Sobirjon Akbarov | Shaxsiy blog

Yaxshi savol berish haqida... 1-qism

Savol berish bu bilim olish kafolati. Shakllantirish muhim bo’lgan ko’nikmalardan biri.

O’zim ustozlar, muvaffaqiyatli insonlar davrasida yaxshi savollar berishni o’rganish jarayonidaman.


Qanday savollar bermaslik yaxshiroq? Qanday savollar berish kerak? Yaxshi savol qanday bo’ladi? Nimalarga e’tibor berish kerak? Post mana shular haqida



Qachon savol so'ramaslik va qanday savollarni so’ramaslik kerak?

1. Javobini googledan topish mumkin bo'lgan umumiy savollar. Misol uchun “Norvegiyada yashash qimmatmi?”, “Norvegiyada o’qish tekinmi?” Tilni bilmaysizmi, tarjimondan foydalaning.

2. Savolni avval o’zidan so’rash. Biz odatda savollarimizga javobni allaqachon bilamiz. Biz javob qidiryapmizmi yoki javob beruvchi tomondan tasdiq yoki bahona qidiryapmizmi, buni aniqlab olishimiz zarur. Misol “25 yoshda ingliz tili o’rgansa bo’ladimi?”. Javob bu yerda aniq.

3. O’ta keng savollarni bermaslik shart. Misol “qaysi sohani tavsiya etasiz?”, “kelajakda qaysi sohalar rivojlanadi?”, “men qaysi sohani tanlay?”. Bu uchun sizni yetarlicha tanimaydi javob beruvchi.

4. Mavhum bo’lgan savollarni bermaslik. Misol “Sizningcha baxtli bo’lish siri nimada?”

5. Ko’p so’raladigan savollar. Misol mendan ko'p so'raladigan savol “Norvegiyada shifokor bo’lish uchun nima qilish kerak?”. Katta ehtimol bilan bunga allaqachon javob berilgan. Izlash kerak!

6. Javobi na sizga, na boshqalarga foydasi bo’lgan savollar. Misol “Oyligiz qancha?”

7. Javobi aniq “ha” yoki aniq “yo’q” bo’lgan savollar. Misol “Yugurishni tavsiya etasizmi?”, “Treydingni tavsiya etasizmi?”

8. Savol berishda o’zini reklama qilish yoki aqlli ekanligini ko’rsatish. Nobody cares. Savol reklama bo’lishi kerak emas.

9. Savolni javob olish uchun emas, o’ziga e’tibor qaratish yoki boshqalarda sizga nisbatan g'amxo'rlik uyg'otish uchun so’rash. Nobody cares.

10. Kimnidir oilasi haqida savol so’rashda juda ehtiyot bo’lish. Ayniqsa turmush o’rto’gi haqida.

11. O’zingiz haqingizda savollar? Misol “Nega meni hamma yomon ko’radi?”. How on earth can someone answer this question?

12. Siyosatshunos yoki teolog bo’lmagan odamdan siyosat va din haqida so’ramaslikni tavsiya etaman. O'zi aslida siyosat borasida savol-jaovbga vaqt sarflash ma'qul emas.

13. Bir vaqtda bir nechta savol so’rash. Javob beruvchi odam sekretar emaski yozib olgani.

14. Uzun matn yoki nutqli savol bermaslik kerak. Detallarni imkon qadar qisqa tasvirlab, bir qator gapdan iborat savol bo’lishi

15. Kimnidir taqvosi, e’tiqodi yoki gunohlari haqida shaxsiy savol berish. Bu 6-punktga ham to’g’ri keladi. Misol “Siz nasha chekkanmisiz, aroq ichganmisiz, namoz o'qiysizmi va hok”. Bunga javoblar hattoki onalardan berkitiladi.


Mana shularni o'zi ham yaxshigina filtr vazifasini bajaradi. Shularni qo'llasak savollarimiz sifati ancha yaxshilanadi. Yaxshi savol bera olish bu ham o'rganish kerak bo'lgan muhim ko'nikma. Vaqt va mehnat talab etadi. Sekinlik bilan natijaga erishiladi.


