Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Ta'limga oid

@talimgaoid
Channel's geo and language: Uzbekistan, Uzbek
Category: Education

—Respublika ta'lim tizimiga oid eng so'nggi ishonchli yangiliklar va huquqiy sharhlar sodda tilda
Bog'lanish:
@TalimgaoidBot

Related channels  |  Similar channels
Channel's geo and language
Uzbekistan, Uzbek
Category
Education
Statistics
Is this your channel? Confirm Канал в реестре блогеров РКН? Confirm Channel history
Posts filter

Ta'limga oid

30 Jan, 13:47

Open in Telegram Share Report
Oliy ta'lim tizimida dual ta'lim (16.01.2025 №14).pdf
1.5Mb
Oliy ta’lim tizimida dual ta’lim joriy etiladi

“Oliy ta’lim tizimida dual ta’limni tashkil etish chora-tadbirlari to‘g‘risida”gi (VMQ-14-son, 16.01.2025-y.) Vazirlar Mahkamasi qarori tasdiqlangan.


🔰Qarorga ko‘ra, 2025/2026-o‘quv yilidan boshlab:

➡️oliy ta’lim tizimida bosqichma-bosqich dual ta’lim asosida o‘qitish yo‘lga qo‘yilib, “Kasb egasi” dual ta’lim tizimini tashkil etiladi;

➡️“Kasb egasi” dual ta’lim tizimi birinchi bosqichda Toshkent to‘qimachilik va yengil sanoat institutining 3 va 4-kurs talabalari uchun joriy qilinadi;

➡️talabalarning amaliy mashg‘ulotlari korxonalar bilan hamkorlikda o‘tkazilib, ushbu jarayon oliy ta’lim tashkiloti hamda amaliyot rahbari tomonidan muvofiqlashtiriladi;

➡️dual ta’lim asosida talabalarning korxonalarda faoliyat yuritgan davri uchun ish haqining 2 million so‘mgacha bo‘lgan qismi Bandlikka ko‘maklashish davlat jamg‘armasi mablag‘lari hisobidan qoplab beriladi.

🗓 Har yili 1-iyunga qadar dual ta’lim shaklida talabalarni qabul qiladigan korxonalar imkoniyatlari o‘rganiladi va dual ta’lim tashkil qilinadigan korxonalar ro‘yxati e’lon qilinadi.

🗓 Har yili 1-sentabrga qadar dual ta’lim shaklida o‘qishga qabul qilingan talabalarning korxonalarga biriktirilishi bo‘yicha korxona, talaba va oliy ta’lim tashkiloti o‘rtasida shartnoma tuziladi.

🔍 dual ta’lim tashkil qilingan korxonalarda talabalarga yaratilgan shart-sharoitlar doimiy monitoring qilinadi.

🔖 Shuningdek, ushbu qaror bilan Oliy ta’lim tizimida dual ta’limni tashkil etish tartibi to‘g‘risidagi nizom tasdiqlandi.

🟢Mazkur nizom dual ta’lim jarayonini tashkil etish, nazariy va amaliy mashg‘ulotlarni muvofiqlashtirish, oliy ta’lim muassasalari hamda ishlab chiqarish korxonalari o‘rtasidagi hamkorlik mexanizmlarini belgilaydi.

Ta'lim sohasiga oid yangiliklar:

✅ @Talimgaoid
486 0 4 1
Ta'limga oid

30 Jan, 07:46

Open in Telegram Share Report
⚡️Bitta jurnalning obuna narxi 63 million so‘m – Toshkent davlat texnika universiteti

Toshkent davlat texnika universiteti tomonidan 2025-yilga Rossiyada (!) chop etiladigan jurnallarga 679 002 588 so‘mlik obuna shartnomasi tuzibdi.

Ro‘yxatda bir dona jurnal narxi 63 million so‘m deb ko‘rsatilgan! Yana bittasiniki 61 million so‘m! Shu ikki dona jurnalning o‘zi bitta avtomobilning narxiga teng.

Tasavvur qilyapsizmi oddiy jurnal uchun shu qadar katta summa?! Mutaxassislar odatda obuna masalasini qurilish mavzusi kabi "pul yeyish vositalaridan biri" sifatida ko'rishadi.

