Shaxriyor Xaymurzayev

O’zimni yo’qotmaganman, lekin “backpacking” qilish niyati tug’ildi

Backpacking o’zi nima?

- Tassavvur qiling, boshqa davlatga chiqib ketdingiz. Ryugzakingizda eng kerakli narsalar va o’zingiz. Mehmonxonada emas, arzon hostellarda yashaysiz, qimmat kafelarda emas, arzon ovqat shaxobchalaridan taomlanasiz. Taksi emas, piyoda, velosiped yoki jamoat transportlaridan foydalanasiz

Steve Jobs ham huddi shunday qilgan, Apple’ga asos solishidan avval dunyo kezgan. Insonlar, turli millatlarni ko’rgan. O’sha paytlari u juda ham ko’p pul topmagan bo’lsa ham. 1 oylik backpacking uchun tahminan 1 oy ketsa kerak va 1.500$ pul bilan

Hozircha qaysi davlatda backpacking qilishni o’ylab turibman, agar bu yil hisobidan bo’lsa undan ham ideal bo’lar edi. Kichkina niyat)

@shakhxaymurzayev

Eng kuchlisi bo’lish uchun harakat qilmang!

Hayotimdagi eng katta xatolardan biri shu bo’lgan ekan. Doim o’zimcha “soxta” motivatsiya olib, “eng kuchlisi bo’lishim kerak, yorib tashashim kerak” - deb yurar edim

Tashqaridan qarasa ahmoqona, unaqasi tushingizda bo’ladi. Ming chiranmang baribir bo’lmaydi unaqasi. Yaxshisi ishga mehr berishni o’rganish kerak

2 yil davomida sohamda rivojlanganimda men faqat shularga e’tibor berar edim

- Loyiha maqsadi
- Nimalar qilish kerakligi
- Vaqtida va imkonidan ortiq sifatli bo’lishi
- Eng to’g’ri kommunikatsiya qilish

Mehr berish deb shuni tushunaman, va mana shu bizni eng kuchlilaridan bo’lishga undaydi.

Masalan meni eng hurmat qilgan tadbirkor va innovatorlardan biri ELON MUSK

U Marsga chiqish uchun "eng kuchlisi bo‘lish"ni emas, shunchaki o‘z maqsadiga mehr bilan e’tibor qaratishni tanladi. U o‘z kompaniyalarini doim quyidagi qoidalarga asoslanib rivojlantirgan.

Maqsadi – odamzod kelajagini yaxshilash.
Vazifasi – texnologik muammolarni hal qilish.
Qiyinchiliklarni yengish uchun uzoq muddatli rejalar yaratish.
Kommunikatsiyada aniq va ochiq bo‘lish.

Har qanday vaziyatda eng kuchlisi bo’laman desangiz “eng kuchlisi bo’laman” - deb harakat qilishni to’xtatingda, jarayobga mehr berishni o’rganing.

@shaxriyorxaymurzayev

Bilasizmi nima?

Har doim o’ylanib yurar edim, tadbirkor va biznesmenning farqi nimada deb. O’zi tassavvurimda ko’p narsa bo’lar edi farqlash bo’yicha lekin so’zda aytib bera olmas edim.

4-sinfligimdan beri tadbirkor bo’lish orzyuim bor. Buni kam tanishlarim biladi, shu sababli ham 9-sinf tugatganimdan so’ng marketingni ikkilanmasdan tanlaganman.

Endi tadbirkor va biznes egasini farqlarini tushuntiraman.

O’qish vaqti 1-2 daqiqa*

Tadbirkor:

Innovatsiya: Tadbirkor yangi g‘oyalar, mahsulotlar yoki xizmatlar yaratish orqali bozorni o‘zgartirishga yoki yangi bozorlarga kirishga intiladi.

Risk: Tadbirkor odatda yuqori darajadagi risklarni qabul qiladi, chunki u yangi narsalarni sinovdan o‘tkazadi.

O‘sish: Tadbirkorning maqsadi odatda o‘z biznesini kengaytirish va tez sur’atlarda rivojlantirish bo‘ladi.

