Yuragim og'riyapti..

Turkiyada yuz bergan baxtsiz hodisa yuzasidan bir qator rasmiylar Turkiya prezidenti va xalqiga hamdardlik izhor qilishdi. Bu, albatta, yaxshi ish. Men ham hamdardman.

Lekin, bir oz muddat avval Farg'onada ayni shunday holat yuz berganda, hech bir amaldordan loaqal bir og'iz so'z chiqmagandi.

Xalq orasida yurgan gaplarga ko'ra, bu hodisada ham ellikga yaqin inson halok bo'lgan. O'sha payt tarqalgan videolardan ham yong'inning ko'lamini bilish qiyin emasdi.

Turkiyada ham, Farg'onada ham bir holat, bir xil ko'lam. Lekin nega ikki hodisaga munosabat ikki xil?

O'zbekistonlikning joni jon emasmi?

Turkiya halok bo‘lgan 50 kishi uchun respublika bo‘ylab motam kuni e’lon qildi. Hodisani butun dunyoga ma’lum qildi, butun dunyo hamdardlik bildirdi.

Bizda na Farg'onadagi halok bo'lganlarga, na o'tgan yilgi doridan zaharlangan bolajonlarga oddiy insoniy munosabat ko‘rsatilmadi.

Sizlar bo'lsa bizni chetdagilar kamsitayotganiga xafa bo'lasizlar..

Shunchaki o'zbek qadriga yuragim achishyapti, og'riyapti, yig'lagim kelyapti..