#shunchaki_oʻqing
- Aka, qayerda ishlaysiz?
- Universitetda.
- Yosh avlodga ta'lim beradigan joyda ishlash savob. Nima ish qilasiz?
- Ayollarni ro'moliga osilaman, erkaklarni soqoliga yopishaman. Qizlarni yupkasini qarichlab, yigitlarni paypog'ini lineykalab yuraman. Aqlim yetmaydigan mavzularda nasihat qilib, "muqaddas dinimizda unday emas, bunday!" deyman, aslida esa istinjo bilan tahoratni farqiga bormayman.
Odob-axloq kodeksi bilan tanishib chiqib, bir hujjatga hamma talaba imzo qo'yishi kerakligini aytaman. Kodeksni bermasdan, qo'l qo'yiladigan qog'ozni starostalarga tarqataman.
Ertaga (Xudo ko'rsatmasin!) dushman bostirib kelsa, qo'liga qurol berib, "bor, Vatanni qo'riqla!" deyiladigan yoshdagi, saylovga ovoz berish huquqi bor "ho'kizdek" ilmi toliblarga, "ota-onangni chaqir, tushuntirish ishlari olib boriladi", deb turib olaman.
Shaxsiy mulki bo'lgan telefoniga ham xo'jayin bo'lgim keladi.
"Ota-onamning ruxsatisiz, birovga ko'ngil qo'ymayman" degan kafolat xatlari olaman.
Darsga kechikkan talabalarni auditoriyadan chiqarib yuborish ishlari bo'yicha professionalman.
Darsning istalgan daqiqasida buzib kirib, davomad qilaman, kontraktlarni to'lamaganlarni o'rnidan turg'izaman. Kelmaganlar uchun kelganlar gap eshitishini ta'minlayman va bu orqali ham pedagogni, ham talabalarni vaqtiga xiyonat qilaman!
Oqibatda bizdan dars emas, faqat nasihat eshitib bitirib ketgach, "shu sohada o'qidim, o'zimni ustimda ishlasam, yaxshi bo'ladi" deb bizdan keyin o'z ustida ishlab, nimagadir erishgan sifatli kadrlarni OAVga chiqib, "biz o'qitganmiz" deb intervyu beraman!
@EnHa080506
