Temur Khatamov

Vivo kompaniyasi iQOO 13 flagmanini taqdim etdi

iQOO - bu vivo’ning o'yinlar uchun mo’ljallangan sub-brendidir, shuning uchun kameralar haqida juda oz narsa aytilgan, ammo RGB yoritgichi kamera blokining ramkasiga o'rnatilgan. Smartfon o'yinlarda kadrlar yaratish va piksellar sonini oshirish uchun qo’shimcha SuperComputing Q2 protsessoriga ega bo'ldi.

Texnik xususiyatlari:

• 163,4 × 76,7 × 8 mm, og'irligi - 213 g;
• 144 Hz gacha yangilanish tezligi 6,82 dyuymli LTPO AMOLED, 3168 × 1440 piksel;
• Snapdragon 8 Elite;
• 12/256, 16/256, 12/512, 16/512 yoki 16/1024 GB;
• f/1.88 diafragmali 50 MP keng burchakli + 50 MP ultra keng burchakli f/2.0 + 50 MP f/1.85 televik;
• old kamera: 32 MP f/2.45;
• batareya 6150 mA/soat. Simli zaryadlash 120 Vt;
• Android 15 asosidagi OriginOS 5.

Smartfon to'rtta rangga ega: oq, qora, kumush va yashil. Narxi 4000 yuan yoki 560 dollardan boshlanadi. Xitoyda sotuvlar 5 noyabrdan boshlanadi.

OnePlus 13 taqdim etildi - 24 Gb tezkor xotiraga ega Snapdragon 8 Elite chipidagi birinchi flagman

Qurilmaning dizayn kodi avvalgi modeldan deyarli farqi yo’q: smartfonning old tomonida 6,82 dyuymli ekran, orqa tomonida esa ulkan shayba bor. Kamera bloki OPPO Find X8 Pro bilan bir xil.

Texnik xususiyatlari:

• 162,9 × 76,5 × 8,5 mm, og'irligi 213 g;
• 120 Hz gacha chastotali LTPO AMOLED, 3168 × 1440 piksel;
• Snapdragon 8 Elite;
• 12/256, 12/512, 16/512 va 24/1024 GB;
• f/1.6 diafragmali 50 MP keng burchakli + 50 MP ultra keng burchakli f/2.0 + 50 MP f/2.6 televik;
• old kamera: 32 MP f/2.4;
• batareya 6000 mA/soat. 100 Vt simli zaryadlash, 50 Vt simsiz;
• Android 15 asosidagi ColorOS 15.

Smartfon uchta rangga ega: ko'k, oq va qora. Narxlar 4500 yuan yoki taxminan 630 dollardan boshlanadi. Xitoyda sotuvlar 1 noyabrdan boshlanadi.

Nothing maxsus Phone (2a) Plus Community Edition versiyasini taqdim etdi

Yagona farq - rangida: ba'zi oq elementlar och yashil rangga bo'yalgan. Ranglash jarayonida iyuminestsent bo'yoq ishlatilgani sababli smartfon qorong'ida nurlanadi va qorong’uda uni topish osonroq bo’ladi.

Ta'kidlanishicha, yangi rang Community bilan birgalikda ishlab chiqilgan. Maxsus versiya atigi 1000ta nusxada chiqarilgan va jonli navbat tariqasida sotiladi va o’sha Community a'zolariga ustuvorlik beriladi.

Narxi: €430. Sotuvlar 12-noyabrdan boshlanadi.

Kompyuter klublar qanday qilib qayta tirildi?

Shu haqida to’liq video YouTube’ga tayyorladim: https://youtu.be/VG0LpN_d4XM?si=EOCO0xBXGbSxYnde

Xiaomi kompaniyasi Xiaomi 15 va 15 Pro flagmanlarini rasman taqdim qildi

Yangi smartfonlar yanada kuchliroq va qimmatroq bo‘ladi. Smartfonlar Android 15 negizida HyperOS 2.0 yangi versiyasida ishlaydi. Tizim endi Apple qurilmalari bilan HyperConnect orqali integratsiya qilingan. Fayllarni smartfoningizdan MacBook’ga o'tkazish mumkin bo'ladi!

