Тиббий маслаҳатлар 🌏

Vaqt bu boylik, uni bekor narsalarga sarflamang.
⏳👼👩‍🍼👶🧑‍🦰👨‍🦳🕌⌛️

Агар оғриқни ҳис қилсанг, демак, тириксан!
Агар бошқанинг оғриғини ҳис қилсанг, демак, инсонсан!

@tibbiymaslahatlar

KO‘PCHILIK SO‘RAYDIGAN SAVOLGA UMUMIY BITTA VA LO‘NDA JAVOB! 👨‍🔬🩺🧬🔬🩸🩻

"Savollar"👇
- Meni falon joyim og‘riyapti bitta dori yozib bering?

-Kecha mazam bo‘lmadi mana bu dorini ichsam bo‘ladimi?

- Vrach shu dorini tavsiya qildi, siz nima deysiz, bo‘ladimi ichasam shularni?

- Ba’zilar mana shu dorini zo‘r deyapti, siz nima deysiz, ichsam foydasi bo‘larmikan?

- Mana shu dorilar haqida fikringizni bilmoqchiydim? 🤷‍♂

Javoblar 👇
- Har bir organizm INDIVIDUAL (ya’ni O‘ZIGA XOS). Bemorni ko‘rmasdan, tekshirmasdan, kasallik tarixi, anamnezi (tashxis qo‘yish uchun bemor bilan bevosita olib borilgan savol-javob natijasida to‘plangan ma’lumotlar majmui) ya’ni kasallik boshlanishi va rivojlanishi, muddatlari, simptomlari, qo'shimcha kasalliklari, allergik reaksiyalar, irsiyatga aloqador holatlar, yashash va ish sharoiti va boshqalar bilan tanishmasdan, tahlillarini ko‘rmasdan davo chorasi tayinlash, dori tayinlash TIBBIY ETIKAGA HAM, QONUNGA HAM TO‘G‘RI KELMAYDI. 🙅🙅🙅

E’tibor bergan bo‘lsangiz barcha dorilar reklamadan so'ng bu dorini qo‘llashdan oldin albatta shifokor-mutaxassis bilan maslahatlashing” deb yozib qo‘yiladi. ✅ (va bu tog'ri ham)

Bunga amal qilmagan shifkorni yaxshi mutaxassis deb bo‘lmaydi. 🙅

Ba’zilar insonlar qaerdandir va kimdandir eshitgan davo chorasini qo‘llashni yoki dorilarni iste’mol qilsa bo‘ladimi deb so‘raydilar. Bunga ham yuqoridagi gap javob. Faqatgina sizni bevosita ko‘rgan, tekshirgan shifokorgina davo chorasi tayinlashi mumkin.
"Shu uchun har kimni har gapiga amal qilavermaslik kerak."

Salomat bo‘ling ...
👇👇👇 kanalga obuna boling va bundan ham qiziqarli xabarlarni kuzatib boring.
https://t.me/tibbiymaslahatlar

Dr. @bekzodibodov

ТОКСИКОЗ ҚАЙДАН ПАЙДО БЎЛАДИ?

Ҳомиладор аёлларнинг 60 фоизи 12-13 хафтагача эрта токсикоз белгилари: бўшашиш, иштахасизлик ва кўнгил айнишига шикоят қилади. Кўнгил айниши доимий ва ҳар бир нарсага бўлади.

Токсикоз касаллик эмас, ҳомиладор аёл организмининг специфик ҳолати ҳисобланасада уни инкор этиб бўлмайди. Токсикознинг оғир шаклларида қайт қилиш сони 5-6 мартагача бўлиб, ҳам онага ҳам болага хавф туғдириши мумкин. Энг юқори асоратлар ҳомилдор аёл вазнининг кескин тушиши, сувсизланиши, фойдали микроэлементларнинг йўқотилиши, артериал қон босимини ўйнаши билан характерланади. Шундай вазиятлар бўладики врачлар аёлнинг ҳаётини сақлаб қолиш учун хомиладорликни сунъий равишда тўхтатиш даражасига боради.

Токсикозни нима келтириб чиқаради?

