TAJIDDINOV’s | Life

O'ZIM HAQIMDA

Atrofimdagi voqealar va shaxsiy fikrlarimni yozganimga qaramay o’zim haqida deyarli hech qaysi ijtimoiy tarmoqda mavzu yoritmaganman.

Kimgadir qiziqmi yo’qmi — qiziq emas, shunchaki men haqimda bilmaganlar va xeyterlarim uchun yozaman bugun. Maqtangan joylarimda chidab berasilar :)

– Maktab haqida –
Ha, kanal nomi familiyam bilan yuritiladi - Tojiddinov, ismim Shermuhammad. Qashqadaryolikman va bundan faxrlanaman! Boshlang’ich sinfim viloyatimizdagi o’z davrining eng zo’ri, Qarshi shahrida joylashgan 9-maktabda o'tgan.

O'qishimni 4-sinfni bitirib, katta shov-shuvga sabab bo’lgan Abdulla Oripov nomidagi ijod maktabida davom ettirganman (qabul eng kamida 5-sinfdan bo'lgan, hozir 7). Boshqalardan farqli ravishda fan va og’zaki imtihon orqali qabul qilinganmiz. Maqtanaman: har bir fandan 80 ball = eng balandini men yiqqanman😁

Ilk 2 oyda maktabda bizdan boshqa sinf, hatto 70 foiz o'qituvchilar ham yo'q edi, adashmasam qayta olingan imtihonlar sababli. Maktab (rasman) dastlab DIMI (davlat ixtisoslashtirilgan maktab-internati), keyinchalik ijod maktabi deb yuritildi. Sezdingizmi yo'qmi, ilk qaldirg’ochlar ham, to’liq 7 yil o’qib tugallagan ilk bitiruvchilar ham biz albatta. Maqtanaman: maktabning ilk qo'ng'irog'ini men chalganman)

Maktab sharoitlari va o'qituvchilarning dars berish darajasi super. Natijasi o'laroq, o'quvchilar har sohada ilg'or: zakovat, aktyorlik, IT, she'riyat, ona tili, ingliz tili, sport. Sifatli ta'lim, darsliklar, yotoqxona, 4 mahal ovqat, hammasi bepul! Maktabning bitta o'zgarmas 'No' tomoni bor — avvalgi yillardan yaxshiroq bo'lishi mumkin, lekin barbir ham maktab ma'muriyati, 'siyosati', ichki muhiti haqida ijobiy fikr bildira olmayman. btw, ushbu 7 yil davomida bizga 3 xil direktor, 4 xil 'завуч' rahbarlik qildi...

Hozirga kelsam. Maktabning "xayrlashuv sovg'asi"ga javoban davlat universitetlariga atayin hujjat topshirmadim, o'sha special gift, deadline'lar va scholarship'lar qiymati kamligi tufayli chetga keta olmadim.

– Universitet haqida –

To'satdan UDEA nomli Universitet varianti chiqib qoldi:
• Topdingiz, xususiy muassasa, Toshkentda joylashgan.
• UDEA va Angliyaning Coventry Universiteti hamkorligida tashkil qilingan o'quv dasturi taklifi berildi, IELTS sertifikati (majburiy), suhbat va portfoliom orqali qabul qilindim. Maqtanaman: Coventry uchun 4 yillik grand yutib oldim;)
• IT in Business yo'nalishi bo'yicha Foundation, bizni tilda 1-kursni bitirishimga ham 1 oy qoldi.
• Universitet -
- bepul mehmonxona (xeyterlarim, yotoqxona emas, mehmonxona, kichik bo'lsa ham o'z nomi bilan Hostel, bu haqida keyinchalik alohida post yozarman);
- xorijiy professorlar;
- ta'lim olish davomida amaliyot;
- o'qishni bitirgandan so'ng 5 yillik ish o'rin kafolati kabi imkoniyatlar bilan ta'minlab beryapti.
To'g'risiyam-da, shunday shart-sharoit turganda chetga ketging ham kelmay qoladi.

Xullas, bugunlik yetadi.

@tajiddinovs🐹

Bugun O’zbekiston milliy terma jamoasi Eronga qarshi maydonga tushyapti. Tehronda.

Jahon Chempionati yo’llanmasi uchun kurash bu. 90% hal, yutsak deyarli chiqqan bo’lamiz. Tasavvur qilish qiyin!

Ularga qarshi so’ngi (balkim yagona) g’alabamizga ham 13 yil bo’libdi. 2012…

Nasib, bugun yutamiz. Olg’a O’zbekiston!

yo’ling loy bo’lsa ham toza havoda sayr qilishga nima yetsin ;)

@tajiddinovs🐹

Qadimiy va milliy Navroʻz ayyomi muborak bo’lsin!

Ajdodlarimiz Navroʻzni yangi hayotning boshlanishi, tabiatning uyg‘onishi va ezgulik tantanasi sifatida nishonlab kelishgan. Bu ulug‘ ayyom insonlar qalbiga bahoriy shodlik, mehr-oqibat va birdamlik tuhfa etadi.

Yurtimiz tinch, dasturxonimiz to‘kin, qalblarimiz esa Navroʻz kabi yorqin bo‘lsin!

Navroʻz ayyomi muborak!

@tajiddinovs🐹