⚡️
Ustozlik — kasb emas, bu qalbning yuksak martabasidir.— Ustoz o‘z farzandining emas, shogirdining yutug‘idan ko‘proq faxrlanadi.
— Dunyodagi eng ulug‘ kasb bu — o‘qituvchilik. Qolgan barcha kasblar ana shu kasbning mevasi.
— Har bir millatning ertasi maktabdan, maktab esa ustozdan boshlanadi.
— Ustoz bir umr bola qalbini tushunadigan, bolalar dunyosida yashaydigan insondir.
— U bir vaqtning o‘zida ona, ota, do‘st, aka, opa, hatto mehribon bobo-yu buviga aylana oladi.
— Ustoz qalbida onaning nozikligi, otaning qat’iyati mujassam bo‘lishi kerak.
— Hech kimning 30 nafar farzandi bo‘lmaydi, lekin ustoz har yili ular bilan birga ulg‘ayadi.
— Har kim o‘z bolasini sevadigan davrda, ustoz o‘zganing bolasiga mehr bag‘ishlaydi. Bu esa — chinakam buyuklik.
— Bolani sevolmagan — ustoz bo‘lolmaydi.
— O‘qituvchi bo‘lish mumkin, ammo ustoz bo‘lish — bu baxt, bu maqom, bu e’tirof.
— Hayotingizda hech bo‘lmasa bir shogird sizni "ustozim" desa — yashagan umr bejiz emas.
— “Ustozim meni inson sifatida yaxshi ko‘rishsin”, degan orzuga ega o‘qituvchi — chinakam tarbiyachidir.
— “Darsimda pashsha uchsa bilinadi” deganlar, ehtimol pashshaga emas, o‘quvchiga e’tibor qaratishni unutgandir.
— Amir Temur tig‘ bilan, Navoiy qalam bilan zabt etgan bo‘lsa, ustoz - bo‘r bilan dunyoni o‘zgartiradi.
— Sinf rahbarlik — oddiy bir lavozim emas, bu sabr, chidam, fidoyilik darsidir.
— Uni yelkasiga olgan, ammo yuragiga joylay olmagan o‘qituvchi — bu mas’uliyatni tashlab ketmasligi kerak, balki o‘zini topib ketishi kerak.
— "Ustoz yaqinmi, ota?" — "Albatta, agar u chin ustoz bo‘lsa!"
— Haqiqiy ustozning g‘azabi ham mehr bilan yo‘g‘rilgan bo‘ladi.
— Eng qiyin o‘quvchisini ham eng zo‘r sinfga alishtirmaydigan ustoz
- chinakam fidoyidir.
— Agar o‘quvchingiz hayotiy muammosi bilan sizga murojaat qilayotgan bo‘lsa, siz allaqachon uning qalbidagi ustozga aylangansiz.
— Hech qachon "odam bo‘lmaysan" demang. U hali o‘z yo‘lini tanlaydi, siz esa tanlagan yo‘lingizda davom etishingiz kerak.
— Bugungi jinoyat kechagi tarbiyaning mahsuli.
— Biz o‘quvchilarimizni maktabda emas, hayotda a’lochi bo‘lishga tayyorlashimiz lozim.
— Har bir ustozning yurishi ham tarbiya, nigohi ham o‘rnak bo‘lishi kerak.
— Faqat dars bergan o‘qituvchi — mutaxassis tayyorlaydi. Tarbiya bergan ustoz esa — inson yetishtiradi.
— Agar o‘quvchingiz sizni ota-onasining hatosidan himoya qilsa — siz uning qalbidagi eng ishonchli joydasiz.
— Chin ustoz — shogirdining yutug‘idan o‘z farzandidek quvonadi.
— Yuksaklarga chiqmoqchimisiz? O‘quvchilaringiz yoniga tushing. Kun kelib, aynan ular sizni yuksaklarga olib chiqadi.
👉
https://t.me/Talimiyuz - Ta'limga oid xabarlar kanali