Sobiq Musulmonlar | Uzbekiston

"Мамлакатлар бўйича энг кўп орзу қилинадиган касблар рўйхати эълон қилинди."

АҚШнинг "Remiltly" молиявий хизматлари компанияси "Google" қидирув маълумотларидан фойдаланган ҳолда, ёшларни энг кўп орзу қиладиган касбларини эълон қилди. Афсуски Ўзбекистон бу рўйхатда етарли маълумот йўқлиги учун жой олмаган. Демак бизда орзу қилиш, ҳатто шунчаки google орқали касбларни қизиқиб, қидириб кўриш салоҳияти ҳам мавжуд эмас.

Рўйхатга кўра ёшларни орзу қилган касблари:

АҚШ, Канада, Англия - Учувчи, дастурчи ва ўқитувчилик.
Исроил - Дастурчи ва тадбиркорлик, шифокор.
Туркия, Миср - Актёр, футболчи.
Қатар, Баҳрайн, С.Арабистон - Қуръон ҳофизи.
Германия, Франция - Фан мутахассиси, профессор, адвокат.
Швейцария, Норвегия, - Ўқитувчи, ёзувчи.

Сезганингиздек ривожланган давлатларда асосан билим, дастурлаш, ўқитувчи, шифокор каби бизни диёрда менсилмайдиган касбларни кўпроқ хоҳлашади ва интилишади. Исломий давлатларда ёшларни кўпроқ қизиқиши Қуръон мутахассислиги. Шундан келиб чиқсак Ўзбекистонда ҳам актёрлик, футболчи, Қуръон мутахассиси каби касбларни ёшлар кўпроқ хоҳлашса керак. Ахир ким ҳам ўқитувчи ёки шифокор бўлгиси келар эди бу юртда..

@uzbekistonateistlari

​​Пашшанинг бир қанотида заҳар бошқа қанотида зиддизаҳар бор - Ҳадисдан (видео таъбингизни хира қилиши мумкин)

Гарчи бу борада бир нечта тажрибалар мавжуд бўлса-да, уларнинг ҳеч бири ушбу фаразни тасдиқламайди! Халқимиз чивин ёки пашша деб атайдиган ўшбу зараркунанда ҳашоратда кўплаб касалликлар, жумладан, куйдирги, сил, вабо, тиф, дизентерия ва яна 65 га яқин турли касалликларни юқтириши мумкин. Аслида пашшани икки қаноти ҳам энг кўп микроблар ер олган қисмлари эканлигини аввало келтириб ўтсак.

Биз бу борада ислом диёри Саудия Арабистонининг Қоссим Университети ва Австралиялик тадқиқотчилар бу мавзу бўйича бир нечта турли жойларда олиб борилган баъзи тадқиқотларини ўрганишимиз жараёнида, уларнинг баъзилари ёки бузиб кўрсатилган ёки бирон бир академик манбага асосланмаганига гувоҳи бўлдик.

Далил сифатида кўпроқ тажрибаларда, пашшаларнинг бир қонида антидот, иккинчисида заҳар (токсик-антитоксик) борлиги ҳақидаги гипотезани исботлаш мақсадида ўтказилган ҳеч бир тажрибада бу ўз исботини кўрсатмаган. (Тажриба номи остидаги уйдирма тадқиқотларда, пашшанинг бир қаноти аввал антибактериал этанолга ботирилади, бунинг натижасида эса бактерия кузатилмайди)

Манбалар: Healthhype, Dr.chris. Ҳавола.
Dd-Platform. Ҳавола.
Cern Bilim. Ҳавола.
Равшанбей Султан тайёрлади.

@uzbekistonateistlari

​​​​Дунёдаги ҳамма нарса аёлларнинг асаридир - Мустафо Камол Отатурк.
(19-май Отатуркни хотирлаш, Ёшлик ва спорт байрами)

1. Аёлларимиз эркаклардан кўра кўпроқ ақлли, кўпроқ кучли ва кўпроқ олима бўлишга мажбурдирлар.

2. "Туркия давлати дунёвий жумҳуриятдир. Ҳар бир вояга етган киши ўз ихтиёри билан динини танлаши ёки ҳеч бир динга эътиқод қилмаслик ҳурриятига эга. 

3. Ўз ҳукмронлигини сақлаб қолиш учун диндан фойдаланаётган ҳукумат заифдир.

4. Шайхлар, қария раҳбарлар, саййидлар, амирлар томонидан судралиб, тақдири ва ҳаётини фолбинлар, сеҳргарлар, муллалар, табиблар, туморлар қўлига топширган кишилардан ташкил топган жамоани халқ деб аташ мумкинми?