PS. Bu shartnomaning qonuniyligi o‘rganilishi lozim...

Ta'lim sohasiga oid yangiliklar:

✅ @Talimgaoid
498 0 2 3
Ta'limga oid

29 Jan, 14:11

Open in Telegram Share Report
Islohotlar amalda...

Ta'lim sohasiga oid yangiliklar:

✅ @Talimgaoid
466 0 0
Ta'limga oid

29 Jan, 11:56

Open in Telegram Share Report
⚡️Farg‘onada ham 3 ta davlat oliygohlari qayta tashkil etiladi

🏛 Farg‘ona politexnika instituti va Toshkent axborot texnologiyalari universiteti Farg‘ona filiali negizida Farg‘ona davlat texnika universiteti;

🏛 Qo‘qon davlat pedagogika instituti, Toshkent davlat texnika universiteti Qo‘qon filiali hamda O‘zbekiston davlat san’at va madaniyat instituti Farg‘ona mintaqaviy filiali negizida Qo‘qon davlat universiteti;

🏛 O‘zbekiston davlat jismoniy tarbiya va sport universiteti Farg‘ona filialini qo‘shib yuborish yo‘li bilan Farg‘ona davlat universiteti.

🗓 2025/2026-o‘quv yilidan:

➡️mazkur universitetlarning malaka talablari va o‘quv dasturlari yuqori 300 talik ro‘yxatga kirgan xorijiy oliy ta’lim tashkilotlarining dasturlari asosida ishlab chiqiladi;

➡️iqtidorli talabalar uchun darslar xorijiy tillarda o‘qitiladigan alohida guruhlarda tashkil etiladi;

➡️Farg‘ona davlat texnika universitetida Ilg‘or muhandislik maktabi va “spin-off” korxonalari faoliyati tashkil etiladi hamda yirik ishlab chiqarish korxonalari va tashkilotlari sanoat hamkori sifatida biriktiriladi.

🎓Tugatilayotgan oliy ta’lim tashkilotlarida tahsil olayotgan barcha talabalar o‘qishini yangidan tashkil etilgan tegishli universitetlarda davom ettiradi.

Ta'lim sohasiga oid yangiliklar:
🌐 @Talimgaoid
685 0 5
Ta'limga oid

28 Jan, 07:57

Open in Telegram Share Report
☄️Rasman: Nukusda ham ikkita davlat oliygohlari birlashtirilmoqda

🔰 Navoiy davlat konchilik va texnologiyalar universiteti huzuridagi Nukus konchilik instituti hamda Toshkent axborot texnologiyalari universiteti Nukus filiali negizida Nukus davlat texnika universiteti tashkil etiladi.

📌 Sanoat, texnika-texnologiya, muhandislik sohalari uchun oliy ma’lumotli mutaxassislar va ilmiy-pedagogik kadrlar tayyorlash, qayta tayyorlash hamda ularning malakasini oshirish Universitetning asosiy vazifalaridan biri etib belgilandi.

✔️ Universitetda Ilg‘or muhandislik maktabi faoliyati tashkil etiladi.

🗓 2025/2026-o‘quv yiligacha Universitetda tajriba-ishlab chiqarish (“spin-off”) korxonasi tashkil etiladi.

🗓 2025/2026-o‘quv yilidan:

➡️ Universitet talabalarining fanlarni o‘zlashtirish ko‘rsatkichini va professor-o‘qituvchilarning faoliyat samaradorligini xalqaro tajribalar asosida baholash tizimi joriy etiladi.

➡️ Amudaryo muhandislik-texnologiyalar texnikumida muhandislik sohalaridagi kasblar bo‘yicha kasbiy ta’lim dasturlarida to‘liq davlat granti asosida o‘rta bo‘g‘in kadrlari tayyorlash yo‘lga qo‘yiladi.

✅ Hozirda tahsil olayotgan barcha talabalar o‘qishini Universitetda davom ettiradi va bitiruvchi kurs talabalariga belgilangan tartibda Universitet diplomi beriladi.