Xiaomi 15 texnik xususiyatlari:

• Snapdragon 8 Elite chipi;
• ekran 6,36 dyuymli LTPO AMOLED, 1,5K, 120 Hz;
• xotira 12\256, 12\512, 16\512 GB va 16 GB\1 TB;
• 50 megapikselli uchta kamera: asosiy, ultra keng burchakli va 2,6× masshtabli televik, shuningdek, 32 megapikselli old kamera;
• 5400 mA/soat batareya, 90 Vt quvvatga ega va 50 Vt simsiz zaryadlovchi uskuna.

Xiaomi 15 Pro texnik xususiyatlari:

• Snapdragon 8 Elite chipi;
• egri ekran 6,73 dyuym, LTPO AMOLED, 2K, 120 Gts;
• xotira 12\256, 16\512 GB va 16 GB\1TB;
• uchta kamera: asosiy, ultra keng burchakli va telefoto 5x optik va 10x raqamli zoom + 32 megapikselli old kamera;
• 6100 mA/soat batareya, 120 Vt quvvatga ega va 80 Vt simsiz zaryadlovchi uskuna.

Xiaomi 15 to'rtta asosiy rangga ega: oq, qora, lilak va yashil. Ammo 40 ta maxsus ko'p rangli versiyalar ham bo'ladi.

Narx avvalgi flagmanlarga nisbatan oshdi va endi kichik versiya uchun 4500 yuandan (taxminan 630 dollar) boshlanadi. “Pro” narxi 5300 yuandan (taxminan 740 dollar) boshlanadi. Xitoyda sotuvlar 31 oktyabrdan boshlanadi.

Apple M4, M4 Pro va M4 Max chipli MacBook Pro’ni taqdim etdi

Yangi MacBook’ning eng oddiy versiyasi ham 16 Gb RAM (operativ xotira) ga ega. Kompaniyaning ta'kidlashicha, noutbuk M1 versiyasiga qaraganda barcha vazifalarni bajarishda kamida 3,4 marta tezroq ishlaydi.

M4 Pro va M4 Max versiyalari Thunderbolt 5-ni qo'llab-quvvatladi va eng oddiy MacBook esa endi uchta portga ega. Bundan tashqari, yangi mahsulotlar 12 megapikselli Center Stage old kamerasiga ega. Ekranlar SDRda 1000 nitgacha va HDRda 1600 nitgacha yorqinlikni ta'minlaydi.

Narxlarga kelsak, M4 - 1600 dollardan, M4 Pro - 2000 dollardan va M4 Max - 3200 dollardan boshlanadi. Hozircha faqat oldindan buyurtma berish xizmati mavjud. Savdolarning boshlanishi 8 noyabrga belgilangan.

Mish-mish: Samsung premium qurilmalar bozorida Apple bilan raqobatlashish uchun yangi brend yaratishi mumkin

Samsung kompaniyasi iPhone bilan raqobatlasha oladigan yangi brend yaratish uchun ichki bozor tadqiqotini olib bormoqda, deb yozadi Koreyaning “E-Today” nashri. Kompaniyaning fikricha, asosiy Galaxy brendi mijozlarni chalg'itadi, chunki u kompaniyaning barcha qurilmalarida, byudjetdan tortib to premiumgacha qo'llaniladi.

Insayderlarning ta'kidlashicha, yangi brend Samsungga badavlat xaridorlarni jalb qilish va obro‘sini yaxshilashga yordam beradi. Ularning so‘zlariga ko‘ra, kompaniya Janubiy Koreyaning boshqa bir komoaniyasi – Hyundai tajribasidan foydalanadi.

2015-yilda Hyundai kompaniyasi hashamatli avtomobilar bozori uchun Genesis brendini ishga tushirgan. Genesis brendi tezda mashhurlikka erishgan va Hyundai’ning rentabelligini oshirgan. Samsung xuddi shu hiyla-nayrangni smartfon bozorida amalga oshirmoqchi.

Bundan tashqari, statistik ko’rsatkichlar Samsungga bosim o'tkazmoqda: Janubiy Koreyada 18–29 oralig’idagi yoshlarning 64 foizi iPhone’ni afzal ko'radi. Maxalliy bozorda asosiy raqobatchiga yutqazish o’z navbatida yangi premium brendli qurilmalarga bo'lgan ehtiyojni yanada oshiradi.