Tulpor Vet

БИЯЛАРНИ ҚУЛУНЛАШ ДАВРИДА ПАРВАРИШ ҚИЛИШ

Одатда биялар бахор ойларидан қулунлашни бошлайди. Отхонада бияларни қулунлаш санасини кўрсатувчи календар юритиш мақсадга мувофиқ бўлади. Бияларнинг ўртача бўғозлик давомийлиги 320 дан 362 кунгача, кўпинча биялар муваффақиятли уруғлангандан кейин 330-345 кун ичида қулунлайди. Пониларда бўғозлик даври бошқа отларга қараганда қисқароқ бўлади.
Қулунлаш бия сақланадиган денникда ўтказилади. Туғиш хонасида кечки вақтда етарлича ёритилган бўлиши, ит, мушук, турли хашоратлар, шовқин бўлмаслиги лозим. Қулунлаш одатда бошқаларнинг аралашувисиз 10-30 минут давом этади. Зарур ҳолларда биринчи ёрдами кўрсатиши учун отхонада керакли жихозлар, дори-дармонлар, иссиқ сув ва керакли материаллар бўлиши лозим.
Бўғозликнинг 7-8 ойида биянинг қорни осилади, елини катталашади, тез-тез сийдик чиқаради, терлайди ва чарчоқ кучаяди. Туғишига 2 ой қолганда биялар барча ишларда озод қилинади, 15-20 кун қолганда эса тагига юмшоқ тўшама солинган доимий оғилхоналарга кўчирилади. Қулунлашга қисқа вақт қолганда биянинг елини ўзгариб, елин сўрғичларидан елимга ўхшаш суюқлик ажрала бошлайди. Туғиш олдидан безовталанади, озуқани рад этади. Қулунлаш ўртача 20-40 минут давом этади, тўлғоқ 2-3 минутда қайталанади.
Қулун туғилганидан кейин киндиги қорнидан 5-6 см пастроқдан тоза ип билан боғланиб, қайчида қирқилади. Қирқилган жойга йод суркалади.
Агар биянинг йўлдоши 12 соат ичида тушмаса, ветеринария врачига мурожаат этиш лозим.
Янги туғилган қулунни биянинг ўзи ялаб қуритади. Ялаш жараёнида қулуннинг териси массаж қилинади, нафас олиши ва қон айланиш функцияси ва органлари кучаяди, биянинг йўлдоши тез ажралади, жинсий органлари меъёрлашади. Янги қулун то оёққа тургунча биянинг елин сўргичларини қидира бошлайди. Бундай пайтда унга ёрдам бериши керак.
Биянинг елинини ювиб ташлаш, сўрғичларни сочиқ билан артиш ва дастлабки сутни (кам миқдорда) чиқариб ташлаш талаб этилади.

Kanalga qo'shiling👉👉👉https://t.me/Tulporvet

БАЛИҚ ЁҒИНИНГ ОТЛАР СОҒЛИГИ УЧУН ФОЙДАЛАРИ.

Хусусиятлари - Балиқ ёғи А, D3 ва E витаминлари, ёғ кислоталари, йод, бром, фосфор ва олтингугуртнинг органик бирикмалар кўринишидаги табиий манбаи ҳисобланади.
Балиқ ёғи жуда осон оксидланади ва эмульсияга учрайди, шу икки хосса туфайли у барча ёғлар ичида энг кўп сўрилади ва организмга энг кўп ўзлаштирилади.
Балиқ ёғини мунтазам истеъмол қилиш қон ёпишқоқлиги ва тромб ҳосил бўлиш хавфининг пасайишига олиб келади, томир кенгайтирувчи таъсир кўрсатади.
Бу хоссалар айниқса атеросклероз билан зарарланган томирларда микротсиркулятсияни яхшилайди. Балиқ ёғи минерал моддалар алмашинувига таъсир кўрсатади, қон тромботситлари ишлаб чиқарилишини тартибга солади, иммунитет тизимини мустаҳкамлайди, ҳайвонларнинг ўсиши ва ривожланишига ижобий таъсир кўрсатади.
Витамин А етишмовчилиги, рахит, остеомалятсия, сурункали инфекциялар, анемия, аллергия, меъда-ичак касалликлари, меъда яраси, жинсий бузилишларни олдини олиш ва даволашда қўлланилади.
Умумий мустаҳкамловчи восита сифатида, шунингдек, жароҳатларнинг битишини ва суяк синишларининг битишини тезлаштириш учун ишлатилади.

Энергия - юқори калорияли энергия манбаи ҳисобланади. Бу шуни англатадики балиқ ёғидаги омега-3 ёғлари отларда асабийликни олдини олади ёки бошқариш қийин бўлиб қолмайди. Балиқ ёғи углеводларга нисбатан 2,5 баробар кўпроқ энергия беради.
Жисмоий машқлардан кейин отлар организмини сезиларли даражада тез ва табиий йўл билан тикланишига хизмат қилади.

Туёқларнинг бутунлиги- Балиқ ёғи таркибидаги Омега-3 ва омега-6 туёқларнинг соғлом ўсиши ва мустаҳкамлигига ҳисса қўшади. Омега-3 қўшилган қўшимчалар отларда ламинитни (халқ тилида-ем тушиши) даволаш жараёнларида ижобий таъсир қилади.

Хазм тизими- Балиқ ёғи таркибидаги Омега-3 ошқозон-ичак яраларини олдини олиш ва даволаш ҳамда хазм тизимида микофлорани яхшилашга хизмат қилади.

Тайёрлади: Вертеринария врачи Собитжон Туляганов

Kanalga qo'shiling👉👉👉 https://t.me/Tulporvet