QISHLOQ XO'JALIGI VAZIRLIGI

Ijtimoiy tarmoqlarda mamlakatimizda kartoshka narxi oshishi mumkinligi haqida tarqalayotgan xabarlar yuzasidan Qishloq xo‘jaligi vazirligining rasmiy munosabati

✅So‘nggi kunlarda ba’zi ijtimoiy tarmoqlarda Qozog‘iston Respublikasi kartoshka eksportiga cheklov qo‘ygani, bu esa mamlakatimizda kartoshka narxining sezilarli darajada oshishiga olib kelishi haqida xabarlar aylanmoqda.

🔗Mazkur xabarlar yuzasidan O‘zbekiston Respublikasi Qishloq xo‘jaligi vazirligi shuni ma’lum qiladiki, mamlakatimiz aholisining  kartoshkaga bo‘lgan yillik talabi 4 million tonnani tashkil etadi.

➡️2024-yilda mamlakatimizda jami 3,7 million tonna, shundan asosiy maydonda 2,7 million tonna va takroriy ekin sifatida 1 million tonna kartoshka  yetishtirilgan.  Mazkur hosilning 600 ming tonnasi keyingi mavsumda ekish uchun urug‘lik sifatida zaxira qilingan va tabiiy yo‘qotish 100 ming tonna (3%) atrofida belgilangan.

✍️2024-2025-yil qish va bahor mavsumi uchun mahalliy hokimliklar tomonidan jalb qilingan tayyorlov korxonalari tomonidan 245,5 ming tonna kartoshka zaxiraga jamg‘arilgan va fsp.agro.uz onlayn platformasi orqali subyektlar kesimida monitoring yo‘lga qo‘yilgan.
 
📌Zaxiraga jamg‘arilgan mahsulotni ichki iste’mol bozoriga chiqarish bo‘yicha Iqtisodiyot va moliya vazirligi tomonidan har 10 kunlik tarmoq jadvali hududlar kesimida tasdiqlanib, ijrosini ta’minlash bo‘yicha Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklariga yuborilgan.
 
🗓Joriy yil 20-yanvar holatiga mahalliy hokimliklar tomonidan jalb qilingan tayyorlov korxonalari tomonidan jami 6,3 ming tonna kartoshka ichki bozorlarga savdoga chiqarilgan, zaxira qoldig‘i 239,2 ming tonnani tashkil qiladi.

🌐Website 💬Telegram 💬Facebook 📺YouTube 📷Instagram

🗞"Yangi O’zbekiston" gazetasining 21-yanvar 2025-yil 14 (1340) sonida Qishloq xo‘jaligi vaziri Ibrohim Abdurahmonovning "Insoniylik, axloq, ijodkorlik va tasavvur qobiliyatini uyg’unlashtirib, agrar soba samaradorligini ta’minlaydi” mavzusidagi maqolasi chop etildi.

🗣Unda zamonaviy texnologiyalar rivoji ta’lim va ilm-fan bilan uyg‘un holda amalga oshirilishi, STEM dasturlari asosida ilmiy va texnologik taraqqiyot tezlashib, inson hayoti sifati yaxshilanishi, bu jarayonda axloq, insongarchilik, ijodkorlik va tasavvur muhim rol o‘ynashi kabi muhim masalalar keng tahlil qilingan.

💬Shuningdek, HECI tamoyillari texnologiyalarni insoniy qadriyatlar bilan uyg‘unlashtirib, barqaror rivojlanishni ta’minlashi, innovatsiyalar inson manfaatlariga xizmat qilishi va jamiyatda axloqiy me’yorlar mustahkamlanishi borasidagi fikrlar ilgari surilgan.

⛓Mazkur havola orqali maqolani to‘liq o‘qishingiz mumkin.

