Temur Khatamov

Ozonda mahsulotlaringizni sotishni boshlang

Ozon O’zbekistonda jadal rivojlanmoqda va yangi sotuvchilarni hamkorlikka taklif qiladi. Ozonda muvaffaqiyatli hamjamiyatga qo’shiling va 53,5 million xaridorga ega bo’lish imkoniyatidan foydalaning! Bepul o’qish va tahlil qilish vositalari maydonchaga tez moslashishga yordam beradi. Bepul ro’yxatdan o’ting va bugunoq o’z biznesingizni boshlang!

Registratsiya

#reklama
seller.ozon.ru

Infinix funksional Mini Tri-Fold ZERO konseptini taqdim etdi

To‘liq ochilgan holatda ushbu smartfon oddiy ko‘rinishga ega, faqat uzunchoq shakli internetda qulayroq syorfing qilish imkonini beradi. Asosiy qiziqarli jihatlar esa uni buklashda boshlanadi: faqat bir chetini buklash orqali uni velosipedga navigator sifatida osib qo‘yish mumkin, to‘liq buklash esa uni ko‘krakka taqiladigan kamera sifatida ishlatishga imkon beradi.

Konsept ancha umidli ko‘rinadi va yuqoridagi misollar buni tasdiqlaydi. Afsuski, Mini Tri-Fold ZERO uzoq kutilishi mumkin, chunki hozircha Infinix’ning hatto prototipi ham mavjud emas. Bunday noyob mahsulot albatta sotuvga chiqishiga umid qilamiz!

Qaysi biri qaysi? Samsung Galaxy A26, A36 va A56 taqdim etildi

Samsung yangi Galaxy A seriyasini namoyish qildi, ularning dizayni deyarli bir xil, displeylari ham o‘xshash (kichik modelda pastki “iyak” kattaroq), sun’iy intellektni qo‘llab-quvvatlaydi (Google’ning “Circle to Search” funksiyasi, rasm uchun “sehrli o‘chirgich”, surat filtrlari va hokazo).

Texnik xususiyatlari:

• Displey: 6,7" 2400×1080 AMOLED, 120 Hz;
• Protsessor: Exynos 1380 / Snapdragon 6 Gen 3 / Exynos 1580;
• Kameralar: A26 - 50 MP + 8 MP ultra keng burchakli + 2 MP makro + 13 MP old kamera / A36 - 50 MP + 8 MP ultra keng burchakli + 5 MP makro + 12 MP old kamera / A56 - 50 MP + 12 MP ultra keng burchakli + 5 MP makro + 12 MP old kamer;
• Xotira: A26 - 6+128 GB, 8+128 GB, 8+256 GB / A36 - 6+128 GB, 8+128 GB, 8+256 GB, 12+256 GB / A56 - 8+128 GB, 8+256 GB, 12+256 GB;
• Aloqa: 5G, NFC, Wi-Fi 6, Bluetooth 5.3;
• Biometriya: Ekranga o‘rnatilgan barmoq izi skaneri, yuz skaneri;
• Suv va changdan himoya: IP67;
• Batareya va quvvat olish: A26 - 5000 mA·h, 25 Vt / A36 - 5000 mA·h, 45 Vt / A56 - 5000 mA·h, 45 Vt.

Narxlar: $299 dan / $399 dan / $499 dan boshlanadi.

Firefox foydalanuvchilarning shaxsiy ma’lumotlarini sotishni boshlashi mumkin

Mojarolar chorshanba kuni avj oldi. Mozilla brauzerning foydalanuvchi shartnomasini yangilab, saytdan quyidagi bandni olib tashladi: “Firefox ishlab chiquvchilari hech qachon foydalanuvchilarning shaxsiy ma’lumotlarini sotmagan va sotmaydi”.

Yangi qoidalar Firefox orqali internetga kiritilgan yoki yuklangan barcha ma’lumotlarni yig‘ish va qayta ishlashga rozilik talab qiladi.

Maxfiylikdan keskin voz kechish bejiz emas. Ko‘p yillar davomida brauzer Google’dan moliyaviy daromad olgan. Kompaniya Firefox qidiruv panelida o‘z xizmatini saqlab qolish uchun yiliga deyarli yarim milliard dollar – Mozilla’ning yillik daromadining 80% dan ortig‘ini to‘lab kelgan.