❕Eslatib o'tamiz, avvalroq respublikadagi 20 ta davlat oliygohlari tugatilishi haqida xabar berilgan edi.

Ta'lim sohasiga oid yangiliklar:

🌐@Talimgaoid
635 0 9 1
Ta'limga oid

27 Jan, 14:19

Open in Telegram Share Report
⚡️Rasman: Namanganda ham uchta davlat oliygohlari birlashtirilmoqda

Namangan muhandislik-texnologiya instituti, Namangan muhandislik-qurilish instituti va Namangan to'qimachilik sanoati instituti negizida Namangan davlat texnika universiteti tashkil etiladi.

✅Muhandislik, qurilish, to'qimachilik, axborot texnologiyalari va dasturlash, ishlab chiqarish, qayta ishlash hamda xizmat ko'rsatish sohalari bo'yicha, shuningdek, hududning yuqori malakali kadrlarga bo'lgan ehtiyojiga muvofiq oliy ma'lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Universitetda yuridik shaxs maqomisiz Ilg'or muhandislik maktabi faoliyati tashkil etiladi.

✅ 2025/2026-o'quv yilidan ish beruvchi korxona va tashkilotlarning real muammolari asosida bitiruv malakaviy ishlari hamda magistrlik dissertatsiyalari mavzulari bankini shakllantirish va talabalarning bitiruv malakaviy ishi hamda magistrlik dissertatsiya himoyalarini ish beruvchi korxona va tashkilotlarda tashkil etish choralari ko'riladi.

➖ 2026/2027-o'quv yiligacha Universitetning kamida ikkita bakalavriat ta'lim yo'nalishi va uchta magistratura mutaxassisligining xalqaro tan olingan tashkilotlar akkreditatsiyasidan o'tkazilishi ta'minlanadi.

➖ 2025-yildan yirik ishlab chiqarish korxonalarini Universitetga sanoat hamkori sifatida biriktiriladi.


✅NamMT, NamMQI hamda NamTSIda tahsil olayotgan barcha talabalar o'qishini Universitetda davom ettiradi va 2024/2025-o'quv yilidan boshlab bitiruvchilarga belgilangan tartibda Universitet diplomi beriladi.

❕Eslatib o'tamiz, avvalroq respublikadagi 20 ta davlat oliygohlari tugatilishi haqida xabar berilgan edi.

Ta'lim sohasiga oid yangiliklar:

✅ @Talimgaoid
752 0 5 1
Ta'limga oid

27 Jan, 09:16

Open in Telegram Share Report
⚡️Rasman: Buxoroda ikkita davlat oliygohlari tugatilmoqda

Buxoro muhandislik-texnologiya instituti hamda Buxoro tabiiy resurslarni boshqarish instituti negizida Buxoro davlat texnika universiteti tashkil etiladi.

📌 Muhandislik, ishlab chiqarish, oziq-ovqat texnologiyasi, yengil sanoat, neft va gaz, yashil energetika, arxitektura va qurilish, transport va logistika, agrotexnologiya, axborot texnologiyalari va dasturlash sohalari bo‘yicha, shuningdek, hududning yuqori malakali kadrlarga bo‘lgan ehtiyojiga muvofiq oliy ma’lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Universitetda neft va gaz muhandisligi sohasida Ilg‘or muhandislik maktabi faoliyati yo‘lga qo‘yiladi.

✅ 2025/2026-o‘quv yilidan:

➖ Universitet talabalarining fanlarni o‘zlashtirish ko‘rsatkichini va professor-o‘qituvchilarning faoliyat samaradorligini xalqaro tajribalar asosida baholash tizimi joriy etiladi;

➖ Universitet professor-o‘qituvchilari va doktorantlari yetakchi xorijiy oliy ta’lim va ilmiy-tadqiqot tashkilotlariga ilmiy stajirovka va malaka oshirishga yuboriladi;

➖ Yirik ishlab chiqarish korxonalari va tashkilotlarni Universitetga sanoat hamkori sifatida biriktiriladi;

➖ 2026-yil 1-yanvardan Universitetga akademik, tashkiliy va moliyaviy mustaqillik beriladi.
❕Eslatib o'tamiz, avvalroq respublikadagi 20 ta davlat oliygohlari tugatilishi haqida xabar berilgan edi.

