ТАГИЖАРЛИКЛАР | РАСМИЙ

⏺Bugungi kunning eng muhim va dolzarb mavzulari haqida ma’lumot berib boruvchi “Siyosiy ma’rifat soati” haftaning har juma kuni Respublika Ma’naviyat va ma’rifat markazi, Prezident huzuridagi Davlat xizmatini rivojlantirish agentligi hamda O‘zbekiston Mahallalari uyushmasi tomonidan taqdim qilinadi.

Diniy e’tiqod – insonning ruhiy va ma’naviy tarbiyasining muhim qismidir. Shu bilan birga, dunyoviy tartiblar ham jamiyatning muvozanatda bo‘lishi uchun zarur. Bolalarning tarbiyasida biz har ikki jihatni hisobga olishimiz kerak.
Masjid – ibodat va xotirjamlik maskani bo‘lib, u yerda odamlar tinchlik va diqqat bilan namoz o‘qishlari kerak. Yosh bolalar esa hali bu muhitni to‘liq tushunmaydi va tabiatan o'yinqaroq bo‘lganlari uchun:
Ramazon oyida ibodatlarimizni tinch va xotirjam ado etish uchun 18 yoshga to‘lmagan, voyaga yetmagan shaxslarning masjidlarga, ayniqsa, taroveh namoziga borishini cheklash haqida avval ham aytgan edik.
Buning sabablari diniy jihatdan quyidagilar:
🔹 Namoz o‘quvchilar diqqatini – xushusini chalg‘itishi;
🔹 Masjid odoblariga rioya qilish qiyin bo‘lishi. Masjid ibodat va zikr joyi bo‘lib, unda shovqin va tartibsizlik bo‘lishi nojoizdir;
🔹 O‘yin-kulgu orqali muqaddas joyning hurmatiga putur yetkazish ehtimoli bor. Shuningdek, ular o‘zaro gaplashib yoki harakat qilib, namozxonlarga halaqit berishi ehtimoli bor.

🌍 Dunyoviylik nuqtayi nazaridan
Bolalar yoshligidan har bir joyning o‘z qoidalari borligini o‘rganishi kerak. Masjid – ibodat uchun, maktab – ilm olish uchun, o‘yingoh – o‘yin uchun. Ularni har joyga mos odob va qoidalarga rioya qilishga o‘rgatish tarbiyaning muhim qismi hisoblanadi. Shu bois nima qilish kerak?
✔️ Bolalarga masjid odoblarini uyda o‘rgatish;
✔️ Ularga diniy tarbiyani yoshiga mos ravishda berish;
✔️ Masjidga faqat namoz odoblarini tushungan va hurmat qila oladigan yoshda olib borish;
✔️ Ularning tun yarmida ko‘chada yurishi turli noxush holatlarga sabab bo‘lishi ehtimoli bor.

⚖️ Xulosa: Dinni sevish va unga amal qilish – muhim. Ammo bu jarayonda dunyoviy tartiblarni ham unutmasligimiz, har bir narsani o‘z o‘rnida qo‘llashimiz kerak.

📌 Masjidning hurmatini saqlaylik, ibodatga xotirjamlik bilan sharoit yaratishga harakat qilaylik!

Alloh barchamizga ilmli va odobli farzandlar tarbiyalashni nasib qilsin! 🤲