СЎХ ТУМАНИ ҲОКИМЛИГИ

Сарибозорча маҳалла фуқаролар йиғинида пистачилик кўчаси ташкил этилади

Хабарингиз бор, туманимизнинг иқлим шароитидан келиб чиқиб, туман ҳокими ва туман прокурори ташаббуси билан пистачиликни йўлга қўйиш ва уни ривожлантириш учун илк қадамлар қўйилмоқда. Бунинг учун илғор тажрибаларни ўрганиш ва амалга татбиқ этиш бўйича ишлар ҳам бошлаб юборилган.

Туманимизда пистачиликни ривожлантириш орқали аҳоли бандлигини таъминлаш ва бунинг пировардида аҳоли даромадларини ошириш юзасидан 2-сектор ҳудудидаги Сарибозорча маҳалла фуқаролар йиғинида пистачилик кўчасини ташкил қилиш ва мазкур соҳани маҳалла драйверига айлантириш бўйича илмий-амалий семинар бўлиб ўтди ва мазкур тадбирда маҳалла аҳли иштирок этди.

Семинарда туман ҳокими Сайидбаҳром Сайидмусаев, туман секторлари раҳбарлари шунингдек, қишлоқ хўжалиги вакиллари, корхона ва ташкилотлар раҳбарлари, ҳамда Риштон туманидан таклиф этилган пистачилик буйича мутахассис "Агро голд сервис Дроп" МЧЖ рахбари Қодиржон Қосимов иштирок этишди.

Мазкур семинарда Сарибозорча маҳалла фуқаролар йиғиннинг “Шитобон” кўчаси танлаб олиниб, ушбу кўчадаги 35 та хонадонга 100 донадан писта кўчати тайёрлаш учун махсус пакетчалар, 100 та кўчатга сарфланадиган писта уруғлари ва биогумуслар етказиб берилди. Тадбир давомида писта кўчатларини тайёрлаш, экиш ва парваришлаш буйича мутахассилар томонидан тушунча ва кўникмалар берилди.

🇺🇿https://t.me/suxliklars

🌍Веб сайт|💬Facebook|✅Telegram| 📹Youtube |📸 Instagram

Одамлар ва ҳайвонлар ўртасида қутуриш касаллигини келиб чиқиши ҳамда тарқалишини олдини олишга оид очиқ мулоқот ташкил этилди

Ўзбекистон Республикаси Вазирлар Маҳкамасининг 2011-йил 8-июлдаги “Қаровсиз қолган ҳайвонларни тутиш ва сақлаш билан боғлиқ хизматлар фаолиятини такомиллаштириш чора-тадбирлари тўғри-сида”ги 202-сонли қарори ижросини таъминлаш мақсадида, Фарғона вилояти ҳудудида одамлар ва ҳайвонлар ўртасида қутуриш касаллигини келиб чиқиши ҳамда тарқалишини олдини олишга мўлжалланган комплекс чора-тадбирлар режаси ишлаб чиқилиб, Фарғона вилояти ҳокими - Фуқаро муҳофазаси бошлиғи томонидан 2025-йил 15-январ куни 20-01-50-сонли режа бўлиб тасдиқланди.

Мазкур қарорнинг ижросини таъминлаш мақсадида Сўх туманида ҳам мутасадди ташкилотлар томонидан тизимли ишлар олиб борилмоқда. Туман маданият марказида ташкил этилган очиқ мулоқот ҳам мазкур қарор тарғиботи ва ижросига бағишланди.

Очиқ мулоқот туман фавқулодда вазиятлар бўлими мутасаддилари ташаббуси билан ташкил этилди ва ушбу тадбирда туман ҳокими ўринбосари Содиқжон Мурзоев, тумандаги корхона-ташкилот ва муассасалар вакиллари иштирок этдилар. Ўтказилган тадбирда мазкур касаллик ҳақида тўлиқ маълумот берилди ва қабул қилинган қарор ижросини таъминлашда мустаҳкам ҳамкорликда фаолият олиб бориш шарт ва зарурлиги таъкидланди.

Сўх тумани ҳокимлиги Ахборот хизмати

🇺🇿https://t.me/suxliklars

🌍Веб сайт|💬Facebook|✅Telegram| 📹Youtube |📸 Instagram

2025 йилда Сўх туманида саноатни ривожлантириш бўйича амалга ошириладиган ишлар

Ҳудудларда саноатини ривожлантириш ва саноат корхоналарининг барқарор ишлашини таъминлаш бўйича Ўзбекистон Республикаси Президентининг “Ҳудудларда саноат салохиятини янада ошириш бўйича қўшимча чора-тадбирлар тўғрисида” 2024-йил 15-августдаги 295-сонли қарори қабул қилинди ҳамда ушбу йўналиш бўйича туман иқтисодиёт ва молия бўлимида янги бўлим ташкил этилди.