Ta'lim sohasiga oid yangiliklar:

✅ @Talimgaoid
642 0 3 2
Ta'limga oid

26 Jan, 22:27

Open in Telegram Share Report
⚡️Diniy ta’lim muassasalari kirish imtihonlariga tayyorgarlik ko‘rish uchun tavsiya etilgan adabiyotlar ro‘yxati

2025-2026 o‘quv yilida O‘zbekiston musulmonlari idorasi tasarrufidagi oliy va o‘rta maxsus islom ta’lim muassasalariga kirish test sinovlariga tayyorgarlik ko‘rish uchun tavsiya etilgan darslik va adabiyotlar ro‘yxati e’lon qilindi.
Kirish imtihonlarida Chet tilidan Arab  tili bo‘yicha milliy yoki xalqaro sertifikatlarga ega bo‘lgan abituriyentlarga imtiyoz (maksimal ball) berish tartibi bekor qilinadi. Chet tili boʻyicha barcha abituriyentlar test sinovlarida to‘liq ishtirok etadilar.

O‘zbekiston musulmonlari idorasi Matbuot xizmati

Ta'lim sohasiga oid yangiliklar:

🌐 @Talimgaoid
568 0 4 1
Ta'limga oid

22 Jan, 17:27

Open in Telegram Share Report
⚡️Nukus, Buxoro, Farg‘ona va Namangan texnika universitetlari tashkil etiladi

Prezident Shavkat Mirziyoyev 22-yanvar kuni oliy ta’lim va ilm-fan sohasidagi ustuvor vazifalarga oid taqdimot bilan tanishdi.

Yig‘ilishda Nukus, Buxoro, Farg‘ona va Namangan texnika universitetlarini tashkil etish loyihalari taqdimot qilindi. Unga ko‘ra, yangi yo‘nalishlar ochilib, xorijiy dasturlar tatbiq qilinadi, talabalarning ilmiy-innovatsion jarayonlarda ishtiroki kengaytiriladi, oliygohlarga sanoat hamkorlari biriktiriladi.

Umuman, bu yo‘nalishdagi 35 ta muassasani yiriklashtirish hisobiga, 22 ta texnika universiteti tashkil qilinadi. Shu yil oxirigacha yana 17 ta muhandislik maktabi ochiladi.

So‘nggi yillarda oliy o‘quv yurtlarida ilmiy salohiyat 41 foizdan 45 foizga oshgan. Lekin, aksariyat ilmiy tadqiqotlar sanoat va ishlab chiqarishdagi zamonaviy tendensiyalarni qamrab olmayapti.

Shu bois doktorantura kvotasini taqsimlashda iqtisodiyotning drayver sohalariga ahamiyat qaratish, ilmiy daraja va unvonlar olish tartibini takomillashtirish bo‘yicha ko‘rsatmalar berildi.

Ta'lim sohasiga oid yangiliklar:

✅ @Talimgaoid
1.3k 0 10
Ta'limga oid

18 Jan, 13:17

Open in Telegram Share Report
⚡️Abituriyentlar uchun muhim eslatma!

🏛Qonunchilikka ko‘ra (PF-81, 24.05.2024-y.) 2025/2026-o‘quv yili qabulidan boshlab fanlar majmuasida chet tili birinchi fan sifatida belgilangan ta’lim yo‘nalishlariga qabul xorijiy tilni bilish darajasini belgilovchi milliy yoki xalqaro sertifikat asosida amalga oshiriladi.

❗️Bunda fanlar majmuasida chet tili birinchi fan sifatida belgilangan ta’lim yo‘nalishlariga qabul qilishda ushbu fandan test sinovi o‘tkazilmaydi. Abituriyentlar belgilangan darajadagi sertifikatni taqdim etishlari lozim.

2025/2026-oʻquv yili uchun respublika oliy taʼlim muassasalarining taʼlim yoʻnalishlari roʻyxati va ularga mos test sinovi (kasbiy (ijodiy) imtihon) topshiriladigan fanlar majmuasiga koʻra chet tili birinchi fan sifatida belgilangan taʼlim yoʻnalishlari roʻyxati ilovada (rasm👆).

