Uzbek Girl's blog🇺🇿

Use power of automation for the aid of humans, not the replacement of humans.

*Bugungi hangomalardan

Ertalab soat 8da Kimyodan Laboratoriyam bor edi. Dars tugagandan keyin, ozgina vaqt bor edi, Laboratoriya xonasidan chiqishda dars qiladigan joy bor ekan, o’sha yerda Laboratiyadan vazifani qilib, Kimyodan leksiyaga bordim. Leksiyada o’tirgandim, miyamga laboratoriyadagi lab coatim(oq xalatim) va gogglem(ko’zoynak, aniq nomini bilmayman) yo’qligini bildim. Kimyodan keyin ham darsim bor edi. Ha, mayli deb laboratoriya xonasiga bordim. Borsam qulfda. Endi nima qilsam ekan deb turdim, keyin kimdandir so’ray deb, bitta kishidan so’rayman desam, yo’limdan leksiyadagi professor kelib qolsa bo’ladimi. Keyin, holatimni tushuntirdim, hozir kalitni so’raychi deb, bitta ayolni boshlab chiqdi. O’sha ayol ochib berar ekan.

Professor ketsa kerak desam, biz bilan ikkinchi qavatgacha chiqib, narsamni topgunimcha birga bo’ldi. Xonani ochishga ochdik, lekin narsalarim yo’qda. Bilsam, qolib ketgan narsalar turadigan xona bor ekan. U yerga xonani ochgan ayol va professorim ham borib topishib qo’ydi. Borsam, birinchi yordam so’ramoqchi bo’lgan inson turiptida😀😀😀. Shunday qilib, narsalarimni topguncha professor men bilan yurdi. Topganimdan keyin, o’zini ishiga ketdi. Haligi ayol ham katta yordam qildi.

Qariyapmanov😀😀😁. Hali ming gulimdan, bir gulim ham ochilmayaaaa😃😅.

Hazil o’z yo’liga, lekin doim menga yaxshi odamlar ro’para bo’ladi. Juda ham Alloh suygan qizmanda😌😌😌(maqtanishmas-u).

Оnаng-chi, оnаng hech qаchоn хiyonаt qildimi sengа! Birоn mаrtа, аqаlli bir mаrtа хiyonаt qildimi? Hаr kim hаr kimning koʻzigа choʻp sоlishi mumkin, hаr kim hаr kimgа хiyonаt qilishi mumkin. Fаqаt оnа oʻz bоlаsigа hech qаchоn хiyonаt qilmаydi. Ehtimоl, insоn hаyotining shunchа yillаrdаn buyon dаvоm etib kelаyotgаni shundаndir.

“Dunyoning ishlari”

Onаlаrning biz tushunmаydigаn, bizning oʻlchоvimizgа sigʻmаydigаn oʻz оlаmi bоrgа oʻхshаydi.

“Dunyoning ishlari”

Оnаlаr fаrzаndlаri hаmishа birgа boʻlishini istаydilаr. Qismаt esа ulаrni qаnоt chiqаrishi bilаn hаr yoqqа uchirib ketаdi. Hаyot lоаqаl shu mаsаlаdа hаm оnаlаrgа shаfqаt qilmаydi.

“Dunyoning ishlari”

– Nechа yoshdа edilаr?
Men аytаmаn... Aytаmаn-u oʻylаymаn: оnаning yosh-qаrisi boʻlаdimi? Mehrning yosh-qаrisi boʻlаdimi? Shаfqаtning-chi? Sаdоqаtning-chi?

“Dunyoning ishlari”

Xom sut emgan bandasiga aql kunda emas, kunlarning birida bitar ekan. Buning uchun esa yashash, yashayverish kerak – koʻrib, bilib, chidab! Umr shunday masofaki, uni yugurib yoki tez bosib oʻtishning iloji yoʻq. Mana, deylik, avtobus marshruti. Har xil bekatlar. Ularning har biriga toʻxtamoqqa majbursiz. Toʻxtagandan keyin esa, uni-buni koʻrasiz, bilasiz, nimagadir kulasiz, nimagadir kuyasiz – xullas, ong-shuuringizda qandaydir oʻzgarish sodir boʻladiki, ana shular sizni boyitadi, hayot haqidagi tushunchalaringizga tushuncha qoʻshadi. Ana shuning nomi – aql!

