STATISTIKA | Rasmiy kanal

Кўрсатилган бозор хизматлари

🏢Статистика агентлиги дастлабки маълумотларга кўра, 2024 йилнинг январь-декабрь ойларида (норасмий ва яширин иқтисодиётни статистик баҳолаш бўйича ўтказилган кузатувлар натижаларини қўшган ҳолда) кўрсатилган бозор хизматлари ҳажми 818 428,3 млрд сўмни ташкил этди ва ўтган йилнинг мос даврига нисбатан 12,9 % га ўсди.

Кўрсатилган бозор хизматлари умумий ҳажмининг ўсишида молиявий хизматларнинг 20,6 % га (кўрсатилган умумий бозор хизматлари ҳажмининг ўсишидаги таъсири 3,4 пункт), савдо хизматлари 11,8 %га (ўсишдаги таъсири 2,3 пункт), яшаш ва овқатланиш хизматлари 10,6 %га (ўсишдаги таъсири 2,3 пункт), алоқа ва ахборотлаштириш хизматлари 25,8 %га (ўсишдаги таъсири 1,5 пункт), транспорт хизматлари 8,6 %га (ўсишдаги таъсири 1,5 пункт), таълим соҳасидаги хизматларнинг 13,4 %га (ўсишдаги таъсири 0,5 пункт) ўсиши ижобий таъсир кўрсатди.

Норасмий ва яширин иқтисодиётни статистик баҳолаш бўйича ўтказилган кузатувлар натижаларини қўшган ҳолда кўрсатилган бозор хизматларнинг энг катта ҳажми яшаш ва овқатланиш (183 314,5 млрд сўмни ташкил этиб, ўтган йилнинг мос даврига нисбатан ўсиш суръати 110,6 %га етди), савдо хизматлари (149 599,8 млрд сўм, 111,8 %), транспорт хизматлари (145 124,4 млрд сўм, 108,6 %) ва молиявий хизматлар (135 509,5 млрд сўм, 120,6 %)га тўғри келади.

🇺🇿 Лотинда
🇷🇺 Читать на русском

Қишлоқ, ўрмон ва балиқ хўжалиги

🏢Статистика агентлиги дастлабки маълумотларга кўра, 2024 йилнинг январь-декабрь ойларида қишлоқ, ўрмон ва балиқчилик хўжалиги маҳсулот (хизмат)лари ҳажми 467 041,5 млрд. сўмни ёки 2023 йилнинг мос даврига нисбатан 103,1% ни, шу жумладан, деҳқончилик ва чорвачиликда, овчиликда ва ушбу соҳаларда кўрсатилган хизматлар – 451 019,6 млрд. сўмни (103,1 %), ўрмон хўжалигида – 11 778,4 млрд. сўмни (103,0 %), балиқчилик хўжалигида – 4 243,5 млрд. сўмни (97,2 %) ташкил қилди.

Қишлоқ, ўрмон ва балиқчилик хўжалиги маҳсулот(хизмат)лари ҳажмининг ошиши, асосан қишлоқ хўжалиги маҳсулотларини етиштириш ҳажмининг кўпайганлиги (3,1 %) билан боғлиқ. Барча тоифадаги хўжаликларда қишлоқ хўжалиги маҳсулотларининг ошиши узумнинг – 5,4 % га, полизнинг – 5,1 %, меваларнинг – 4,8 % га, донли экинларнинг – 4,8 % га, картошканинг – 4,0 % га, сутнинг – 4,0 % га ошиши билан изоҳланади.

Хўжалик тоифалари бўйича таҳлиллар қишлоқ хўжалиги маҳсулотлари умумий ҳажмининг 63,1 % - деҳқон ва томорқа хўжаликлари, 29,7 % - фермер хўжаликлари, 7,2 % - қишлоқ хўжалиги фаолиятини амалга оширувчи хўжаликлар ҳиссасига тўғри келишини кўрсатмоқда.

🇺🇿 Лотинда
🇷🇺 Читать на русском

Асосий капиталга инвестициялар

Статистика агентлиги дастлабки маълумотларга кўра, 2024 йилнинг январь-декабрь ойларида, барча молиялаштириш манбалари ҳисобидан асосий капиталга инвестициялар ҳажми 493 652,0 млрд.сўмни ташкил этиб, ўтган йилнинг мос даврига нисбатан ўсиш суръати 127,6 фоизни ташкил этди.

Шу билан бирга, асосий капиталга йўналтирилган инвестициялар умумий ҳажмида корхоналар маблағлари ҳисобидан ўзлаштирилган инвестициялар улуши 17,6 %ни, Ўзбекистон Республикаси кафолати остидаги хорижий кредитлар – 4,8 %, тижорат банклари кредитлари ва бошқа қарз маблағлар – 2,6 %, тўғридан-тўғри хорижий инвестициялар ва кредитлар – 62,8 %, шундан тўғридан-тўғри хорижий инвестициялар (ТТХИ) – 30,5 %, аҳоли маблағлари – 6,5 %, Республика бюджети – 4,6 %, Тикланиш ва тараққиёт жамғармаси – 0,7 %, Сув таъминоти ва канализация тизимини ривожлантириш жамғармаси 0,4 %.