E’tibor bering! 1-fan sifatida aniq ko‘rsatilgan ingliz, nemis va fransuz tillaridan ayni shu fan bo‘yicha, 1-fan “Chet tili” ko‘rsatilgan ta’lim yo‘nalishlariga esa, bakalavriat ta’lim yo‘nalishlari uchun tasdiqlangan xorijiy tillarni bilish darajasini belgilovchi milliy va xalqaro sertifikatlardan birini taqdim etish talab etiladi.

Tasdiqlangan sertifikatlar ro‘yxati bu yerda👈

Ta'lim sogasiga oid yangiliklar:

🌐 @Talimgaoid
1.2k 0 7 3
Ta'limga oid

13 Jan, 19:30

Open in Telegram Share Report
❓Talabalar stipendiyasi nega kechikmoqda?

Shu mazmunda talabalardan bir qator murojaatlar kelib tushdi. Ushbu masala bo‘yicha Oliy ta’lim vazirligining tegishli mas’ullari bilan bog‘lanib, vaziyatga oydinlik kiritishga harakat qildim.

❓Sababi nimada?

Stipendiya kechikayotganining sababi, ayni kunlarda oliy ta’lim muassasalarining moliyaviy tizimini to‘liq raqamlashtirish ishlari yakuniy bosqichda ekan. Xabaringiz bor, raqamlashtirish jarayonlari bir necha yildan buyon davom etmoqda. Masalan, kontrakt to‘lovlari ilgari faqat bankka borib to‘lanardi, talabaning hisobini (yoki qarzini) onlayn ko‘rib ham bo‘lmasdi, marketing bo‘limi eshigida sarg‘ayish kerak edi. So‘nggi yillarda bu to‘liq raqamlashdi, hozir bitta JShShIR raqamini kiritib, kontraktni onlayn to‘lasa bo‘ladi.

Endi navbat stipendiyaga kelibdi. Va bu ham to‘liq raqamli tizimga o‘tyapti. Shu sababli texnik tomondan kechikayotgan ekan.

Asosiy maqsad, oliy ta’lim tizimida talon-toroj va pul "yeyish"larning oldini olish, deyishdi mas’ullar.

❓Qachon to‘lanadi?

Hozirda tizim deyarli tayyor bo‘libdi, hatto bugundan to‘lov boshlanibdi ham. Masalan, 3 ta OTMda — Guliston davlat pedagogika instituti, Namangan davlat chet tillari instituti va Namangan to‘qimachilik sanoati institutida to‘lov qilingani aytildi.

✅ Mas’ullar uzog‘i 3 kun ichida boshqa OTMlarda ham bosqichma-bosqich to‘lovlar amalga oshirilishini aytishdi. Katta qismi ertaga o‘tar ekan.

Ta'lim sohasiga oid yangiliklar:

✅ @Talimgaoid
1.4k 0 8 3 4
Ta'limga oid

8 Jan, 21:59

Open in Telegram Share Report
#natija #rasman

⚡️Magistratura mutaxassisliklari bo‘yicha Prezident stipendiyasi g‘oliblari tasdiqlandi!

Oliy ta’lim, fan va innovatsiyalar vazirligi Hay’at qarori bilan 2024/2025-o‘quv yili uchun oliy ta’lim muassasalari magistratura bosqichining 20 nafar talabasi O‘zbekiston Respublikasi Prezidenti stipendiyasi tanlovi g‘olibi sifatida tasdiqlandi.

Shuningdek, tanlovda ishtirok etib, sovrindor bo‘lmagan talabalar ham tegishli OTM rahbari (rektor/direktor) tomonidan rag‘batlantiriladi.

Jumladan:
➡️ Prezident davlat stipendiyasi tanlovida ishtirok etib, tanlovning suhbat bosqichiga tavsiya etilgan ammo sovrindor bo‘la olmagan talabgorlarga bazaviy stipendiya miqdorining 5 baravari;

➡️ Prezident davlat stipendiyasi tanlovida ishtirok etib, tanlovning suhbat bosqichiga tavsiya etilmagan talabgorlari esa, bazaviy stipendiya miqdorining 3 baravari miqdoridagi bir martalik pul mablag‘i bilan mukofotlanadi. 

