UzDJTSU (Rasmiy_kanali)

#dual_talim

🔷 Joriy yilning 6-mart kuni O‘zbekiston gandbol federatsiyasi va Gandbol regbi, chim, ustida xokkey nazariyasi va uslubiyati kafedrasi hamkorligida federatsiya bosh kotibi I.Mathalikov, gandbol bo‘yicha O‘zbekiston erkaklar milliy jamoasi bosh murabbiyi U.Ikramov, O‘zbekiston ayollar milliy jamoasi bosh murabbiyi Z.Azimov hamda kafedra professor-o‘qituvchilari va talabalari ishtirokida “O‘zbekistonda gandbol sport turining dolzarb muammolari va istiqbollari” mavzusida davra suhbati tashkil etildi.

✅ Davra suhbatida federatsiya bosh kotibi I.Mathalikov tomonidan O‘zbekistonda gandbol sport turini rivojlantirish istiqbollari, va Los-Anjeles-2028 yozgi Olimpiya o‘yinlariga tayyorgarlik rejalari bo‘yicha amalga oshirilayotgan chora tadbirlar to‘g‘risida batafsil ma’lumotlar berib o‘tdi.

📌 Samimiy tarzda bo‘lib o‘tgan uchrashuvda ishtirokchilari o‘zlarini qiziqtirgan savollarga mas’ullardan atroflicha javob oldilar.

Telegram | Instagram | You Tube | Facebook

#amaliyot

👩‍🎓Universitet talabalarining pedagogik va bitiruv oldi amaliyotlari yakunlanmoqda.

🎓2025-yil 27-yanvar sanasidan universitetning barcha ixtisoslik kafedralari 3- va 4-bosqich talabalari uchun boshlangan amaliyot jarayonlari o‘z yakuniga yetib bormoqda.

🔷 Amaliyot davomida talabalarga universitet hamda amaliyot o‘tash muassasalari tomonidan malakali rahbarlar tayinlanib, o‘quv va amaliy dars mashg‘ulotlari olib borishlarida uslubiy yordam koʻrsatildi. Talabalarimiz amaliyot davrida ko’plab yangi amaliy bilimlarga ega bo’lib, o‘z tashabbuslari bilan turli sport musobaqalari o‘tkazib, o‘quvchilarning jismoniy holatini yaxshilashga qaratilgan individual mashg‘ulotlar olib borishdi.

✅ Bir so‘z bilan aytganda amaliyot darslari talabalarning universitetda o‘rgangan nazariy bilimlarini amaliyotda qo‘llash ko‘nikmasini shakllantirishga xizmat qilgani bilan ahamiyatli bo‘ldi.

Telegram | Instagram | You Tube | Facebook

#ZAKOVAT

🏆Universitet “Zakovat” turnirining 5-mavsumi davom etmoqda

✅O‘zbekiston davlat jismoniy tarbiya va sport universitetida shiddatli bahslarga boy tarzda davom etayotgan “Zakovat” turnirining 5-mavsumi saralash bosqichi jamoalar uchun haqiqiy raqobat maydoniga aylanib bormoqda.


👬👫40 ga yaqin jamoalar o‘rtasida boshlangan mazkur bilimdonlar bellashuvining ikkinchi o‘yini bo‘lib o‘tdi. Unda jamoalar berilgan savollarga faollik bilan javob berib, har biri yuqori ballarni egallashda davom etmoqdalar.

📍Eslatib o‘tamiz, “Zakovat” turniriga oliygoh Yoshlar ittifoqi boshlang'ich tashkiloti raisi Sardor Eshpolatov koordinatorlik qilmoqda.

✅Mavsumdagi kutilgan va kutilmagan qizg‘in bahslarini kuzatib borishda davom eting.

Telegram | Instagram | You Tube | Facebook

#talaba_yutuqlari
#kutib_olish

🏆Qishki sport: Xalqaro musobaqa g‘oliblari munosib kutib olindi!

⛷Avval xabar berganimizdek, universitetning qishki sport turlari bo'yicha oliygoh jamoasi Sultanbek Davletmuratov boshchiligida Xitoy mamlakatida o'tkazilgan snoubord va tog' chang'isi turlari bo'yicha "Ice and snow Silk Road Cup 2025" nomli xalqaro musobaqada ishtirok etib, ushbu musobaqada umumjamoa hisobida ikkinchi o‘rinni qo'lga kiritishgan edi.

✅Bugun tunda musobaqa qahramonlari hamda professor-o‘qituvchilarimiz yurtimizga qaytib kelishdi. Ularni universitetning Xalqaro hamkorlik bo‘yicha prorektori Jasur Zarifboyev boshchiligidagi Qishki va murakkab-texnik sport turlari nazariyasi va uslubiyati kafedrasi jamoasi munosib kutib oldi.

👆Yuqorida jarayonlarga oid fotolavhalar e’tiboringizga havola etilmoqda.

Telegram | Instagram | You Tube | Facebook