратли давлатни қуришда бешта стратегик йўналиш яқин келажакдаги фаолиятимизда ҳал қилувчи ўрин тутади ва кўп миллатли халқимизнинг орзу-ниятларини рўёбга чиқаришга хизмат қилиши;

👉 барқарор иқтисодий ўсиш-аҳоли фаровонлигини таъминлашнинг муҳим омили, сув ресурсларини тежаш ва атроф-муҳитни муҳофаза қилиш, қонун устуворлигини таъминлаш, халқ хизматидаги давлат бошқарувини ташкил этишда давлат бошқаруви, суд-ҳуқуқ тизимидаги ислоҳотларини амалга ошириш;
👉 янги Ўзбекистон-хавфсиз ва тинчликсевар давлат барпо этишда ташқи сиёсат, хавфсизликни таъминлаш масалаларини ҳал этиш;

🔹 дунёда қарама-қаршилик ва тўқнашувлар тобора кучайиб бораётганлиги, эртага халқаро вазият қандай тус олишини олдиндан айтиб бўлмайдиган бугунги ғоят мураккаб замонда кўзлаган мақсадларга эришиш осон бўлмаслиги;

🔹 энг муҳими, ўзининг неча минг йиллик шонли тарихи давомида ҳар қандай синов ва машаққатлардан ёруғ юз билан ўтиб келаётган, мард ва матонатли халқимиз бизга ишонишлиги; - энди ана шу ишончни амалий ишларимиз билан янада мустаҳкамлаш даври келганлиги, мазкур эзгу мақсадларимиз йўлида жипслашиб, ҳаммамиз бир бўлиб, астойдил ҳаракат қилсак, бундан ҳам катта марраларни забт этишимиз ҳақида таъкидлашди.

Сўнгра Агро банк Наманган туман филиали бошқарувчиси С.Хайдаров томонидан партия сафини кенгайтириш максадида янги ходимларни O’zLiDeP партиясига аъзо булишликни таклиф этди.

Тадбир сўнгида Агро банк партия фаолларидан О.Болтабоев , О.Қорабоевлар сўзга чиқиб ўз фикр мулохазаларини билдириб ўтдилар. Тадбир натижасида 11 нафар банк ходимлари партияга киришга ариза бердилар.

Аҳоли муаммолари биргаликда ҳал этилади

Олий Мажлиси Сенати аъзоси, 10-Ибрат сайлов округидан вилоят кенгашига депутат Икромхон Нажмиддинов Тўрақўрғон туманида ҳудуддаги маҳалла раислари, туман кенгаши депутатлари, нуронийлар, ташкилот ва муассасалар раҳбарлари билан учрашув ўтказди.

Маълумки, маҳаллалар ободлиги, аҳоли розилиги учун амалга ошириб келинаётган ҳаракатлар 2025 йилда ҳам давом этади ва бунинг учун Давлат дастури ишлаб чиқилмоқда. Бирлашган, Туркистон, Истиқлол, Исвахон, Ҳамид Олимжон, Бекобод, Ибрат, Паросмон, Ёртепакўча, Еттикон, Янгиобод маҳаллалари мутасаддилари томонидан берилган ички йўллар қарови, электр таъминотини яхшилаш, ичимлик суви тармоғи тортиш каби масалалар таклифи биргаликда ўрганиб чиқилади ва дастурга ҳавола этилади.

Учрашув давомида Икромхон Нажмиддинов жамият ҳаётида нуронийларнинг ўрни мустаҳкамланиб бораётгани, улар “Бир болага етти маҳалла ота-она” тамойили ҳамда ҳар бир маҳалладан учтадан нуроний бештадан оилани камбағалликдан чиқаришдаги иштироклари самаралари ҳақида ҳам мулоҳазалар билдирди.

Тадбирда туман ҳокими Шерали Қосимов иштирок этди ва юқоридаги вазифаларни бажаришда албатта ҳамжиҳатликда иш ташкил қилинишини билдирди.

Ижтимоий лойиҳа

ЙИЛ САРҲИСОБИ ВА ҲАТНА ТЎЙИ


Уйчи тумани 23-мактаб қошидаги “Наманган қалқон махсус гуруҳ” НТМ учун 2024 йил қувонарли йил бўлди.

Муссаса директори Саодатхон Эгамова “Йил аёли - 2024” миллий танловининг республика босқичида “Йилнинг энг янги ғоялар ташаббускори” номинацияси бўйича ғолиб бўлди. 2024 йил давомида мазкур муассаса курсантларидан юздан ортиғи Ўзбекистон чемпиони ва жаҳон чемпионати совриндори бўлганлиги боис Ўзбекистон Муайтай ассоциацияси томонидан муассаса “Йилнинг энг фаол ҳамкор ташкилотчиси” дея эътироф этилди. Бугунги кунда мазкур муассасада 700 дан ортиқ курсант таълим олмоқда.

Эътиборли томони, муассаса эндиликда кўплаб ижтимоий лойиҳаларни ҳам амалга оширмоқда. Бугун “Мезбон” тантаналар мажмуасида бўлиб ўтган йил якунига бағишланган сарҳисоб тадбири қўшалоқ шодиёна – муассасада ўқиётган икки нафар ёш курсантнинг ҳатна тўйига ҳам уланди.

Вилоят Кенгаши депутати, “Нуроний” жамғармаси туман бўлими раиси Т.Исматиллаев, туман ҳокимининг ўринбосари А.Собиров, туман бош имом хатиби О.Исаковлар болаларни қутлаб, эсдалик совғаларини топширдилар.

Республика маънавият ва маърифат маркази туман бўлинмаси бошлиғи Э.Юнусова фидойи раҳбар С.Эгамовани фаолиятини муносиб эътироф этди. Шу билан бирга унга ЎзЛиДеП сафига қабул қилинганлиги ҳақидаги гувоҳнома тақдим қилинди.

Вилоят ҳарбий фахрийлар кенгаши раиси Ҳ.Хидиров С.Эгамовага Ўзбекистон “VETERAN” жангчи фахрий ва ногиронлари бирлашмасининг “Ёшларни ватанпарварлик руҳида тарбиялаш учун” медали ҳамда ҳамкорликдаги фаолияти учун 23-мактаб директори Р.Отажоновга “Ташаккурнома”ни тантанали равишда топширди.

Тадбир давомида жамоа эришаётган муваффақиятларга ҳисса қўшаётган устоз-мураббийлар ҳамда чемпион курсантлар қимматбаҳо совғалар билан тақдирландилар.