Йўлларни текизлаб асьфалт ётқазиш бўйича ташаббус билан чиқилган видеоларни кўрдим.
Жуда зўр ташаббус. Майли бу иш бошқа давлат ташкилотига тегишли, яъни бюджет пулларидан йўналтирилишини яхши билсакда, шахсий ташаббус билан қилиниши мақтовли.
Мени назаримда Ватан тушунчаси қалбига сингмаган одам бўлмаса керак. Фақат бизда бу тушунча бошқа сиёсий нарсаларга қориштириб ташланган.
Ватанни яхши кўриш иймон билан ўлчанса керак. Шахсларнинг сиёсий кўриниши еки бошқаруви айни бу мухаббатга дахли йўқ.
Хуллас Рамазонда ганга мостидан тушиб, ўнгга яъни Абдулла Қодирий боғи томонга қайрилганимда битта яма кутиб олди ва машинанинг иккита балони ҳам тешилди. Ўшанда роса ифтор пайти эди…
Шахарда эса бу каби ямаларни сони бору, саноғи йўқ.
Ўшанда эртага сахарликкача болаларга айтиб шу ерга нимадир тош пош тўлдиртирсам бўларкан, менга ўхшаб азият чекувчи бўлмасин деб ният қилдим. Лекин мен ажрини олдим шекил), келсам кимдир ямаб қўйибди.
Шундан кейин ижтимоий тармоқда ниятим каби ташаббусни кўриб, қўшиламан албатта дедим.
Имконингиз бўлса Сиз хам машинангиз орқасига иккитагина қопда бўлсада ташлаб олинг.
Йўл созлаганлик ажрини хам, инсонларга хавфсиз йўлни хам қилган бўласиз.
Ватан эса хаммамизники, уни Севмай бўлмайди...
@uzbeku