Таҳрирчи

@tahrirchi

Channel's geo and language: Uzbekistan, Uzbek

Category: Blogs

O‘zbek tilida nimalardir

Related channels | Similar channels

Channel's geo and language

Uzbekistan, Uzbek

Таҳрирчи

2 Mar, 12:58

Forward from: Umarkhonova's page

🌙 Ramazon tuhfasi – Ingliz tilini oson va tushunarli o‘rganing!

📌 Boshlang‘ich darajada qiynalayapsizmi? Yangi tilni o‘rganish qiyin emas!
💡 Bu kurs sizga eng oddiy va samarali usulni taklif qiladi!

✅ Tushunarli va qiziqarli grammatik darslar
✅ Kunlik suhbatlar uchun kerakli iboralar
✅ So‘z boyligingizni oshirish va listeningni rivojlantirish
✅ Eng muhim jihat – uyga vazifalar bo‘yicha alohida ustoz nazorati!

💡 Darslar kichik guruhlarda olib boriladi!

💰 Ramazon chegirmasi: 349 ming → endi atigi 119 ming!

📅 Chegirma muddati: 5-mart (chorshanba)

☎️ Murojaat: @Umarxonova_Dilafruzxon

📩 Joylar cheklangan, shoshiling!

77 0 1 1

Таҳрирчи

28 Feb, 06:53

#рамазон_муборак

Аллоҳ раҳматига олсин! Ажойиб инсон эдилар Икромхон Валихон эшон бобо! Бу шеърларини ўқиб кўзимга ёш келди😢
____
Рамазон — моҳи шариф бўйи райёндин келур,
Зикру тасбеҳу тиловат бўйи иймондин келур.

Марғубу маҳбубимиз — Мустафонинг йўлидин,
Бўйи ризвони Муҳаммад¹ бўйи Раҳмондин келур.

Сайрашур боғида булбуллар каломин соз этиб,
Мушку анбардур каломи, бўйи Қуръондин келур.

Гар муборакдир шарифу саййиди ўн икки ой
Ваззуҳо Вашшамсу Валлайл бўйи шаъбондин келур.

© Икромхон Валихон раҳимаҳуллоҳ

____
¹ Соллалоҳу алайҳи васаллам

169 0 6 5

Таҳрирчи

18 Feb, 14:57

Бир дўстимиз билан сал ҳазиллашдим. Лекин ўзимни тошкентлик таксичилардай ҳис қилвордим ўзиям))

http://t.me/tahrirchi

372 0 0 10

Таҳрирчи

18 Feb, 09:33

#эркин_таржима

أَخي لَن تَنالَ العِلمَ إِلّا بِسِتَّةٍ
سَأُنبيكَ عَن تَفصيلِها بِبَيانِ
ذَكاءٌ وَحِرصٌ وَاِجتِهادٌ وَبُلغَةٌ
وَصُحبَةُ أُستاذٍ وَطولُ زَمانِ

Шу олтисиз ололмагайсан таълим,
Кел, уларни санаб берай, биродарим:
Ҳарислигу тиришқоқлик, сўнг заковат,
Таъминоту устоз тутиш ва узоқ вақт.

Изоҳ: олти нарса бўлмаса илмга эришиб бўлмайди:

1. Заковат.
2. Ҳарислик.
3. Тиришқоқлик.
4. Таъминот.
5. Устоз тутиш.
6. Узоқ вақт.

Илм ўрганмоқчи бўлган одам — қайси соҳа бўлса ҳам — ақл-заковатли бўлмаса, шу ўрганаётган нарсасига ўч бўлмаса, тиришмаса, керакли харажатларни қилмаса (хоҳ еб-ичари, хоҳ дарсларга тўлов, хоҳ йўлкира, хоҳ дафтар, китоб, қалам олишга бўлсин, пули тугаб қолиш ташвиши бўлмаслик керак), устозни маҳкам тутмаса ва узоқ вақт шу илм билан шуғулланмаса, бир нарсага эришиш қийин. Яъни кўзга кўринадиган, янгилик қиладиган мутахассис бўлолмайди демоқчи.

http://t.me/tahrirchi

528 0 12 13

Таҳрирчи

30 Jan, 18:44

https://t.me/tahrirchi/29

1.2k 0 0 13

Таҳрирчи

30 Jan, 18:42

#янгилик
#мутолаа

Бир неча кун аввал сотувга чиққан экан, бехабар эдим, бугун совға бўлиб келди.