🌐Website 💬Telegram 💬Facebook 📺YouTube 📷Instagram

Saralangan va sifatli urug‘lik yuqori hosildorlik demak

📌Sohada amalga oshirilayotgan islohotlar natijadorligi bilan tanishish maqsadida Navoiy viloyatiga tashrif buyurgan vazir Ibrohim Abdurahmonov dastlabki lokatsiya bo‘yicha Karmana tumanida joylashgan "Navoiy Best Seeds" MCHJ urug‘lik markazida bo‘ldi.

🔗Bu yerda urug‘lik chigitni tozalash, saralash va dorilash ishlari amalga oshiriladi. Aytish kerakki, urug‘lik chigitni sifatli saqlash, saralash, tuksizlantirish, dorilash va ekish mavsumiga tayyorlash qiziqarli va muhim jarayonlardan biridir. Sifatli mahsulot olish uchun ushbu jarayonlarga alohida e’tibor berilishi talab etiladi.

🟢Urug‘larni ekish oldidan tayyorlash texnologik jarayonlari yuqori hosil olishda muhim rol o‘ynaydi va yetishtiriladigan ekinlarning sifatiga katta ta’sir ko‘rsatadi. Shu sababli, ekish oldidan urug‘ni sifatli tayyorlash va qayta ishlash jarayoni alohida ahamiyatga ega.

🟢Mazkur korxona urug‘chilik faoliyati bilan shug‘ullanib, joriy yil hosili uchun jami 1500 tonna urug‘lik paxtani qayta ishlamoqda. Natijada, 802 tonna mahalliy navli urug‘lik chigit tayyorlash ishlari amalga oshirilmoqda.

🔘Mavsum boshidan buyon urug‘lik chigitning 44 foizi tuksizlantirilib, dorilash ishlari bajarilgan. Ushbu jarayon mas’ul shaxslar tomonidan doimiy nazorat ostida olib borilmoqda.

🗣Vazir markaz faoliyati bilan tanishar ekan, urug‘lik chigitni sifatli tozalash, saralash va dorilash jarayonlariga alohida e’tibor qaratdi. U korxona faoliyatida amalga oshirilayotgan ayrim jarayonlarni jiddiy tanqid ostiga oldi. Jumladan, u ishlov berish va dorilash ishlari sekin olib borilayotganini, bu holat ekish mavsumiga tayyorgarlikni kechiktirishi mumkinligini qayd etdi.

✅Vazir aniqlangan kamchiliklarni bartaraf etish va jarayonlarni jadallashtirish bo‘yicha o‘z tavsiyalarini berdi. Shuningdek, barcha ishlarni reja asosida o‘z vaqtida amalga oshirish lozimligini ta’kidlab, "Urug‘lik chigitni yerga qadashda bir kun ham kechikish daladagi hosildorlikka salbiy ta’sir ko‘rsatishi mumkin", deya ogohlantirdi.

📌Shuningdek, har bir xodimning mas’uliyatni chuqur his qilgan holda ishlashi kerakligini, ish jarayonining muvofiqligi qat’iy nazorat qilinishi lozimligini qayd etdi.

↔️Zero, dalalarda saralangan va sifatli urug‘lik ekilishi yuqori hosil olishda hal qiluvchi ahamiyat kasb etadi. Shu sababli, korxona faoliyatida sifat va tezlikni birdek ta’minlash zarurligi yana bir bor alohida ta’kidlandi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱🌱🌱

Yaponiyada robotlashgan fermerlik: qishloq xo’jaligida texnologik inqilob

🤖Robotlashgan fermerlik zamonaviy qishloq xo‘jaligining muhim qismiga aylangan bo‘lib, ayniqsa, Yaponiya kabi texnologik rivojlangan davlatlarda katta muvaffaqiyatga erishmoqda. Bu mamlakatda robot fermerlar pomidor, sabzavot va boshqa hosilni yig‘ib olish, saralash va qayta ishlash jarayonlarini avtomatlashtirish orqali samaradorlikni oshirmoqda.

