Shirin Xabarlari | RASMIY

Shirin shahar “Inson” ijtimoiy xizmatlar markazi tomonidan amalga oshirilgan ishlar yuzasidan (raqamlar)

Shirin shahar “Saxovat va ko‘mak” jamg‘armasidan moddiy yordam ajratilishi uchun 2024-yilning iyul-dekabr oylarida 82 ta ariza qabul qilingan.

Shundan, 13 ta ariza qonun talablariga mos kelmaganligi sababli rad etilgan, 69 ta arizaga xizmat ko‘rsatilgan. Umuman iyul-dekabr oylarida “Saxovat va ko‘mak” jamg‘armasi hisobiga 130 838 470.90 so‘m tushum bo‘lgan, 68 633 600 so‘m xarajat qilingan, jamg‘armadagi qoldiq 62 204 870,90 so‘mni tashkil qiladi.

Davolanish uchun 1 ta arizaga 1 000 000 so‘m, dori darmon uchun 46 ta arizaga 48 500 000 so‘m, kiyim-kechak va zaruriy jihozlar uchun 4 ta arizaga 3 300 000, oziq-ovqat uchun 12 ta arizaga 3 710 000 so‘m, ta’mir uchun 18 ta arizaga 15 833 600 so‘m mablag‘ yo‘naltirilgan.

➡️ Telegram |Instagram | Facebook | Youtube

Shirin shahrida "Tashabbusli budjet" asosida yangi boks zali ochildi

Shahrimiz aholisining taklif va tashabbusi bilan "Tashabbusli budjet" loyihasi doirasida g‘olib bo‘lgan loyiha Shirin shahar Sport maktabining yangi boks zali foydalanishga topshirildi.

Ochilish marosimida shahar hokimi o‘rinbosari Farrux Alimov, sport boshqarmasi boshlig‘i Anvar Buranov hamda nuroniylar va yosh sportchilar ishtirok etishdi.

Tadbirda so‘zga chiqqanlar yangi sport majmuasi ochilishi bilan barchani samimiy tabriklab, kelgusida bu dargohdan yurtimiz faxri bo‘lgan chempionlar yetishib chiqishiga ishonch bildirishdi.

Maʼlumot uchun, mazkur tashabbusni amalga oshirish uchun uchun budjetdan 500 million so‘m mablag‘ ajratilgan bo‘lib, malakali trenerlar qo‘l ostida 100 ga yaqin sportchilar shug‘ullanishi uchun sharoitlar yaratilgan.

➡️ Telegram |Instagram | Facebook | Youtube

Shirin shahar hokimligi hamda ATB "Agrobank" shahar filiali tashabbusi bilan "Loyihalar yarmarkasi" tashkil etildi

Davlatimiz rahbari tomonidan 2024-yil 16-dekabrda o‘tkazilgan videoselektor yig‘ilishida belgilab berilgan vazifalar ijrosini taʼminlash maqsadida Shirin shahrida “Loyihalar yarmarkasi” tashkil etildi.

Mahallalarga biriktirilgan tijorat banklari vakillari hamda tadbirkorlar ishtirok etgan ushbu tadbirda "Sayxunobod", “Uychi”, “Zarbdor” hamda “G‘ijduvon” tajribalari asosida tayyorlangan biznes rejalar taqdimot qilindi. Aholining tadbirkorlik faoliyatiga daxldor 20 dan ortiq biznes rejalari muhokama qilindi.

Jarayonlar davomida fuqarolarda tadbirkorlik ko‘nikmasini shakllantirish, banklar tomonidan taklif qilinayotgan imtiyozlar, bandligini taʼminlash masalalariga ham alohida eʼtibor qaratildi. Mutaxassislar tomonidan tadbirkorlikka doir qonunchilikka kiritilgan o‘zgartish va yangiliklar, imtiyoz va qulayliklar to‘g‘risida atroflicha maʼlumot berildi.

➡️ Telegram |Instagram | Facebook | Youtube