🌹 Tabrizlik Shams 🌹 | Shams Tabriziy | Oshiqlarga salom bo'lsin 🌹

НИМА УЧУН МАЖНУН ҲАЙВОНЛАР БИЛАН ДЎСТ БЎЛГАН?

Ривоят қилинишича, Мажнун чўлга равона бўлади, қушлар ва ҳайвонлар билан дўст бўлиб яшайди. Бир куни бир ўткинчи сайёҳ уни кўриб:
– Нега сен одамлар билан эмас, қушлар ва ҳайвонлар билан яшайсан? – деб сўрабди.

Мажнун шундай жавоб берган экан:
– Улар мени муҳаббатим учун қораламайди, мени Лайлига етказишга қодир бўлмасалар ҳам, ишқим учун мени айбламайдилар.

@Tabrizlik_Shams - Ошиқларга салом бўлсин ❄️

ОЛЛОҲНИНГ МУҲАББАТИ КИМЛАР УЧУН?

Расулуллоҳ алайҳиссалом айтдилар:

«Оллоҳ таоло айтади: Меннинг муҳаббатим Мен учун бир-бирини яхши кўрганлар, Мен учун бир-бирини зиёрат қилганлар ва Мен учун бир-бирига ёрдам берганлар учундир».

Имом Аҳмад ривояти
@Tabrizlik_Shams - Ошиқларга салом бўлсин ❄️

ДУОЛАР ҚАБУЛ БЎЛИШИ ШАРТИ

Ривоят қилинишича, бир инсон Хасан Басрийдан:
— Мен дуо қилябман, лекин Оллоҳ қабул қилмаяпти, бунинг сабаби нима — дебди.

Шунда Хасан Басрий:
— Оллоҳ дуоларингдан олдин қалбингга назар солади. Агар қалбингда ниятларинг тоза бўлса, сен сабр қил, дуоларинг албатта қабул бўлади.

@Tabrizlik_Shams - Ошиқларга салом бўлсин ❄️

МАНСУР ХАЛЛОЖНИНГ СЎНГГИ ДУОСИ

Бир киши ўлимга ҳукм қилинган Мансур Халлождан:
— “Сен нимага бундай хато қилдинг?” — деб сўрайди.
Мансур табассум қилиб шундай дейди:
— “Мен хатога йўл қўймадим. Мен ҳақиқатга етдим, лекин бу ҳақиқат юкига ҳамма ҳам чидай олмайди.”

Мансур Халложнинг ўлимидан олдинги сўнгги дуоси шундай бўлган экан:
— “Эй Оллоҳ, одамлар менга эмас, Сенга қарши чиқмоқдалар. Сен уларни кечиргин, чунки улар билмайдилар!”

@Tabrizlik_Shams - Ошиқларга салом бўлсин ❄️

Эй фарзанд, Оллоҳнинг амри билан бу дунёда қанча хоҳласанг шунча яшагил, лекин алал оқибат уни тарк этурсан. Ўлгандан сўнг ҳолим мушкул бўлмасин десанг, бугун фикр қил! Неники хоҳласанг ўзингга дўст тут, аммо барибир ундан ажраласан. Ва нимаики амални хоҳласанг қил, шунга яраша тақдирланурсан. Яхши амалга — яхши ҳукм, ёмон амалга — ёмон ҳукм.