Ma’lumot uchun, joriy o‘quv yilida magistratura mutaxassisligi bo‘yicha jami 124 nafar talabgor nomzodlarning hujjatlari taqdim etilib, 20 ta yo‘nalishda tanlovning so‘nggi - suhbat bosqichiga tavsiya etilgan 57 nafar talabgor bilan alohida suhbatlar o‘tkazildi. Suhbat natijasi Maxsus tanlov komissiyasi tomonidan yashirin ovoz berish yo‘li bilan g‘oliblar tavsiya etildi.


👉Prezident davlat stipendiyasi g‘oliblari ro‘yxati

💐Barcha stipendiat talabalarimizni chin dildan muborakbod etamiz!

Ta'lim sohasiga oid yangiliklar:

✅ @Talimgaoid_perevod
1.5k 0 1 5
Ta'limga oid

6 Jan, 21:41

Open in Telegram Share Report
📣 Diqqat, e’lon!!!

✅ Hurmatli pedagoglar!

❗️ Maktabgacha va maktab ta’limi vazirligi tomonidan joriy yilning yanvar-iyun oylarida oʻtkaziladigan malaka test sinovlarida ishtirok etish uchun roʻyxatdan oʻtish va murojaat yuborish boshlandi.

➖ Attestatsiyada ishtirok etish uchun roʻyxatdan oʻtish va murojaat yuborish 2025-yil 1-martga qadar davom etadi.

👉 Murojaatlar:

➖ Maktabgacha va maktab taʼlimi vazirligining yangilangan interfeysdagi pedkadr.uzedu.uz platformasi;

➖ Yagona interaktiv davlat xizmatlari portali;

➖ Davlat xizmatlari markazlari orqali qabul qilinadi..

Ta'lim sohasiga oid yangiliklar:

✅ @Talimgaoid
1.1k 0 5
Ta'limga oid

5 Jan, 21:12

Open in Telegram Share Report
7283107.pdf
13.6Mb
🟦🟦🟦

⚡️Endilikda davlat OTMlari magistraturasiga qoʼshimcha qabul asosida oʼqishga kirgan talabalarga taʼlim krediti berilmaydi

🇺🇿Hukumatning 2021-yil 18-avgustdagi 527-son qarori 1-ilovasi 3-bandi 4-xatboshisiga tegishli oʼzgartirishlar kiritildi.

❌ Unga koʼra, «taʼlim tashkilotida tahsil olish maqsadida tabaqalashtirilgan toʼlov-kontraktni va tabaqalashtirilgan toʼlov-kontraktning minimal miqdoriga teng boʼlgan bir martalik boshqa toʼlovlarni hamda davlat oliy taʼlim muassasalari magistraturasiga qoʼshimcha qabul parametrlari asosida oʼqishga qabul qilingan abituriyent va talabalarning toʼlov-kontrakt toʼlovlarini amalga oshirish uchun taʼlim krediti ajratilishiga yoʼl qoʼyilmaydi».


Ta'lim sohasiga oid yangiliklar:

✅ @Talimgaoid
1.2k 0 1 3
Ta'limga oid

4 Jan, 18:32

Open in Telegram Share Report
❗️Toshkent Islom universiteti va O‘zbekiston xalqaro islom akademiyasi bitiruvchilariga 20 foizgacha oylik qo‘shimcha haq endi to’lanmaydi

Vazirlar Mahkamasining 2018-yil 22-iyundagi 466-son qaroriga ko‘ra, O‘zbekiston xalqaro islom akademiyasining bakalavriat va magistratura bosqichlarini bitirgan talabalar o‘z ixtisosligi bo‘yicha davlat hamda nodavlat notijorat tashkilotlariga ishga qabul qilinishida davlat ta’lim muassasalari bitiruvchilari bilan teng huquqqa ega bo‘ladilar, ularga nisbatan Vazirlar Mahkamasining "O‘zbekiston Respublikasi Vazirlar Mahkamasi huzuridagi Toshkent islom universiteti bitiruvchilarini moliyaviy jihatdan qo‘llab-quvvatlash to‘g‘risida" 2003-yil 11-avgustdagi 347-son qarori talablari qo‘llanilar edi.