Endi esa AQSh sudi Google’ni monopolist deb tan oldi, Adliya vazirligi esa kompaniyaga qidiruv tizimi joylashuvi bo‘yicha shartnomalar tuzishni taqiqlash niyatida. Shu sababli, Firefox ishlab chiquvchilari boshqa daromad manbalarini qidira boshlashdi – ehtimol, Google kelajakda bosim ostida qolishi mumkinligidan xavotirda.

Xuddi shunday muammoga Apple ham duch keldi. Biroq kompaniyaning xizmatlar bo‘yicha katta vitse-prezidenti Eddi Kyu Apple foydalanuvchilarning shaxsiy ma’lumotlarini reklama beruvchilarga sotmasligini va bu kompaniya qadriyatlariga zid ekanini ta’kidladi.

OpenAI empatiyaga ega bo‘lgan GPT-4.5 modelini taqdim etdi — u faktlarni kamroq to‘qiydi

OpenAI yangi GPT-4.5 til modeliga tadqiqotchilar uchun dastlabki dostupni ochdi. Asosiy yangilanishlar orasida inson hissiyotlarini yaxshiroq tushunish, foydalanuvchining niyatlarini aniqroq anglash va bilim bazasining kengayishi bor. Model, shuningdek, faktlarni to’qib chiqish (“gallyutsinatsiya”) ehtimolini sezilarli darajada kamaytirgan.

GPT-4.5 ham GPT-4o ga o’xshab nazoratsiz o‘qitish paradigmasi asosida yaratilgan. Bu yondashuv katta hajmdagi hisoblash resurslari, ma’lumotlar va arxitektura optimallashtirishiga asoslanadi. Biroq, o1 va o3-mini modellari mantiqiy tahlilni kengaytirish usulidan foydalanadi, bu ularga murakkab mantiqiy muammolarni yaxshiroq hal qilish imkonini beradi.
GPT-4.5 OpenAI’ning eng kuchli modeli bo’lmasa ham, “insoniylik” darajasi eng baland model deb baholanmoqda.

SimpleQA testlariga ko‘ra, uning “gallyutsinatsiya” darajasi atigi 37,1% ni tashkil etgan (GPT-4o - 61,8%, o1 modelida - 44%). Bundan tashqari, bilim darajasi bo‘yicha boshqa OpenAI modellaridan ustunligi qayd etildi.

Hozircha GPT-4.5 faqat ChatGPT Pro obunachilariga ($200/oy) taqdim etilgan. Mart oyining boshida ChatGPT Plus va Team foydalanuvchilari uchun ham ochiladi. API orqali foydalanish narxi 1 million kirish tokenlari uchun $75 va 1 million generatsiya qilingan tokenlar uchun $37.50 ni tashkil qiladi. Bu GPT-4o bilan solishtirganda sezilarli darajada qimmatroq (GPT-4o uchun mos ravishda $2.5 va $1.25).

Xiaomi Buds 5 Pro — Wi-Fi orqali ovoz uzatadigan flagman quloqchinlar taqdim etildi

Xiaomi kompaniyasi Buds 5 Pro quloqchinlarini ikkita versiyada chiqardi: standart Bluetooth modeli va Wi-Fi qo‘llab-quvvatlovchi ilg‘or versiya.

Wi-Fi versiyaning asosiy afzalligi — yuqori sifatli audio (48 kHz/24 bit) uzatish qobiliyatidir. Bu usulda tezlik 4,2 Mbit/s gacha yetishi mumkin, bu esa Bluetooth bilan solishtirganda ikki baravar yuqori natijadir.

Buds 5 Pro shuningdek quyidagi ilg‘or texnologiyalarga ega:

• Fazoviy ovoz (Spatial Audio) — boshning harakatini dinamik kuzatish bilan.
• Sun’iy intellekt yordamida sinxron tarjima va nutqni matnga aylantirish.
• Faol shovqinni kamaytirish (ANC) — 55 dB gacha samaradorlik, qo‘ng‘iroqlar davomida 100 dB gacha shovqinni filtrlash qobiliyati.

Texnik xususiyatlari:

• Drayverlar: 11 mm titandan ishlangan bass-drayver + 10 mm keramika tviter;
• Avtonomiya: 10 soatgacha, qutisi bilan 40 soatgacha;
• Himoya: IP54 namlik va changdan himoya;
• Texnologiyalar: Bluetooth 5.4, Qualcomm aptX Lossless, aptX Adaptive 4.2M, Hi-Res Audio.