Имоми Ғаззолий
@Tabrizlik_Shams - Ошиқларга салом бўлсин ❄️

ЗАРРАНИНГ ЯРМИСИЧА МИҚДОРДАГИ ОЛЛОҲНИНГ СЕВГИСИ

Бир куни хазрати Исо алайҳиссалом боғдаги дарахтларни суғораётган навқирон йигитга дуч келадилар. Йигит ҳазрати Исо алайхиссаломга:
— «Раббимдан менга бир зарра севги сўраб беринг», — деб арз қилади. Хазрати Исо алайҳиссалом:
— «Оллоҳдан бир зарра севги сўраб берсам, сен унга бардош беролмайсан», — деганларида, йигит:
— «У ҳолда зарранинг ярмисини берсин!» — деб ялинади. Ҳазрати Исо алайхиссалом:
— «Ё Раббим! Бу навқирон йигитга зарранинг ярмисича севгингдан ато эт!» — дейдилару йўлларида давом этадилар. Орадан бир муддат ўтиб, яна айни шу ерга келганларида ўша навқирон йигитни боғда кўрмай, қаердалигини суриштирадилар. Одамлар:
— У ақлдан озиб қолиб, тоққа чиқиб кетган, — деб жавоб беришади.

Ҳазрати Исо алайхиссалом ўша ёш йигитни ўзларига кўрсатишни сўраб, Оллоҳга муножот этадилар ва уни тоғда бир қоянинг устида самога термулганича ўтирган ҳолида топадилар. Салом берадилар, лекин йигит саломга алик олмайди. Шунда:
— Мен Исоман! — дея садо берадилар.

Вале Оллоҳ ваҳий йўли билан ҳазрати Исо алайхиссаломга буюрадики:
— Эй Исо! Қалбида зарранинг ярмисича менинг севгим бўлган кимса инсонларнинг сўзини қандай эшитсин?! Иззатим ва Жалолим ҳаққи айтаман, агар бу йигитни арра билан арраласанг ҳам сезмайди.

Имом Ғаззолий
@Tabrizlik_Shams - Ошиқларга салом бўлсин ❄️

РОСУЛУЛЛОҲ АЛАЙҲИССАЛОМ ЎРГАТГАН ДУО

Шаддод ибн Авс розияллоҳу анҳудан ривоят қилинади:

“Расулуллоҳ соллаллоҳу алайҳи васаллам бизга қуйидаги дуоларни айтиб юришимизни ўргатар эдилар:

-“Парвардигоро!
Албатта мен Сендан ишда собитликни сўрайман ва рушдда (тўғри юришда) азму қарорни сўрайман.
Мен Сендан неъматингга шукур қилишни, ибодатингни гўзал қилишни сўрайман.
Мен Сендан содиқ тил ва солим (соғлом) қалб сўрайман.
Мен Сендан ўзинг билган нарсаларнинг шарридан (ёмонлиги) паноҳ сўрайман.
Мен Сендан ўзинг биладиган нарсаларнинг хайридан (яхшилиги) сўрайман.
Мен Сендан ўзинг биладиган нарсалардан истиғфор сўрайман.
Албатта, Сен ўзинг ғайбларни ўта яхши билгувчидирсан”, деганлар”.

@Tabrizlik_Shams - Ошиқларга салом бўлсин ❄️

Роббинг билан орангдаги барча пардаларни бир бир кўтаргинки, қалбинг Роббингга соф бир ишқ билан боғлана олсин. Услуб ва қоидаларинг бўлсин, аммо услуб ва қоидаларингни ўзгаларни тишламоқ ёки эзиш учун қўллама.

Эй дўст, айниқса бутлардан узоқ тур. Ва асло ўз "тўғриларингни", қарашларингни бутлаштирма! 
Иймонинг барча нарсадан устун бўлсин, аммо иймонинг билан кибр қилма!

Шамс Табризий
@Tabrizlik_Shams - Ошиқларга салом бўлсин ❄️

Бир ривоятда айтилишича, Бобораҳим Машраб бир подшоҳ ва унинг вазирлари ҳузурига кириб, уларнинг золимлигини танқид қилади. Улар буни ҳазм қила олмай, Машрабни қатл этишга буйруқ берадилар. Аммо Машраб ўлимга ҳам рози бўлиб, шундай дейди:

"Ўлим – ҳаётнинг якуни эмас, балки бошланишидир. Менинг қонимни тўкиб, ўзларингни қутқара олмайсизлар. Ҳақиқат тўлқини барибир қалбларингизга етиб боради."

@Tabrizlik_Shams - Ошиқларга салом бўлсин ❄️