tanga.uz — moliyaviy yangiliklar

@tangauzb

Channel's geo and language: Uzbekistan, Uzbek

Category: News and media

Iqtisod, biznes, fintech, bank-moliya tizimiga oid O'zbekiston va jahon yangiliklari hamda tahlillar
Murojaat uchun: @tanga_aloqa_bot

Related channels

Channel's geo and language

Uzbekistan, Uzbek

tanga.uz — moliyaviy yangiliklar

27 Dec, 16:39

“UzAuto Motors” va “UzAuto Motors Powertrain” bosh direktori Bo Andersson kompaniyadagi faoliyatini yakunladi. Bunga nima sabab bo'lgani ma'lum qilinmagan.

Bo Andersson ushbu lavozimga 2021-yilda tayinlangandi. Unga qadar esa 2009−2013 yillarda “Gruppa GAZ”, 2014−2016 yillarda esa “AvtoVaz” prezidenti lavozimida ishlagan. “AvtoVaz"dan ketgach, u “Yazaki Europe, Africa, North & South America” korporatsiyasiga 4 yil rahbarlik qilgan.

Uning rahbarligida 2023-yil korxona konveyeridan 395,4 ming dona yoki o‘tgan yilga nisbatan 20 foizga ko‘p avtomobil ishlab chiqarilgani keltirildi.

@tangauzb

174 0 0 2

tanga.uz — moliyaviy yangiliklar

27 Dec, 14:12

Dollar kursi arzonladi

3-yanvardan dollarning so'mga nisbatan rasmiy kursi 12 904,91 so'm etib belgilandi.

@tangauzb

177 0 0 2

tanga.uz — moliyaviy yangiliklar

27 Dec, 10:35

Yana ikkita bank ustav kapitalini 500 mlrd so'mga yetkazdi

Apex Bank va Madad Invest Bank ustav kapitalini 500 mlrd soʻmgacha oshirdi. Natijada, ikkala bankning ham ustav kapitali 1-yanvardan kuchga kiradigan minimal talab darajasiga yetdi.

Avvalroq, Davr bank va Universal bank ushbu 500 mlrd so'mlik talabni bajargani haqida yozgandik.

Ma’lumot uchun, "Banklar va bank faoliyati" toʻgʻrisidagi qonunga kiritilgan oʻzgartirishlarga binoan 2025-yilning 1-yanvaridan tijorat banklari ustav kapitalining eng kam miqdori 500 mlrd soʻm etib belgilangan.

@tangauzb

188 0 0

tanga.uz — moliyaviy yangiliklar

26 Dec, 15:08

Dollar kursi pasaydi

27-dekabrdan dollarning so'mga nisbatan rasmiy kursi 12 920,48 so'm etib belgilandi.

@tangauzb

172 0 1

tanga.uz — moliyaviy yangiliklar

26 Dec, 12:15

Dekabr oyida Davr bank va Universal bankning ustav kapitali 500 mlrd soʻmga yetkazildi. Bu haqda Bankers.uz xabar berdi.

Yil boshida Davr bankning ustav kapitali 400 mlrd soʻm, Universal bankniki 300 mlrd so'mni tashkil qilgandi.

Ma'lumot uchun, "Banklar va bank faoliyati" toʻgʻrisidagi qonunga kiritilgan oʻzgartirishlarga binoan 2025-yilning 1-yanvaridan tijorat banklari ustav kapitalining eng kam miqdori 500 mlrd soʻm etib belgilandi.

Markaziy bank ma'lumotlariga ko'ra, 1-dekabr holatida 12 ta bankning ustav kapitali minimal miqdorga yetmagan.

@tangauzb

189 0 2

tanga.uz — moliyaviy yangiliklar

26 Dec, 11:25

“Alif” kompaniyasi AQSh'ning xususiy kredit fondlarini boshqaruvchi “Accial Capital”dan $20 mln miqdorida qarz hisobidan moliyalashtirilgan sarmoya jalb etdi.