Bek Olimjon
07.04.2023
Norvegiya

Mana shu 5 ta maslahatga amal qilsangiz, Marketing sohasida 3000$-5000$ gacha daromad qilishingiz mumkin.

👨 Shaxsiy brend.
- Man shaxsiy brendimni 2023 yildan boshlagan bo’lsam, hozirgacha faoliyatim davomida eng katta o’sishlarga sababchi bo’lgan instrumentlardan biri aynan shaxsiy brend bo’ldi. Hozir bozorga kirishni ayni payti hisoblanadi. Shuning uchun shaxsiy brend qurmoqchi bo'lsangiz hozirdan boshlang.

💸 Katta loyihalar.
- Bir katta loyiha bilan ish boshlaganimizdan so’ng, sarafan makreting orqali bizga yana 2 ta loyiha kelib tushdi va bu loyiharga bemalol o’zimizga qulay narxda hizmatimizni sota oldik. Bepulga bo’lsa ham katta loyiha bilan ishlab korish va o’zizini hizmatizni alo darajada ko’rsatish kerak. Shuni orqasidan sizga ko’proq mijozlar kelishni boshlaydi.

👥 Jamoa tuzish.
- Avvallari Target hizmatlarini sotgan paytimda, hamma ishga o’zim ulgurardim, lekin siz kattaroq checkga chiqmoqchi bo’lsangiz, kompleks hizmatlarni sotishingiz kerak bo’ladi va bu katta ma’suliyat talab qiladi. Kuchli jamoa esa, sizni shu ma’suliyatingizni yengillashtirib beradi.

👨‍🏫 Ustoz.
- O’rtacha checkimni 1000$+ dan baland qilishimga eng katta sabablardan biri bu ustozim, ustozimdan mindset taraflama, va o’zimni hizmatimni chiroyli taqdim qila olish, loyihalarga yaxshi natija berish bo’yicha bilimlarni olmaganimda, ancha ko’p vaqt yoqotgan bo’lar edim. Ustoz - sizni maqsadingiz sari yo’lingizni qisqartirib beradi.

💼 Caselarni to’g’ri upakovka qilish.
- Shaxsan o’zim 80 dan ortiq loyihalar bilan ishlagan bo’lsam, ca’selarimni upakovka qilish haqida o’ylamaganman, bu esa, qimmat sotishizga halaqit beruvchi bir to’siq. Siz mijozga avval qilgan ishlariz, va qanday natija olib kelganizni, visual jihatdan ham ko’rsatib bera olishingiz mumim. Shuning uchun o’zingizga tijoriy taklif (KP) tayyorlang, va bu taklifda loyihalaringiz, loyihalaringizga qilgan natijangiz, va hizmat narxlaringizni kiritib qo’ying.

🫂 Networking - ya'ni ko'proq insonlar bilan tanishing. Insonda sotsial kapital, ko'proq qadrlanadi, sizni qancha pulingiz borligidan qat'iy nazar, sizni qancha puli bor tanishlaringiz borligi va ular sizga qanchalik ishonishi, muhim ro'l o'ynaydi.

Siz yana qaysi instrumentlarni bilasiz, izohlarda yozib qoldiring👇

Qarzga yashayapmizmi? Yoxud, nima uchun dunyoda 60% odamlar qarzga yashayapti?

Bu statistika haqida eshitganimda ochig'i ko'p xayron bo'lmadim.

Nima uchun? Chunki o'zimni ba'zi qilgan xatolarim sababli XXXX$ qarz to'lashimga to'g'ri keldi, 2 oyni ichida.
Va shu paytda kimdan qarz so'rashim mumkin bo'lsa deyarli hammadan so'radim. Ayni o'sha paytda yurib turgan loyihalar to'xtab qoldi, boshlanishi kerak bo'lgan yirik loyihalar otmen berib yubordi.

