Buxoro viloyati soliq boshqarmasi

Sudyalar va soliq xodimlari uchrashuvi

Buxoro viloyati soliq boshqarmasida tumanlararo ma’muriy sudining raisi A. Bobomurodov, viloyat ma’muriy sudining sudyalari B.Ibragimov va O.Rajabovlar ishtirokida ma’muriy sud ish yurituvida ishlarning tezkor va sifatli ko‘rib chiqilishini ta’minlash hamda fuqarolar va tadbirkorlik sub’yektlarining soliq organlari bilan yuzaga kelishi mumkin bo‘lgan nizolarni oldini olish maqsadida seminar tashkil etildi.

Unda dastlab yig‘ilganlarga O‘zbekiston Respublikasi Prezidentining "Fuqarolar va tadbirkorlik sub’yektlarining huquqlarini sud orqali himoya qilishning zamonaviy mexanizmlarini joriy etish bo‘yicha qo‘shimcha chora-tadbirlar to‘g‘risida»gi qarori mazmun-mohiyati keng tushuntirib o‘tildi.

Xususan, mazkur qarorga ko‘ra, ma’muriy sudlar faoliyatiga joriy etilgan yangi tartiblar tushuntirib o‘tildi.

Jumladan, endilikda ma’muriy sudlarga harakati (harakatsizlik) ustidan shikoyat qilinayotgan davlat organi mansabdor shaxsi yoki uning vakili sud majlisida majburiy ishtirok etishini ta’minlash;

- ma’muriy sud ish yurituvida ishlarning tezkor va sifatli ko‘rib chiqilishini ta’minlashga hamda fuqarolar va tadbirkorlik subyektlariga o‘z huquqlarini himoya qilish uchun qo‘shimcha imkoniyatlar yaratishga qaratilgan dastlabki eshituv institutini joriy etilishi aytib o‘tildi.

Ta’kidlanishicha, quyidagilarni nazarda tutuvchi qonun loyihasi ishlab chiqiladi:

- davlat organi mansabdor shaxsi yoki uning vakili ma’muriy sudning majlisida majburiy ishtirok etishini ta’minlash;

- ma’muriy sud ish yurituvida dastlabki eshituv institutini joriy etish;

- ma’muriy sudga nizolarni hal etish jarayonida sudga hurmatsizlik qilinishi va sudning xususiy ajrimi bo‘yicha choralar ko‘rmaslikka oid huquqbuzarliklar aniqlanganda, ma’muriy huquqbuzarliklar to‘g‘risidagi ishlarni ko‘rish vakolatini berish.

2025-yil 1-maydan tadbirkorlar tomonidan tan olingan soliqqa oid huquqbuzarliklar bo‘yicha soliq organi tomonidan ushbu tadbirkorning banklardagi hisobvaraqlari bo‘yicha operatsiyalarni to‘xtatib qo‘yish tartibi joriy etiladi.

Тelegram | Facebook|Instagram|Youtube

Xarid chekini olishga o‘rganaylik!
Bu har tomonlama o‘zimizga foydalidir.

Ko‘pchilik fuqarolar savdo yoki xizmat ko‘rsatish nuqtalarida to‘lovni naqd pul yoki bank plastik kartasi orqali amalga oshiradi, lekin xarid chekini olishmaydi. Nega shunday❓

Xo‘sh, xarid cheki o‘zi nima uchun zarur?

🔹Birinchidan, 🧾xarid chekini talab qilib olishga o‘rgangan fuqarolar Soliq mobil ilovasi orqali chekdagi QR-kodni skaner qilib 1% keshbek va 12% ijtimoiy keshbek to‘plashadi.

🔹Ikkinchidan, ushbu chek orqali olgan mahsulotingizga nisbatan e’tirozingiz bo‘lsa yoki sifatsiz chiqsa almashtirib olish imkoniga ega bo‘lasiz.

🔹Uchinchidan, 🧾 xarid chekini talab qilish orqali Siz ayrim tadbirkorlarning soliqdan qochishga urinishlari hamda yashirin iqtisodiyotning oldini olasiz.

✔️Unutmang! Avvalo, mamlakat budjetini shakllantirishda soliqlar muhim o‘rin tutadi.

Ushbu mablag‘lar esa shaharu tumanlarimizning obodligi, yanada ko‘rkam qiyofaga kirishi, yangi ijtimoiy soha obyektlarining bunyod etilishi, ko‘chalarimizning ravon bo‘lishi uchun sarflanadi.

Тelegram | Facebook|Instagram|Youtube

#mobil_ilova

✅ SOLIQLARNI "SOLIQ" MOBIL ILOVASI ORQALI TO’LAB VAQTINGIZNI TEJANG

Soliq (Android/iOS) ilovasida soliq toʻlovchi jismoniy shaxslarga qulaylik yaratish maqsadida soliq turlari boʻyicha qarzdorlik haqida maʼlumot olish va toʻlovlarni amalga oshirish imkoni yaratilgan:

🔹 jismoniy shaxslar uchun mol-mulk solig'i

🔹jismoniy shaxslar uchun yer solig'i

🔹jismoniy shaxslarning mol-mulkni ijaraga berishdan olingan daromadlari bo‘yicha daromad solig‘i

🔹jami yillik daromad to‘g‘risidagi deklaratsiya taqdim etish asosida JShODS

🔹o‘zini o‘zi band qilgan shaxslar uchun ijtimoiy soliq

🔹penya

Toʻlovni amalga oshirishdan oldin ko‘chmas mulk (yer uchastkasi) egasi JShShIRni koʻrsatib FACE ID orqali avtorizatsiyadan oʻtishi lozim. Tizim avtomatik ravishda mavjud qarzdorlik yoki uning yo'qligini aks ettiradi.