Ҳозиргача токсикозни ривожланиши тўғрисида аниқ бир тўхтамга келинмаган:
1. Энг тарқалган назария бу организмнинг ҳомиладорлик натижасида гормонал фоннинг бузилиши ҳисобланади. Бу фон алмашинув маҳсулотларини етарлича ўзлаштирилмаслиги олиб келади ва кўнгил айниши билан намоён бўлади.
2. Токсикоз организмнинг ҳимоя вазифасини ўташи, қайт қилиш орқали она ва болага айни пайтда керакциз бўлган моддалар ва гормонларни чиқариб ташлаши ҳақида илмий фикрлар ҳам мавжуд.
3. Яна бир тахминларга кўра, токсикоз бу руҳий кечинмалар оқибати ҳисобланади. Бўлажак фарзандини севишига қарамасдан ҳомиладор аёлни янги ҳаётга кўникишда кучли ҳавотир эгаллайди. Шу каби доимий ички зўриқишлар натижасида иштаҳа бўғилиб, кўнгил айниши пайдо бўлади.
4. Токсикознинг ривожланишига сабаб бўлувчи яна бир қанча омиллар мавжуд бўлиб, улар ошқозон ичак трактини сурункали касалликлари, асаб тизими ишини бузилиши, аёлнинг ёши ва ирсий мойиллик бўлиши мумкин.

Кўнгил айнишини қандай йўқотиш мумкин?

Токсикоз даволанмайди, аммо унинг белгиларини камайтириш ва ҳомиладорликни кечишини енгиллаштириш мумкин.
Биринчи ўринда овқатланиш рационини нормага келтириш, яъни овқатланиш мунтазам, тез-тез (6-7 маҳал) ҳар 2-3 соатда бўлиши лозим. Бундай режим ошқозонни ортиқча тўлиб кетмаслиги ва қонда қанд миқдорини бир хилда ушлаб турилишини таъминлайди. Овкат рационини оқсил маҳсулотлари (балиқ, творог, қайнатилган гўшт), мевалар, витаминга ва дағал клетчаткага бой маҳсулотлар ташкил қилиши керак. Вақтинча бўлсада дудланган, шўр, газланган, ёғли махсулотлар ва шоколаддан тийилиб туриш лозим. Буларнинг бари ошқозон ичак йўллари ишини бузади.

Агар токсикоз наҳорги оч қоринга пайдо бўлса, буни йўқотишнинг йўли осон – ўрнингиздан туришдан олдин печене ёки тўғраб қуритилган нонни яхшилаб чайнаб енг ва оз-оздан газланмаган сув ёки шакарсиз чой ичинг. Бу организмнинг барча тизимларини мувозанатини таъминлайди ва 15 дақиқадан сўнг бемалол ўрнингиздан туришингиз мумкин. Умуман олганда доимий равишда крекер, тўғраб қотирилган нон, қуритилган мева маҳсулотлари, ёнғоқлар куннинг бошқа пайтлариа ҳам (ўқишдами, ишдами) яхши ёрдам беради.

Токсикоз белгиларини йўқотиш учун фаол ҳаракатланиш, тоза ҳавода сайр қилиш ва қарши кўрсатмалар бўлмаса ҳомиладорлик фитнеси билан шуғулланиш фойдали. Бу белдаги оғриқларни камайтириб, сийдик тутолмасликни олдини олади, стрессни камайтиради, кечки токсикозни олдини олади, тана вазнини назорат қилиш ва эрта туғиш хавфини олдини олади.
Фақат кучли ва кескин ҳидларгагина токсикоз чақириладиган аёлларнинг муаммоси енгил – бундай пайтларда ўзингизни турли «ароматлардан» чегаралаш керак.

Энг қийини деярли барча нарсага (ҳид, дамлик, тиқилинч транспорт, овқат ейиш, чарчоқ) ривожланадиган токсикоз ҳисобланади. Бу ҳолатларда симптомларни йўқотиш учун бир қатор комплекс чоралар кўрилади. Дам олиш, обаки конфетлар, лимон аромати, сайр қилиш ёрдам беради, Кўнгил озиши ва қайт қилишга қарши таблеткалар ичилади. Кўп аёлларга врачлар «Лимонтар» буюриб, унинг таркибида лимон ва қахрабо кислоталари мавжуд. Бошқа ҳолларда витамин А, Е, С ва фолиев кислотаси буюрилади.