Bu mablag'lar Alif'ning “Nasiya” xizmati imkoniyatlarini kengaytirishga yo‘naltiriladi. Iste’molchilarga 24 oygacha bo‘lgan muddatga shariat normalariga muvofiq tovarlar va xizmatlar uchun chakana moliyalashtirishni taqdim etadi.

Ma'lumot uchun, bu yil “Alif” O‘zbekistonga xalqaro investorlardan jalb qilgan mablag‘larning umumiy hajmi $50 mlnga yetdi. Kompaniya bozorga kirib kelganidan buyon $150 mlndan ortiq ulushli va qarz hisobidan ajratilgan sarmoyalarni jalb qiligan.

@tangauzb

145 0 0

tanga.uz — moliyaviy yangiliklar

26 Dec, 07:36

San-Fransiskoda 14-marotaba o'tkazilgan “TechCrunch Disrupt 2024” tadbirida O‘zbekiston vakillari o'z startaplari bilan qatnashdi.

Bu startaplar quyidagilar:

Uzum — elektron tijorat, tezkor yetkazib berish, bank va fintech xizmatlarini ko'rsatadi;

Uzinfocom — murakkab loyihalar uchun tezkor va keng ko‘lamli IT-yechimlarni taqdim etadi;

Smartup - distributsiya, ishlab chiqarish, savdo marketingi, omborxona va moliyaviy hisob-kitoblarni avtomatlashtirish va boshqarish uchun mo‘ljallangan bulutli dasturiy ta’minot bilan ta'minlaydi;

Call24 — personallashtirilgan va sifatli muloqot vositalari yaratadi;

Datagaze — ma’lumotlarga kirishni nazorat qilish va monitoring orqali ma’lumotlar sizib chiqishini oldini olish imkoniyatlarini taqdim etadi;

Point.ai — mijozlarni qo‘llab-quvvatlash uchun ma’lumotlarni markazlashtiradigan va muammolarni hal qilish jarayonini soddalashtiradigan dasturiy ta’minot ishlab chiqadi;

GeoMotive — yuqori samaradorlik bilan strategik reklamani amalga oshirish uchun barcha vositalarning yagona ekotizimini taklif qiluvchi DOOH-reklama marketpleysini taklif qiladi;

BILLZ — chakana savdoni avtomatlashtirish va kichik hamda o‘rta biznesni moliyalashtiradi.

Markaziy Yevroosiyodan katta pavilonda jami 14 ta startap ishtirok etgan. Ma'lumot uchun, 2023-yili TechCrunch Disrupt'da IMAN Invest, Mohirdev, MyID, Pastoral, Workly startaplari qatnashgandi.

TechCrunch Disrupt bu — butun dunyodan minglab startaplar, investorlar, venchur fondlari, texnologiya va innovatsiyalar novatorlarini jamlovchi yilning eng muhim tadbirlaridan biri hisoblanadi.

@tangauzb

150 0 1 2

tanga.uz — moliyaviy yangiliklar

25 Dec, 14:50

Toshkent shahridagi “Askiya” bozori uchun o‘tkazilgan auksionda Xitoy kompaniyasi 225,59 mlrd so'mlik taklif bilan g'olib bo'ldi.

Lotning boshlang'ich narxi 214,8 mlrd so'm bo'lgandi. Auksionda ikki ishtirokchi qatnashdi hamda 15 daqiqa davom etdi. Yakunda "Sheng Ke-International" MCHJ boshlang'ich narxdan 5% foiz ko'proq narx taklifi bilan g'olib bo'ldi.

Ochiq ma'lumotlarga ko'ra, "Sheng-Ke International" MCHJ 2024-yil may oyida tashkil etilgan. Ustav kapitali 68 mlrd so‘mni tashkil etadi va maxsus qurilish ishlari bilan shug‘ullanishi ko'rsatilgan. Kompaniyaning yagona ta'sischisi Qozog‘istonda ro'yxatdan o'tgan xuddi shu nomdagi shirkat bo'lib, rahbari Chen Maysuan hisoblanadi.