Shu paytda bir nechta xulosalarni chiqardim. Bularni bilib qo'yish orqali man qilgan xatolarni qilmaslik imkoniyatingiz bor.

1. Sizda bo'lmagan pul sizniki emas
Agar mijoz bilan kelishuv qilib qo'ygan bo'lsangiz ham hali sizga u pulni bermadimi kelishuv bo'lmadi.

2. Xarajatlarni qayta ko'rib chiqish
O'zimni komfortim uchun qilyapman va shunda yana ham ko'proq daromad qilaman deb qilayotgan xarajatlarimning 60-70% shunchaki isrof bo'lib ketayotganini sezdim. Agentlikda ishlab yurgan paytim 500$ ga yashagan bo'lsam, daromadim 2000$ ga yetganda ham hech qanday o'zgarish sezmaganman. Hech qachon pul yetmagan.

3. Investitsiya - pulni ko'paytirish yo'llarini qilish
Qancha pul topsangiz ham, oz-ozdan bo'lsa ham ko'payadigan joyga tikish kerak ekan. 2 kun oldin shu yil fevral oyida 10 kunda manga kelgan to'lovlar jadvalini ko'rdim, 1300$ yozilgan. bir oylik xarajatim bo'lsa 6.5 mln. Lekin hech qayerga pul tikilmagan.

4. Hech kimdan qarz olmaslik
Bor pulga qanoat qilib, shunga yarasha yashash. Qarzni qarz olib yopishga o'rganmaslik kerak. Agar bu chuqurga tushsangiz, qayta-qayta shu joyga tushaverasiz.

5. Boy bo'lib ko'rinishni emas, boy bo'lishni xohlash
Boy bo'lib ko'rinish oson. Bitta malibuni kreditga chiqazib, qimmat joylarda yurganizni odamlarga ko'rsatasiz. Sizni hamma p....s odam dib o'ylidi. Lekin, ertalab turganizda bugun 1000-2000$ qatdan bo'lsa ham topib qarz yopib yuborishim kerak degan fikr bilan yashasangiz, yoshlayin o'ziz umriz bino bo'b, tushizga kirmagan kasalliklarni orttirvorganizni bilmay qolasiz. Haqiqatda boy inson o'zi kim edi? Ertalab turganda, sog'-salom, oilasi xotirjam va 1 kunlik yeyadigan ovqati bor odam edi.

6. Sabrli bo'lish
Hech qanaqa kotta muvaffaqiyatga qisqa muddatda erishib bo'lmasligini tushunish. Biror sohada natijaga erishib, yaxshi daromad qilishiz uchun uzoq vaqt sabr qilib ishlash kerak. Eng kamida 5 yil, balki 10 yil. Lekin, 1 yilda uy olish, yoki 13.5 kunda Gentra olish degan cho'pchaklarga ishonib xovliqib ketmaslikni maslahat beraman. Chunki bu rizq masalasi. Rizqni shoshirib bo'lmaydi. Yozilgan bo'lsa shundoq ham keladi.

Hech qachon birovdan o'tib ketishga harakat qilmang. Chunki bu poygada hech qachon yutolmaysiz. O'zizni shaxsiy yo'liz bo'lsin.

Hammasini o'zimni shaxsiy tajribalarimdan kelib chiqib yozdim va hech narsani berkitib o'tirmadim.
Foydali bo'lgan reaksiya qoldiring yoki izohda fikrizni yozing.

@abdullohjamilov

Oddiylikdagi go’zallik!

Ko'zi ojiz insondan, "bugun senga ko'rish imkoniyati berilganda nima qilar eding?" deb so'rasangiz, "mazza qilib kino ko'rardim" deb emas, "tabiat bag'riga chiqib daraxt va osmonni to'yib tomosha qilardim" deydi

Oyog'i yo'q insondan, "bugun senga oyoqlar berilsa nima qilarding?" deb so'rasangiz, "yugurish uchun ilova qidirar edim" deb emas, "tashqariga chiqib mazza qilib yugurardim" deb javob beradi.

