Suxrob Xurramov | Dizayn blogi 🇺🇿

Meni bir savol oʻylantiradi, hamma kurs yozib olib sotyapti. U kursda oʻqigan kishilarni ertaga intilishi nima boʻladi. Kursda oʻqib chiqib natija oladimi yoʻqmi, kursni tugatib ishli boʻlishni ham vaʼda qilayotgan joylar ham bor. Masʼuliyatni boʻyniga ham olishyapti deb, hayron qolaman)

Qayerdadir dasturchilar kurslariga chegirma bergan ekan. Aytgancha, reklamalar uchun joylar ochiq😅

Ruslar dizaynerlarni bepul kurslarini marafon yoki vebinar qilib, auditoriya yigʻishlarini koʻp koʻrgan edim. Endi bu narsalar oʻzimizning AyTi bozorga kirib kelib hamma joyda "bepul kurs", "bepul vebinar" shaklida target yoqib, "kurslarini" sotishyapti ekan.

Sotuv strategiyasi ham oʻsha-oʻsha, 5 yil oldin mana bunaqa edim (rasmi bilan), hozir "bunaqa boʻldim"... Bunaqa reklamalarni koʻraverib, jonga ham tegdi. Men tanigan kuchli dasturchilar ham kurslarga berilib ketyapti...

Ochigʻi boshni ogʻritmay, video dars yozib sotish oson pul topishdek boʻlishi mumkin. Lekin oʻzini hurmat qilgan mutaxassislar bitta oʻquvchi chiqarsa ham sifatga qaraydi deb hisoblayman. Va shu kabi bir necha kishilarni koʻrganman...

Yuzlab oʻquvchilarga videokursni oʻzini sotish esa, shunchaki biznes, u kursni har kim har xil tushunadi, effektiv emas!

Men ham shunaqa kurs yozib sotaymikan? Degan hayollar keladi. Shunchasi kurs sotayotgani yetar degan fikrlar ham bor ichida)

@suxrobblog — #fikr #kurslar

Bugun tushlik vaqtidan keyin jonli suhbat

Bugun tushlik vaqtidan keyin qisqa vaqt davomida blog obunachilar bilan fikr-mulohazalar almashib, olish uchun Ovozli suhbat tashkil qilmoqchiman. Ish vaqtida kamroq odam suhbatga kirsa ishlarni ham tahlil qilishimiz mumkin)

Xalqaro darajadagi kompaniyalarni oʻzbek tilidagi loyihalarini qoʻllab-quvvatlash orqali esa, ularning oʻzbek tilidagi dasturlarini samarali ishlashiga erishishimiz mumkin.

Google tarjimonda ingliz va rus tillaridagi tarjimalarni yuqori darajalarda aniq chiqishi ham aksariyat foydalanuvchilar tomonidan berib borgan fikr-mulohazalari sabablidir.

Biz ham oʻzbek tilidagi tarjimalarda kamchiliklarini koʻrsak, ozgina vaqt olsa ham feedback berib borsak, yaqin kelajakda tarjimalarimiz ham aniq boʻlib boradi.

@suxrobblog — #feedback #uzbektili

Oʻzimizda dizayn kanallari aksar hollarda juda koʻp boʻlishi mumkin. Ammo UX/UI dizaynerlar uchun bunday guruhlarni koʻrmagan edim. Shu sababli "UX/UI Designers Uzbekistan & Free UI Kits" guruhini tashkillashtirdim.

— Guruhda resurslar almashishimiz va bir-birimizni ishlarimizga feedback berishimiz ham mumkin boʻladi. Guruh hamma uchun ochiq va bepuldir.

📱 Guruh havolasi: https://t.me/uxuidesignersuz

Aytgancha, guruhni tanish dizaynerlarimizga tarqatib qoʻyilishimiz ham mumkin)

"Izohda vaqt muammo bo'lsachi?", deb yozishibdi.

"Bu bahona deb o'ylayman! Vaqt muammo bo'lsa loyihani olmaslik lozim, ishingizdan ko'nglingiz to'lmay topshirsangiz, qolgan ishlarga ham shunday qaraysiz. Hijolat bo'lmay, aytish kerak, Hurmatli mijoz yoki jamoa men bu vaqtda sifatli dizayn qilib bera olmayman.

Xohlasangizlar, UI Kitlardan foydalanib, qisqa muddatda o'rta darajadagi, kamchiklarga ega dizayn qilib berishim mumkin. Vijdonim qiynalmasligi uchun hamda ma'suliyatni bo'ynimga olgan holda, oldindan, ogohlantirib qo'yyapman.", bu meni fikrim.