Yaratish: Tadbirkor yangi biznesni noldan boshlashga yoki mavjud biznesni tubdan o‘zgartirishga qaratilgan.


Biznes egasi:

Barqarorlik: Biznes egasi ko‘pincha barqaror va daromad keltiruvchi tizimni yaratishga intiladi.

Kam risk: U odatda nisbatan pastroq risk bilan ishlaydi va allaqachon mavjud bo‘lgan model yoki bozorga asoslanadi.

Daromad: Biznes egasining asosiy maqsadi barqaror daromad olish va biznesni samarali boshqarish.

Mavjud biznesni boshqarish: Biznes egasi ko‘pincha faoliyatni barqaror qilish va mavjud tizimni boshqarish bilan shug‘ullanadi.

Foyda olish jihatdan:

- Tadbirkor uchun foyda olish birinchi o’rinda turmaydi, u yangi g‘oya yoki innovatsiya orqali bozorga ta’sir o‘tkazishga intiladi.

- Biznes egasiga esa foyda olish biznes egasi uchun asosiy motivatsiya bo‘lib, biznes jarayonlarini samarali boshqarishga qaratilgan.

O’zmizning mahaliy va xalqaro bozordan misol keltirsak tadbirkorlar

Tadbirkor:

Ilk bora raqamli to‘lov tizimi yaratgan shaxs (masalan, PayMe yoki Click asoschilari).
Aqlli texnologiyalar bilan bog‘liq mahsulot yoki xizmatni kiritgan shaxs.

Biznes egasi:

Mahalliy do‘kon, kafe yoki xizmat ko‘rsatuvchi kompaniyaning egasi.
Mavjud franchayzani boshqaruvchi shaxs (masalan, McDonald’s yoki Starbucks).

Xulosa

Tadbirkor: Innovator, yangilik yaratuvchi va bozorni o‘zgartiruvchi.
Biznes egasi: Barqaror daromad va boshqaruvni ta’minlovchi.

Ikkala rol ham muhim va har biri o‘ziga xos qiyinchiliklar va imkoniyatlarga ega. Sizning qaysi rolni tanlashingiz ko‘proq shaxsiy maqsadlaringiz va qiziqishlaringizga bog‘liq.

@shaxriyorxaymurzayev

Bu yil ancha xotirjamman

Yilning oʻrtasida shu fikrlash modeliga oʻtganimdan beri ancha xotirjam his qilyapman

2024ni koʻpchilik buyumga, chet elga chiqmagani, mansabga erishmagani uchun hafa boʻlyapti.

Bir narsa aytaymi? Ular sizi xotirjalariz yonida shunchaki 1 tiyin! Nimaga erishdim deb emas, bu yil qanaqa xotiralar bilan yashadim deb fikrlang, jon doʻstlarim.

Unday qilmang doʻstlar, siz xotiralariz bilan boysiz. Mol-mulk eskiradi, chiriydi u bizga xizmat qilish uchun. Chiroyli hikoya yaratib, uni eslang

2024 dan 2025 ga oʻtish menga qiziq tuyilyapti, chunki qancha hikoyam bor u yerda. Yashab qoʻyishim kerak-ku.

Xullas shunaqa gaplar, tepada yillik xulosalatimni yozib qoʻygan edim. Uyam foydali boʻlsa ulashib qoʻyingizlar

Barchaga omad⚡️

@shaxriyorxaymurzayev

2024-yil qanday qilib o’ynashni o’rgandim!

O‘tgan yilda qanchadan-qancha narsalar o‘rgandim. Ayrimlarida xato qildim, ba’zilari esa meni oldinga tortdi. Lekin bir narsani aniq tushundim — har bir tajriba o‘zimizni yaxshilash uchun imkoniyat ekan.

1. Individual yondashuv — muvaffaqiyat siri

Hech narsa shunchaki "bajarish uchun" qilinmasin. Har bir loyiha va topshiriqni mehr va e’tibor bilan bajarish kerak. Huddi gulni parvarish qilgandek, har bir taskni ehtiyotkorlik bilan boshqarsangiz, natijalaringiz ham o‘zidan chiqadi. Bugungi qilayotgan harakatingiz ertaga qayerga olib borishini bilish muhim. Har bir taskni o‘zingiz uchun o‘ylab qiling.