📖 Китоб ҳаётнинг аччиқ синовларида яшаб, сабрининг ортидан катта яхшиликларга эришган етимлар ва оналар ҳақида ҳикоя қилади.

❗️ Ишда баъзан камчилик бўлиб туради. Мусаҳҳиҳ деган жойига Ғиёсиддин Умархон қўйиб ўқийсиз...))

✅ Айтганча, Qamar'дан сўранг.

“Каналимиз ривожи, яъни янада қизиқроқ маълумотлар олиш учун ўз ҳиссангизни қўшинг”, дейман-у, бир қизиқарли маълумот жойламабман кўпдан бери. Бўлиб қолар, яна озроқ сабр қилиб туринглар. Унгача яқинларга жўнатиб қўямиз: 😁

👇🏻👇🏻👇🏻

t.me/tahrirchi

1.1k 1 5 9

Таҳрирчи

23 Jan, 09:38

Балки, аввалдан бордир, лекин назаримда шу яқин ойлар ичида ижтимоий тармоқда “faktcheking” сўзи оммалашгандай. Бирор маълумот тарқатилганда “faktcheking қилдингми?!” деб ёзишади ёки бошқа жойлардаям кўп ишлатишяпти. Қидириб кўрсам, “Фактчекинг — бу шубҳали ҳисобот ва баёнотларнинг фактик тўғрилигини текшириш жараёни. Фактчекинг матн ёки контент эълон қилиниши ёки бошқа йўл билан тарқатилишидан олдин (ante hoc) ёки кейин (post hoc) ўтказилиши мумкин...” деган маълумот чиқди. “Текшириш”, “маълумотни текшириш”, “маълумот тўғрилигини текшириш” дегани экан-да ўзбекчаси. Шуни бошқа тилдаги жимжимадор сўз билан эмас, ўзимизнинг сўзлар билан ифодаласа бўлади-ку. Гапига бегона атамалару жимжимадор сўзларни аралаштириб гапириш маданият, юқори даражали билим белгиси эмас, балки билимсизлигини яшириш воситаси-ку...

Ўзимизнинг сўзларни ишлатаверайлик))

Тарқатиб қўямиз, каналга уланиб олишсин:
👇🏻👇🏻👇🏻👇🏻
t.me/tahrirchi

1.3k 0 3 25

Таҳрирчи

20 Jan, 17:11

#янгилик

957 0 2 22

Таҳрирчи

20 Jan, 06:32

#асаблар_асаблар

Рохмат 🥴
Раҳмат ✅

Каналимиз ривожи, яъни янада қизиқроқ маълумотлар олиш учун ўз ҳиссангизни қўшинг — яқинларга жўнатиб қўямиз:
👇🏻👇🏻👇🏻

t.me/tahrirchi

1k 0 1 15

Таҳрирчи

14 Jan, 08:32

#тренд
#муқаддима

Биринчи марта трендга қўшилдим))

2.1k 2 9 49

Таҳрирчи

4 Jan, 11:28

#таҳрир_амалиёти
#нутқ

2019 йилнинг охирлари эди. Овқат пайти телевизорга кўзим тушди. “Ёш китобхон” беряпти. Озроқ кўрдим. Нимагадир ўша куни тўлиқ кўргим келмади. Китобхон ака-ука, опа-сингиллардан илтимос қилардимки, аниқ фактни айтаётганда “ҳисобланади” деманг, илтимос. Масалан, “Улуғбек Амир Темурнинг набираси ҳисобланади, Шоҳрух Мирзонинг ўғли ҳисобланади”. Бир нечта вариантдан биттаси танлаб олинса, ҳисобланади деса ярашади. Отаси, ёзилган асар муаллифи шубҳалимас-ку?!
Кузатиб билишимча, кам маълумот бор одам кўп гапирмоқчи бўлганлар шунақа сўзлардан фойдаланаётган ҲИСОБЛАНАДИ))

Каналимиз ривожи, яъни янада қизиқроқ маълумотлар олиш учун ўз ҳиссангизни қўшинг — яқинларга жўнатиб қўямиз:
👇🏻👇🏻👇🏻

t.me/tahrirchi

1.7k 0 4 25

Таҳрирчи

23 Dec 2024, 08:26

Уй таъмирлаяпмиз — яқинда тўй. Бўёқ-мўёқ ва бошқа нарсалар керак бўлиши табиий. Кўчамиз бошидаги қурилиш моллари дўконидан олиб келаман. Бугун ҳам чиқдим, керакли нарсаларни олдим. Одатда сотувчилар "яна нима берай" деб туради. Бу сафар айтмади бу гапни. Чунки бир неча кун олдин ҳазиллашгандим, ўшанинг асорати бу.