👨‍🌾Yaponiya aholisining katta qismini keksalar tashkil etayotgani va ishchi kuchi yetishmasligi qishloq xo‘jaligida katta muammolardan biri bo’lib turibdi. Statistik ma’lumotlarga ko‘ra, 2025-yilga kelib mamlakatda ishchi kuchi taqchilligi 6,4 million kishini tashkil qilishi mumkin. Robot fermerlar bu muammoni yengillashtirishda muhim rol o‘ynaydi.

💧Masalan, Spread kompaniyasining “Futuristik fermasi” yiliga 30 mingta salat ishlab chiqarishni avtomatlashtirgan holda ishchilarning sonini 50 foizga qisqartirishga muvaffaq bo‘lgan. Zamonaviy robotlar sun’iy intellekt va mashinani o‘rganish texnologiyalari yordamida hosilni aniqlash, yetilgan meva va sabzavotlarni yig‘ish, hatto zararkunandalarga qarshi kurashish vazifalarini mustaqil bajaradi.

🌀Masalan, FFRobotics kompaniyasi tomonidan ishlab chiqarilgan meva yig‘uvchi robot bir soatda 10 nafar ishchining ish hajmini bajarishi mumkin. Robotlar aniq va minimal resurslar bilan ishlaydi, bu esa suv va o‘g‘it sarfini kamaytirib, ekologik barqarorlikni ta’minlaydi. Masalan, Yaponiyaning Vertikal Fermalari 95 foiz kam suv sarflab, an’anaviy qishloq xo‘jaligiga qaraganda 40 foiz ko‘proq hosil yetishtiradi.

🤔Robotlar uzoq muddatli sarmoya sifatida qaraladi. Dastlabki xarajat yuqori bo‘lsa-da, ular o‘zini 5-7 yilda oqlaydi. Masalan, bir robot fermer yiliga 500 ming AQSh dollari atrofida iqtisod qilish imkonini beradi. Shunday qilib, robotlashgan fermerlik nafaqat Yaponiya, balki dunyo bo‘ylab qishloq xo‘jaligida yangi inqilobga zamin yaratmoqda.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱

Yomg‘ir chuvalchanglari tuproq unumdorligini qay darajada oshiradi?

🪱Yomg‘ir chuvalchanglari tuproqning fizik, kimyoviy va biologik xususiyatlarini yaxshilaydi. Ular har bir gektarda 2.5 milliongacha kanal yaratishi mumkin. Bu esa, tuproq aeratsiyasini yaxshilaydi.

🔗Ushbu chuvalchang kaproliti tuproqqa nisbatan 5 barobar ko‘p azot, 7 barobar ko‘proq fosfor va 11 barobar ko‘p kaliyni o‘z ichiga olishi mumkin. U tuproqning eng yuqori 15 sm chuqurroq qatlamlar bilan aralashtirishi mumkin.

⏩Ular o‘zlarining chuqurlashgan zonalarida mikrob biomassasini 200% gacha oshira oladi. Shuningdek, ularning chuqurchalari suv infiltratsiyasini chuqurlashtirilmagan tuproqqa nisbatan 10-100 barobar oshirishi mumkin.

📝Chuvalchanglar faolligi tuproq pH ni 6,5 dan 7 gacha barqarorlashtirishi mumkin, bu ko‘plab o‘simliklar uchun ideal holatdir. Ular tomonidan ishlab chiqarilgan shilimshiq tuproq zarralarini bog‘laydi va tuproq tuzilishini yaxshilaydi.

✅Bu kabi qumursqalar tuproq zarralarini barqarorlashtirish orqali tuproq eroziyasini kamaytirishga yordam beradi, shu bilan birga, chuqurlari kuchli yomg‘ir paytida tuproq eroziyasining 95% gacha oldini oladi.