Avvalroq "Askiya dehqon bozori" 215 mlrd so'mga auksionga qo'yilishi haqida yozgandik.

@tangauzb

176 0 2 6

tanga.uz — moliyaviy yangiliklar

25 Dec, 14:05

Dollar kursi rekordlarni yangilashda davom etmoqda

26-dekabrdan dollarning so'mga nisbatan rasmiy kursi 12 928,27 so'm etib belgilandi.

@tangauzb

155 0 1 1

tanga.uz — moliyaviy yangiliklar

25 Dec, 12:33

Raqobat qo‘mitasi, "Hududgaz Surxondaryo" tomonidan "Sherobod sement zavodi" MCHJga noto‘g‘ri hisoblangan 1 mlrd so‘mlik asossiz qarzdorlikni bartaraf etdi.

"Sherobod sement zavodi" 2022-yil 3-avgustgacha "Olmaliq kon metallurgiya" AJ tarkibida bo‘lgan. Bu davrga qadar kompaniya gaz uchun oldindan to'lovni amalga oshirgan.

Biroq, alohida MCHJ sifatida ajralib chiqqanidan keyin ham 2022-yil avgust oyi uchun 1 m³ gaz uchun narx 1300 so‘mdan hisoblangan. Aslida esa MCHJ uchun 1 m³ gaz narxi 1000 so'm ekani ta'kidlandi.

Shu sababli, "Hududgaz Surxondaryo" zavodga ortiqcha 1 mlrd so‘mga yaqin qarzdorlik hisoblagan. Raqobat qo'mitasi ushbu mablag'larni kompaniyaga qaytarish bo'yicha qaror chiqargan va bu bo'yicha ko'rsatmalar bergan.

@tangauzb

166 0 1 4

tanga.uz — moliyaviy yangiliklar

25 Dec, 11:36

O'zbekiston noyabr oyida Xitoydan umumiy qiymati 12,7 mln dollar bo'lgan 2030 dona elektromobil import qilgan.

Avvalroq yanvar-oktabr oylarida 20 mingdan ortiq elektromobil import qilinganini yozgandik.

@tangauzb

155 0 2 1

tanga.uz — moliyaviy yangiliklar

25 Dec, 09:12

24-dekabr kuni avtoraqam savdo tizimida "01 888 BBB" raqami 965,2 mln so'mga sotildi.

Shuningdek, avtoraqam uchun komissiya to‘lovi 48,769 mlnni so‘mni tashkil qilgan. Bu avtoraqamlar sotuvi bo’yicha rekord natija hisoblanadi.

Ma'lumot uchun, 23-dekabr kuni eng qimmat sotilgan avtoraqam 551 mln so'm bo'lgan.

@tangauzb

163 0 1 5

tanga.uz — moliyaviy yangiliklar

24 Dec, 19:38

24-oktabr kuni ILMA "Crypto trade net" MChJning litsenziyasini o'z xohishiga ko'ra bekor qildi.

Ma'lumot uchun, kripto-do'konning ta'sischisi Achilov Behzod bo'lib, 2022-yil noyabr oyidan rasmiy faoliyat boshlagandi.

Natijada, rasmiy faoliyat yuritayotgan kripto-do'konlar bittaga kamayib, oltitani tashkil etmoqda.

Bular quyidagilar:
➖Crypto market,
➖Crypto express,
➖C-base,
➖Paynet crypto,
➖T-rec,
➖Coinpay.

Avvalroq, kriptoaktivlar bo'yicha faoliyatni litsenziyalash bo'yicha narxlar haqida yozgandik. Do'kon uchun litsenziya narxi BHMning 3700 baravari ya'ni 1,3875 mlrd so‘mni tashkil etadi.

