СОҒЛОМ ФАРҒОНА

Марғилон шаҳрида қурилиш,таъмирлаш ўтказилиб, фойдаланишга топширилган болалар шифохонасининг очилиш маросимидан фотогалерея

@SoglomFargona

Бугун, Марғилон шаҳар болалар шифохонаси фойдаланишга топширилди.

Қисқа фурсатда бу ерда қарийб 12 млрд сўмлик қурилиш, реконструкция ва ободонлаштириш ишлари олиб борилди. Бу саъй-ҳаракатлар натижасида тиббиёт муассасаси янада кўркам, қулай ва муҳташам саломатлик масканига айланди.

86 ўринга мўлжалланган ушбу марказда болаларга барча турдаги юқори малакали тиббий хизматлар кўрсатилади.

Шунингдек, муассасага 2 қаватли маъмурият ва жарроҳлик бўлими биноси қурилди. Бундан ташқари шошилинч ёрдамга муҳтож беморларга зарур ёрдам кўрсатиш мақсадида "Qabul emergency department" бўлими ташкил этилди.

Очилиш тадбирида рамзий лента қирқилгач, ичкаридаги шароитлар билан яқиндан танишган жамоатчилик вакиллари бунга амалда гувоҳ бўлдилар.

@SoglomFargona

Бугун, Ўзбекистон тумани тиббиёт бирлашмаси бошлиғи Авазбек Усмонов эрта тонгдан соғломлаштириш тадбири ташкиллаб, барчани соғлом турмуш тарзига амал қилишга, мунтазам спорт билан шуғулланишга чақирди.

Туман ҳокимлиги вакиллари билан биргаликда “Соғлом қадам сари 5000 қадам” шиори остида пиёда юриш ва бадантарбия машғулотларини ўтказдилар.

—Эрталабки жисмоний машғулотлар инсонга кўтаринкилик ва юқори кайфият бағишлайди, — дейди А.Усмонов. — Бугунги иштирокчиларга инсон саломатлигини сақлаш, узоқ умр кўриш учун муҳим бўлган спорт-соғломлаштириш машқларининг фойдали томонлари тўғрисида маслаҳат ва тавсиялар берилди.

Ҳаракатчанлик организмни табиий равишда рағбатлантириб туради. Шунинг учун серғайрат, инсонлар доимо тетик, бардам, кексайганларида ҳам бақувват ва шижоатли бўлади.

@SoglomFargona

Эътироф. Республика ихтисослаштирилган кардиология илмий-амалий тиббиёт маркази Фарғона филиали директори Камолиддин Рахмонов иш фаолияти давомида юрак қон-томир касаллиги билан бир неча йиллардан буён курашаётган оғир беморларда юрак жарроҳлик амалиётларини ўтказиш орқали уларнинг дардларига малҳам бўлмоқда.

У яқинда Россия Федерациясининг Москва шаҳрида жойлашган А.Н.Бакулев номидаги юрак қон-томир жарроҳлиги илмий текшириш марказида “Сурункали тромбоэмболик ўпка гипертензиясини комплекс жарроҳлик билан даволаш” мавзусида докторлик диссертациясини муваффақиятли ҳимоя қилиб, тиббиёт фанлари доктори илмий даражасига эга бўлди.

Батафсил: 👉🏼https://telegra.ph/So%D2%B3ad

@SoglomFargona

Жараён. Республика тез тиббий ёрдам маркази Фарғона филиалининг Қувасой шаҳар бўлими биноси таъмирдан чиқарилиб фойдаланишга топширилди.

“Ташаббусли бюджет” лойиҳасида муваффақиятли иштирок этган жамоа 4 100 та овоз тўплаб, 1 млрд 360 млн сўм маблағга эришди. Натижада "Independent Broker" корхонаси қурувчилари реконструкция ишларини бажардилар. Якунда бу ерда аҳолига тиббий ёрдам кўрсатиш учун барча шароитлар яратилди.

Мазкур тез тиббий ёрдам станцияси 8 та тез тиббий ёрдам бригада, 5 дона тез тиббий ёрдам автомобиллари, 1 та фельдшерлик ва 5 та шифокорлар бригадасидан ташкил топган малакали тиббиёт ходимлари ҳамда тезкор интернет, телефон ва радиоалоқа тизимлари билан таъминланган.

@SoglomFargona

Меҳр ва масъулият билан

Фарғона шаҳридаги 5-оилавий поликлиниканинг “Оқариқ” ҳудудий бўлими шифокорлари айни пайтда 3,5 минг нафардан зиёд фуқарога сифатли тиббий хизмат кўрсатиб келишмоқда.

Ферузахон Мадалиева раҳбарлигидаги ушбу жамоанинг Гавҳарота Ўрмонов, Тамарахон Бобоева ва Лайлихон Ҳамиджонова каби жонкуярлари ўзларининг кўп йиллик тажрибали фаолияти билан ёш шифокорларга намуна бўлиб келишяпти.

Шунингдек, Маликахон Халилова, Нигорахон Тожибоева, Муҳаммадбобур Содиқов, Наргизахон Рустамова, Мавлудахон Эргашева каби шифокорлар ҳам ўз вазифаларини меҳр ва масъулият билан бажаришмоқда.

@SoglomFargona

Жараён. Республика шошилинч тиббий ёрдам илмий маркази Фарғона филиали бошланғич касаба уюшма ташкилотининг ҳисобот-сайлов конференцияси бўлиб ўтди.

Унда марказнинг Фарғона филиали касаба уюшма қўмитаси раиси Баҳромжон Ибайдуллаев касаба уюшма томонидан ўтган беш йил давомида амалга оширилган ишлар, аъзоларга қандай кўмак кўрсатилгани, уларни қўллаб-қувватлаш йўлида олиб борилган ишлар бўйича маълумот берди.

Касаба уюшмаси қўмитасининг фаолияти делегатлар томонидан қониқарли деб баҳоланиб, Баҳромжон Ибайдуллаев яна беш йил муддатга раисликка сайланди.

Ўзбекистон соғлиқни сақлаш ходимлари касаба уюшмаси Фарғона вилояти Кенгаши раиси Шоҳидахон Каримова конференция иштирокчиларига бу йил касаба уюшмалар ҳаракатига 120 йил тўлиши, унинг тарихи, бугунги кундаги ўрни ҳақида маълумот бериб ўтди.

@SoglomFargona