Prezidentining 25.12.2024 yildagi PQ-455-son “O‘zbekiston Respublikasining "2025 yil uchun O‘zbekiston Respublikasining Davlat budjeti to’g’risida"gi Qonuni ijrosini ta’minlash chora-tadbirlari to’g’risida” qarori 9-ilova 11-bandiga muvofiq:

Vazirlar Mahkamasining 11.08.2003 yildagi 347-son qarori 2025-yil 1-yanvardan o‘z kuchini yo‘qotdi.

2025-yil 1-yanvardan boshlab Toshkent Islom universiteti va O‘zbekiston xalqaro islom akademiyasi bitiruvchilariga 20 foizgacha oylik qo‘shimcha haq endi to’lanmaydi.

Ta'lim sohasiga oid yangiliklar:

✅ @Talimgaoid
1.2k 0 0 6
Ta'limga oid

1 Jan, 23:47

Open in Telegram Share Report
ona tili va tarix ustama.pdf
274.7Kb
Ona tili va tarix oʻqituvchilariga milliy sertifikat uchun 50% ustama berish toʻgʻrisida koʻrsatma berilgan

Maktabgacha va maktab taʼlimi vazirligi 2025-yil 1-yanvardan boshlab ona tili va tarix fani oʻqituvchilariga milliy sertifikat uchun 50 foiz ustama toʻlash toʻgʻrisida 2024-yil 19-dekabr kuni hududiy MMTVlarga yuqoridagi koʻrsatma xatni yuborgan.

❗️Eslatib oʻtamiz, ustama B+, A va A+ va eski baholash asosida 80 va undan yuqori balga ega sertifikatlar uchun qoʻllaniladi.

Ta'lim sohasiga oid yangiliklar:

✅ @Talimgaoid
1.3k 0 11 2 3
Ta'limga oid

1 Jan, 14:10

Open in Telegram Share Report
🇺🇿 Prezident Shavkat Mirziyoyev 2025-yil — “Atrof-muhitni asrash va yashil iqtisodiyot yili” deb e'lon qilindi!

Shuningdek, barcha yillar nomi bilan quyida tanishish mumkin:

1991-yil — Alisher Navoiy yili
1992-yil — Hamshiralar yili
1993-yil — Ahmad Yassaviy yili
1994-yil — Mirzo Ulug‘bek yili
1995-yil — Ibn Sino yili
1996-yil — Amir Temur yili
1997-yil — Inson manfaatlari yili
1998-yil — Oila yili
1999-yil — Ayollar yili
2000-yil — Sog‘lom avlod yili
2001-yil — Onalar va bolalar yili
2002-yil — Qariyalarni qadrlash yili
2003-yil — Obod mahalla yili
2004-yil — Mehr-muruvvat yili
2005-yil — Sihat-salomatlik yili
2006-yil — Homiylar va shifokorlar yili
2007-yil — Ijtimoiy himoya yili
2008-yil — Yoshlar yili
2009-yil — Qishloq taraqqiyoti va farovonligi yili
2010-yil — Barkamol avlod yili
2011-yil — Kichik biznes va xususiy tadbirkorlik yili
2012-yil — Mustahkam oila yili
2013-yil — Obod turmush yili
2014-yil — Sog‘lom bola yili
2015-yil — Keksalarni e’zozlash yili
2016-yil — Sog‘lom ona va bola yili
2017-yil — Xalq bilan muloqot va inson manfaatlari yili
2018-yil — Faol tadbirkorlik, innovatsion g‘oyalar va texnologiyalarni qo‘llab-quvvatlash yili
2019-yil — Faol investitsiyalar va ijtimoiy rivojlanish yili
2020-yil — Ilm-ma’rifat va raqamli iqtisodiyotni rivojlantirish yili
2021-yil — Yoshlarni qo’llab-quvvatlash va aholi salomatligini mustahkamlash yili
2022-yil — Inson qadrini ulug‘lash va faol mahalla yili
2023-yil — Insonga e’tibor va sifatli ta’lim yili
2024-yil — Yoshlar va biznesni qo’llab-quvvatlash yili
2025-yil — Atrof-muhitni asrash va yashil iqtisodiyot yili

Ta'lim sohasiga oid yangiliklar:

✅ @Talimgaoid
5.3k 0 132 2
Ta'limga oid

31 Dec 2024, 22:08

Open in Telegram Share Report
🇺🇿 2025-yil — “Atrof-muhitni asrash va yashil iqtisodiyot yili” deb e’lon qilindi.

