«Уста Ўринбой» жоме масжиди

Ибн Сирин раҳматуллоҳи алайҳ Убайда ибн Амрга: «Бизда Анас розияллоҳу анҳудан етиб келган Расулуллоҳ соллоллоҳу алайҳи васалламнинг муборак соч толалари бор», деди. Убайда: «У Зотнинг бир дона муборак соч толалари мен учун дунё ва ундаги барча бойликлардан афзал », деди.

Ҳа, юқоридаги сатрларни ўқиш биланоқ ўзингизга: «Мен учун ҳам у Зотнинг бир дона соч толалари дунё ва ундаги барча бойликлардан устун», дейишингиз мумкин. Лекин биз ҳозир сизга инсоф билан жавоб беришингизни илтимос қилган ҳолда қуйидаги саволлар билан юзланмоқчийдик: Умрингиз давомида «Буни Пайғамбаримиз соллоллоҳу алайҳи васаллам қилиб юрганлар», деб бирор суннат амални доимий тарк қилмаган ҳолда қилиб юрибсизми? Турмуш тарзингизда учраб турадиган муаммоларни қайси бирини Пайғамбаримиз айтган кўрсатма асосида ҳал қилдингиз? Ҳафтангизни ёки ойингизни ёки йилингизнинг қайси кунларини, ҳеч бўлмаганда бир кунини «Бугун ўзимга суннатга амал қилиш шиорини лозим тутиб, қўлимдан келган барча суннатларни қилишга ҳаракат қиламан», деб ўтказдингиз? Пайғамбаримизни яхши таниш ва у кишига муҳаббат қўйиш учун қайси сийрат китобларини ўқиб чиқдингиз? Ҳар куни Пайғамбаримизга ҳеч бўлмаганда энг камида 100та саловот айтяпсизми? Корхонада ёки иш жойингизда ёки кўча-кўйда инсонлар билан муомала қилаётганингизда суннатга амал қилиб муомала қиляпсизми? Пайғамбаримиз: «Кимки мана бу ишни қилса, жаннатда мен билан бирга бўлади» , деган маънодаги ҳадисларнинг ҳеч бўлмаганда биттасига амал қилишга уриндингизми? Бу борадаги саволларни келтирадиган бўлсак, улар жуда ҳам кўп. Биз мана шу ерда бу услубда савол беришни тўхтатиб, бошқа услубдаги иккинчи саволга ўтамиз: Сиз қилаётган орзу жуда яхши, лекин шу орзуга эришиш йўлида қилинадиган бирорта амал сизда борми? Энди сўздан амалга ўтиш вақти етиб келмадими? Орзу қилиш билан чекланиб, ўзимизни алдаб юришни тўхтатиш вақти келмадими? Пайғамбаримизга чин уммат бўлишга ҳаракат қилиш вақти етиб келмадими? Аллоҳ барчамизни Расулуллоҳ билан бирга бўлишга сабаб бўладиган амалларга муваффақ айласин.

Абу Абдуллоҳ Бухорий

Мавлид ойи кириб келиши билан мухлис мўмин-мусулмонларда Ҳабибимиз Муҳаммад соллаллоҳу алайҳи ва салламга муҳаббат, шавқ ва туйғулар ўз-ўзидан қайта жонланади. Ушбу инсоний ва иймоний жараён турткиси билан, вазиятдан унумли фойдаланиш маъносида бу ойда Жанобимизни янада кўпроқ эслаш, шавқлар изҳор қилиш, у зотни янада яқинроқдан таниш ҳаракатлари бутун Ислом оламида турли кўринишларда жонланади. Мавлид йиғинлари ҳам ана ўша тадбирлардан бири ўлароқ майдонга келган.

Ислом.уз портали жамоаси ҳам ушбу анъанага содиқ қолиб, ҳар йили мавлид ойига янги лойиҳалар, маърифий тадбирлар олиб боришга интилиб келади. Устозимиз шайх Муҳаммад Содиқ Муҳаммад Юсуф раҳматуллоҳи алайҳ бошлаб берган бу хайрли иш бугун ҳам давом этаётгани қувонарли ҳолдир. Бу йилги сийрат ойига бағишланган илмий ҳаракатлар зимнида янги бир лойиҳани сиз азизларга тақдим қилмоқчимиз. У ҳам бўлса – номусулмон мутафаккир ва арбобларинг Расулуллоҳ соллаллоҳу алайҳи ва саллам ҳақларида айтган сўзларидан лавҳалар тақдимидир. Умид қиламизки, бу битиклар азиз ўқувчиларимизда ижобий таассурот қолдиради.