Оладиган нарсаларимни айтдим, рўйхат қилгач, "яна нима керак, бераман" деди.

— Тўй қилишим керак-ку, шунга 2000$ ча етмаяпти, пул керак, — дегандим, оғир ботибди))

1.3k 0 0 48

Таҳрирчи

15 Dec 2024, 09:31

#тавсия
#мутолаа

БЎРИЛАР АФСОНАСИ

🥳 Яна бир меҳнатимиз китоб дўконларида!

📖 Ёзувчилар уюшмаси аъзоси, ҳуқуқшунос, халқчил, зериктирмайдиган, балки ҳикоялари ичига ўқувчини тортиб кетадиган иқтидор соҳиби, қадрдон акамиз Дўстбек Сулаймоновдан янги китоб: “Бўрилар афсонаси” — бир қанча узун-қисқа, бир-биридан қизиқ ҳикоялардан иборат.

Китоб дўконларидан сўранг.

684 0 4 21

Таҳрирчи

6 Dec 2024, 18:16

Forward from: Китоб – илм манбаи

Мен охирги вақтларда кўпроқ ижодий ишларим билан банд бўлганим сабабли таҳрир ва тасҳиҳга камроқ иш оляпман, лекин ишга чанқоқ ёшлардан адашим бор — Ғиёсиддин Умархонга мурожаат қилаверасизлар.

660 0 0 14

Таҳрирчи

30 Nov 2024, 13:26

#тасҳиҳ_амалиёт

Қўлимга келаётган китоблар таҳрирга дейишгани билан кўпи қайта ёзилади. Ҳар бир саҳифа лолазор бўлиб кетади. Ҳар замон-ҳар замонда тузукроқ китоб келади. Ҳар бетидан нари борса беш-олтита хато чиқади. Шунақа ишларга пул олишга хижолат бўларканей одам😁

Каналимиз ривожи, яъни янада қизиқроқ маълумотлар олиш учун ўз ҳиссангизни қўшинг — яқинларга жўнатиб қўямиз:
👇🏻👇🏻👇🏻

https://t.me/tahrirchi

1k 1 2 11

Таҳрирчи

9 Nov 2024, 14:43

https://t.me/tahrirchi/113'га қўшимча (ёки давоми):

Poll

Бизнес
Мотивация

74 votes

884 0 2 2

Таҳрирчи

9 Nov 2024, 14:36

Ҳурматли обуначилар! Кичиккина ёрдамингиз керак, имкон қадар шу сўровномани тўлдириб, тарқатиб юборинг. Қайси мавзудаги китобларни кўпроқ сотиб оласиз (ўқийсиз)?

Poll

Бадиий
Диний
Илмий
Тарбиявий
Таржима
Фантастика
Табобат (хоҳ замонавий, хоҳ набавий)
Ҳикматлар
Китоб бўлса бўлди
Вайн кўриш яхши қизиқ

217 votes

1.3k 2 6 10

Таҳрирчи

20 Oct 2024, 14:02

✍🏻 Ижодкорларга қуйидагиларни ўқиб чиқиб, амал қилишни тавсия қиламан, шунда ишингиз нашр қилинаётганда кўнглингиз хотиржам бўлади:

🔹 Тасҳиҳ нима, мусаҳҳиҳ ким?

🔹 Таҳрир нима, муҳаррир ким?

🔹 Муҳаррир қачон яхши ишлайди?

🔹 Муҳаррир ва ёзувчи, қайта ёзиш ҳақида

📝 Таҳрир амалиёти, намуна

Таҳрир, тасҳиҳ, копирайтинг — реклама матни ёзиш бўйича тажрибали мутахассисга мурожаат қилиш учун шу ёзув устига босинг.