@tangauzb

171 0 0 4

tanga.uz — moliyaviy yangiliklar

24 Dec, 14:04

Dollar kursi yana ko'tarildi

25-dekabrdan dollarning so'mga nisbatan rasmiy kursi 12 909,80 so'm (bugungi o'sish — +7,80 so'm) etib belgilandi.

Bu dollarning so'mga nisbatan kursining tarixiy rekordi hisoblanadi.

@tangauzb

165 0 0 3

tanga.uz — moliyaviy yangiliklar

24 Dec, 13:09

2027-yil 1-sentabrgacha "O‘zbekzargarsanoati" uyushmasiga a’zo bo‘lgan zargarlik buyumlarini ishlab chiqaruvchi tadbirkorlar mol-mulk va yer solig‘idan ozod etiladi.

Bu bo'yicha tegishli qonun loyihasi deputatlar tomonidan tasdiqlandi.

Qonunga ko'ra, affinaj korxonalarga zargarlik uchun qulay shaklda qimmatbaho metallarni sotish va suvenir tangalar ishlab chiqarish huquqi beriladi.

Shuningdek, zargarlik buyumlarini ishlab chiqaruvchi tadbirkorlar xomaki mahsulotlarni boshqa ishlab chiqaruvchilarga sotish hamda jismoniy va yuridik shaxslardan sotib olish vakolati organga xabar berish orqali amalga oshiriladi.

Bundan tashqari, xorijda ishlab chiqarilgan zargarlik buyumlarini bojxona to‘lovlari tasdiqlanmagan holda sotish taqiqlandi.

@tangauzb

189 0 3 3

tanga.uz — moliyaviy yangiliklar

24 Dec, 10:46

Raqobat qo‘mitasi “Texnomart” MChJning Telegram kanalidagi “Eng zo‘r taklif” reklamasida qonun buzilishini aniqladi.

Unda mobil telefonlar reklamalarida mahsulot narxi va to‘lov shartlari bo‘rttirib ko‘rsatilgani aytildi.

Reklamada VIVO Y03 telefoni uchun oylik to’lov — 213 167 so‘m, HONOR X7b telefoni uchun esa 274 167 so‘m ko‘rsatilgan.

Qo'mita boshqa savdo do‘konlaridagi ushbu markali mobil telefonlar narxlarini solishtirganda, “Texnomart”dagi muddatli to‘lov narxlari nisbatan yuqoriligi kuzatilgan. Kompaniya "eng", "eng yaxshi" so'zlarini ham asossiz va ko'p qo'llagan.

Shu sababli Texnomart’ga nisbatan moliyaviy jarima qo‘llashga qaror qilingan.

@tangauzb

156 0 0 5

tanga.uz — moliyaviy yangiliklar

24 Dec, 09:01

Albaniya hukumati mamlakatda TikTok ijtimoiy tarmog'iga nisbatan 2025-yildan 2026-yilgacha taqiq o'rnatdi.

2024-yilning noyabr oyida 14 yoshli maktab o'quvchisi boshqa o'quvchi tomonidan pichoqlab o'ldirilgandi. Bu voqeadan keyin TikTokda qotillikni qo'llab-quvvatlovchi o'smirlarning videolari paydo bo'lgan. Hukumat shu sababga ko'ra platformadan foydalanishga taqiq o'rnatilayotganini ma'lum qildi.

"Bir yil davomida biz TikTok'ni hamma uchun butunlay yopib qo'yamiz. Albaniyada TikTok bo'lmaydi", — dedi Albaniya bosh vaziri Edi Rama.

Bunga javoban, TikTok vakillari 14 yoshli bola o'limida ayblangan shaxsning ushbu platformada akkaunti borligi isbotlanmaganini hamda qotillik haqidagi videolar boshqa platformalarda joylashtirilganini qayd etgan.

