Talabalar kuni ekan bugun. O‘z mehnati (yoki omadi) bilan o‘qishga kirgan barcha talabalarni va avval talaba bo‘lganlarni ushbu bayram bilan tabriklayman!
Bugun internetda ko‘plab “birinchi talabalar kunim bilan!” degan postlarga ko‘zim tushdi. Talabalik shunchalik katta narsa deb qabul qilinadimi yoki bu davrning qisqaligi sabablimi? Balki, bu tabiiy holat – o‘ziga xos hayajon va yangi bosqichdir (muammo nimada unda?). Men ham bunday narsalarga qarshi emasman, nishonlash kerak bo‘lsa, bemalol nishonlayman ham. Lekin, bunchalik haddan tashqari e’tirof (overhype) nimaga kerak? Faqat “men ham talabaman” deyish uchunmi? Bilmadim.
Aslida, talabalik bu shunchaki maqom emas, balki bilim olib, o‘z hayotingni yaxshilash sari tashlangan birinchi qadamdir. Eng muhimi – talabalikni mazmunli o‘tkazib, unda oladigan imkoniyatlarni qadrlashdir. Shunday ekan, bugun nafaqat bayram qilishni, balki o‘z oldingizga eng muhim maqsadlarni qo‘yishni ham unutmang!
Talabalar kuni muborak!
@spotlight_uz