❗️Toʻlov amalga oshirilgandan soʻng barcha tushumlar “Toʻlangan soliqlar tarixi” boʻlimida saqlanadi.

To‘lovlarni amalga oshirishdan avval ma'lumotlarning to‘g‘riligiga e'tibor qarating!

Тelegram | Facebook|Instagram

BILASIZMI❓

#hunarmandchilik

Hunarmandlarga soliq solish

“Hunarmand” uyushmasi a’zolari hunarmandchilik mahsulotlarini (tovarlarini, xizmatlarini) ishlab chiqarish hamda realizatsiya qilishni amalga oshirganda qat’iy belgilangan miqdordagi daromad solig‘ini to‘lashdan ozod etiladi.

Agar hunarmand Uyushma a’zosi bo‘lmasa, qat'iy belgilangan miqdorda JShODS to‘laydi.

01.06.2023-yildan 01.01.2025-yilga qadar Milliy katalog va Reyestrga kiritilgan hunarmandlar uchun AOS stavkasi 50 %ga kamaytiriladi, ya'ni ular soliqni 40% stavka o‘rniga 20% stavkada to‘laydi. AOSni ham qatʼiy belgilangan summada to‘lash mumkin.

“Hunarmand” uyushmasiga a’zo bo‘lgan hunarmandlar mehnat stajini hisoblash uchun o‘zlari va xodimlari uchun yiliga kamida 1 BHM miqdorida ijtimoiy soliq to‘lashi lozim.

Yoshga doir pensiya va nafaqa oluvchi hunarmandchilik faoliyati subyektlari bo‘lgan “Hunarmand” uyushmasining a’zolari ijtimoiy soliq to‘lashdan ozod etiladi.

“Hunarmand” uyushmasiga a’zo hunarmandlarga professional ta’lim muassasalarining maxsus ustaxonalarida hunarmandchilik bo‘yicha ta’lim berishda yakka tartibdagi tadbirkorlar kabi shartnoma tuzish va ko‘rsatilgan xizmat uchun soliq to‘lamaslik huquqi beriladi.


Kimlar hunarmand hisoblanadi?

Hunarmand (usto-hunarmand, usto) — mustaqil ravishda yoki shogirdlari yordamida an’anaviy texnologiyalar asosida hunarmandchilik faoliyati buyumlari yoki tovarlari (ishlar, xizmatlar)ni tayyorlovchi jismoniy shaxs. Bunda buyumlarning funksional xususiyatlarining tarixan qaror topgan talablariga hamda milliy estetik normalarga javob beradigan maxsus ko‘nikmalar, asboblar va kichik mexanizatsiya vositalaridan foydalaniladi.

15 yoshdan oshgan jismoniy shaxslar hunarmandning shogirdi bo‘lishi mumkin.

Qanday hunarmandlar davlat ro‘yxatidan o‘tadi?

Hunarmandchilik faoliyati subyektlari new.birdarcha.uz sayti yoki davlat xizmatlari markazi orqali davlat ro‘yxatidan o‘tadi.

Ularga YTTlarning davlat ro‘yxatidan o‘tkazilganligi to‘g‘risida belgilangan namunadagi guvohnoma beriladi, unda hunarmandchilik faoliyati yo‘nalishlari ko‘rsatiladi.

Ular uchun davlat boji miqdori YTTlarga belgilangan davlat boji miqdorining 50 %ini, ya'ni BHMning 0,5 barobarini tashkil etadi.

Hunarmandlar qanday faoliyat yuritadi?

Hunarmandlar 43 turdagi faoliyat bilan shug‘ullanish huquqiga ega.
Roʻyxat bilan bu yerda tanishish mumkin
👉https://lex.uz/docs/-6490321#-6491425

Hunarmand ko‘pi bilan 5 nafar shogird jalb etish huquqiga ega va YTT kabi 5 nafargacha xodim yollashi mumkin. Yollanma xodimlarni soliq organlarida hisobga qo‘yish lozim.

Xalq amaliy san’ati ustalarining milliy katalogiga kiritilgan hunarmandlar uchun shogirdlar soni cheklanmagan.

Qanday hunarmandlar Milliy katalogga kiritiladi?

Milliy katalogga quyidagi hunarmandlar kiritiladi:
▫️nufuzli xalqaro ko‘rgazma, ko‘rik-tanlov kabi tadbirlarda g‘olib yoki laureat sifatida e’tirof etilganlar;
▫️tegishli sohada san’at va fan arbobi hamda akademiklarning tavsiyasiga egalar;
▫️“O‘zbekiston Respublikasi xalq ustasi” faxriy unvoniga egalar;

Qanday hunarmandlar Reyestrga kiritiladi?

Hunarmandlar reyestriga “Hunarmand” uyushmasining quyidagi a’zolari kiritiladi:
▫️turistik marshrutdagi manzil bo‘yicha o‘z ustaxonasida yoki ijara asosida faoliyat yurituvchilar;
▫️o‘zi ishlab chiqargan mahsulotlarni galereyalar, hunarmandchilik mahsulotlari do‘konlari, mahalliy va xorijiy savdo uylariga shartnoma asosida namoyish va sotish uchun qo‘yayotganlar;
▫️Milliy katalogga kiritilganlar;
▫️“Hunarmand” uyushmasining Badiiy kengashi tomonidan tavsiya etilganlar.

Тelegram | Facebook|Instagram|Youtube