Каналимиз ривожи, яъни янада қизиқроқ маълумотлар олиш учун ўз ҳиссангизни қўшинг — яқинларга жўнатиб қўямиз:
👇🏻👇🏻👇🏻

https://t.me/tahrirchi

1.1k 3 16 12

Таҳрирчи

19 Oct 2024, 01:02

📚 #мутолаа

КАБОБ

Қоҳира. Ижарада турадиган мусофир талабалар эртага нима овқат ейишни муҳокама қилиб ҳеч муросага келишолмаскан, Жасур “шашлик ейлик” деган таклиф билан чиқди яна. Шериклар эса “келганингдан бери ҳеч кўрмаган одамдай “шашлик”лаб жонга тегдинг, бу ерда қиммат”, деб бу таклифни буткул кесиб ташлашди. Бу орада Жасурга уйидан, ватанидан қўнғироқ бўлди:

— Ўғлим, у ердаям шашлигу сомсалар борми? Сен пулини ўйлама, тўйиб-тўйиб егин, ҳар ҳолда талабасан, болам, қувват бўлади — яхши ўқийсан... — умид билан гапиради бирламчи эҳтиёжлардан-да ортолмайдиган ота, синиқ овозидан билинади шундоққина. Ўғил эса соғинчданми ё нималарнидир ўйлабми, кўзлари ёшга тўлиб бир нуқтага тикилганча жавоб беради:

— Хўп, дада, хавотир олманг, ҳамма нарса бор... — суҳбат шу ерга етгач, ота-бола ҳеч нарсалар ҳақида узоқ суҳбатлашади. Уларнинг суҳбатини қоғозга туширганда уч нуқтадан иборат узун диалог бўлади. “Суҳбат” тугагач, Жасур телефонини бир четга секингина ирғитиб, гиламга чўзилиб, юзига дўпписини босиб бироз ётди. Нималарни ўйлади бу пайтда (балки, болалигида шўхлик қилгани учун ота-онаси танбеҳ берган пайтда уларнинг ўлиб қолишини орзу қилганини ўйлаб уялаётгандир, афсусланаётгандир; балки клипларда, киноларда кўргани каби севган қизи касал бўлиб ўлиб қолишини, кейин уни ўйлаб сиқилиб юришни, бироз муддат ўтгач, худди унга ўхшаган қиз учраб, у билан бахтли бўлиб кетиб, ўлиб қолган севгилисини эслаб сиқилиб туришни орзу қилганини ўйлаётгандир), фақат ўзига аён. Деярли ҳар куни шу суҳбат такрорланади.

Жасур ўн-ўн беш йиллар орқага қайтиб болалигини хотирлайди: отаси бировнинг қўлида сомса сотувчи бўлиб ишлайди. Фарзандлари кўп, уларни боқиши керак, туну кун ишлайди. Топгани еган-ичгандан бошқасига етмайди (шу сабаб Жасурнинг илмга бўлган рағбатини кўрган бир ихлосманд киши унга ҳомийлик қилиб чет элга ўқишга юбориб, имкон қадар таъминлаб турганди айни пайтда), кенжаси — етти ёшли Жасур ҳам буни билади, тушунади: отасининг олдига ўйнаб борса, “ўғлим, қорнинг очми, сомса берайми?” деса ҳам рад этади. Хаёлида сомса еса, отасининг маоши камаядию рўзғорни боқолмай қолади. Лекин аслида сомса егиси келиб боради бозорга, аммо шароитни тушунгани учун сомсаларни шунчаки томоша қилибгина қаноатланиб қайтади... Сомсанинг олдида кўпроқ турган куни ундан бахтли одам йўқ гўё...

Шуларни хотирлаб еб-ичардан маълум миқдорда тийилиб, пул орттириб, шерикларини “шашлик” билан меҳмон қилишни дилига тугаркан, ўзидан-да бахтли одам — акасини, яна болалигини, энг аламли ҳамда энг ширин воқеани эслайди.

Ўша пайтлар, яъни Жасур тахминан етти-саккиз ёш пайтлари бувиси қанақадир касал бўлиб шифохонага тушиб қолди. Бир куни акаси шифохонада даволанаётган бувисига овқат олиб борди. Келгач, мақтанди:

— Эй, Жасур! — мағрур қарайди укасига. — Биласанми, бугун нима бўлди? — Жасур ҳайрон қарайди, “акам сомса едимикан?” деб ўйлайди ва акасига саволомуз қарайди, акаси бўлса янаям мағрурланиб, укасига ғолибона қараб, қўлини кўтариб кўрсаткич бармоғини осмонга қаратиб силтаб-силтаб гапида давом этади. — Бугун дадам бувим учун “шашлик” обердилар (набирасига бувилик қилиб унга ризқидан илинса-да, уялганидан ва отаси тайинлагани учун рад қилганини айтмади), олиб боргунимча ёғи оқиб, сизиб қўлимга тушган экан, бувимни кўриб, қайтишда қўлимни маза қилиб ҳидлаб келдим!

© Умархонов Ғиёсхон

📆 2020
🌍 Қоҳира