Муҳаммад соллаллоҳу алайҳи ва саллам бану башарнинг саййиди, инсониятнинг фахри бўлганларига асло шубҳа йўқ. Бунга тарих ҳам гувоҳдир. Аслида у зотнинг буюкликларига Аллоҳ таолонинг каломи, ваҳийси етарли далил. У зотнинг сўнгги пайғамбар эканларига, рисолатлари чин эканига ақлий ва нақлий далиллар ортиғи билан бор. Бироқ «Сени душманингнинг эътирофи баҳолайди», деганларидек, Расулуллоҳ соллаллоҳу алайҳи ва салламга иймон келтирмаган, у зотнинг динини қабул қилмаган, керак бўлса, у зотга ва у зот келтирган динга душман бўлган кишиларнинг у зот ҳақларидаги эътирофлари алоҳида аҳамиятга эга. Хусусан, бундай эътирофлар мусулмон юртларда моддий тараққиёт, илм-фан туфайли Ғарбга тобе бўлиб қолган кишиларга янада кучлироқ таъсир қилади. Бу билан уларга ўзлари эргашган кишиларнинг сўзларидан мавзуга оид ҳужжат келтирилган бўлади. Бу эса, ўз навбатида, ҳақни етказишда муҳим таъсирга эга услублардан биридир.

Бугунги ижтимоий тармоқларнинг талаблари, одамларнинг қизиқишларидан келиб чиқиб, битикларни алоҳида лавҳаларда, имкон қадар бу эътирофларни айтган кишиларнинг суратлари билан бойитилган ҳолатда тақдим этиб борилади. Бу ишда хизмат кўрсатган кишиларга холис дуоларингизни умид қилиб қоламиз.

Эртага тонгда "Овқат еб бўлгандан кейин" ўқиладиган дуо билан танишамиз иншааллоҳ.

Умар ибн Абу Салама розияллоҳу анҳудан ривоят қилинади: Расулуллоҳ соллаллоҳу алайҳи васаллам менга (овқатланаётганимда) «Аллоҳ исмини зикр қил ва ўнг қўлинг билан егин», деб айтдилар». Имом Бухорий ва Муслим ривоятлари.

Оиша розияллоҳу анҳодан ривоят қилинади: Расулуллоҳ соллаллоҳу алайҳи васаллам: «Агар сизлардан бирингиз (овқат) ейдиган бўлса, ана шу таомнинг аввалида Аллоҳ исмини зикр қилсин (яъни, «Бисмиллаҳ»ни айтсин). Агар аввалида Аллоҳ исмини зикр этишни унутса,

بِسْمِ اللهِ أَوَّلَهُ وَآخِرَهُ

«Бисмиллаҳи аввалаҳу ва ахираҳу», деб айтсин», дедилар.

(Маъноси: «Овқатнинг аввали ва охирига бисмиллаҳ».) Абу Довуд ва Термизийлар ривояти.

т қилади. Шундагина, ҳақиқий имон эгаси, нажот топувчи кишига айланар экан.


Уламоларимиз кишини Расулуллоҳ соллаллоҳу алайҳи васалламга бўлган муҳаббатининг қанчалик чин эканлигига куйидаги ўн иш далолат қилади.


•    Ҳаётлик чоғларида У зотга ёрдам бериш ва вафотларидан кейин суннатларига амал қилиш;
•    У зотнинг суҳбатларига қизиқиш. Бу иш фақат саҳобаларга хос бўлсада, улардан кейинги келган мусулмон авлодига У зотни ҳеч бўлмаса тушда кўришни орзу қилиш орқали ўз исботини топади;
•    Амрларига бўйсиниш;
•    У зотнинг суннатларига амал этмаслик, муҳаббат қилмаслик ила гуноҳкор бўлиб қолишдан эхтиёт бўлиш;
•    Кўп салавот йўллаш;
•    Суннатларига бошқаларни тарғиб этиш;
•    Бидъат хурофотлардан ўзини олиб қочиш;
•    Саҳоба ва аҳли байтни яхши кўриш;
•    Расулуллоҳ соллаллоҳу алайҳи васалламнинг хулқлари билан зийнатланиш;
•    Расулуллоҳ соллаллоҳу алайҳи васалламнинг суннатларига амал қилишда хаддан ошмаслик.


Анас розияллоҳу анҳудан ривоят қилинади: «Бир киши Расулуллоҳ соллаллоҳу алайҳи васллам ҳузурларига келиб: «Эй, Аллоҳнинг расули! Қиёмат қачон бўлади?», деб савол қилди. «Сен қиёматга нимани ҳозирлаб қўйдинг?», дедилар Пайғамбар алайҳиссалом. Савол берган киши: «Мен Аллоҳ ва унинг Расулини муҳаббатидан бошқа арзигулик ҳеч нарса тайёрламадим», деб жавоб қилди. Шунда, Расулуллоҳ соллаллоҳу алайҳи васаллам: «Албатта, сен ўзинг яхши кўрганлар билан биргасан, ҳар ким ўзи яхши кўрганлар билан бирга бўлади», деб марҳамат қилдилар.


Анас розияллоҳу анҳу: «Биз ислом келгандан кейин Расулуллоҳ соллаллоҳу алайҳи васалламнинг ушбу сўзларини эшитганчалик хурсанд бўлмаганмиз», деди.


Аллоҳ таоло барчаларимизнинг қалбимизга Расулини муҳаббатини жо қилсин. Қиёматда Расулуллоҳ соллаллоҳу алайҳи васалламнинг «ҳамд» байроқлари остида туриш ва У зотнинг муборак шафоатларига эришиш ҳамда жаннатда Расулига қўшни бўлиш бахтини насиб этсин!


Жалолиддин домла Ҳамроқулов