🌐Website 💬Telegram 💬Facebook 📺YouTube 📷Instagram

Green Week – 2025: "Barqaror tuproqshunoslik hududiy markazi”ni tashkil etish loyihasi muhokama qilindi

🟢Ayni kunlarda Germaniyaning Berlin shahrida o‘tkazilayotgan “Green Week – 2025” xalqaro qishloq xo‘jaligi ko‘rgazmasi doirasida Markaziy Osiyo va Germaniya — “Barqaror tuproqshunoslik hududiy markazi”ni tashkil etish loyihasi mavzusidagi davra suhbati bo‘lib o‘tdi.

Uchrashuvda O‘zbekiston Qishloq xo‘jaligi vaziri o‘rinbosari A.Qosimov, Qozog‘iston Qishloq xo‘jaligi vaziri o‘rinbosari Y. Kenjexanuli, Germaniya Federal oziq-ovqat va qishloq xo‘jaligi vazirligi parlament kotibi O. Nik,Tojikiston Qishloq xo‘jaligi vaziri o‘rinbosari N. Anvari, Qirg‘iz Respublikasining Germaniyadagi elchixonasi maslahatchisi A. Tursunbaeva, Germaniya agrosanoat alyansi direktor iP. Brodersena hamda Germaniya Qishloq xo‘jaligi uyushmasining Sharqiy Yevropa va Markaziy Osiyo hududiy direktori O. Xunger ishtirok etdi.

✅Muloqot davomida "Barqaror tuproqshunoslik hududiy markazi”ni yaratishda Markaziy Osiyo davlatlarining iqlim sharoitlari, tuproqlar tarkibi va geografik jihatlarini inobatga olgan holda ishlab chiqishga kelishildi.

🗣Shuningdek, uchrashuv davomi sifatida Germaniya Federal oziq-ovqat va qishloq xo‘jaligi vazirligi parlament kotibi Ofeliya Nik bilan uchrashuv o‘tkazildi.

✍️Uchrashuv doirasida, O‘zbekistondan veterinar preparatlarni Germaniyaga eksport qilish yuzasidan tegishli ruxsatnomalar va sertifikatlarni rasmiylashtirish tartibi, o‘zbekistonlik talabalarni veterinariya sohasida malaka oshirish kurslariga yuborish, baliqchilik sohasida baliq chavoqlarini ko‘paytirishda hamkorlikni o‘rnatishga kelishildi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱🌱🌱

Dog‘iston tog‘ qo‘yi zoti

🐑Dog‘iston tog‘ qo‘yi – bu mayin junli, go‘sht-jun mahsuldorligi yuqori bo‘lgan qo‘y zoti bo‘lib, asosan tog‘li hududlarga moslashgan. Ushbu zot 1933–1950-yillar davomida Dog‘istonning dag‘al junli mahalliy qo‘ylarini Vyurtemberg (Germaniya) mayin junli qo‘chqorlari bilan chatishtirish orqali yetishtirilgan. Duragaylarning ikkinchi avlodini tanlash va tog‘ yaylovlariga moslashuvchanligini o‘rganish orqali mazkur zot shakllantirilgan.

➡️Xususiyatlari:
- Tog‘-yaylov sharoitiga moslashuvchanlik: Dog‘iston tog‘ qo‘yi zoti tog‘-yaylov iqlimiga juda yaxshi moslashgan. U uzoq masofalarni bosib o‘tib, ozuqa qidirishga qodir.
- Pushtdorligi: Qo‘ylarda pushtdorlik darajasi yuqori bo‘lib, 130-135% ni tashkil etadi.

💬Vazn ko‘rsatkichlari:
- Qo‘chqorlar: Tirik vazni odatda 80-85 kg bo‘lib, ayrim yirik qo‘chqorlarning vazni 130 kg gacha yetadi.
- Sovliqlar: Vazni odatda 50-65 kg atrofida bo‘lsa, ayrim hollarda 95 kg gacha yetishi mumkin.