Айтиб ўтиш лозимки хар қандай стресс токсикозни кучайтиради. Камроқ асабийлашишга, кўпроқ сайр қилишга ва яқинларингиз билан кўпроқ мулоқотда бўлишга ҳаракат қилинг.
@tibbiymaslahatlar

Ҳайз олди синдроми нима?

Ҳайз олди синдромида аёллар ҳар ойда, маълум бир вақтда ўзларини ёмон ҳис қиладилар. Асаблари бузилади, кўп нарсалар ёқмайди. Баъзиларнинг юзига ҳуснбузар тошади. Кўкраги, оёқлари оғрийди. Овқатларнинг мазаси билинмайди, лекин кўп овқат еб юборади, ширинликларни хоҳлайди.

35 ёшдан кейин бу ҳолат аёлларда оғир кечади. Кўп туғиш, аборт, хусусан, патологик абортлар, юқумли касалликлар, асаб бузилиши ҳайз олди синдромининг ривожланишига сабаб бўлади.

Ҳайз олди синдроми мураккаб патологик симптомлар комплекси бўлиб, ҳайз келишидан олдин хуруж қила бошлайди.

Навбатдаги ҳайз кўришдан 10-12 кун олдин юқорида айтиб ўтилган аломатлар вақти-вақти билан такрорланиб туради. Кўпчилик аёлларда ҳайз кўргандан кейин бу аломатлар ўтиб кетади.

Тадқиқотчиларнинг аксарияти ҳайз олди синдромига эстроген ва прогестерон гормонлари мувозанатининг бузилиши сабаб бўлади деган фикрни айтадилар. Одатда бу гормонлар уйғун ишлайди, лекин ҳайз келишидан олдин битта гормон кўп, бошқаси кам ишлаб чиқарилади. Шу туфайли мувозанат бузилиб, тана хасталанади. Эстрогенлар кўп ишлаб чиқарилган даврда аёллар жиззаки, ҳатто тажовузкор бўлиб қолишади. Прогестерон улуши ошганда ҳол қурийди, кайфият ўзгариб туради, гоҳо тушкунлик ҳолати пайдо бўлади. Бу даврда аёл семиришга мойил бўлади.

Ҳайз олди синдромининг турлари

Асабий-руҳий тури. Аёлнинг асаблари бузилаверса, йиғлоқи бўлиб қолади. Оддий гап-сўзларни кўтара олмайди, ўзини гўё ёлғиз сезади. ҳидлар ёқмайди. Хотира пасаяди. Ваҳима пайдо бўлади. Сут безлари дағаллашади ва ҳоказо. Кўпинча ёш жувон тушкунликка тушса, ёши ўтган аёл тажовузкор бўлиб қолади.

Шишли тури. Сут безлари шишиб, безиллайди. Юз кўпчийди. Болдир, кўл бармоқлари шишади, семиради. ҳол қурийди, кўп терлайди, тери қичийди ва ҳоказо.

Цефалгик тури. Бош мигрендагига ўхшаб оғрийди. Аёл асабий бўлиб қолади, кўнгли айниб, қусади. Товушларга, ҳидларга жуда сезгир бўлиб қолади, боши айланади.

Кризли тури. Узоқ вақт даволанмай юрганда келиб чиқади. қон босими кўтарилади, юрак тез уради. Аёл кўп терлайди, ваҳима пайдо бўлади. Юқорида айтиб ўтилган аломатлар пайдо бўлганда аёл киши албатта шифокорга бориб, унинг маслаҳатлари билан даволаниши керак.

Фойдали муолажа

Ҳайз олди синдроми бор аёлларга парҳез буюрилади. А, В, Е витаминлар гуруҳини тутган поливитаминлар тавсия этилади. Улар ўсимлик ёғи, кўк қалампир, балиқ, дуккаклиларда кўп бўлади.
Минерал моддалар – калий, магний, руҳ, марганец (мева ва сабзавотларда кўп) буюрилади. Калийга бой маҳсулотлар (кишмиш, баргак) тавсия қилинади. Клетчатка кўп тутган маҳсулотлар еб туриш, оқсилларни камроқ истеъмол қилиш керак, чунки оқсилли маҳсулотлар организмнинг минерал тузларга бўлган эҳтиёжини оширади. Кофеин бўлган ичимликларни ҳам камроқ ичган маъқул.

