Тўрақўрғон туман ҳокимлиги |расмий канали

Yangi yil tomoshalari davom etmoqda!
🎄🎄🎄🎄🎄🎄🎄🎄🎄🎄🎄
🎉🎉🎉🎉🎉🎉🎉🎉🎉🎉🎉
🎁🎁🎁🎁🎁🎁🎁🎁🎁🎁🎁

Aziz To‘raqo‘rg‘onliklar! To‘raqo‘rg‘on tumani madaniyat markazida aholi farzandlari uchun madaniyat markazi qoshidagi "Nihol" xalq teatri jamoasi tomonidan "Qorboboni o‘g‘irlashdi yoki Soxta qorqiz sarguzashti"nomli spektakl yosh tomoshabinlar eʼtiboriga havola etish qisqa tanaffusdan so‘ng yana boshlandi!

Endi Sizlarni 3-yanvardan 10-yanvargacha bo‘ladigan tomoshalarimizga lutfan taklif etamiz!

Eslatib o‘tamiz: ☝

Tomoshalarimiz 3-yanvardan 10-yanvargacha davom etadi!
Soat 10:00 va 12:00

Shoshiling, joylar soni chegaralangan.

ЯНГИ ЙИЛДА МАҚСАД КАТТА, МАРРА БАЛАНД ОЛИНГАН

Янги кириб келган 2025 йилда ҳам Наманган вилоятида бир қатор йирик лойиҳалар амалга оширилади.

Хусусан, қурилиш соҳасида Пунгон-Наманган йўналишининг 0-75 км. қисми, яъни Попдаги патир бозоридан “Янги Наманган шаҳарчаси”гача бўлган асосий магистрал йўл 4 тасмали цементобетон қопламаси билан реконструкция қилинади.

Шунингдек, “Наманган халқаро аэропорти” давлат-хусусий шериклик асосида модернизация қилинади.

Бундан ташқари, 2025 йилда Инвестиция дастури доирасида:
744,7 млрд. сўмлик 64 та объект, жумладан 37 та (21 та мактаб, 8 та мактабгача таълим, 8 та соғлиқни сақлаш) ижтимоий соҳа, 8 та қирғоқ бўйи ва бошқа ҳимоя иншоотлари, 6 та ирригация, 2 та мелиорация, 2 та сув ва оқава, 2 та иссиқлик, 1 та автомобиль йўли ва 6 та бошқа соҳа объектлари қурилади.

Натижада, мактабгача таълим қамрови 77 фоиздан 78 фоизга ортади, мактабларда 94 та юқори сменали мактаблар 21 тага камаяди. Марказлашган ичимлик суви билан таъминланганлиги 84,9 фоиздан 86 фоизга етказилади.

Уй-жой қуриш соҳасида ҳам режалар катта олинган:
7220 хонадонли 132 та кўп қаватли уй-жойлар, шундан, “Янги Ўзбекистон” массивларида 1752 хонадонли 35 та уйлар ҳамда бошқа худудларда 5468 хонадонли 97 та кўп қаватли уй-жойлар барпо этилади.

Наманган вилояти ҳокимлиги Ахборот хизмати.

Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги
—
Новогоднее поздравление Президента Республики Узбекистан Шавката Мирзиёева народу Узбекистана

Prezident.uz|Facebook|Instagram|YouTube|X

Диққат, Тўрақўрғон тумани ҳокимининг эътирофи ва қимматбаҳо совғаси учун ўтказилган сўровнома ниҳоясига етди.

Унда "Тумангаз" идораси раҳбари Исломжон Шамшиддинов ғолиб бўлди.

Кейинги ўринларни тиббиёт бирлашмаси бошлиғи Аъзамжон Ботиров ҳамда "Инсон" ижтимоий хизматлар маркази раҳбари Маъмуржон Абдураҳимов эгаллашди.

Ваъда қилинганидек, навбатдаги "Ҳокимлик соати"да ғолиб муносиб тақдирланади.

Тўрақўрғон тумани ҳокими
Шерали Қосимовнинг
туман аҳлига

ЯНГИ ЙИЛ ТАБРИГИ

Азиз тумандошларим!

Мана, 2024 йилни ҳам тарих зарварақларига кузатиб қўймоқдамиз. Йил давомида муҳтарам Президентимиз кўрсатмалари билан аҳолини ҳар томонлама ижтимоий қўллаб-қувватлаш, уларнинг турмуш фаровонлигини янада яхшилаш, кам таъминланган оилаларга эътибор қаратиш асосий фаолиятимиз марказида бўлди.

Янги йилда ҳам жамиятимиз ҳар бир аъзосининг ҳаётига ижобий ўзгаришлар, иш ўринларининг яратилиши, таълим, соғлиқни сақлаш, ёшлар масаласи ва инфратузилма соҳаларининг ривожи учун хизмат қиладиган режалар тузганмиз ва уларни биргаликда амалга оширамиз.

Сизларни яна бир бор кириб келаётган Янги йил билан чин қалбимдан муборакбод этаман. Барчаларингизга сиҳат-саломатлик, хонадонларингизга фаровонлик, тўкинлик, бахт-саодат тилайман. Келаётган “Атроф-муҳитни асраш ва “яшил” иқтисодиёт йили туманимиз учун янги марралар, муваффақиятлар даври бўлсин!

Исвахон МФЙда ногиронлиги бор, кам таъминланган оилаларга туман прокурори, 2-сектор раҳбари А. Юсупов томонларидан ташкилланган озиқ-овқат маҳсулотлари етказилиб, ҳолидан хабар олинди.

Йўқловдан баҳраманд бўлганлар юртимиз тинчлигини сўраб, раҳбарларимизни дуолар қилишди.