XulosamAncha vaqt oldin eshitgandim:
Tavakkul - bu peshin namozini o’qish uchun masjidga kelgan namozxon eshagi qozig’ini yerga qoqmasdan, “ALLOHga tavakkal” deb masjidga kirib ketish emas.
Tavvakkul - bu eshagi qozig’ini yerga yaxshilab qoqib, ya’ni qo’lidan kelgan maksimal sababini qilib, keyin “ALLOHga tavakkal” deyish.
Endi aytaylik, o’sha masjid oldida namozxonlar ulovi uchun yopiq otxona bor, ya’ni eshagini ko’chaga qozig’ini qoqib ketishga nisbatan xavfsiz yechim bor. Bu holatda eshagini ko’chaga qoqib “ALLOHga tavakkul” deyish ham tavakkul emas. Bu holatda o’sha xavfsizroq bo’lgan otxona ichiga boylab, keyin “ALLOHga tavakkul” deyish - bu tavakkuldir.
Ya’ni, qo’limizdan kelganicha, imkonimiz boricha, aqlimiz yetkanicha maksimal sababini qilib keyin tavakkul qilamiz. Va shunda ham natijani ALLOH beradi deyishimiz kerak.
Otxonaning ichiga eshagimiz ipini yaxshilab bog’lab, otxona eshigini yopib qo’yganimiz bilan ham, ALLOH saqlamasa, turli sabablar bilan eshagimizdan ayrilishimiz mumkin.
Xulosa:
Bir natijaga erishish uchun qo’limizdan kelganicha maksimal sababini qilamiz va “ALLOHim men ojizman, men qo’limdan kelganicha, qodir qilganingcha sababini qildim, lekin bu hech narsaga yaramaydi, SEN bermasang natijaga erisha olmayman, rizq SENdan, g’alaba SENdan, natija SENdan” degan chin taslimiyatda, e’tiqodda bo’lishimiz kerak ekan🙂
Shu joygagacha o’qigan bo’lsangiz, tashakkur! Olgan insaytingizni izohda bo’lishsangiz😊
@Shohruh_Yusupow