Амалдаги тартибларга кўра, республикамизга акциз маркалари билан қадоқланмаган ҳамда рақамли маркировка кодларига эга бўлмаган тамаки маҳсулотларини олиб кириш мумкин эмас. Шунга қарамай, тамаки маҳсулотларини божхона назоратидан четлаб олиб киришга бўлган уринишлар учраб турибди.
Юртимизга ўтиш учун
“Сирдарё” чегара божхона постининг “Оқолтин” чегара ўтказиш пункти орқали кириб келган “NEXIA-3” русумли автотранспорт воситаси белгиланган тартибда божхона кўригидан ўтказилганида, оғзаки сўровда маълум қилинмаган ва йўловчи божхона декларациясида ёзиб кўрсатилмаган қиймати 48,8 млн. сўм бўлган жами
1950 қути “Esse Change” номли тамаки маҳсулотларини борлиги аниқланди.
Ҳозирда мазкур ҳолат юзасидан божхона органлари томонидан текширув ҳаракатлари олиб борилмоқда.
Эслатиб ўтамиз!!! Жисмоний шахслар божхона чегараси орқали божхона тўловларисиз: 10 қути миқдоридаги тамаки маҳсулотларини божсиз олиб киришлари мумкин.
Telegram |
Facebook