ОРТОМЧУЛУК КЫЛААР ДЕП....

Жазга айлантып көңүлдөрдү гүлдөтүп,
Жайначу элек сөз калтырбай сүйлөшүп,
Азыр болсо жөн таанышка айландык,
Анда-санда ал сурашып үндөшүп.

Артык көрүп мени өзүңдүн жаныңдан,
Ардактаган сөз айтчу элең жалынган.
Ошол кезде күндө шайдоот жүрчү элем,
Оргуп чыккан булак өңдүү чамынган.

Басып жүрүп, жаздын жашыл килемин,
Бар болсун деп сага тилек тиледим.
Балким бизге ортомчулук кылаар деп
Жумшап койдум жылуу шамал илебин.



Клара Ниязова