Sizda bor lekin oddiy tuyuladigan narsalar, har kuni yuz minglab insonlarga orzu.

Sizga ham orzu bo'lib qolmasdan, borida mazza qilib undan foydalaning va qadriga yeting.

Bu degani ertadan-kechgacha harakat qiling demoqchi emasman. Ba'zida hammamizni dangasalik tutadi. Lekin vaqti-vaqti bilan sizdagi bor narsalar boshqalarga butun umrlik orzu ekanligini eslab turing.

Oddiy narsalardan huzr tompayotgan odam, matoh sotib olib hech qachon huzr topmaydi.

#xulosalar

@shahadolimov

Qachon oxirgi marta do'stingizni muammosi haqida o'ylab ko'rdingiz? O'zi uni nima muammosi borligini bilasizmi?

Odatda 24/7 bizni miyyamizda o'zimizning muammolar, o'zimizning maqsadlar va o'zimizning ishlar turadi.

Individualizm — trendga aylanishni boshladi. "Biz" ni o'rnini → "Men" egallashni boshladi.

Do'stlashish ham manfaat ustiga quriladigan bo'lib qolgan.

Qanday qilib do'stlikni yangi darajaga olib chiqish mumkin?

1. Do'stlikdagi eng muhim narsa bu ishonch. Do'stingizni ranjitgan bo'lsangiz, yoki nimanidir undan yashirgan bo'lsangiz buni xabarini bering, uzr so'rang.

2. Do'stingiz yordamga muxtoj bo'lmasa ham doim undan xabar olib yordam taklif qilib turing. (qachon shunday qildingiz?)

3. Do'stingiz bilan uning maqsadlari, orzulari haqida gaplashing, uchrashuvga chaqiring. Ishlari va rivojlanishi haqida qiziqib savollar bering.

4. Do'stingizning xatolarini ko'rsangiz unga xabar bering, sizni hafa qilgan bo'lsa bunig yashirib yurmasdan, kelishib oling. Bir biringizga ko'zgu bo'ling.

5. Qiyin vaziyatga tushganda chin ko'ngildan maslahat bering. Moddiy, amaliy yordam taklif qiling.

6. Umumiy uchrashuvlar o'tkazib turing.

7. Sizga qilgan yaxshiliklari uchun rahmat ayting, eslating.

8. Do'stingizning oilasi bilan imkon qadar tanishishga xarakat qiling. (Bu dunyodan ketib qolsa, yaqinlari sizga muhtoj bo'lishadi)

Boshqalardan birinchi qadamni kutmang, siz boshlang. Do'stlaringizga yuboring, qani-edi barcha do'stlar shunday bo'lsa ))

Influence bozori o‘lishga yaqinlashmoqda😳

Oxirgi paytlarda IMAN va boshqa loyihalarda ko‘p blogerlar bilan ishladik. Ularning ichida 5-6 ta millionnik, 10 ga yaqin kichik blogerlar bor.

IMAN’da o‘tgan yili ishlagan hamma bloggerlarimiz bo‘yicha statistikalar saqlangan. Har safar bloger bilan ish boshlashdan avval o‘tgan yilgi ko‘rsatkichlar asosida bu yilga prognoz qilamiz (blogerlar har safar boshqa bo‘ladi lekin voronka etaplaridagi konversiyalar u darajada katta farqqa ega bo‘lmaydi)

Bu yilgi bloggerlarning deyarli hech birida prognozlar o‘zini oqlamadi)) raqamlar 2-3 barobarga farq qiladi.

Storisda berilgan reklamalardagi CTR ni o‘lchaydigan bo‘lsak 0,2% dan 1,6% gacha chiqdi. Bundan oshgan blogerni hozircha ko‘rmadim. CTR yaxshi ekanu deyishiz mumkin, lekin bu target uchun yaxshi. Blogerda CPM ancha qimmat, xarajatni oqlashi uchun CTR targetdan ancha baland bo‘lishi kerak, bo‘lmasa targetga pul sarflagan yaxshi.