“Bayramdan boshqa kunlar”

Endi bari befoyda! Boshqatdan boshlamoqning esa iloji yoʻq. Hayotning xomakisi boʻlmaydi, u yagona nusxada, betakror, deydilar-ku! Ammo unda shunday holatlar, shunday lahzalar kechadiki, keyingi bor umringiz shunga bogʻliq. Bunday damlar bir-ikki martagina keladi kishiga. Yoʻq, bir karragina! Ayniqsa, qiz bolaning hayotida! Soʻngra qaytib kelmaydi sira.

“Bayramdan boshqa kunlar” Erkin A’zam

Lekin hamma narsaning cheki bor. Oyoqlar charchaydi, qoʻllar holsizlanadi, bellar, boʻyinlar toladi, koʻzlar tinadi. Bayram ham poyoniga yetadi, bayramlar ham oʻtadi. Koʻngil esa toʻlmaydi, toʻymaydi!

“Bayramdan boshqa kunlar” Erkin A’zam

Bugun uyimizni qirolichasini(Ona qirolicha ham bor) tavallud topgan kunlari🥰🥰🥰.

Shunday qizni katta qilganliklari va barcha injikliklarim-u,orzu-umidlarimni ko’targan oyijonim bo’ladilar(dadam ham bor). Hattoki o’zimga chiday olmay qolgan kunlarim bo’ladi. Yana meni juddddaaa mustaqilchilik qilib chiqargan qarorlarimni ham ko’targan ular. Bu mustaqilligimni boshqa ona balki ko’tara olmasdi.

Kutilmagan tashrifim bilan, oyijonimni qiynaganman(Bola boshidan ma’lum deganlari shu bo’lsa kerak). Keyinchalik, maktabda yaxshi o’qishimda ham ularni o’rni katta. Eslayman, birinchisi sinfligimda oyijonim kir yuvayotgan paytlari she’rlarimni yodlatardi. Matematikadan doim yordam berardilar. Pereskazni umuman aytmay, faqat pereskazimni oyijonim tayyorlashga ko’maklashganlar. Xullas, maktabdagi muvaffaqiyatlarim ko’p qismi onam tufayli erishilgan.

Yiqilishlarimni to’g’ri qabul qilgan ham ular. Olimpiyadan o’rin ololmasak, oddiy Olimpiyadaku, arzimaydi yig’lashga degan ham ular. “UniSat 2.0”(Qizlar uchun nanoyo’ldoshni stratosferaga uchirish jarayoni)TOP-20 qizlar ichida bo’lganimda, qatnashishimni qo’llagan va bo’ldi hech qaysi dasturga qatnashmaysan deb, lekin yutganimdan keyin pul berib oq yo’l tilagan ham ular.

Bu yerga kelganimda, ko’pchilikdan kiyinish bo’yicha didim borligini ta’kidlashdi. Bitta amerikalik: “Juda ham did bilan kiyanar ekansiz”, - degandi, kelganimga bir hafta bo’lmay. Unda ham oyijonimni o’rni katta.

Ko’rinishidan xolamga o’xshatishadigan, aslida oyijonim bo’lgan oyijonimni tug’ilgan kunlari bilan tabriklayman. Sizni hech qachon oyimizga o’xshatishmasdan, xolamiz va opamiz deyib yuraverishsin. Ilohim, baxtimizga sog’ omon bo’ling.

Dadam yuzga kirsinlar,
Ayam yuzga kirsinlar.
Bizlar yuzga kirganda,
Yonimizda yursinlar!!! (Yoshligimda yotlagan qo’shiqlardan).

Baxt nima? Ming bo'lakka bo'lib dunyoni,
Tug'ilgandan baxtni izlaymiz.
Qo'llaridan tutib ro'yoni
Atrofda baxt, ba'zan bilmaymiz!

Baxtlar bilan bezatilgan taxt,
Xudoyimga yetsa bas zoring
Kimdir seni sog'insa, shu Baxt,
Baxt aslida dunyoda boring!

Kimlarnidir sevib, sog'inib,
Intizor-la uni kutganing.
Baxt aslida tomog'ing bilan,
Shu bir qultum suvni yutganing!

Hamma yerda baxtlaring sochiq,
Bahorlardan go'zallik yiqqan.
Baxt emasmi? Ko'zlaring ochiq
Osmonga boq, ko'kka oy chiqqan.

Senga yana nima yetmaydi?
Hattoki baxt - yelib tolmoqlik.
Hammaga ham nasib etmaydi,
Tongda turib nafas olmoqlik!!!

Erkin Vohidov