ТилиҒирром

#ДеярлиҲазил:

Дунёдаги энг қиммат ахборот - соғлигингиз ҳақидаги маълумотнома бўлади: унда соғлом ёки дардманд эканингиз ёзилганидан қатъи назар, бир миллион сўм тўлашингизга тўғри келади.

© Шуҳрат САТТОРОВ
🤣🤔😢
Телеграмда @tiligirrom: 👉🏼 https://t.me/+QgJFjtFQna96mMBO

#КунТарихи:
15 февраль – шоира Саида Зуннунова таваллуд топган кун.

Саида Зуннунова (1926.15.02, 1977.20.03) – шоира. Ёзувчи Саид Аҳмаднинг рафиқаси. Андижон ўқитувчилар институтини (1943) ва Ўрта Осиё университетининг филология факультетини (1952) тугатган.

”Гулхан” журнали (1953-56), “Ўзбекистон маданияти” газетасида адабий ходим (1956-57), Бадиий адабиёт нашриётида муҳаррир (1957-58), Ўзбекистон Ёзувчилар уюшмасида адабий маслаҳатчи (1962-67) бўлиб ишлаган.

Шоиранинг “Янги шеърлар” (1950), “Гуллар водийси” (1954), “Қизларжон” (1962), “Шеърлар” (1964), “Бир йил ўйлари” (1967), “Нилуфар” (1972) шеърий тўпламлари нашр этилган. “Содиқ ва Анор” (1947), “Хайрихон” (1949), “Сурат билан суҳбат” (1966), “Қўшниларим” (1968) сингари достонлар ҳам яратган.

Унинг “Гулбаҳор” (1956), “Повесть ва ҳикоялар” (1957), “Гулхан” (1959), “Дўстлик” (1960), “Қанот” (1961), “Олов” (1962), “Кўчалар чароғон” (1965), “Бўйларингдан ўргилай” (1972) сингари насрий китобларида хотин-қизлар ҳаёти ҳаққоний бадиий тажассумини топган. “Янги директор” , “Олов”, “Одамлар орасида” қиссалари, “Она” (1966) ва “Кўзлар” (1968) пьесалари ҳам бор.

Тошкентдаги кўчалардан бирига Саида Зуннунова номи берилган.

✍🏼
Телеграмда @tiligirrom: 👉🏼 https://t.me/+QgJFjtFQna96mMBO

#КунТарихи:

БУГУН - ОМОН МАТЖОН ТУҒИЛГАН КУН

Ўзбек шеъриятининг забардаст вакили, Ўзбекистон Халқ шоири Ўзбекистон халқ шоири Омон Матжон 1943 йил 14 февралда Хоразм вилояти Янгибозор тумани Боғолон қишлоғида дунёга келган.

Ўрта мактабни тугатгач, у Самарқанд Давлат университетида таҳсил олади. Омон Матжон 1969 йил олийгоҳни якунлаганидан сўнг, 2002 йилгача Ғафур Ғулом номли Адабиёт ва санъат нашриётида муҳаррир, бўлим бошлиғи, сўнгра "Ёшлик" журналида бош муҳаррир, "Чўлпон" нашриётида директор бўлиб ишлаган.

Омон Матжон болалагиданоқ шеърлар ёзишни машқ қилгани ва илк шеърлари эса, мактаб деворий газеталарию туман газеталарида чиқиб турганини айтади.

У ўзбек шеъриятига 1960-йилларда ўз йўли ва оҳангги билан кириб келади. 1970 йилда шоирнинг "Очиқ деразалар", деб номланган илк шеърий тўплами нашрдан чиқади.

"Кейин "Карвон қўнғироғи", "Қуёш соати", "Ярадор чақмоқ" каби китобларим, "Беруний" драматик достоним, Паҳлавон Маҳмуд ҳақидаги достоним, "Ҳаққуш қичқириғи" деган қирқ афсонадан иборат китобим, "Дарахтлар ва гиёҳлар китоби" деб номланган экологик мавзудаги китобларим кетма-кет босмадан чиқди", дейди шиорнинг ўзи.

Омон Матжоннинг шеърлари Евгений Евтушенко каби буюк рус шоирлари томонидан таржима қилинган.

Шунингдек, 1991- 2011 йиллар ўртасида шоирнинг "Иймон ёғдуси", "Эркин ҳаволарда", "Ардахива" ва "Халоскор Руҳ" каби китоблари чоп этилган.

Омон Матжон бугунгача ҳам фаол ижоддан тўхтамаганини айтади. Унинг "Дийдор Азиз" деб номланган янги китоби шу кунларда дунё юзини кўрган.

"Шайх Нажмиддин Кубро, Тўрабекахоним ҳақидаги қиссаларим,истиқлолимизнинг 20 йиллигига бағишланган шеърларим "Дийдор Азиз" номи билан шу кунларда чиқди. Суюкли рафиқам Мақсудахонимга бағишланган китобим бу", дейди шоир.

Шоирнинг "Умр ўтар...", "Табассум қил", "Эшигингдан ўтарман бир кун", "Менинг кимлигимни эл билса бўлди" каби қатор шеърлари таниқли ҳофизлар тарафидан қўшиқ қилиб куйланган.

Омон Матжон 1991 – 1993 йиллар Ўзбекистон Президенти Девонида давлат маслаҳатчиси, 1993 - 1998 йилгача Давлат Матбуот Қўмитасида раис муови лавозимларида ҳам фаолият олиб борган.

Шоир адабиёт соҳасидаги хизматлари учун Ҳамза номидаги Республика Давлат мукофотига сазовор бўлган. 2006 йилда Омон Матжонга Ўзбекистон Халқ шоири деган унвон берилган.

© «Хоразмшунослик/Хорезмология/Khorazmology/» ФБ-гуруҳига Латофат Абдримова жойлаган пост

✍🏼
Телеграмда @tiligirrom: 👉🏼 https://t.me/+QgJFjtFQna96mMBO

Аччиққина #ҳақиқат:

Сенинг эслайдиган одамларинг кўпайгани сари, сени эслайдиган одамлар озайиб бораверади.

© Хайтбай Абдисодиков ФБ-профилидан
😔
Телеграмда @tiligirrom: 👉🏼 https://t.me/+QgJFjtFQna96mMBO

Аччиққина #ДеярлиҲазил:

– Ўзи бизда миллийлик қолмади, қани, қаерда бор, кўрсат?
– Қўйинг шу гапларни, обед бўлди, «Миллий таомлар»га юринг!

© Моҳир УЗ ФБ-профилидан
😜🤔😢
Тушлик қилаётганларга ёқимли иштаҳа!
😍
Телеграмда @tiligirrom: 👉🏼 https://t.me/TiliGirrom/27816