P.s. Qisqa muddatli loyihalarni buyurtma sifatida olmaslikka harakat qilaman, mijozga vaziyatni va jarayonni tushuntiraman. Yokida ochig'ini aytib qo'yaman, aqlim yetmaydi bu loyihaga deb... Ishini olib, qo'yib, 3-4ta proekt qilib, mijozlarni norozi qilgandan, rostini aytib qo'ygan yaxshi)

Yillar muhim emas!

Veb yoki UX/UI dizaynersiz, sohada 2-3 yillab ishlab kelyapsiz, boringki, 10-15ta proekt qildiz deylik. Lekin, loyihalarda to'g'ri yechim berganingizni qayerdan bilasiz? Xo'p, ishingiz mijozga va dasturchiga yoqdi degani, siz zo'r yorvorishn dizaynersiz degani emas!

Birinchidan mijoz bu dizayner yoki art-direktor emas, dasturchiga keladigan bo'lsak o'zimizda ko'p dasturchilar o'zini ishlatadigan texnologiyalarni ham qoyillatib ishlatishiga ko'zim yetmaydi... Bu bilan, hamma mijoz va dasturchilarni layoqatsiz demoqchi emasman. Ko'plab xalqaro darajadagi yaxshi dasturchilarimiz bor, bundan tashqari dizayndan xabari bor mijozlarimiz ham bo'lishi mumkin, bu juda yaxshi albatta.

Bu postni yozishimdan maqsad, ko'proq rivojlanishimiz kerak, hurmatli dizayner do'stlarim... O'zimizdagi dizaynerlarda kuzatadigan ko'plab, kamchiliklarni yozib ketaman:

— Avvalo loyihani yaxshilab tushunib oling va shu bo'yicha research qiling. Kamida loyihani 20ta alternativ versiyalarini o'rganib chiqing. Alternativi bo'lmagan taqdirda, boshqa loyihalarni yaxshilab tahlil qilib, o'zimizni loyihaga oladigan qismlarini o'rganib, o'z stilingizni yaratishga harakat qiling...

UI'da ishlashdagi kamchiklarimizdan (umumiy UI prinsiplarini bilmaslik):
— Grid bilan to'g'ri ishlay olmaslik;
— Masofa, o'lchamlar (bir bog'dan, bir tog'dan bo'lib ketgan bo'ladi);
— Tugmalar (button) har xil o'lchamda yoki, bitta stilda emasligi;
— Ranglar (Loyiha 2ta mavzuda bo'lsa, figmada color variables bilan ishlashni tavsiya qilaman);
— Components'siz ishlash;
— Layer'larni tartiblamay ishlash, imkon qadar layerlarni nomlab keting (boshqa dizayner b/n ishlasangiz to'liq nomlab keting);

— Boshqa dizayner Feedback'lariga amal qiling. Yokida amal qilmaslik uchun, sabab keltiring)
— Dasturchiga dizaynni topshirishda qadamma-qadam (figmada section'larga bo'lib) tushunarli qilib topshirmaslik.
— Dasturchi siz chizgan dizaynni qidirib yurmasin va ortiqcha savollarni oldini oling. Dasturchi b/n inoq bo'lishga harakat qiling.Va joyi kelganda dasturchiga amallab, yuboring deysiz bemalol 😅;

Bu kamchiliklar juda ko'pchilikda ko'raman, hattoki, Rus va Ukrainalik dizaynerlarni figma faylllarini ochganimda ham uchratganman, bu yaxshi holat emas, albatta. Bu postni esa avvalo o'zimga eslatma uchun ham yozib ketyapman. Menda ham, boshqalarda ham kamchiklar bo'ladi, bu tabiiy holat bundan uyalish yoki hijolat bo'lish kerak emas. Ammo o'rganib, rivojlanmasangiz bu uyatli holatdir, o'rganmaslikdan uyaling!

P.s. Sohani o'rganib borar ekanman, hali ko'p narsalarni bilmasligimni anglab yetyapman. Imkon qadar, zanglagan bilimlarimni yangilab boryapman)

@suxrobblog — #foydali #tanqid #feedback

2-akkauntni veb orqali o'tib ochganimga, "owner" ni o'tkazish huquqi chiqib turibdida. Va shu usul bilan egalikni o'tkazdim o'zim. Anchadan beri, figmada ishlamaganimga esdan ham chiqib qolibdi, yo yangilanishlar ko'payib ketyapti😅

ChatGPT ham 2ta usulni aytyapti, qizig'i)