Narxlar: Bluetooth versiya - $178 / Wi-Fi versiya - $206

2004: Half-Life 2 va GTA: San Andreas
2025: Half-Life 3 va GTA VI

Half-Life dunyosining uzoq kutilgan davomi nihoyat yaqinlashmoqda!

Mashhur insayder va datamayner Tayler MakViker (Valve bilan bog‘liq ishonchli ma’lumotlar bilan tanilgan) Half-Life seriyasining yangi qismi yakuniy ishlab chiqish bosqichida ekanligini aytdi.

Uning so‘zlariga ko‘ra, Dota 2’ning so‘nggi yangilanish kodida ko‘plab HLX eslatmalari topilgan. Datamaynerlar bu nom Half-Life 3’ning ichki kodli nomi bo‘lishi mumkin deb taxmin qilishmoqda.

MakVikerning fikricha, Valve Half-Life 3’ni shu yili e’lon qilishi mumkin!

Nothing Phone (3a) smartfonining rasmiy suratlarini ham namoyish qildi

Amazon kvant hisoblash chipini chiqardi

Ocelot nomli chip Kaliforniya texnologiya instituti bilan hamkorlikda ishlab chiqilgan. U bir-birining ustiga joylashtirilgan ikkita kremniy mikrochipdan iborat.

Kvant kompyuterlari oddiy mikrochiplarga qaraganda butunlay boshqa hisoblash tamoyiliga asoslanadi. Ammo ulardagi eng katta muammo — hisoblash xatolari. Amazonning aytishicha, Ocelot chipi bu muammoga 90% kamroq resurs sarflaydi, ya’ni raqobatchilariga qaraganda ancha samaraliroq ishlaydi.

Kvant texnologiyalariga qiziqish ortib bormoqda. Microsoft yaqinda maxsus ishlab chiqilgan supero‘tkazgichlariga asoslangan Majorana kvant chipini namoyish qildi. Google esa dekabr oyida Willow chipini taqdim etgan bo‘lib, u xatoliklarni kamaytirish orqali bir soat davomida uzluksiz ishlashga erishgan.

Bu raqobat bejiz emas — kvant chiplar nazariy jihatdan juda yuqori unumdorlikni ta’minlashi mumkin. Ulardan sun’iy intellektni o‘qitishda, tibbiyot va ilmiy hisob-kitoblarga moslash uchun foydalanish rejasi bor.

Har bir yangi texnologiya haqidagi yangilik esa seriyali kvant kompyuterlar davriga yana bir qadam yaqinlashtiradi.

Xavfsizlik muammolari: Samsung flagmanlaridagi “maxfiy papka” ichidagi fayllarni deyarli xohlagan ilova ko‘ra oladi

Yashirin papkaga yuklangan shaxsiy suratlar barcha galereyaga kirish huquqiga ega bo‘lgan ilovalarga ochiq bo‘lgan. Birinchi bo‘lib bu zaiflikni Reddit foydalanuvchilari payqab, keyin esa Android Authority mutaxassislari tasdiqlagan.

Nazariy jihatdan, Galaxy smartfonlaridagi “maxfiy papka”, Android 15'dagi “shaxsiy makon” kabi ishlashi kerak edi. Ya’ni, u tizim ichida alohida foydalanuvchi yaratib, mustaqil ilovalarga ega va yuqori darajadagi himoyani ta’minlashi lozim edi.

Amalda esa Samsung ushbu papkaga PRIVATE usertype xavfsizlik belgisini bermagan. Shu sababli, maxfiy hujjatlar va suratlar tizimda oddiy ishchi profilida yaratilgan fayllar bilan bir xil darajadagi ochiqlikda qolgan.

Natijada, “maxfiy papka” ni parolini bilmagan holda ochib bo‘lmasa ham, maxfiy suratlarni, masalan, Telegram orqali yuborayotganda, ko‘rish imkoniyati bor.

Samsung bu holat yuzasidan hozircha rasmiy izoh bergani yo‘q.

Redmi Note 14 Pro+ 5G smartfonining to’liq obzori YouTube’ga chiqdi!

Yoqimli tamosha: https://youtu.be/3lIE2n1xFI8