O‘zbekiston tumani hokimligi

O‘zbekiston tumanilik maktab o‘quvchilari “Siz ekologiyaga oid qonunlarni bilasizmi?!” ko‘rik-tanlovining respublika bosqichi yo‘llanmasini qo‘lga kiritdilar

Farg‘ona shahridagi viloyat Axborot kutubxona markazida “Siz ekologiyaga oid qonunlarni bilasizmi?!” ko‘rik-tanlovining Farg‘ona viloyati bosqichi o‘tkazildi.

Unda ishtirok etgan O‘zbekiston tumanidagi 49-umumta’lim maktab o‘quvchilaridan iborat "Yashil makon asoschilari" jamoasi barcha shartlarni a’lo darajada bajarib, faxrli birinchi o‘rinni qo‘lga kiritdi va tanlovning respublika bosqichi yo‘llanmasiga ega bo‘ldi.

Ekologiya, atrof-muhitni muhofaza qilish va iqlim o‘zgarishi vazirligi, Bosh prokuratura, Oliy ta’lim, fan va innovatsiyalar vazirligi hamda Maktabgacha va maktab ta’limi vazirligi tomonidan tashkillangan tanlovning viloyat bosqichi g‘olib va sovrindorlari diplom hamda esdalik sovg‘alari bilan taqdirlandi.

Qayd etish joiz, bu kabi tanlovlar yoshlarning ekologik huquqiy ongi va madaniyatini yuksaltirish, qonun ustuvorligini ta’minlash va qonuniylikni mustahkamlash, shuningdek, yoshlarni O‘zbekiston Respublikasi Konstitutsiya va boshqa qonun hujjatlariga hurmat ruhida tarbiyalash, huquqiy immunitetni shakllantirishga xizmat qiladi.

Tanlovning respublika bosqichi mart oyida o‘tkazilishi belgilangan.

@uzbaxborotxizmati

Sho‘rqishloq mahallasi “og‘ir hudud” toifasidan chiqarilib, tomorqachilikda ham namunali maskanga aylantiriladi

O‘zbekiston tumanidagi “Sho‘rqishloq” mahallasi ham “og‘ir hudud” toifasiga kiritilib, hududdagi infratuzilma bilan bog‘liq mavjud muammolarni bartaraf etish, bu orqali esa aholi turmush farovonligini yaxshilash yuzasidan 2025 yilga mo‘ljallangan manzilli dastur ishlab chiqilgan.

Drayver sohasi dehqonchilik, supurgichilik va chorvachilik bo‘lgan mahalla o‘ramidagi 710 tadan ziyod xonadonda 3 ming 700 dan ortiq aholi vakillari istiqomat qiladi. Mavjud xonadonlarning tomorqa maydoni qariyb 44 gektarni tashkil etadi.

Tuman hokimi Sherzodjon Yuldashev bugun ayni mahallada bo‘lib, aholi bandligini ta’minlash va daromadini oshirish, kambag‘allikni qisqartirish, tadbirkorlikni rivojlantirish, tomorqalardan samaralari foydalanish borasida amalga oshirilayotgan ishlar holati bilan tanishdi.

Qayd etish joiz, mahallani “og‘ir hudud” toifasidan chiqarish maqsadida belgilangan manzilli dasturga ko‘ra hududda tomorqalarni sug‘orish uchun drenaj tizimini tashkil etish, elektr ta’minoti va yo‘l infratuzilmasini yaxshilash hamda boshqa bunyodkorlik tadbirlarini amalga oshirish rejalashtirilgan. Buning uchun 3,1 mlrd so‘mdan ziyod mablag‘ sarflanishi ko‘zda tutilgan.

Tuman rahbari aholi vakillari va nuroniylar bilan muloqotlarda ana shu xayrli rejalar tafsilotlari haqida ma’lum qildi.

Aholi xonadonlarida bo‘lib tomorqalardan samarali foydalanish, boshlangan bahorga tayyorgarlik yumushlarining borishini ko‘zdan kechirdi. Tajribali tomorqachilar va sohani endi astoydil boshlagan yoshlar vakillarining faoliyati, tashkil etilgan issiqxonalar natijadorligi o‘rganildi.

Xonadon egalari bilan suhbatlarda tomorqadan samarali foydalanish orqali har bir xonadon yaxshigina daromad topishi mumkinligi, yerning har qarichi - qimmatli manba ekanligi haqida tushuntirishlar berildi. Bu borada haligacha yetarli ish tashkil etmay, tomorqasiga befarq qarayotgan xonadon vakillari qarashlarini o‘zgartirish haqida mahalla faollariga zaruriy ko‘rsatmalar berildi.

Kommunal idoralar mutasaddilari hamrohligida esa aholi murojaatlari asosida mahalla infratuzilmasini yaxshilashga doir qo‘shimcha vazifalar ijrosi muhokama qilindi. Mas’ullarga hududda amalga oshiriladigan obodlik tadbirlari haqida aniq vazifa-topshiriqlar yuklatildi.

@uzbaxborotxizmati