Ўзбекона латифалар

Бир каттаконнинг куёви машинасида 2 кишини уриб юборибди. Бири машинанинг олд ойнасига урилибди. Иккинчиси эса йўл четидаги ариқ ичига тушиб кетибди.⠀
Суд иши кўриб чиқилиб, ҳукм ўқилаётганмиш:⠀
“Биринчи пиёда машинанинг олд ойнасини синдиргани учун 2 йилга, иккинчи пиёда воқеа жойидан яширингани учун 3 йилга озодликдан маҳрум этилсин!”

👉 @UZBEKONA_LATIFA

Яхши эр тонгда уйқудан битта хаёл билан уйғониши керак: ⠀
"Хотинимнинг кийишга кўйлаги йўқ, менинг ухлаб ётишимни қаранг. Тезроқ ва кўпроқ пул топиб, уни хурсанд қилишим керак. Одамлар айтмасин хотини яна ўша аввал кийган кўйлагини кийибди деб. Шарманда бўламиз-а, шарманда!"

P.S.: Муҳтарама аёллар, сиз ҳозиргина Конфуцийнинг “Идиеал эр” асаридан парча ўқидингиз. Энди эса борини кийиб юраверасизлар...

👉 @UZBEKONA_LATIFA

Ишга кириш мақсадида суҳбатга борган олий маълумотли қизга илмий салоҳиятини синаш учун ходим томонидан қуйидаги саволлар берилди:

- Панама шляпаларини қайси мамлакат тайёрлайди?
Қиз ўйланиб қолди, кейин таваккалига жавоб берди:
- Эквадор.

Энсаси қотган ходим яна савол берди:
- Хитой крижовникларининг ватани қаер?
Қиз шифтга қараб:
- Янги Зеландия.

Ходим кўзи ола-кула бўлиб, кейинги саволни берди:
- Канар ороллари қайси ҳайвон ё қуш шарафига номланган?
Қиз иккиланиб:
- Ит.

Ходим мияси қисиб, саволлар беришда давом этди:
- Самолётлардаги махсус қора қутининг ранги қанақа бўлади?
- Сариқ.

Ходим асабийлашганидан юраги увуша бошлади:
- Жаҳон тарихидаги Юз йиллик уруш неча йил давом этган?
- Менимча 116 йил.

Ходим адойи тамом бўлиб охирги саволни берди:
- Россияда Октябрь инқилоби қачон нишонланади?
- Ноябрда.

Ходим индамай ўрнидан турди-да, қизга бир оз тикилиб қолди. Кейин эса деди:
- Сиз барча саволларга тўғри жавоб бердингиз. Табриклайман! Эртадан ишга чиқишингиз мумкин.

Ҳа қиз чиндан ҳам барча саволларга тўғри жавоб берганди.

Панама шлаяпалари чиндан ҳам Эквадорда ишлаб чиқарилади.

Хитой крижовниклари (реза меванинг бир тури) ватани Хитой эмас, балки Янги Зеландия.

Канар ороллари эса канарейка қуши шарафига эмас ит шарафига "Канар" деб номланган. Лотинчада "канар" сўзи итни билдиради.

Қолган жавоблар ҳам айнан тўғри айтилган. Сиз-чи, сиз? Ўзингизча қизни ўқимаган аҳмоққа чиқараётганмидингиз?

P.S.: Ўзгалар ҳақида хулоса чиқаришга шошилманг!

👉 @uzbekona_latifa

— Дадажониси бугун турмуш қурганимизга 25 йил бўлди, қўй сўйиб ис чиқазворайлик, — деса
— Қўйда нима айб, аммангни сўйиш керак, 25 йил олдин амманг бизни учраштирган, қўй эмас.

👉 @uzbekona_latifa

Ярим кечаси эр жуда маст ҳолатда уйига келиб чироқни ёқадиган включательни тополмай пайпасланиб турса. Диванда ётган хотини:
— Ўнгроқда, пастга туширинг, пастга тушиб кетдингиз, тепага кўтаринг, чапга ўтиб кетдингиз, — деб эрига ётган жойида йўл кўрсатиб турса. 
Қўшни хонада ётган қайнона:
— Қизим, у бечорани қийнамай, қўлинг билан ушлаб рўпару қилиб юбор, — дермиш.

👉 @uzbekona_latifa

Бир аёл эрининг қўл телефонини титкилаб, унинг хотирасида ёзилган уч аёл исмини топиб олди:
“Майин қўл соҳибаси”,
“Мулойим қалб соҳибаси”,
“Тушимдаги соҳибжамол”.

Буни кўрган заҳоти ғазаб ва жаҳлдан ақлини йўқотиб қўйди ва дарҳол биринчи рақамга қўнғироқ қилди, қараса эрининг онаси. Кетидан иккинчи рақамга қилди, қараса эрининг опаси. Охиргисига қилганда ўзининг қўл телефони жиринглаганини кўрди.

Эрига зулм қилиб қўйганига кўзига ёш олди ва бунинг бадалини ўташ учун ўша ойда оладиган ойлигини эрига берди. Бу хабар онасига етиб борганда, у ҳам билак узугини жўнатди. Опаси эса узугини сотиб пулини ҳадя қилди.

Шунча улуш эгаси бўлган эр эса "Электрик Абдусаттор"га совға олиб бергани кетди!

P.S.: Телефоннинг тозалиги оиланинг мустаҳкамлигидан далолат, ҳурматли эркаклар!!!

👉 @uzbekona_latifa