Termiz tumani hokimligi

🌙 ЎЗБЕКИСТОН МУСУЛМОНЛАРИ ИДОРАСИ УЛАМОЛАР КЕНГАШИ МУРОЖААТИ

🗣Муҳтарам юртдошлар!

✅Аллоҳга шукрки, гўзал диёримизда ҳар тонгни тинчлик, хотиржамлик билан қарши олмоқдамиз. Ушбу улуғ неъмат сабабли, ҳар соҳада ютуқлар, юксалишлар бўлмоқда, неъматлар кундан-кун зиёда бўлиб бормоқда. Бу юртда инсон азиз, унинг қадри юксак экани, ўзининг ҳаётий ифодасини топиб бормоқда. Айниқса, ижтимоий ҳимояга муҳтожлар, ногиронлиги бўлган инсонлар, камбағал оилаларга доимий ғамхўрлик кўрсатиб келинмоқда.

⏺Сиз азиз юртдошларимизга мурожаат қилар эканмиз, шуни алоҳида таъкидлашни хоҳлардикки, ижтимоий ҳимоя масаласида Президентимизга камарбаста бўлиш барчамиз интилаётган фаровон келажак, фарзандларимиз бахту саодатини таъминлашнинг энг муҳим шартидир.

⏺Ислом динида муҳтожларга ёрдам бериш, жисмоний имконияти чекланган инсонларга меҳр-мурувват кўрсатиш, мискин ва бечоралар ҳолидан хабар олиш энг савобли амаллардан ҳисобланади.

БАТАФСИЛ

Telegram | Facebook | Instagram | YouTube | Web-site | Twitter

Surxondaryo viloyati hokimi Ulug‘bek Qosimov Termiz shahri "Manguzar" mahallasida joylashgan viloyat Hunarmandchilik markazi faoliyati bilan tanishib, yaratilgan sharoitlarni ko‘zdan kechirdi hamda ishsiz xotin-qizlarni hunarga o‘rgatish bo‘yicha to‘garaklar faoliyatini kengaytirish yuzasidan vazifalarni belgilab berdi.

Shundan so‘ng, shaharning "Guliston" mahallasida joylashgan mol bozorida "Zoom" platformasi orqali vohamizning barcha hududlaridagi bir kunlik mol bozorlarini zamonaviy ko‘rinishga keltirish loyihalari taqdimoti bilan tanishildi. Shuningdek, Qiziriq va Bandixon tumanlarida savdo komplekslari, bozor va savdo nuqtalari tashkil etish taqdimotlari ham ko‘rib chiqildi.

Keyingi manzilda "Sarvarbek Moxina" oilaviy korxonasining issiqxonada qulupnay yetishtirish faoliyati bilan tanishildi. Mazkur korxona tajribasini ommalashtirgan holda, "Bir kontur – bir mahsulot" tamoyili asosida 10 gektar maydonda tashkil etiladigan kooperatsiya loyihasi ko‘rib chiqildi. Doimiy 30 ta, mavsumiy 60 ta ish o‘rni yaratiladigan ushbu loyihani puxta amalga oshirish yuzasidan tavsiyalar berildi.

Hududlarga tashrifini Termiz tumanida davom ettirgan viloyat rahbari "At-Termiziy" mahallasida 14 gektar maydonni kooperatsiya asosida yoshlarga bo‘lib berish tadbirida ishtirok etdi hamda "Yangi hayot" mahallasida joylashgan bo‘sh bino negizida "Gm avto zapchast service" xususiy korxonasi tomonidan plyonka va issiqxona materiallari tayyorlash sexi hamda xizmat ko‘rsatish nuqtalari tashkil etish loyihasi bilan tanishdi.

Tashrif so‘ngida tuman markazidagi "Uchqizil" mahallasining aholi gavjum nuqtasida turli xizmat ko‘rsatish nuqtalarini o‘z ichiga olgan majmua qurilishiga start berildi.

Surxondaryo.uz | Telegram | Facebook | Instagram | YouTube | X

Davlat xizmatchilari faoliyati e’tirof etildi

Bugun Termiz tumani hokimligi katta majlislar zalida Yangi yil bayrami munosabati bilan tantanali tadbir tashkil etildi. Unda tuman hokimi Shuhrat Nazarov ishtirok etib, tumanimiz ahli va yig‘ilganlarni kirib kelayotgan 2025-yil bilan tabriklab, yakunlanayotgan yilda tumanda amalga oshirilgan haqida to‘xtalib o‘tdi.