Avvalroq, Telegram 2024-yilni 1 mlrd dollar daromad bilan yakunlashi haqida xabar bergandik.

@tangauzb

147 0 1 2

tanga.uz — moliyaviy yangiliklar

24 Dec, 08:01

2024-2028 yillarda Islom taraqqiyot banki hamda OPEK O’zbekistonga xususiy bog'cha tashkil qilish uchun 50 mln dollar qarz beradi.

Vazirlar Mahkamasining tegishli qaroriga ko’ra, mazkur loyihaga quyidagi davlat banklari biriktirildi:

➖ O'zsanoatqurilishbank
➖ Agrobank
➖ O’zmilliybank
➖ Aloqabank

Mazkur banklar orqali quyidagi shartlar asosida kredit ajratiladi:

➖ tumanlarda — 10 yil muddatga, 2 yillik imtiyozli davr bilan yillik 14% stavka bo‘yicha;

➖ Nukus shahri, viloyatlarning ma’muriy markazlari va viloyat bo‘ysunuvidagi shaharlarda — 10 yil muddatga, 2 yillik imtiyozli davr bilan yillik 16% stavka bo‘yicha;

➖ Toshkent shahrida — 10 yil muddatga, 2 yillik imtiyozli davr bilan yillik 18% stavka bo‘yicha beriladi.

Avvalroq, xususiy maktab va bog’cha tashkil qilish uchun soliq imtiyozlari 2030-yilgacha uzaytirilishi xabar qilingandi.

@tangauzb

148 0 3 1

tanga.uz — moliyaviy yangiliklar

23 Dec, 19:07

Toshkent xalqaro aeroportining uchib ketish va uchib kelish zallari, terminal oldi hududida joylashgan maydonlar ijaraga berish uchun auksionga qo’yildi.

Bunda:

➖kitob do‘koni uchun 20 kv.m maydon, yillik boshlang‘ich qiymati 48 mln so‘mga;

➖yuklarni saqlash joyini tashkil etish uchun 8 kv.m maydon, yillik boshlang‘ich bahosi 144 mln so‘mga;

➖kafe tashkil etish uchun 50 kv.m maydon, boshlang‘ich bahosi yiliga 300 mln so‘mga;

➖SIM-kartalarini sotish shoxobchasini tashkil etish uchun 5 kv.m maydon, yiliga 90 mln so‘mga;

➖terminal oldi hududida bankomatlar uchun 6 kv.m joy, boshlang‘ich qiymati yiliga 36 mln so‘mga;

➖har biri 14 kv.m bo‘lgan "FOOD-TRACK" shaklidagi ikkita umumiy ovqatlanish shoxobchasi uchun lotlar joylangan. Umumiy ovqatlanish shoxobchalari yillik boshlang‘ich qiymati 100,8 mln so'mga savdoga qo'yiladi.

Auksionlar 2025-yil 6-yanvar kuni bo‘lib o‘tadi.

@tangauzb

151 0 0 1

tanga.uz — moliyaviy yangiliklar

23 Dec, 16:19

Bu yil Telegram messenjeri oʻzining uch yillik monetizatsiya tarixida birinchi marta yilni daromad bilan yakunlamoqda. Bu haqda Pavel Durov xabar berdi.

Uning yozishicha, bu yil Telegram Premium obunachilari soni uch baravarga oshib, 12 milliondan ortgan.

Reklama daromadi ham yuqorilashi natijasida yil yakuni bo'yicha umumiy daromadi $1 mlrddan oshgan. Telegram kripto-aktivlarni hisobga olmaganda $500 mlndan ortiq zaxiraga ham ega.

Messenjer asoschisi soʻnggi toʻrt yildaTelegram taxminan $2 mlrd miqdorida qarz olgani, Telegram obligatsiyalarining qulay narxlaridan foydalanib, qarzning sezilarli qismi qaytarilganini ham keltirib o'tdi.

@tangauzb