ИҚРО | IMOM HUSAYN JOME MASJIDI

#Maqola

Rajab oyi tavba oyi

Rajab oyida gunohlardan tiyilish har bir musulmon uchun muhimdir. Qur’onda Alloh Taolo shunday deydi:
“Gunohlardan yiroq bo‘ling, shunda siz to‘g‘ri yo‘lga erishasiz.” (An’om surasi, 153-oyat).

Rasululloh sollallohu alayhi vasallam aytganlar: “Rajab oyida gunoh qilgan odam o‘ziga zulm qiladi va uning amallari qabul bo‘lmaydi.” (Ibn Majah). Ushbu oyda harom ishlardan tiyilib, halol yo‘ldan yurish zarurdir.

Ulamolar aytadilar: “Rajab oyida gunohdan tiyilish bandaning to‘g‘ri yo‘lga erishishiga sabab bo‘ladi.” Har bir musulmon ushbu oyda o‘zini nazorat qilib, iymonini mustahkamlashi kerak.

Bu oyda nafaqat ibodat qilish, balki yomon odatlardan voz kechish ham muhimdir.

Abdulhayxon jome masjidi imom xatibi Is’hoqjon Yuldashev

http://t.me/Kosonsoy_masjidi

#Maqola

Rajab oyida solih amallar qilishning ahamiyati

Rajab oyida solih amallar qilish bandaning iymonini mustahkamlaydi. Qur’onda Alloh shunday deydi:
“Kim zarracha miqdorida yaxshilik qilsa, uni ko‘radi.” (Zalzala surasi, 7-oyat).

Rasululloh sollallohu alayhi vasallam aytganlar: “Rajab oyida qilingan yaxshilik boshqa oylardagi yaxshilikdan ko‘ra afzalroqdir.” (Bayhaqiy). Ushbu oyda miskinlarga yordam berish, bemorlarni ziyorat qilish va ilm o‘rganish tavsiya etiladi.

Ulamolar aytadilar: “Solih amallar Rajab oyida gunohlarni yuvuvchi, qalbni poklovchi amallardir.” Har bir yaxshi amal bandaning dunyo va oxiratda najot topishiga sabab bo‘ladi.

Musulmonlar Rajab oyini yaxshilik bilan to‘ldirish orqali Allohning roziligini topishga harakat qilishlari kerak.

Abdulhayxon jome masjidi imom xatibi Is’hoqjon Yuldashev

http://t.me/Kosonsoy_masjidi

#Maqola

Rajab oyida Allohni zikr qilishning fazilati

Rajab oyida Allohni zikr qilish alohida ahamiyatga ega. Qur’onda Alloh Taolo marhamat qiladi:
“Ey iymon keltirganlar! Allohni ko‘p zikr qiling va Uni tong va kech paytlarida ulug‘lang.” (Ahzob surasi, 41-42-oyatlar).

Payg‘ambarimiz sollallohu alayhi vasallam aytganlar: “Rajab oyida ko‘p zikr qiling, chunki bu oyda Allohning rahmati keng bo‘ladi.” (Tabaroniy). Zikr qalbni poklaydi va bandaning Allohga bo‘lgan yaqinligini oshiradi.

Ushbu oyda “Subhanalloh, Alhamdulillah, Allohu Akbar, La ilaha illalloh” kabi zikrlarni ko‘paytirish tavsiya etiladi. Ulamolar ta’kidlashadi: “Rajab oyida zikr qilish mo‘min qalbini dunyoviy tashvishlardan xalos etadi.”

Musulmonlar Rajab oyini Allohning ismlarini yod etish bilan boyitib, ma’naviy o‘sishga erishishlari mumkin.