Ta'lim sohasiga oid yangiliklar:

🌐@Talimgaoid
1.3k 0 9 1 4
Ta'limga oid

29 Dec 2024, 01:19

Open in Telegram Share Report
Fanlar majmuasi-2025 (@Talimgaoid).pdf
228.0Kb
⚡️Rasman: 2025/2026-o‘quv yili uchun fanlar majmuasi tasdiqlandi

Eslatma: 2025/2026-o‘quv yili qabul parametrlari tasdiqlanganda yangi tashkil etilgan ta’lim yo‘nalishlari uchun fan majmualari qo‘shimcha tasdiqlanadi.

Shuningdek, taʼlim yoʻnalishlarini optimallashtirish natijasiga koʻra yoʻnalishlar nomi oʻzgarganda yoki yangi yoʻnalishlar tashkil etilganda mos ravishda tegishli oʻzgartirishlar kiritilishi mumkin.

Ta'lim sohasiga oid yangiliklar:

🌐@Talimgaoid
3.8k 1 25 1 1
Ta'limga oid

27 Dec 2024, 10:16

Open in Telegram Share Report
❔O‘qituvchilarga “kollektiv” bo‘lib, Yangi yil bayramini nishonlash mumkin emasmi?

Pedagog xodimlarga Yangi yil bayram tadbirlarini korporativ bayram va tadbirlar sifatida tashkil etish bo‘yicha hech qanday taqiq yo’q.

Pedagog xodimlar ham dam olish kunlarida yoki ishdan bo‘sh vaqtlarda har qanday korporativ bayram va tadbirlarda ishtirok etish huquqiga ega. Bu ularning konstitutsion huquqidir.

Pedagog xodimlar ham erkin fuqaro, shu sababdan ularning ish vaqtidan tashqari paytdagi xatti-harakatlarini cheklash, nazorat qilish mutlaqo qonunchilikka zid hisoblanadi.

🖊 Undan tashqari Mehnat kodeksining 201-moddasiga ko‘ra har kungi dam olish, boshqa dam olish kunlari (har haftalik uzluksiz dam olish) hamda ishlanmaydigan bayram kunlari dam olish vaqti hisoblanadi.

Dam olish vaqti esa xodim mehnat majburiyatlarini bajarishdan ozod bo‘lgan va o‘z ixtiyoriga ko‘ra foydalanishi mumkin bo‘lgan vaqtdir. Ya’ni, dam olish vaqtini xodimlar o‘zlari istagan holda o‘tkazishga haqli.

Shu sababli, pedagog xodimlar o‘z xohishiga ko‘ra Yangi yil bayram tadbirlarini korporativ bayram va tadbirlar sifatida tashkil etishi mumkin.

Ammo, bunday tadbirlarni maktab binosi yoki hududida o’tkazish mumkin emas. Chunki, Maktabgacha va maktab ta’limi vazirining 2023-yil 31-avgust kungi 282-sonli buyrug‘i bilan tasdiqlangan “Umumiy o‘rta ta’lim muassasasining takomillashtirilgan namunaviy odob-axloq qoidalari” bilan maktab hududi va binosida o‘quvchilarga aloqasi bo‘lmagan bayram tadbirlarini o‘tkazish taqiqlangan.

Eslatma! Ta’lim muassasasining hududi va binosida spirtli ichimliklar hamda tamaki mahsulotlarini iste’mol qilish ham taqiqlangan.


Ta'lim sohasiga oid yangiliklar:

✅ @Talimgaoid
1.3k 0 3
20 last posts shown.