TDYU YURIDIK KLINIKASI

❗️❗️❗️❗️❗️❗️

⁉️SAVOL: Bir ish bo'yicha tanishim advokatdan maslahat olib yurgan edi. Lekin ish fuqarolik sudida ko'rilayotganida haligi advokat narigi tomonga o'tib ketib, tanishimga qarshi tomondan qatnashibdi. Bunday vaziyatlarda qonunlarda nimalar ko'rsatilgan?

✅JAVOB: O‘zbekiston Respublikasi "Advokatura to'g'risida" gi Qonunni 7-moddasining 2-bandiga binoan;

📌Advokat muayyan ish bo‘yicha yuridik yordam ko‘rsatayotgan yoki ilgari yuridik yordam ko‘rsatgan shaxslarning manfaatlari ishni olib borishni so‘rab murojaat etgan shaxsning manfaatlariga zid kelgan yoki u sudya, prokuror, tergovchi, surishtiruv o‘tkazuvchi shaxs, jamoat ayblovchisi, sud majlisi kotibi, ekspert, mutaxassis, jabrlanuvchining, fuqaroviy da’vogarning, fuqaroviy javobgarning vakili, guvoh, xolis, tarjimon sifatida ishtirok etgan hollarda, shuningdek agar ishni surishtiruv yoki dastlabki tergov shaklida tergov qilishda yoxud sudda advokatning qarindoshi bo‘lgan mansabdor shaxs ishtirok etgan yoki ishtirok etayotgan bo‘lsa, xuddi shuningdek agar advokat bevosita yoki bilvosita shu ishdan shaxsan manfaatdor bo‘lsa bu hol unga ishonch bildiruvchi shaxsning (himoya ostidagi shaxsning) manfaatlariga zid kelsa, yuridik yordam ko‘rsatish to‘g‘risidagi topshiriqni qabul qilishga haqli emas.

✅ O‘zbekiston Respublikasi Fuqarolik Protsessual kodeksini 70-moddasining 4-bandiga ko'ra;

📌Manfaatlari vakolat beruvchining manfaatlariga zid bo‘lgan shaxslarga huquqiy yordam ko‘rsatayotgan yoki ilgari yordam ko‘rsatgan shaxslar sudda vakillik qilishi mumkin bo'lmagan shaxslar toifasiga kiradi.

XULOSA: Agar advokat muayyan yuridik yordam ko‘rsatayotgan shaxsning manfaatlariga zid kelgan ilgari ham yuqoridagidek sudda ishtirok etgan bo'lsa, ushbu topshiriqni qabul qilishga haqli emas va bu borada advokatlar palatasiga murojaat qilishingiz mumkin.

📚ASOS: O‘zbekiston Respublikasi "Advokatura to'g'risida" gi Qonun, O‘zbekiston Respublikasi fuqarolik Protsessual kodeksi.

💻TDYU Yuridik klinika ko'ngilli talabasi: Quylibayeva Laziza

🫥🫥🫥🫥🫥🫥🫥🫥🫥🫥🫥
📥 Murojaat uchun:
@TDYU_Yuridik_klinika_bot

🖥 Bizni ijtimoiy tarmoqlarda kuzating:
💬Telegram 🌐 Instagram 🌐YouTube 🌐 TikTok 🌐 Facebook

❗️❗️❗️❗️❗️

⁉️Mualliflik huquqi - Ixtiro, foydali model, sanoat namunasiga mualliflik huquqi va maxsus nom berish huquqi ixtiro, foydali model, sanoat namunasining muallifiga tegishlidir.

🎯Ixtiro, foydali model, sanoat namunasiga bo‘lgan mualliflik huquqi va boshqa shaxsiy huquqlar patentga asoslangan huquqlar yuzaga kelgan paytdan e’tiboran vujudga keladi.
📌Ixtiro, foydali model, sanoat namunasi muallifini qonun maxsus huquqlar, imtiyozlar va ijtimoiy tusdagi afzalliklar bilan ta’min etishi mumkin.
✅Talabnomada muallif tariqasida ko‘rsatilgan shaxs boshqacha holat isbotlangunga qadar muallif hisoblanadi.
⚠️Huquq yuzaga kelishidan avval mavjud bo‘lgan faktlar va holatlargina dalil tariqasida jalb etilishi mumkin.