Abdulhayxon jome masjidi imom xatibi Is’hoqjon Yuldashev

http://t.me/Kosonsoy_masjidi

​​#Ҳадис

عَنْ سَعِيدِ بْنِ الْمُسَيِّبِ رَضِي اللهُ عَنْهُ قَالَ: حَضَرَ رَجُلًا مِنَ الْأَنْصَارِ الْمَوْتُ فَقَالَ: إِنِّي مُحَدِّثُكُمْ حَدِيثًا مَا أُحَدِّثُكُمُوهُ إِلَّا احْتِسَابًا، سَمِعْتُ رَسُولَ اللهِ صَلَي الله عَلَيْهِ وَسَلَّم يَقُولُ: إِذَا تَوَضَّأَ أَحَدُكُمْ فَأَحْسَنَ الْوُضُوءَ ثُمَّ خَرَجَ إِلَى الصَّلَاةِ لَمْ يَرْفَعْ قَدَمَهُ الْيُمْنَى إِلَّا كَتَبَ اللهُ عَزَّ وَجَلَّ لَهُ حَسَنَةً، وَلَمْ يَضَعْ قَدَمَهُ الْيُسْرَى إِلَّا حَطَّ اللهُ عَزَّ وَجَلَّ عَنْهُ سَيِّئَةً، فَلْيُقَرِّبْ أَحَدُكُمْ أَوْ لِيُبَعِّدْ فَإِنْ أَتَى الْمَسْجِدَ فَصَلَّى فِي جَمَاعَةٍ غُفِرَ لَهُ، فَإِنْ أَتَى الْمَسْجِدَ وَقَدْ صَلَّوْا بَعْضًا وَبَقِيَ بَعْضٌ صَلَّى مَا أَدْرَكَ وَأَتَمَّ مَا بَقِيَ كَانَ كَذَلِكَ، فَإِنْ أَتَى الْمَسْجِدَ وَقَدْ صَلَّوْا فَأَتَمَّ الصَّلَاةَ كَانَ كَذَلِكَ. رَوَاهُ أَبُو دَاوُدَ.

Саъийд ибн Мусаййиб розияллоҳу анҳудан ривоят қилинади: «Ансорийлардан бир киши ўлими олдидан: «Мен сизга бир ҳадис айтаман. Бу ҳадисни сизга фақат савоб умидидагина айтаман. Расулуллоҳ соллаллоҳу алайҳи васалламнинг: «Бирортангиз яхшилаб таҳорат қилса, сўнгра намозга чиқиб, ўнг қадамини кўтариши билан Аллоҳ азза ва жалла албатта, унга бир яхшилик ёзади, чап қадамини қўйиши билан Аллоҳ азза ва жалла албатта, унинг бир ёмонлигини ўчиради. Бас, бирортангиз хоҳласа, яқин бўлсин ёки узоқ бўлсин. Агар масжидга келиб, жамоат билан намозини ўқиса, у мағфират қилинур. Агар масжидга келганида намознинг баъзисини ўқиб бўлишган, баъзиси қолган бўлса, етган жойидан ўқиш ҳам ўшандоқ бўлади. Агар масжидга келганида намозни ўқиб бўлишган бўлса ҳам ўшандоқ бўлади», деганларини эшитганман», деди».
Абу Довуд ривоят қилган.

Bizni ijtimoiy tarmoqlarda kuzatib boring!
👇👇
https://t.me/Kosonsoy_masjidi

#Тафаккур

Бир масжидда воиз бандаларнинг охиратда сўроққа тутилишлари, гоҳ у нарсадан, гоҳ бу нарсадан сўралишлари ҳақида маъруза қиларди. Воизни тинглаб ўтирган кишилар орасида бир ориф зот ҳам бор эди. У ориф зот воизни тўхтатиб: “Аллоҳ охиратда фақат бир нарсадан сўрайди, дедилар: “Эй бандам, ҳаёти дунёдалик вақтингда мен сен билан эдим, сен ким билан эдинг?!” дейди, дедилар. 😢😢😢

https://t.me/Kosonsoy_masjidi

Пиёда юришнинг фойдалари

• Инсон пиёда юриб ижобий туйғуларни ўзига тортади.
• Пиёда юриш кишига руҳий қувват беради. Миянгиздаги кераксиз паразит фикрларни йўқотади.
• Агарда дарахтзорлар, ўт-ўланлар, қолаверса, масжид атрофларида юрсангиз, ўзингиз билмаган ҳолда қўшимча энергия ҳам оласиз. Чунки кўзларимиз монотон равишда ўтаётган нарсаларни кўриб боради. Бу эса, ўнг ва чап мия ярим шарларининг фаолиятини яхшилайди, ортиқча босим ва тушкун кайфиятни йўқотади.
• Шошилмасдан юраверинг, нафас олишингизни кузатинг. Чуқур нафас олинг, кўкрак диафрагмасини бўшатинг. Хаёлингизда фақатгина нафас олиш ва нафас чиқариш бўлсин, холос. Мана шу оддий машқ организмдаги зиддиятни ечиб юборади ва миянгиз ортиқча нарсалардан тозаланаётганини сезасиз.

https://t.me/Kosonsoy_masjidi

#Кун_ҳикмати

Ҳаётда оч одамни тўйдирсанг бўлади, бироқ тўқ одамни тўйдириш жуда қийин...

Бегижон Аҳмедов, адиб

https://t.me/Kosonsoy_masjidi

#Кун_ҳикмати

1. Эй (либосларига) бурканиб олган зот,
2. Туринг-да, (инсонларни Охират азобидан) огоҳлантиринг!
3. Ёлғиз Парвардигорингизни улуғланг!
4. Либосларингизни пок тутинг!

(Муддассир сураси, 1-4 оятлар)

https://t.me/Kosonsoy_masjidi