Shariy Ruqiya

#Тафаккур


Кўп инсонлар Аллоҳни қўйиб бошқа нарсалардан шифо исташади. Масалан беморликка йўлиққан инсон асосан дори, шифокор, табиб, психолог ва бошқалардан шифо истаб уларга мурожаат қиладилар. Аслида динимизда аввал Аллоҳдан шифо сўраб сўнгра сабабларига интилишлари керак эди.

Масалан оддий шамоллашни олсак инсон бир йилда бир неча бор шамоллаши мумкин лекин ҳар гал шамоллаганида биринчи айтадиган сўзи ва ҳаракати ҳамманинг ўзига аён.

Қани энди инсоф билан ўйлаб кўрингчи дардни Аллоҳдан деб ундан ёрдам сўраб кейин муолажалар сабабини қиласизми ёки оҳири дардингиздан азоб чекканингиздами.?

Азиз диндошим шуни билингки тақдирларимизда ушбу дардларимиз битилгандир. Яҳшилик ва ёмонлик ҳам фақат Аллоҳдандир. Шундай экан аввал Аллоҳдан деб билишни ва Аллоҳдан ёрдам сўраб сабабларига киришишни ўрганайлик.

Шундай экан энди жин кирган ёки сеҳрланган инсонларнинг эътиқодлари ҳақида тасаввур қилиб кўринг. Шифони кимдан исташмоқда.? Аллоҳданми ёки Роқийданми.? Агар Аллоҳдан бўлса роббилари айтганидек унинг амрларига бўйсунсинлар ва шифо сабабларини қидирсинлар. Ҳар бир соҳанинг ўз мутаҳасисиларини ҳам Аллоҳ ўзи сизу бизга етказиб қўйган. Агар сеҳр, кўз тегиши ва жин киргани аниқ бўлса албатта роқийга мурожаат қилинади ва бу тўғри сабаб бўлади. Малакали Роқийлар сиздаги мауммоларни кетишини истаб Аллоҳдан сўраб сизга шифо истаган ҳолларида сабабларини қиладилар. Шифо эса Аллоҳдандир. Валлоҳу аълам..

Яқинларингизга хам улашинг 📲

https://t.me/+1vDFOtf_h7NmYmIy

ЖИНЛАРНИНГ ТЎЙИДА ҚЎШИҚ КУЙЛАГАН ҚЎШИҚЧИ АЁЛ ТАВБАСИ 

Нура Тоқақа 90-йилларнинг бошларида ватани Қувайтда машҳур бўлиб, уни форс кўрфазидаги бадавлат оилалар ўзларининг тўй ва зиёфатларига таклиф қилишар эди. Қўшиқчи Нуранинг санъатни буткул тарк этиб, ҳидоят топишига 1997 йилда ҳаётида содир бўлган ғаройиб воқеа сабаб бўлган. Бу воқеа ҳақида ўша пайтнинг машҳур "Жиноят" журналида ҳам мақола чоп этилган. 

Қўшиқчи қуйидагича хикоя қилади: "Бир неча йил аввал дам олиш кунларининг бирида телефон жиринглаб қолди. Мен телефоннинг гўшагини кўтардим. Қўнғироқ қилган киши ғалати овоздаги аёл бўлиб, у мендан шу кеча қизининг тўйига келиб, қўшиқ куйлашимни таклиф қилди. Мен дам олиш кунимиз бўлгани учун унинг таклифини рад қилмоқчи бўлдим. Лекин у сўрганимиздан икки баробар ортиғи билан тўлашини айтди. Мен катта миқдордаги пул эвазига рози бўлдим. У менга манзилини бериб, телефон гўшагини қўйди. Мен гуруҳимиз аъзоларига телефон қилиб, бу хабарни айтганимда, аввалига улар дам олиш куни бўлгани учун рад қилишди. Кейин бизга ваъда қилинган катта миқдордаги пулни эшитишгач, ўша заҳоти боришга рози бўлишди. Шу кечанинг ўзида биз тайёрланиб, машинада йўлга чиқдик.

Менинг юрагимда қандайдир хавотир бор эди. Лекин мен буни бошқаларга билдирмадим. Манзил жуда ғалати эди. Айтилган манзил чўли биёбонда бўлгани учун йўлни топиш қийин бўлди. Ва ниҳоят биз айтилган жойга етиб бордик. Келган манзилимиздаги уй ҳашаматли бўлиб, баланд мусиқа қўйилган, одамлар ҳам жуда кўп эди. Биз машинадан тушиб, уйга кирдик. Тўй иштирокчилари ғалати кийимда эди. Телефонда мен билан гаплашган аёл кўришиш учун қаршимга келди, уни овозидан танидим. Мени қучиб, юзимдан ўпганида унинг терисини тошдек қаттиқ эканлигини ҳис қилдим. Аёлнинг либоси ҳам ғалати эди. Мен эса ичимдаги қўрқувга эътибор бермасликка давом этардим. У бизга дам олишимиз ва концертга тайёргарлик кўришимиз учун керак бўлган хонани кўрсатди. Биз тайёргарлик кўриб, намойиш қўйиш учун чиқдик. Катта зал аёллар ва болалар билан гавжум эди. Тўй дастурхонига қўйилган таомлар оддий зиёфат таомларига ўхшамасди. Залдаги чироқлар, безаклар биз келган хонадон бой-бадавлат оила эканлигидан дарак берарди. Куёв қадимги усмонийлар либосида, келин эса қимматбаҳо оқ тошлар қадалган қора либосда эди. Мен куйлашни бошлашим билан одамларнинг келиши янада кўпайди. Улар ғалати тарзда рақсга тушишни бошлаши билан бутун вужудимни қўрқув қоплаб олди. Лекин мен буни бошқаларга билдирмасликка ҳаракат қилар эдим. Гуруҳимиздаги қизлардан бири хушидан кетиб қолмагунча, концерт беришда давом этдик. Мен у қизнинг олдига яқинлашай деганимда, гуруҳимиздаги йигитнинг қаттиқ қўрқув билан қараб турганини кўрдим. Мен ҳам йигит қараб турган тарафга назар ташлаб, сакраб рақсга тушаётган одамларга кўзим тушди. Уларнинг оёқлари инсонларнинг оёғидек эмас, балки эчкининг туёғи эди.

👉Давоми...