2. Qarorlarimiz kelajagimizni belgilaydi

Robert Zemeckisning "Kelajakka qaytib" filmida o‘rgangan narsam shu — har bir harakatimiz kelajakni shakllantiradi. Kichik qarorlar katta o‘zgarishlarni boshlashi mumkin. Har safar qaror qabul qilayotganda "Bugungi qarorim ertaga qayerga olib boradi?" degan savolni o‘zingizga bering.

3. Motivatsiya va energiyaning ahamiyati

Motivatsiya harakatni boshlaydi, lekin uni davom ettirish uchun energiya kerak. Oxirgi paytlarda ichki energiyam yetmayotganini his qildim. Bu menga sog‘liqning qanchalik muhimligini yana bir bor eslatdi. Ruhiy va jismoniy kuchimizning holatini kuzatish — eng asosiy ustuvor vazifa.

4. Muammolar imkoniyatlar ekanini tan olish

Har qanday muammo aslida yashirin imkoniyat. Muammo kelganida, boshni egib taslim bo‘lish emas, uning ichidagi imkoniyatni ko‘rish kerak ekan. Muammolarimizni imkoniyatga aylantirishni o‘rganganimizda, ular bizni cho‘qqilarga olib chiqadi.

5. Odatlar va tizimning kuchi

Oxirgi paytlarda shuni tushundimki, oddiy odatlar bizni qutqaradi. Yomon kunlarda ham odatlarimiz bizni oldinga tortadi. Uyqu rejimini buzmaslik, kunlik tasklarni bajarish va kichik qadamlar bilan ishlash katta natijalarga olib keladi. Tizim ishlaganda hammasi bir maromda davom etadi.

6. Maqsadga emas, jarayonga e’tibor qaratish

Maqsadlarimiz bizni harakatga undaydi, lekin jarayonning o‘zi bizni shakllantiradi. Har bir qadamdan zavq olishni o‘rganing. Katta maqsadlarga erishish uchun har kuni kichik muvaffaqiyatlarni qo‘lga kiritish muhim.

7. Hayotda “restart” qilish zarurati

Ba’zan hayotimizda ko‘p “bug”lar paydo bo‘ladi. Shunday vaqtlarda shunchaki to‘xtab, qayta yuklanish kerak. Bu restart kim uchun ikki kun dam olish, kim uchun esa yangi bosqichga o‘tish. Qayta yuklash orqali hayotimizdagi ko‘p muammolarni hal qilishimiz mumkin.

8. Pul hamma narsani hal qilmaydi

Ko‘p pul muvaffaqiyatning belgisi emas. Eng muhim narsa — uni qanday qo‘lga kiritganingiz. Har bir muvaffaqiyatning ortida o‘ziga yarasha hikoya bo‘lishi kerak. Aynan shu hikoya sizning obro‘ingizni belgilaydi.

9. Brendni qadriyatlar orqali qurish

Performance asosida ishlash yaxshi, lekin bu yetarli emas. Brend yaratishda qadriyatlar va kommunikatsiyaga e’tibor qaratish kerak. Aks holda, auditoriya siz haqingizdagi tasavvurni o‘zi yaratib oladi. Har bir brendning strategik rejasi va qadriyatlari bo‘lishi kerak.

10. Muammolarni o‘zingiz yaratmasangiz, ular tabiiy keladi

Hayotda muammolarni qochib emas, balki ongli ravishda yaratib rivojlanishga undash kerak. Muammolarni o‘zingizga doimiy dozada yuklab boring, aks holda tabiiy kelgan muammolar sizni sindiradi.

11. Hayot — bu missiya

Har bir harakatimiz va qarorimiz qulaylik yaratishga qaratilgan. Lekin hayot faqat qulaylik emas, balki o‘z missiyamizni anglashdan iborat. Missiyamizni chuqur his qilsak, har qanday qiyinchilikni yengib o‘tishimiz mumkin.