Nima xulosalarga keldim?

1. Odamlarda bloggerlarga nisbatan ishonch kamaygan (sababi 1 ta bloger bir biriga konkurent brendlarni reklama qilaverib ularning ishonchini yo‘qotadi yoki yana bir sababi reklama samimiy emas, ya’ni blogerni o’zi o‘sha mahsulotdan foydalanmaydi)

2. Odamlarda “baner ko‘rlik” paydo bo‘lgan. 1 ta bloger 1 haftada o‘rtacha 10 ta reklama qo‘yadi. Bu auditoriyani ko‘zini ko‘niktirib qo‘yadi, natijada reklama odatiy holatga aylanib qoladi va deyarli e’tibor katta bo‘lmaydi.

3. Reklamani isini sezgan odamlar storisni o‘tkazib yuboradi, bu esa oxvatni tushishiga olib kelyapti, natija yana yomon.

4. Blogerlar faqat uznavayemost’ni oshirish uchun yaxshi, maqsad natija olish bo‘lsa, xarajat o‘zini oqlamaydi.

Yechim?

1. Agar siz blogerdan trafik olib kirish maqsadida u bilan hamkorlik qilmoqchi bo‘lsangiz, yaxshisi ishlamaganingiz ma’qul. Sababi CPA sizga ancha qimmatga tushadi, undan ko‘ra shu pulni targetga sarflaganingiz yaxshi. CPM arzonligini hisobiga har tomonlama + da bo‘lasiz

2. Agar byudjet yaxshi bo‘lsa bir marttalik emas, iloji boricha ko‘proqqa kelishib reklama jarayonini 1 oyga cho‘zib, oldin progrev qilib keyin offerni oxirida berish. Bizda nisbatan yaxshiroq ishladi.

3. Bitta blogerni tanlab u bilan maxsus loyiha qilish. Aynan blogerni lineykasida produkt chiqarsa bo‘ladi. Timur Alixonov va FeedUp keysidagi kabi.

4. Bloger bilan shunchaki video olib uni storis yoki postga qo‘ydirmay faqatgina targetda ishlatish. Ya’ni offerlarni blogerga oldirish. Bunda ham bloger arzon tushadi, ham tejalgan pulni targetga sarflab yaxshiroq va arzonroq natija olsa bo‘ladi.

O'tmish


Kechagi kun o'tdi ketdi


Siqlish oylanish g'am qilish befoyda va zarar


Ey banda ariqdagi suvni orqaga oqishini xohlaysanmi?


Go'dakni yana ona qornida bolishini xohlaysanmi?


O'likni tirilishni, gordan chiqib kelishini xohlaysanmi?

Iste'mol qilayotgan taomingni yana
Qaytarib chiqarishni hoxlaysanmi?

Ha albatta bularning hammasi zamonaviy tilda ,,UTOPIYA'' ya'ni ilojsiz


Momin inson hech qachon o'tmishni oylab siqilish va kelajakni oylab havotir qilishi juda notog'ri mantiq ALLOHGA ham xush kelmaydi


Kechagi kundan tajriba ol va xulosa qil

Hech qachon g'am chekma

Faqatgina bugun bilan yasha

O'tmishda qilgan xatolaring uchun
Allohdan ma'g'firat so'ra

B rejasi doim A rejasiga dushman

Butun dunyo statistikasi olinadigan bo'lsa:
100% kurs sotib olganlarning 7% oxirigacha yetib borar ekan.
Kurs oxirgacha borganlardan 20-30% yaxshi natijalarga erishar ekan
Natijaga erishganlarning 10-20% shu sohada doimiy rivojlanib ketar ekan.

O'zbekistonda kursni oxirigacha yetib borish konversiyasi bunchalik kam emas, lekin ko'p ham emas. Buning asosiy sabablaridan bir, ko'pchilik bir ishni boshlashdan oldin "yutqazish" rejasini ham tuzib qo'yishadi.