📎ASOS: O'zbekiston Respublikasi Fuqarolik kodeksi 1085-moddasi

💻TDYU Yuridik klinika ko'ngilli talabasi:Obidova Nodira

📥 Murojaat uchun:
@TDYU_Yuridik_klinika_bot

🖥 Bizni ijtimoiy tarmoqlarda kuzating:
💬Telegram 🌐 Instagram 🌐YouTube 🌐 TikTok 🌐 Facebook

❗️❗️❗️❗️❗️❗️

◾️Kimlar merosxo'r bo'lishi mumkin ⁉️

JAVOB:✅Meros ochilgan paytda hayot bo‘lgan fuqarolar,
✅Meros qoldiruvchining hayotlik paytida homila holida bo‘lgan va meros ochilgandan keyin tirik tug‘ilgan bolalari vasiyat va qonun bo‘yicha merosxo‘r bo‘lishlari mumkin.
✅Meros ochilgan paytda tuzilib bo‘lgan yuridik shaxslar,
✅Fuqarolarning o‘zini o‘zi boshqarish organlari ham vasiyat bo‘yicha merosxo‘r bo‘lishlari mumkin.
🖥Xulosa: Fuqarolar,yuridik shaxslar,Davlat, Fuqarolarning o'zini o'zi boshqarish organlari merosxo'r bo'lishi mumkin.

📎ASOS: O'zbekiston Respublikasi Fuqarolik kodeksi 1118-moddasi

💻TDYU Yuridik klinika ko'ngilli talabasi:Obidova Nodira

📥 Murojaat uchun:
@TDYU_Yuridik_klinika_bot

🖥 Bizni ijtimoiy tarmoqlarda kuzating:
💬Telegram 🌐 Instagram 🌐YouTube 🌐 TikTok 🌐 Facebook

❗️❗️❗️❗️❗️❗️

◾️ Oylik ish haqini ish beruvchi oyning nechanchi sanasigacha tashlab berishi kerak‼️

✅JAVOB: Assalomu alaykum. Hurmatli fuqaro! Sizning savolingizga quyidagicha javob beramiz:

📚 O'zbekiston Respublikasi Mehnat kodeksi 253-moddasiga ko'ra,
📌Xodimlarga ish haqi to‘lash muddatlari jamoa shartnomasida yoki ichki hujjatda, ular mavjud bo‘lmaganda esa mehnat shartnomasida shart qilib ko‘rsatilgan muddatlarda belgilanadi va har yarim oyda bir martadan kam bo‘lishi mumkin emas. 🎯Xodimlarga oylik ish haqi, qoida tariqasida, o‘n olti kundan ko‘p bo‘lmagan tanaffus bilan ikki qismga bo‘lingan holda (bo‘nakda va qolgan qismi miqdorida) to‘lanadi.
📝O‘zbekiston Respublikasi Vazirlar Mahkamasi tomonidan ish haqi oyiga bir marta to‘lanadigan xodimlarning ayrim toifalari belgilanishi mumkin.
Ish haqi to‘lanadigan kun dam olish kuniga yoki ishlanmaydigan bayram kuniga to‘g‘ri kelib qolganda ish haqi ushbu kunlar arafasida to‘lanadi.
❌Xodimga tegishli bo‘lgan ish haqining o‘z vaqtida to‘lanishi va miqdori boshqa to‘lovlarni amalga oshirishga hamda ularning navbatiga bog‘liq qilib qo‘yilmasligi kerak.
‼️Ish beruvchi xodimning so‘roviga ko‘ra uni ish beruvchi tomonidan xodimning ish haqini hisob-kitob qilish chog‘ida amalga oshirilgan hisoblashlar va ushlab qolishlar to‘g‘risida xabardor qilishi shart.
✅Ish beruvchi ish haqini to‘lash kechiktirilganligi uchun xodim oldida ushbu Kodeksning 333-moddasida belgilangan miqdorda moddiy javobgar bo‘ladi.
⚖️ Yuridik klinika ko'ngilli talabasi: Obidova Nodira

📖 ASOS: O'zbekiston Respublikasi Mehnat kodeksi 253-modda

📥Murojaat uchun:
@TDYU_Yuridik_klinika_bot

🖥 Bizni ijtimoiy tarmoqlarda kuzating:
💬Telegram 🌐 Instagram 🌐YouTube 🌐 TikTok 🌐 Facebook

❗️❗️❗️❗️❗️❗️

◾️Xususiy notarius yuridik shaxsmi ❓

✅JAVOB: Assalomu alaykum. Hurmatli fuqaro! Sizning savolingizga quyidagicha javob beramiz:

📚 O'zbekiston Respublikasi Fuqarolik kodeksi 39-moddasiga ko'ra,
📌O‘z mulkida, xo‘jalik yuritishida yoki operativ boshqaruvida alohida mol-mulkka ega bo‘lgan hamda o‘z majburiyatlari yuzasidan ushbu mol-mulk bilan javob beradigan, o‘z nomidan mulkiy yoki shaxsiy nomulkiy huquqlarga ega bo‘la oladigan va ularni amalga oshira oladigan, majburiyatlarni bajara oladigan, sudda da’vogar va javobgar bo‘la oladigan tashkilot yuridik shaxs hisoblanadi.
⭕️Yuridik shaxslar mustaqil balans yoki smetaga ega bo‘lishlari kerak.
📌Vazirlar Mahkamasining "Nodavlat notarial faoliyatni tartibga soluvchi normativ-huquqiy hujjatlarni tasdiqlash to‘g‘risida"gi qarori ,"Xususiy amaliyot bilan shug‘ullanuvchi notariuslar faoliyatini tashkil etish tartibi to‘g‘risida" Nizomining 5-bandiga muvofiq,
🎯Notarius yuridik shaxs tashkil etmasdan faoliyat yuritadi, bankda hisobvaraq ochadi, xodimlar bilan mehnat shartnomalari tuzadi va ularni bekor qiladi, ish faoliyatini tashkil etish uchun mutaxassislar yoki yuridik shaxslar bilan fuqarolik-huquqiy shartnomalar tuzish huquqiga ega bo‘ladi.
⭕️Xulosa: Xususiy amaliyoy bilan shug'ullanuvchi notariuslar yuridik shaxs emas.