Tumanni ijtimoiy-iqtisodiy rivojlantirish, aholi turmush darajasini oshirish yo‘lida samarali faoliyat yuritgan, o‘z mehnati bilan boshqalarga o‘rnak bo‘lgan bir guruh davlat xizmatlariga tuman hokimligining bayram sovg‘alari topshirildi.

Termiz tumani hokimligi Axborot xizmati

Telegram | Facebook | Instagram | YouTube | Web-site | Twitter

Migratsiya agentligining xorijdaish.uz portali orqali 2025-yil 10-yanvar kuni soat 15:00 dan 19:00 gacha (Toshkent vaqti bilan) Buyuk Britaniyaning “HOPS” rekruting kompaniyasi tomonidan taklif etilayotgan mavsumiy qishloq xo‘jaligi ishlari uchun onlayn ro‘yxatdan o‘tish boshlanishi ma’lum qilindi.

Tanlov quyidagi bosqichlarda o'tkaziladi:

1. xorijdaish.uz sahifasida onlayn ro‘yxatdan o‘tish.

Muvaffaqiyatli ro‘yxatdan o‘tish uchun sizga, O‘zbekiston Respublikasi fuqarosining xorijga chiqish pasporti,
Gmail elektron pochtangiz, (ism-familiyangiz chet elga chiqish pasportingizdagidak bo‘lishi shart), yorqin fonda pasport o‘lchamidagi elektron fotosurat kerak bo‘ladi.

❗️E’tibor bering: onlayn ro‘yxatdan o‘tish tanlovning keyingi bosqichlarida ishtirok etishni kafolatlamaydi. Bu “HOPS”ning avtomatik tanlov tizimiga bog‘liq.

2. Onlayn test sinovi “HOPS” operatori tomonidan 2025-yil 14-15-yanvar kunlari o‘tkaziladi.
Test ma’lumotlari faqat ro‘yxatdan o‘tgan va ish beruvchi tomonidan tanlangan fuqarolarga elektron pochta orqali yuboriladi. Elektron pochtangizni diqqat bilan tekshirishingiz kerak.

3. “HOPS” vakillari onlayn test orqali tanlangan nomzodlar bilan bog‘lanib, oflayn suhbat o‘tkazadi va qo‘shimcha ko‘rsatmalar beradi.

Ariza beruvchilar uchun mezonlar:
▪️18-50 yosh;
▪️rus tilini bilishi;
▪️yaxshi jismoniy va psixologik holat.

Mehnat sharoitlari:
▪️ish haqi soatiga 11,44 evro (15$ atrofida);
▪️ish beruvchi haftasiga kamida 32 soat ishlashni kafolatlaydi;
▪️viza va aviachipta xarajatlari ketuvchi hisobidan.

⚠️Eslab qoling! Tanlov to‘liq “HOPS" operatori tomonidan amalga oshiriladi.

Surxondaryo.uz | Telegram | Facebook | Instagram | YouTube | X

Termiz tumanida Yangi yil bayrami tadbirlari davom etmoqda

Kuni-kecha tuman hokimligi binosi oldida joylashgan tadbirlar maydonida bayram tadbirlarining navbatdagisi o‘tkazildi. Unda Termiz tumani hokimi Shuhrat Nazarov tuman ahlini va tadbir ishtirokchilarini hamda bayramning haqiqiy egalari bo‘lgan bolajonlarni kirib kelayotgan 2025-yil, Yangi yil bayrami bilan tabrikladi.

Shundan so‘ng, 200 dan ortiq yaqin ijtimoiy himoyaga muhtoj, nogironligi bo‘lgan oilalar farzandlariga tuman hokimligining bayram sovg‘alari tantanali topshirishdi.

Tuman madaniyat bo‘limi va Bolalar musiqa va san’at maktabi san’atkorlari tomonidan namoyish etilgan “Yangi yil ertagi” bayramona konsert dasturi bolajonlarimiz va yig‘ilganlarga bayram quvonchini ulashdi.

Tuman bo‘ylab bayram tadbirlari ko‘tarinki kayfiyatda davom etmoqda.

Termiz tumani hokimligi Axborot xizmati

Telegram | Facebook | Instagram | YouTube | Web-site | Twitter