5. Ҳа, Қорабакир, араб ўғлининг бемаъниликларини турк фарзандларига англатиш учун мен Қуръонни туркчага таржима қилдиртираман. Ва шу билан бирга турк тилида ўқиттираман. Бундан кейин аҳмоқ бўлиб, алданишда давом этмасинлар!

6. Агар бир кун менинг сўзларим илм-фанга тескари келса, илмни танланг.

7. Ҳаётда энг ҳақиқий муршид илмдир, фандир.

8. Ҳақиқий нажотга фақат жаҳолатни йўқ қилиш орқали эришиш мумкин. Жаҳолат йўқ қилинмагунча, жамият ўз ўрнида қолади, ҳанузгача турган нарса орқага қараб кетишини англатади...

9. Мени кўриш дегани мутлақо юзимни кўриш дегани эмас. Менинг фикрларимни, менинг туйғуларимни - тушунаётган ва ҳис этаётган бўлсангиз етарли.

10. Кўпчилик оилаларда жуда ёмон одат бор; Улар болаларига гапиришлари учун рухсат бермайдилар ва тингламайдилар. Мурғаклар аралашса, “Катталарнинг суҳбатига аралашма!”. дейишади, улар гапириш ҳуқуқидан мосуво бўлиб улғайишади. Қанчалар нотўғри, ҳатто зарарли тарбия! Аксинча, болаларни эркин гапиришга, ўзлари ўйлаган ва эшитганларини қандай бўлса, шундай ифодалашга ундашимиз шарт; Шундай қилиб, уларнинг хатоларини тўғрилаб, келажакда ёлғончи ва мунофиқ бўлиб қолишининг олдини олиш мумкин. Бир сўз билан айтганда, фарзандларимизни ўз фикрини иккиланмасдан айтишга, самимий фикрларини ҳимоя қилишга, бошқаларнинг самимий фикрини ҳурмат қилишга ўргатишимиз керак.Шу билан бирга, уларнинг покиза қалбларида - Ватан, миллат, оила, билим билан бирга ҳақиқатга, эзгу ва гўзал нарсаларга муҳаббат ва қизиқиш уйғотишга ҳаракат қилишимиз лозим. Назаримда, булар она бағридан тортиб, энг олий таълим масканларигача фарзандлар таълим-тарбиясида доимо эътиборга олинадиган муҳим жиҳатлардир. Ана шундагина фарзандларимиз эл-юртга фойдали ва комил инсон бўлиб етишишади..

Мустафо Камол Отатурк, Туркия Республикаси асосчиси ва биринчи президенти (1923–38), ҳарбий саркарда (1881-1938) у абадий турк халқлари қалбида яшашда давом этади.
Равшанбей Султон тайёрлади.

@uzbekistonateistlari

​​Қизиқ парадокслар: Ҳаётида ҳам ҳаёлида ҳам Туркияни кўрмаган ўзбеклар диктатурни қўллаб қувватламоқда. Ўзидаги диктатурдан эса нагадир норози. Сабабини сўрасангиз: Ўзбекистонни иқтисодиётини ёмонлиги, миллионлаб муҳожирлар, ишсизлик, таълим сифатини пастлиги, сўз эркинлигини йўқлиги, қимматчилик, монополия каби сабаблар айтишади.

Сиз кўрмаган, бўлмаган Туркияда ҳам аҳвол бир-хил. Миллионлаб турклар немисларни кўчасини супуриб, кампирларини кетини тозалаб юрибди. Сўз эркинлиги борасида Туркия 195 давлат рейтингида 145 яъни Ўзбекистондан қолишмайди. Инфляцияда ҳатто Ўзбекистондан ўтади. Автомобиль, телефон каби техника нархлари ҳатто Ўзбекистондан икки ҳатто уч баробар қимматлигидан хабарингиз борми?

Яна қизиқ аргумент "Эрдўған кетса Туркия ботар эмиш." Туркияни қурган, оёққа турғизиб саноати ва иқтисодиёти, таълимидан санъатигача ривожлантирган Отатурк ўлганида қуламаган Туркия Эрдўғандан кейинми қулайди? Агар Эрдўған кетса қуласа бу Эрдўғанни сиёсати заифлигидан, уни олиб борган ислоҳотлари самарасизлигини белгиси эмасми? Агар буюк шахс бўлса у қилган ишлар йиллар ҳатто асрлар давомида ўзгармаслиги керак эмасми?

15 май ҳеч бўлмаса қардошларимиз диктатурдан қутулиб, байрам қилишларини умид қилиб қоламиз.

@uzbekistonateistlari