📚ASOS: 1.O'zbekiston Respublikasi Fuqarolik kodeksi 39-modda, 2.Vazirlar Mahkamasining "Nodavlat notarial faoliyatni tartibga soluvchi normativ-huquqiy hujjatlarni tasdiqlash to‘g‘risida"gi qarorining ,"Xususiy amaliyot bilan shug‘ullanuvchi notariuslar faoliyatini tashkil etish tartibi to‘g‘risida" Nizomning 5-bandi.

💻TDYU Yuridik klinika ko'ngilli talabasi: Obidova Nodira

📥 Murojaat uchun:
@TDYU_Yuridik_klinika_bot

🫥🫥🫥🫥🫥🫥🫥🫥🫥🫥🫥
🖥 Bizni ijtimoiy tarmoqlarda kuzating:
💬Telegram 🌐 Instagram 🌐YouTube 🌐 TikTok 🌐 Facebook

❗️❗️❗️❗️❗️❗️

🌐Ijtimoiy tarmoqlarda sud raisi yordamchisini kaltaklaganligi haqida xabarlar chiqdi. Qonunchilikda ushbu holat bo'yicha sudyaga qanaqa javobgarliklar mavjud ?

✅JAVOB: Sud raisi ma'muriy javobgarlikka tortilishi mumkin.
▶️Ma'muriy javobgarlik to'g'risidagi kodeksning 52-moddasi2-qismiga ko'ra:
Yengil tan jarohati yetkazish.
Qasddan yengil tan jarohati yetkazish, bu harakat sog‘liqning qisqa muddat yomonlashuviga yoki mehnat qobiliyatini uncha ko‘p davom etmaydigan turg‘un tarzda yo‘qotishga olib kelmagan bo‘lsa, basharti ushbu Kodeksning 59[2]-moddasida nazarda tutilgan huquqbuzarlik alomatlari mavjud bo‘lmasa, —
bazaviy hisoblash miqdorining ikki baravaridan to‘rt baravarigacha (1,5mln) miqdorda jarima solishga sabab bo‘ladi.

▶️Ushbu kodeksning 245-moddasiga asosan, 52-moddada nazarda tutilgan ma’muriy huquqbuzarliklar to‘g‘risidagi ishlar jinoyat ishlari bo‘yicha tuman (shahar) sudining tergov sudyasi tomonidan ko‘rib chiqiladi.

📝"Sudlar to'g'risida"gi qonunning 64-moddasiga binoan:
Sudyaning daxlsizlik huquqi mavjud.
📌Sudya tegishli sudyalar malaka hay’atining xulosasi olinmasdan ma’muriy javobgarlikka tortilishi mumkin emas;

📌Sudyani huquqni muhofaza qiluvchi organlarga guvoh yoki gumon qilinuvchi sifatida so‘roq qilish uchun chaqirishga faqat tegishli sudyalar malaka hay’atining roziligi bilan yo‘l qo‘yiladi;

📌Sudyaga nisbatan qamoqqa olish tarzidagi ehtiyot chorasi faqat unga nisbatan og‘ir yoki o‘ta og‘ir jinoyat yoki odam o‘limiga sabab bo‘lgan qasddan boshqa jinoyat sodir etganlikda ayb qo‘yilgan hollarda qo‘llanilishi mumkin;

📌Sudya huquqbuzarlik sodir etganlikda gumon qilinib ushlab turilgan taqdirda, bu haqda ushlab turish uchun asos bo‘lgan hujjatlar ko‘chirma nusxalari ilova qilingan holda O‘zbekiston Respublikasi Sudyalar oliy kengashiga u ushlangan paytdan e’tiboran uch soatdan kechiktirmasdan xabar qilinishi shart.

💻TDYU Yuridik klinika ko'ngilli talabasi: Jumaboyev Sardor

📥 Murojaat uchun:
@TDYU_Yuridik_klinika_bot

🫥🫥🫥🫥🫥🫥🫥🫥🫥🫥🫥
🖥 Bizni ijtimoiy tarmoqlarda kuzating:
💬Telegram 🌐 Instagram 🌐YouTube 🌐 TikTok 🌐 Facebook