Moshina olsa sotishni o'ylaydi
Uy olsa sotishni o'ylaydi.
Bir o'qishga qirmoqchi bo'lsa, kira olmasam shunga kiraman deb B rejasini tuzishadi.
Dasturchi bo'la olamsam, mobilograf bo'laman deb B rejasini tuzishadi.

Bunday rejadan keyin, ularda yutqazish qo'rquvi qolmaydi. O'xshamasa B rejam bor degan fikr bo'ladi. Bu esa yetarlicha kuch, bilim, diqqat va vaqt sarflamaslikka olib keladi.

O'zingizga savol bering qachon oxirgi marta bor kuchingizni, bilimlaringizni va resurslaringizni bir ishga bag'ishlab ishladingiz? Hozir shug'ullanayotgan ishimizga ham ko'pchiligimiz vaqtinchalik deb qaraymiz.

Hozir aytishingiz mumkin maqsadga erishish uchun har hil reja tuzish kerak va hokazo deb. Lekin bu yerdagi ma'no boshqa narsada.

Misol.

Bir soha tanlagan bo'lsangiz va mijoz topishga qiynalayotgan bo'lsangiz bu sohada mijoz yo'q degani emas, mijoz topishni boshqa usullaridan foydalanishingiz mumkin, A, B, C, D, E rejalarini tuzing.

Lekin mijoz topa olmaganingiz uchun, yoki biroz qiynalganingiz uchun sohani butkul almashtirish bu noto'g'ri narsa deb o'ylayman.

Siz qanday fikrdasiz?

Bilganga 1 tanga, qilganga 100 tanga

1. Bilganingga amal qilishni yugurish misolida ko'rib chiqamiz. Ertalablari yugurish - senga foydali ekanligini bilding. Endi amal qilmoqchisan. Quyidagi qoidalar yordam beradi:

2. O'ta kichkina boshlash usuli: Yugurish deb atashga arziydigan eng kichik harakatni qilasan. 20 metr yugurasan. Yoki 5 metr. Birinchi kunga yetadi. O'ta kam bo'lgani uchun nafsingni aldash osonlashadi. Boshlagan hech kim 10 metrda to'xtatmaydi baribir. Uyalganidan ham 100 metr yuguradi. Ertasiga bu raqam o'zi ko'payadi.

3. 2 daqida usuli: Yuqoridagiga o'xshash. Faqat bu yerda ishni kamida 2 daqiqa davom ettirasan xolos. Maqsad - sen shunga vaqt ajratishing mumkinligini va boshlagandan keyin jarayon o'zi olib ketishini tushunish.

4. Juftlash usuli: Har kuni xohlab qiladigan ishlaringni - qilishing kerak bo'lgan ishlar bilan juftlab qo'yish. Sevimli bloger, vayner, youtuber videolarini faqat yugurishga chiqqaningda tomosha qil. Nafsing xohlamaydigan va xohlaydigan narsa birlashganda xohish yutib chiqadi va sen ikkovini ham bajarasan.

5. Inversiya usuli: Amal qilmaslikni iloji yo'q qilib qo'yish. Ertalab yugurmasang uydagilardan senga nonushta bermasliklarini so'raysan.

6. O'zim yuqoridagilarni barini ishlataman. O'ta kichkina boshlash orqali blogni yuritaman (sarlavhani yozaman, uyog'i o'zi ulanib ketadi). 2 daqiqa usuli - yurish uchun. Juftlash orqali podkast eshitaman (rulda bo'lsam). Inversiya orqali kitob o'qiyman (erta tongda va kechqurun smartfonim boshqa dasturlarga kira olmaydi).

7. Nafs bilan kurash uzoq jarayon. Lekin yaxshi odatlaring ko'paygani sari yomonlari o'zi kamayib yo'q bo'lib ketadi. Sen amallaringni kechagidan 0.1%ga ko'paytirib bora olayotgan bo'lsang bas. Endi buni qanday qilishni bilasan.