🌙 Tahmid.Uz

#РАМАЗОН УМРАСИ МЕН БИЛАН ҚИЛИНГАН ҲАЖГА ТЕНГ...

Набий саллоллоҳу алайҳи ва саллам ҳаждан қайтиб келганларидан сўнг Умму Синонга дедилар:
- Нега биз билан ҳажга бормадинг?
Умму Синон деди:
- Эримнинг иккита туяси бор эди. Биттаси билан ҳажга кетди. Иккинчиси билан фарзандларим сув ташийди!
Набий саллоллоҳу алайҳи ва саллам уни юпатиб дедилар:
- Рамазонда умра қилиш мен билан ҳаж қилишга тенг!

Яъни, Рамазонда умра қилишнинг савоби Набий саллоллоҳу алайҳи ва саллам билан ҳаж қилиш савобига тенгдир. Бу нарса ҳажнинг фарзлигини соқит қилмайди албатта. Аммо савобда тенг холос!
#Аллоҳ таолонинг савобни зиёда қиладиган мавсумлари бор.
#Фақат Умра қилиш ўзигина эмас.
Буни ғанимат билиш керак. Бу мавсумлар Аллоҳнинг бизга қилган совғаларидир. Уни қабул қилишимиз керак.

#Арафа кунининг рўзаси икки йиллик гуноҳларимизга каффорат бўлади. Буни қўлдан чиқармайлик.
#Бақара сурасининг охирги оятлари ҳамма нарсага кифоя. Унга риоя қилайлик.
#Ашуро кунининг рўзаси бир йиллик гуноҳга каффоратдир. Бунга ҳушёр бўлайлик.
#Зуҳо намози ҳар бир аъзомиздан, ҳар бир бўғимимиздан садақа ўрнига ўтади. Бунга қаттиқ турайлик.
#Лайлатул қадрда қоим бўлиш бутун умрлик ўлжадир. Буни қўлдан чиқармайлик. Ким бу кечанинг яхшилигидан маҳрум бўлса, барча яхшиликлардан маҳрум бўлади.
#Хуфтон намозини жамоат билан ўқиш кечанинг ярмини қоим қилиш, Бомдод намозини ҳам жамоат билан ўқиб кечанинг ҳаммасини қоим қилиш савобини қўлдан чиқармайлик...

@Tahmid_uz

#Қай қилса рўза бузиладими?

Ассалому алайкум!
Кўнгил бехузур бўлиб (кўнгил айниса ) ва қай қилиб юборса рўза бузуладими? Қастдан : оғизга қўл тиқиб, қоринни босиб, ёки кўнгилни айнитадиган нарсаларга қараб қай қилиб юборса рўзаси бузулади деган жойини ўқиган эдим. Шу ҳақидаям агар иложи бўлса маълумот берсангиз лар. Жавоб учун олдиндан раҳмат.
«Зикр аҳлидан сўранг» ҳайъати:

- Ва алайкум ассалом!

ЖАВОБ: Қасддан қай қилмаса оғиз тўлдирадими ёки йўқми рўза очилмайди. Агар қасддан, ўз ихтиёри билан қай қилсаю, оғиз тўла бўлса рўза очилади, оғиз тўла бўлмаса очилмайди. Қусиб қусуғини қасддан ичкарига ютиб юборса, оз бўладими, кўп бўладими рўзаси очилади. Таом оғзига келиб, сўнг беихтиёр қайтиб кетса рўза очилмайди. 

إذَا قَاءَ أَوْ اسْتِقَاءَ مِلْءَ الْفَمِ أَوْ دُونَهُ عَادَ بِنَفْسِهِ أَوْ أَعَادَ أَوْ خَرَجَ فَلَا فِطْرَ عَلَى الْأَصَحِّ إلَّا فِي الْإِعَادَةِ وَالِاسْتِقَاءِ بِشَرْطِ مِلْءِ الْفَمِ 

Агар беихтиёр қусса ёки қасддан оғиз тўла ёки озроқ қусса, қусуқ ўзи ичкарига қайтиб кетса ё қайтарса, ё ташқарига чиқса, саҳиҳ қавлга биноан қусуқ кўп бўлсин ё оз ичкарига қайтариб ютиб юборса, оғзини тўлдириб қасддан қусса рўза очилади. (Бошқа суратларда рўза очилмайди) Фатавои Ҳиндия. Валлоҳу аълам! 

