Shokirjonov news

Музокара олиб бориш бобида бир нечта асосий қоидалар бор.

Булардан бири — куч ва босим билан рақибни бирор сезиларли чекинишга мажбурлаш ният қилинган бўлса, аввало куч ва таъсирни тўғри баҳолаб олиш керак. Аксинча, бу блефлиги билиниб қолса, нафақат жорий масалада, балки бошқа ҳолларда ҳам сизнинг сўзларингизга ҳеч ким ишонмай қолади.

Яна бошқа масала энг донғи кетган ва шу орқали машҳурлик қозонган музокарачилар одатда бу каби баҳсларда бошқаларга нисбатан ёмонроқ аҳволда қолишади. Сабаби, бундай музокарачилардан атрофдагилар ва энг аввало, ўзлари доим энг аъло натижа кутиб туришади. Музокараларда эса яхши, гоҳида эса ўртанча натижа ҳам етарлича қониқарли бўлиши мумкин.

Бу ахвол «машҳур музокарачи»га қўшимча босим яратади, ва натижада, у ёки мутлақ ғалабага эришиш йўлида яхши имкониятларни менсимай, уларни бой беради, ёки, аксинча, ўзининг «тажрибали» статусини оқлаш учун «нима бўлса ҳам келишувга эришишим керак», деб ўйлаб, имколисидан пастроқ натижага ҳам рози бўлиб кетишга тайёр бўлиб қолади.

Трамп охирги бир ярим ой президентлик лавозимида мен билган барча музокара қоидаларини қўпол бузаяпти.

Бунга мисоллар:
- Ғазода ҲАМАСга бир нечта ултиматум қўйди. Улар ишламади.
- Миср ва Иорданияни фаластинликларни Ғазодан олиб чиқиб кетишга кшндираман, деди — ўхшамади;
- Мексика ва Канадага бир ой ичида, мана, икки маротаба қайта-қайта бож киритишга уринди. Ва икки марта ортга чекинишга мажбур бўлди.
- Украина- Россия урушини Россия билан тўғридан тўғри, Украина ва Европани аралаштирмай сулҳ тузаман, деди — ўхшамади.
- Украинларни ўз шарти билан оташкесимга кўндираман, деди — бундан нима чиққанига ҳамма гувоҳ бўлди;
- «Вашингтон ботқоғини қуритаман», деб федерал ва маҳаллий давлат ходимларини Илон Маск билан биргаликда жадал қисқартираман, дея, давлат тизимида мутлақ хаос барпо бўла бошлади, энди Трамп ўзи «бизга болта эмас, скалпел керак», деб қолди.
- Трампнинг суд тарафидан тўхтатилган фармонларининг ҳам сонига етиш қийин.

Башорат қилмоқчи эмасманку, лекин бу кетишда, яна икки ой ўтар ўтмас, бутун қудрати билан ҳам унинг гапини ҳеч ким жиддий қабул қилмайдиган бўлиб қолади.

Зафар Ҳошимов,
Korzinka.uz тармоғи раҳбари

Кўп йиллар Самарқанд вилояти Матбуот бошқармасига раҳбарлик қилган, устозимиз Маҳмуд Эралиев вафот этибди.

Марҳумнинг яқинларига ҳамдардлик билдирамиз.

Жаноза 8 март куни соат 10:00 да Оқдарё туманида Пўлатдархон маҳалласида бўлиб ўтади

➡️ @shokirjonov

Наманганда 26 яшар Рустамжон Абдуғаниев сохта ҳайдовчилик гувоҳномаси билан машина ҳайдаб кетаётганда қўлга олинди.

Наманган вилояти ИИБ Эксперт-криминалистига маркази у тақдим этган ҳайдовчилик гувоҳномаси сохта эканини тасдиқлади. Ҳайдовчи бу қалбаки «права»ни Россиянинг Калининград шаҳрида ясаттирганини судда тан олди.

Косонсой туман суди сохта «права»ли шопирга 2 йил 2 ой озодликни чеклаш жазосини тайинлади.

Дуремарларга айтиб қўйиш керак, уже сохта права ўтмийди. Оригиналини эса фақат Ягона имтиҳон маркази орқали ДХМда олиш мумкин. Қолаверса, праванинг ўзи ҳам керак бўлмайди июлдан бошлаб. Ҳаммаси онлайн бўлиб бўлган.

➡️ @shokirjonov

Вилоят ва туманларни секторларга бўлиб бошқариш тугатилмоқда

«Бундан буён секторлар фаолияти билан прокурор, ички ишлар ва солиқ шуғулланмайди», — деди Президент.