Bu yil shuni o‘rgandimki, har bir qadamimiz va qarorimiz bizni o‘zgartiradi. Hayotimizni odatlarimiz, qarorlarimiz va shaxsiy yondashuvimiz bilan boshqarsak, muvaffaqiyat albatta keladi.

2024-yil — o‘zgarish va yangi imkoniyatlar yili! 🚀

@shaxriyorxaymurzayev

10 daqiqada boshlaymiz ekan

Qo’shilib olishlaringiz mumkin. Suhbat @U_Shaxboz shu kanalda bo’lib o’tadi. To’liq o’zim gapiraman😁

Yaqin akam Shaxboz aka Ubaydullayev oʻzining kanalidagi podkastga mehmonga chaqirdilar

Anchadan beri CHATGPT boʻyicha loyihamni kuzatib, qiziqish bildiribdilar. Endi mehmon boʻlamiz

Kanaliga oʻtib, kuzatingizlar ertaga zoʻr suhbat qilamiz🎙️

Kunlar o‘tar, vaqtni qaytarib bo‘lmas,
Faqat yoshim ulg‘ayar, hayot o‘zgarmas.
Insonlar ketar, yangilar kelar,
Hayot bu sahna, qachon nihoyasiz bekor

@shaxriyorxaymurzayev

Hayotimizga ham restart kerak

Aniqroq tushuntirishga harakat qilaman. Yaqin do’stim mendan instagramida muammolari ko’payib ketganligini aytdi. Men shunchaki “instagramni o’chirib tashlab, qayta yukla” dedim. 1 minutga qolmay, ishlab ketganligini aytdi.

Huddi shu narsani bis asosiy hayotimizda ilg’amaymiz, hayotimizda muammolar ko’payib ketsa ularni yechishga harakat qilamiz. Ba’zida bitta restart, qayta yuklash hayotimizdagi “bug”larni yo’q qiladi.

Restartni hamma har xil tushunsin

Men uchun restart 2 kun hechnima qilmaslik, kino ko’rish, tabiatga chiqib ketish va hokazo…

Hayotlaringizni qayta yuklab turingizlar do’stlar, juda ham muhim bu

@shaxriyorxaymurzayev

G’oyalarni kuchaytirish usuli!

Hozir shunga o’zim amal qildim. G’oyamga +1 g’oya bonusga qo’shildi😂

Eng qiziq joyi, o’sha g’oyani qanday amalga oshirish ketma-ketligini bilaman. Ishonaman-ki bu g’oya bozorda hali ishlatilmadi va tezroq realizatsiya qilaman

Ha, Chatgpt+marketingga oid…

AI + Marketing

1 hafta oldin o’zimga qiziq bo’lgan loyiha boshladim. Su’niy intellektni marketing jarayonlariga integratsiya qilish bo’yicha. Bundan oldin 4-5 ta marketingda faoliyat olib boradigan top eksprt tanishlarim aynan “ChatGpt”ni ishlariga integratsiya bo’yicha yordam so’rashgan edi.

1-2 soatda muammolariga yechim berib, o’zlarini ishlarini osonlashtirib qo’ydim. Shundan beri mendan shu bo’yicha yaxshi maslahat olganini aytishadi. Shundan keyin kechasi g’oya keldi. Ertalabgacha hammani ro’yxatini olib birma-bir yozib, uchrashuv belgiladim. Tahminan 6 kishi bilan suhbatlashim. Bugun 7chisi bo’ladi (Italiya bilan😁)

Shundan beri hammalarini muammolarini o’rganishni, va asosiy ish standartlarini ko’rib chiqdim. Hammasi deyarli bir xil muammoda. Kreativni to’g’ri ishlatish bo’yicha muammolari bor

- Ssenariy
- Kontent reja
- Kreativlar

Lekin baribir asosiy muammo bu emas deb o’yladim, shunga yechim sifatida to’liq upakovkalangan bozorga moslangan produkt ishlab chiqishni boshladim.

- Bu mahsulot Chatgpt + marketing. Ya’ni aynan CHATGPTni marketing jarayonlarida qo’llab, ishni 5x gacha tezlatish imkonini beradi.