Жорий йилда саноат маҳсулотларини ишлаб чиқариш ҳажми 167,4 миллиард сўмга ёки 111,0 фоизга етказишни, бу борада қуйидаги йўналишларни ўз олдимизга мақсад қилиб кўйганмиз.

Жумладан:

- 2025 йилда жами 210.7 миллиард сўмлик 518 та саноат йўналишдаги лойиҳаларни амалга ошириш ҳисобига 1546 та янги иш ўринлари яратилади;

- ҳудудларда фаолият кўрсатмаётган 112 та саноат корхоналари билан ишлаш, уларнинг фаолиятини тиклаш, кўмаклашиш ҳисобига 10,1 миллиард сўм маҳсулотлар ишлаб чиқарилади;

- 2024 йилда ишга тушган 92 та саноат лойиҳаларини ишга тушириш ҳисобига 9,1 миллиард сўм миқдорида қўшимча саноат маҳсулотлари ишлаб чиқарилади;

- ҳудудларда янги саноат корхоналари ташкил этилиши ҳисобига (2024 йил ўтган даврида 86 та саноат корхонаси давлат рўйхатидан ўтказилган) қўшимча 8,4 миллиард сўм маҳсулотлар ишлаб чиқарилади.

Шу билан бирга 2025 йилда тумандаги 1 та йирик саноат корхонаси томонидан жами 3,5 миллиард сўмлик лойиҳаларни амалга ошириш ҳисобига 50 та янги иш ўринлари яратилади.

Зайлиддин Искандаров – Сўх тумани иқтисодиёт ва молия бўлими бошлиғи

🇺🇿https://t.me/suxliklars

🌍Веб сайт|💬Facebook|✅Telegram| 📹Youtube |📸 Instagram

“Маҳалламизни жиноятчиликдан холи ҳудудга айлантирамиз” шиори остида фаолият олиб борган маҳаллалар еттилиги рағбатлантирилади

Туман ҳокими, туман секторлари раҳбарлари ва Ўзбекистон Республикаси маҳаллалар уюшмаси Сўх тумани бўлими раҳбари томонидан тасдиқланган режага асосан туманимизнинг барча маҳалла фуқаролар йиғинларида 27 январьдан 25 февраль кунигача, яъни бир ой давомида жиноятчиликни олдини олишда маҳаллалар еттилигининг фаолияти мавзусида учрашув ва очиқ мулоқотлар ўтказилади. Бугун Девайрон маҳалласидаги 16-сонли умумий ўрта таълим мактабида мазкур йўналишдаги тадбир бўлиб ўтди.

Тадбирда туман ҳокими Сайидбаҳром Сайидмусаев, туман прокурори Садирали Мирзокаримов, Ўзбекистон Республикаси Президентининг Сўх тумани Ҳалқ қабулхонаси ва маҳаллалар уюшмаси Сўх тумани бўлими мутасаддилари иштирок этдилар. Девайрон ва Умабара қишлоқлари фуқаролари қатнашган мазкур учрашувда куннинг асосий масаласи муҳокама ва таҳлил этилди.

Қайд этилдики, ўтган 2024 йилда жиноятчилик туманда кескин ошмаган бўлса ҳам, унинг баъзи турларининг кўрсатгичлари биздан самаралироқ фаолият юргизишни талаб этади. Жиноятчиликни олдини олишда албатта, мутасадди ташкилотлар билан ҳамкорликни мустаҳкамлаш катта аҳамият касб этади.

Мазкур тадбирда шунингдек, аҳолини қийнаётган муаммо ва камчиликлар хусусида мурожаатлар қилинди. Туман ҳокими учрашув давомида аҳоли мурожаатлари билан ишлашда манзилли иш юритган мутасаддилар ва жиноятчиликни жиловлашда мустаҳкам ҳамкорликни йўлга қўйган ва ушбу кўрсатгични камайтиришга муваффақ бўлган еттиликни рағбатлантиришни таъкидлади. Ҳамда барча маҳаллалар мутасадилари ва еттилигига туман ҳокими “Маҳалламизни жиноятчиликдан холи ҳудудга айлантирамиз” шиори остида фаолият олиб бориш юзасидан қатъий кўрсатма ва вазифалар юклади. Бундай тадбирлар маҳаллаларда мунтазам ўтказилади.

Сўх тумани ҳокимлиги Ахборот хизмати

🇺🇿https://t.me/suxliklars

🌍Веб сайт|💬Facebook|✅Telegram| 📹Youtube |📸 Instagram