Уларнинг ўрнига эндиликда Бош вазир ўринбосарлари ўзига тегишли соҳалар билан ўз кучи ва тизими билан шуғулланиши белгиланди.

«Прокуратура, ички ишлар, солиқ раҳбарлари яхшилаб эшитиб олсин: сектор ишидан озод қилиш бу — эски даврга қайтиб, аҳоли ва тадбиркорларга ҳар қадамда тўсиқ, коррупцияга шароит яратиш, дегани эмас», — Мирзиёев.

Туманда жиноятчиликни жиловлашга ҳоким бош бўлиб, барча ишларни мувофиқлаштириши, унинг бу борадаги ўрни ҳеч қаерга йўқолмаслиги кўрсатиб ўтилди.

Ҳар ҳафтада прокурор ва ички ишлар бошлиғи билан ҳудуддаги вазиятни муҳокама қилиб бориши шарт ва зарурлиги қайд этилди.

➡️ @shokirjonov

Мактабларда баҳорги таътил 21-27 март кунлари

Вазирлар Маҳкамасининг қарорига асосан, Ўзбекистон умумтаълим мактабларида баҳорги таътил 21 мартдан бошланиб, 7 кун давом этади.

Мактабларда III чорак якунлари 20 март, чоршанба куни бўлади, IV чорак эса 28 мартдан, жума кунидан бошланади.

➡️ @shokirjonov

Ўзбекистон ҳудудида яхлит 5 кунлик таълим ва иш кунига ўтишни таклиф даражасига чиқарайлик, дея #ботга_ёзишмоқда

«Ҳозир 2 хил режим бўлиб қолган ва бу жуда ноқулай.

Масалан, таълим тизими мактабларда бошланғич синф ўқувчилари учун 5 кунлик таълим, юқори синф ўқувчилари 6 кунлик. Бошланғич синф ўқитувчилари ҳам шанба куни мактабга боришга мажбур. Ҳолбуки, ихтисослашган мактаблар, президент мактаблари ўқувчилари ҳам педагоглари ҳам 5 кунлик режимда.

Болалар боғчалари барчаси 5 кунлик. Энди тасаввур қилинг, шанба куни тўлиқ 2 смена дарси бор педагог ёш боласига қандай қарайди? Олийгоҳларимиз ҳам хусусийлари 5 кунлик, давлатники 6 кунлик.

Битта конституция бор жойда 2-3 хил режим пайдо бўлган ва ҳозирда жуда кўпчилик 5 кунлик таълим ва иш тарафдори. Тиббиёт соҳаси ҳам шу ҳолатда: ярми 5 кунлик ярми 6 кунлик. одамлар доим адашиб юради бугун шанба иш куними ёки йўқми, деб. Сарсонгарчиликни айтмаса ҳам бўлади.

Энг ёмони — 5 кунлик ишлайдиган банклар, ҳокимият ва бошқа ижтимоий соҳаларда ходимларни оғзакти буйруқ билан шанба кунлари ишга чақириш, иш ҳақи бермасдан ишлатиш, деган муаммолар яна кўпаймоқда.

Бу иш сифатига ва самарадорлигига жуда катта таъсир қилади. Ушбу муаммони бир томонга ечиш вақти келмадимикан? Бизда 5 кунлик иш тажрибаси бор. Ярим аҳоли кўниккан. Фақат узил-кесил ўтиш вақти келди, менимча. 6 кунлик ишловчилар ҳам 5 кунда бемалол шу ишни қила оладилар.  5 кунлик режим давлатга ҳам фойда. Жуда катта сарф харажатлар ва энерго ресурслар тежаларди. Аҳолига ҳам фойда 2 кун соғлигини тиклайди. Оиласи билан бўлади. Кичик саёҳатларга чиқади. стресс камаяди.

Амалдорлар нимадир янгилик қилса жаҳон тажрибасида шу нарса бор, деб бошлашадику. Барча ривожланган давлатлар, ҳаттоки яқин қўшиларимиз Қозоғистон ва Қирғизистонда ҳам 5 кунлик режимда.

Бизда ҳам 5 кунлик таълим ва иш тизимига ўтиш вақти келди деб ўйлайман

Зиёли инсонлар, фаол журналистлар, блоггерлар шу муаммони олиб чиқишса, юқори даражаларда муҳокама бўлишга эришилса натижа бўлиши мумкин. Ҳурматли админ бунга эътбор қаратасиз, деган умиддаман».