Bozorda boshqa su’niy intellektchi bollar ham bor, ular ham shu ish qiladi deyishlaringiz mumkin. Lekin o’zimda to’liq marketing bilimlari, va oz-moz tajriba bo’lgani sabab buni ishlarga integratsiya qilishim nafaqat Chatgptni ishiga moslab beraman, balki Marketing orqali yechimlar ham taklif qila olaman (tajribadan o’tdi)

Shunga 1 haftadan beri loyiha menga juda ham qiziq, bozor bo’sh va tezroq amalga oshirish kerak Jarayonlarni esa bo’lishib turaman.

Kimga Ai+marketing qiziq bo’lsa, menga murojaat qilsangiz bo’ladi.

@shaxriyorxaymurzayev

Siz sabab kimdir uyqisi buzilsa nima qilasiz?

Men sabab hamkorim uxlolmasligi, ish bitmaganini aytdi. Aksiga olib ertaga juda ham ma’suliyatli va muhim kun.

Eng yomon tarafi bu ma’suliyat menda edi. Ishni vaqtida tugatmagan edim. Juda ham uyatli va o’zimni yomon his qildim

- Tassavur qiling sizni deb kimnidur uyqisi yaxshi bo’lmayapti, qanaqa his qilasiz? (agar vijdoningiz bo’lsa)

Endi shuni bitirmaguncha men ham uxlamayman. 1-Va’da qilgan ishimni bajarishim kerak. 2-kimnidur uyqisini bebaraka bo’lishini xohlamayman.

#maslahat esa bergan va’dangizni maksimum bajaring va kimnidur noqulay vaziyatga qo’ymang

@shaxriyorxaymurzayev

Uyida ish qilmagan bola dangasa emas

Dars qilmagan bola dangasa emas

Kitob o’qimagan dangasa emas

- Shunchaki u uchun hammasi zerikarli

Haqiqiy dangaslik, imkoniyat bo’la turib foydalanmaslik, divanda yotaverish. Yoki tizimli ishga bog’lanib qolish haqiqiy dangaslik.

- Dangaslik biron mehnatli ishni tez bajarmaslik emas, ma’suliyat va jarayonni boshqara olmaslik.

Hayotda ko’pincha dangasalar nolishadi, u yo’q, bu yo’q. O’zbekiston unaqa-yu, bunaqa. Yo’q dangasaligiz uchun sizga kimdur hal qilib berish kerakmi?

Vaziyatni qo’lingizga olib, o’zingiz o’zgarishdan boshlash kerak. Imkoniyat siz o’ylagandan ko’ra kattaroq!

Ba’zida bunaqa fikrlarimga javob keladi: “eee sen hozir shunaqa fikrlayapsan, 1-2 yildan keyin ko’ramiz, o’zgarasan, hammasini tashlab qo’yasan”. Bilmayman hechnarsani, va yagona javobim shuki

- Hechnima qilmasdan o’lib ketish ham, bizga berilgan umrga nisbatan uvollik qilish.

@shaxriyorxaymurzayev

Tushunarsiz kommunikatsiya kompaniyaga zarar keltiradi

xalqchilipo.uz reklama bergan ekan bannerga. Umuman tushunmadim. Men kabi boshqalar ham tushunmasa kerak.

“Kelajakka sarmoya kiriting” - deb yozilgan. Hoʻp sarmoya kiritamiz kelajakka, lekin qanday? Nimaga? Qayerdan sarmoya qilamiz? Nima oʻzi bu?

Shunaqa boʻlishi mumkin edi-ku!

- “Biz orqali kompaniya aksiyalarini sotib oling”

Oddiy, sodda tushunarli, va skaner uchun QR qoldirsa ham nur ustiga a’lo nur boʻladi

Hurmatli tadbirkorlar, marketologlar kommunikatsiyaga e’tibor bilan qarang.

Reklama tushunarsiz boʻlsa banner befoyda, bekorga joy arendasiga pul ketadi. ROI ham past boʻlishi mumkin

@shaxriyorxaymurzayev