⚡️РЎЗАГА ОИД КЎП ТАКРОРЛАНАЁТГАН САВОЛ-ЖАВОБЛАР (4-қисм)

❓“Рамазон кириши…” ҳақидаги уйдирма ҳадис
💬 ЖАВОБ: Бу ерда

❓Рамазон ойида умра қилиш
💬 ЖАВОБ: Бу ерда

❓Шак кунида рўза тутиш
💬 ЖАВОБ: Бу ерда

❓"Лайлатул қадр” кечасининг қандай фазилатлари бор? Унда қандай амалларни бажариш керак?
💬 ЖАВОБ: Бу ерда

❓Қазо рўзани ҳам бузиб қўйса икки кун рўза тутиб бериши вожиб бўладими?
💬 ЖАВОБ: Бу ерда

❓Таровиҳда қандай тасбиҳларни айтилади?
💬 ЖАВОБ: Бу ерда

❓Онанизм ҳаромми? Рўзага таъсири борми?
💬 ЖАВОБ: Бу ерда

❓Рамазон ойида шайтонларнинг қўл-оёқлари боғлаб қўйилади, дейишади. Лекин мен намоз ўқиётганимда ҳар-хил хаёлларга берилиб кетяпман. Буни қандай тушуниш мумкин? Шундай ҳолларда нима қилсам бўлади?
💬 ЖАВОБ: Бу ерда

❓Рамазонда даҳшатли қичқириқ бўладими?
💬 ЖАВОБ: Бу ерда

❓Самолёт ҳаводалигида ифтор вақти бўлса
💬 ЖАВОБ: Бу ерда

❓Фидяни ўз оиласига бериш жоизми?
💬 ЖАВОБ: Бу ерда

❓Бугун эрталаб ухлаб қолибман. Турганимда сув ичиб, рўзани ёпдим. Шу бугунги рўзани тутган ҳисобланаманми?
💬 ЖАВОБ: Бу ерда

❓Рўзадор одам рўза тутмаган одамларга овқат пишириб берса бўладими?
💬 ЖАВОБ: Бу ерда

❓Онамнинг сахр касаллари бор. Рўза тутиб қон текширтирсалар рўза очилмайдими?
💬 ЖАВОБ: Бу ерда

❓Рўзадор киши таҳорат олаётган пайтида оғизни чайқаётиб, бехосдан сувни ютиб юборса рўзаси бузилмайдими?
💬 ЖАВОБ: Бу ерда

❓Рўзадор ҳушидан кетса рўзаси очиладими?
💬 ЖАВОБ: Бу ерда

❓Эркак киши хотинини рўза тутишига қарши туриши мумкинми?
💬 ЖАВОБ: Бу ерда

❓Тиш олдирса рўза очиладими?
💬 ЖАВОБ: Бу ерда

❓Рўзадор таҳоратда оғиз чайиши мумкинми?
💬 ЖАВОБ: Бу ерда

❓Рўзанинг моҳияти нима?
💬 ЖАВОБ: Бу ерда

@Tahmid_uz

#ДАЙДИ ЭМАС...

Мен бу ҳикояни кўп айтаман. Чунки ундан кўп таъсирланганман.
Димашқ бозорларидан бирида кетаётган эдим. Маҳаллаларнинг биридан бир киши чиқиб йўлимни тўсиб деди:
- Сиз масжидда азон айтасиз-а?
- Ҳа!
- Кеча бир инсон менга айтишича, Димашқдаги ёпиқ бозорда отишма овози эшитилибди. Нима гаплигини билиш учун бошини кўтариб қарамоқчи бўлганида дайди ўқ келиб орқа миясига тегибди. У шол бўлиб қолибди. Унинг нима гуноҳи бор эди. Меҳнат қилиш ибодат эмасми?! Унинг хотини, бола-чақаси бор эди. Ишлаш гуноҳми? Унинг нима гуноҳи бор?! Хато қаерда? Ризқ топиш учун ҳаракат қилиш айбми?!
Мен дедим:
- Мен сабаб нимадалигини билмайман. Аммо шуни биламанки, Аллоҳ зулм қилмайди. У одилдир. Аммо бунинг жавобини билмайман!

#Йиигирма йил ўтганидан сўнг Аллоҳнинг ҳикмати билан масжидда бир маъҳад мудири билан гаплашиб қолдим. У шундай деди:
- Мен Димашқ маҳаллаларидан бири бўлмиш Майдонда яшайман. Бизнинг бир қўшнимиз бор эди. У акасининг етимларга тегишли уйни эгаллаб олди. Саккиз йил мобайнида уйни уларга бермай юрди. Болалар Шом қориларининг шайхи бўлмиш бир зотга шикоят қилишди. У зот ҳам ҳозир вафот қилиб кетган. Шайх уни чақиртириб етимларнинг уйини беришини сўради. У шайхга ниҳоятда қўпол гаплар билан гапириб уйни бермаслигини айтди.
Шайх болаларни чақириб уларга деди:
- Болаларим! Бу сизнинг амакингиз. Ундан қозига шикоят қилиб юрманг. Тўғри Аллоҳга шикоят қилинг!
Бу гап кечқурун соат 21.00 да бўлиб ўтган эди. Эрталабки соат 9.00 да уларнинг амакиси отишмада хабарни билиш учун бошини кўтариб қараган ва орқа миясидан ўқ еган биз таниган ҳалиги киши эди.
Юқорида биз ўқни "дайди ўқ" дедик. У дайди эмас, тўғри топиб келган ўқ экан!

Муҳаммад Ротиб Нобулсий.

@Tahmid_uz