Асосий капиталга инвестицияларнинг 2023 йилнинг мос даврига нисбатан юқори ўсиш суръатларини молиялаштиришнинг асосий манбалари: Тикланиш ва тараққиёт жамғармаси – 157,1%, тўғридан-тўғри хорижий инвестициялар ва кредитлар – 159,0%, улардан тўғридан-тўғри хорижий инвестициялар (ТТХИ) – 152,0%.

Молиялаштириш манбалари бўйича паст ўсиш суръатлари: Сув таъминоти ва канализация тизимини ривожлантириш жамғармаси маблағлари – 79,9%, Ўзбекистон Республикаси кафолати остидаги хорижий кредитлар – 97,4%, аҳоли маблағлари – 98,7%,тижорат банклари кредитлари ва бошқа қарз маблағлар – 86,5%, Республика бюджети – 90,3%, корхоналар маблағлари – 96,3%.

🇺🇿 Лотинда
🇷🇺 Читать на русском

Саноат соҳалари

Статистика агентлиги дастлабки маълумотларга кўра, 2024 йилнинг январь-декабрь ойларида республика корхоналари томонидан 885 818,9 млрд. сўмлик саноат маҳсулотлари ишлаб чиқарилди ва саноат ишлаб чиқариш индекси ўтган йилнинг шу даврига нисбатан 106,8 фоизни ташкил этди.

Шу билан бирга, саноат ишлаб чиқаришининг умумий ҳажмида ишлаб чиқарадиган саноатнинг улуши 85,1 фоизни, тоғ-кон саноати ва очиқ конларни ишлаш саноати 7,6 фоизни, электр, газ, буғ билан таъминлаш ва ҳавони кондициялаш 6,8 фоизни, сув билан таъминлаш, канализация тизими, чиқиндиларни йиғиш ва утилизация қилиш 0,5 фоизни ташкил этди.

Саноат ишлаб чиқариши ўсишининг асосий омили бўлиб ишлаб чиқарадиган саноат корхоналарида ишлаб чиқариш ўтган йилнинг шу даврига нисбатан 7,7 % га, сув билан таъминлаш, канализация тизими, чиқиндиларни йиғиш ва утилизация қилиш саноатида физик ҳажм индекси 5,5 % га, электр, газ, буғ билан таъминлаш ва ҳавони кондициялашда 5,3 % га ҳамда тоғ-кон саноати ва очиқ конларни ишлаш саноатида 1,9 % га ошганлиги кузатилди.

Шу билан бирга, ишлаб чиқарадиган саноатида резина ва пластмасса буюмлар ишлаб чиқариш (2023 йилнинг январь-декабрь ойларига нисбатан физик ҳажм индекси 127,2 %), шунингдек, тўқимачилик маҳсулотлари ишлаб чиқариш (2023 йилнинг январь- декабрь ойларига нисбатан физик ҳажм индекси 111,1 %) ҳажми ошди.

Ўтган йилнинг шу даврига нисбатан хом нефт ва табиий газ ишлаб чиқариш (2023 йилнинг январь-декабрь ойларига нисбатан физик ҳажм индекси 97,8 %), машина ва ускуналардан ташқари тайёр металл буюмлар ишлаб чиқариш (2023 йилнинг январь-декабрь ойларига нисбатан 86,8 %) ҳажми пасайиши кузатилди.

🇺🇿 Лотинда
🇷🇺 Читать на русском

Ялпи ички маҳсулот ҳажми 6,5 % га ўсди

Статистика агентлиги дастлабки маълумотларга кўра, 2024 йилнинг январь-декабрь ойларида Ўзбекистон Республикаси ялпи ички маҳсулот (ЯИМ) ҳажми жорий нархларда 1 454 573,9 млрд. сўмни ташкил этди ва 2023 йилнинг мос даврига нисбатан 6,5 % га ўсди.

Саноат тармоғининг ўсиши 6,8 % ни ташкил этди ва ЯИМ ўсишига ижобий ҳиссаси 1,7 ф.п.ни ташкил этди.

Қишлоқ, ўрмон ва балиқчилик хўжалигининг ўсиши 3,1 % ни ташкил этди ва ЯИМ ўсишига ижобий ҳиссаси 0,6 ф.п.ни ташкил этди.

Қурилиш ишлари ҳажмининг ўсиши 8,8 % ни ташкил этди. Қурилиш тармоғининг ЯИМ ўсишига ижобий ҳиссаси 0,6 ф.п.ни ташкил этди.

Хизматлар кўрсатиш соҳасида ўсиш суръати 7,7 % ни ташкил этди. Шундан савдо, яшаш ва овқатланиш бўйича хизматлар 11,1 % га, ташиш ва сақлаш, ахборот ва алоқа 13,4 % га ҳамда бошқа хизмат соҳалари 4,5 % га ўсди. Хизматлар кўрсатиш соҳасининг ЯИМ ўсишига ижобий ҳиссаси 3,3 ф.п.ни ташкил қилди.

Маҳсулотларга соф солиқлар ҳажми 6,0 % га ўсди ва унинг ЯИМ ўсишига ижобий ҳиссаси 0,3 ф.п.ни ташкил этди.

🇺🇿 Лотинда
🇷🇺 Читать на русском