Доимо бир вақтда тўғри овқатланиш керак, шунда моддалар алмашинуви яхши бўлиб, ҳайз олди синдроми аломатлари камаяди. Енгилроқ жисмоний машқлар қилиш, пиёда юриш, сузиш керак.

Тавсиялар

▪️Ҳайздан 5 кун олдин суюқликни камроқ ичинг. Шўр овқатларни камроқ енг (1 суткада 3 г туз тана учун етарли). Чунки туз организмда суюқликни кўп тутиб туради ва ҳайз олди синдромига туртки бўлади. Суюқлик қовоқларни салқитади, мия тўқималарида йиғилиб, бош оғришига сабаб бўлади.
▪️Шахсий ҳаётдан кўнгил тўлмаслиги, қаттиқ сиқилиш, асабнинг бузилиши ҳайз олди синдромининг ривожланишига сабаб бўлади. Шунинг учун кайфият бузилганда қизилпойча, валериана ва арслонқуйруқ препаратларидан бирортасини ичиш керак.
▪️Гормонлар билан даволаниш, яхши самара беради. Масалан, бўйида бўлдирмайдиган таблеткаларни шифокор маслаҳати билан ичиш мумкин.

@tibbiymaslahatlar

​​Ғазабнинг аянчли оқибати

Бир дурадгорнинг устахонаси бор экан. У ҳар куни кечқурун ишни тугатгач, асбобларини дастгоҳнинг устида қолдириб, устахонани қулфлаб кетар экан. Бир куни у кетгач, устахонага бир илон егулик қидириб кириб қолибди. Илон дастгоҳнинг устида судралиб бораётиб, арранинг устидан ўтиб кетибди.

Арранинг ўткир тишлари унинг танасини шилиб юборибди. Қонга беланган илон жон аччиғида аррани чақа кетибди. Аммо энди унинг оғзи ҳам қонга тўлибди. Илон аррани бир йиртқич ҳайвон деб ўйлаб, жон-жаҳди билан уни чақишда давом этибди. Ҳолдан тойиб, ўлишига кўзи етгач, охирги кучларини тўплаб, аррани бутун танаси билан ўраб олиб, бўға бошлабди…

Эрталаб дурадгор устахонасига келса, ахмоқлиги туфайли аррага ўралиб ўлиб ётган илонни кўрибди.

Қиссадан ҳисса шуки, баъзан ғазаб отига минган чоғимизда ўзгаларни жароҳатламоқчи бўламиз, аммо бу билан ўзимизнигина жароҳатлаётганимизни билганимизда эса кеч бўлган бўлади... Шундай экан, ҳар бир воқеа-ҳодисага, бировларнинг иши ва гап-сўзига ортиқча эътибор бераверманг. Жиззакиликдан сақланинг. Майда-чуйда ишлар эътибор берганингизга арзимайди.

Аллоҳ таоло инсонни сув ва лойдан яратган. Аммо айримларнинг суви лойидан устун келиб, дарёга айланади. Айримларнинг эса лойи сувидан устун келиб, тошга айланади.

@tibbiymaslahatlar

Иммунотерапия (иммунитет... ва терапия) — бемор организмига ваксиналар, шифобахш зардоблар (биопрепаратлар) юбориб, инфецион касалликларни даволаш. Бунда организмга киритилган ваксина беморнинг ўз кучларини инфекцияга қарши курашга сафарбар қилишига туртки беради. Шифобахш зардоблар билан даволашда организм муайян инфецион касаллик микроби ёки шу микроб токсинларидан ҳимоя қиладиган иммун жисмлар (антителолар)ни тайёргина олади. Бундай ҳолда иммунитет 1 — 1,5 ойгина сақланиб туради. Ваксинотерапияда автоваксина ва анатоксиндан ҳам фойдаланилади. Кейинги йилларда узоқ вақтгача тузалиши қийин бўлган касалликларни ваксина (БСЖ) билан даволаш ҳам мумкин.
👇🏻👇🏻
https://t.me/joinchat/AAAAAEyvMuk0ly4fUfeY1Q