🌀Jun mahsuldorligi:
- Qo‘chqorlardan mavsumda 5,5-6,0 kg (ayrim hollarda 10 kg gacha) jun qirqib olish mumkin. Sovliqlardan esa 3,3-3,5 kg (ayrim hollarda 6,5 kg gacha). Toza jun chiqimi 55-58% teng. Juni sof oq rangda bo‘lib, tolalarining uzunligi 8-11 santimetrni tashkil etadi. Zotning juni mayin, zich va yuqori sifatli bo‘lib, sanoatda keng foydalaniladi.

✅Afzalliklari:
- Dog‘iston tog‘ qo‘yi zoti go‘sht va jun mahsuldorligini birgalikda ta’minlaydi.
- Tog‘-yaylov sharoitlarida boqishga mos bo‘lganligi tufayli ozuqa yetishtirishga nisbatan talabchan emas.

❗️Mazkur zot tog‘li hududlarda chorvachilikni rivojlantirish uchun juda qulay bo‘lib, iqtisodiy jihatdan samarali natijalar beradi.

🌐Website 💬Telegram 💬Facebook 📺YouTube 📷Instagram

“Biovak Y24”: ekologik xavfsiz va samarali vosita

🗣Amaliy tashrif bilan Toshkent viloyatida bo’lgan vazir Ibrohim Abdurahmonov navbatdagi manzil bo‘yicha Parkent tumani hududidagi “Parkent-Farm” iqtisodiy zonasi bo‘ylab amalga oshirilayotgan innovatsion loyihalar bilan yaqindan tanishdi.
Tashrif davomida “Yuma Bio” MChJ korxonasida qishloq xo‘jaligi mahsulotlarini yetishtirishda zamonaviy texnologiyalar va ekologik xavfsiz yondashuvlar qo‘llanilishi haqida batafsil ma’lumot berildi.

🇺🇿🇰🇷“Yuma Bio” MChJ O‘zbekiston-Koreya qo‘shma korxonasi bilan hamkorlikda tashkil etilgan bo‘lib, hududda faoliyat yurituvchi R&D laboratoriyasida yangi texnologiyalar asosida innovatsion biologik preparatlar ishlab chiqilmoqda. Ushbu laboratoriyada qishloq xo‘jaligi ekinlari uchun kimyoviy pestitsidlarning ekologik xavfsiz alternativalari yaratilmoqda.

✅Vazir korxonaning asosiy mahsuloti – BIOVAK Y24 preparatining ishlab chiqarish jarayoni bilan yaqindan tanishdi. Mazkur preparat qishloq xo‘jaligi mahsulotlarini yetishtirishda kimyoviy zaharli moddalarning o‘rnini bosuvchi, ekologik xavfsiz va samarali vosita sifatida ishlab chiqilgan bo‘lib, vazirlik huzuridagi O‘simliklar karantini va himoyasi agentligi tomonidan ro‘yxatdan o‘tkazilgan.

🌲Aytish kerak, BIOVAK Y24 tabiiy biologik preparati o‘simliklarning o‘sishini tezlashtiradi, stress omillarga chidamliligini oshiradi va qurg‘oqchilik, sho‘rlanish kabi murakkab sharoitlarda ham samarali hisoblanadi.

💬Tashrif davomida vazir korxona faoliyatini yuqori baholab, bunday innovatsion yondashuvlarning mahalliy va xalqaro bozorlardagi ahamiyatini ta’kidladi. Shuningdek, BIOVAK Y24 singari tabiiy preparatlarning joriy etilishi qishloq xo‘jaligida samaradorlikni oshirish va organik mahsulot yetishtirishda muhim qadam ekanligini qayd etdi.

📌Zero, qishloq xo‘jaligida ekologik toza texnologiyalarni rivojlantirish va fermer xo‘jaliklarining raqobatbardoshligini oshirish yo‘lida muhim ahamiyat kasb etadi.

🌐Website 💬Telegram 💬Facebook 📺YouTube 📷Instagram