Telegram channel "Shaxzoda Iskandarova" — @shakhzodas_diary

Shaxzoda Iskandarova

5 Jan, 18:32

Forward from: thekami

"Odamlar o'zgarmasa, bu o'yin davom etadi."

Squid Game 2 seriyalidagi bu gap hayotdagi ko'p narsani ochib beradi. Bularga misol har kuni takrorlaydigan yomon odatlarimiz, va ular ustida ishlamasligimiz. Gazli ichimlik ichishdan, vaqtida uhlamaslikdan, 8 soat reels ko'rib o'tirishdan, toksik insonlardan voz kechmas ekanmiz, bir xil hayot tarzida yashaymiz, ya'ni biz yoqtirmaydigan va oxirida o'zimizga zarar o'yin tugamaydi.

Ba'zi narsalar bor, ming yillardan beri takrorlanib keladi. Aflotunning "Davlat" kitobini o'qib guvoh bo'ldim. Unda kohinlar va jodugarlar haqida gap borar ekan, Musey va Orfey qanday qilib o'z kitoblari bo'yicha marosimlar o'tkazib, bu bilan xalqlarni yomonlikdan saqlashlariga ishontirishlari haqida gap boradi. Suqrotni birodari Adimant esa shunday deydi:

Qadrdonim Suqrot, ezgu ish va axloqsizlik borasida va ular odamlar hamda xudolar tomonidan qanday baholanishi haqida bunday narsalar behisob ko‘p! Yoshlarning dillari bularning taassuroti ostida nima qilishi kerak, deymiz biz? O'zlarining yaxshi tabiiy qobiliyatlari borligiga qaramay, xuddi (qushlar) tuzoqqa qo‘yilgan xo‘rakka uchib kelganiday, ular bunday hikoyalarga uchib keladilar va o‘z hayot yo‘lini imkoni boricha yaxshi bosib o‘tishi uchun odam qanday bo‘lishi va u qanday yo‘nalishni tanlashi kerakligi haqida o‘sha hikoyalar bo‘yicha xulosa chiqaradilar.

Biroz atrofga qarasak shu narsani biroz evalutsiyaga uchragan misollarini ko'ramiz. Insonlar o'zlarini tabiiy qobiliyatlari, istaklari, nafsini o'rganmay, insta psixolog, kouch, trenerlarni hikoyalarini eshitishni maqul ko'radilar. Ming yildan beri insonlarni bu jihati o'zgarmaganiga nima deysiz?

Sizga yoqmagan "o'yin" tugashini istasangiz o'zingizni o'zgartiring. Bo'lmasa ba'zi yoqimsiz va zararli odatlarni yillar ko'tarib yurasiz, bir orqaga qaraganingizda esa ancha narsa yo'qotganingizni tushunasiz.

@the_kami

112 0 0 9

Shaxzoda Iskandarova

3 Jan, 14:26

2024-yilgi haqiqatlarim!

1. Hissiyotlar vaqtinchalik. Uzoqga bormaydi.

2. Odamlar avtobus kabi, biri ketsa keyingisi keladi.

3. Hayot aslida qiziqarli, yashashni bilish kerak.

4. Dunyoni diqqatini boshqara olganlar boshqaradi.

5. Boy bo’lish uchun ko’p ishlash kerakmas, aql bilan ishlash kerak.

6. Pul — Oddiy qog’oz, lekin ko’p narsalarni hal qiladi. Uni borligidagi xursandchilik va yo’qligidagi tushkunlik esa aslida unga arzimaydi.

7. Atrofingdagilar qanaqa bo’lsa sen ham shunaqa bo’lasan, balki yaxshiroq yoki yomonroq hamdir.

8. Odamlarni fikri muhim. Faqat qaysi odam ekanligiga bog’liq.

9. Odamlar nima deydi deyayotgan bo’lsang, demak hayotingda ularni fikridanda muhimroq narsa yo’q.

10. Hayotingdagi muammolarni sababchisi har doim sen emas, lekin ularga qanday javob berishing aynan sening zimmangda.

11. Agar universitet, qandaydir telefon, moshina yoki dang’illama uylar orzuying bo’lsa, bilib qo’y juda kichik fikrlayabsan.

12. O’lim asli go’zaldir. Tuproqda yotganlarni ham millonlab muammolari bo’lgan, lekin ular ham ketti, sen ham ketasan. Siqilma, boqiy hayot bu dunyoda emas.

142 0 3 1 15

Shaxzoda Iskandarova

25 Dec 2024, 22:16

- Ona yaxshi erkakni qanday qilib topaman ?

-Yaxshi erkakni topishni esdan chiqar, yaxshi ayol boʻlishga harakat qil.
Qur’onda oʻqishimiz mumkunki, “ Yaxshi ayollar yaxshi erkaklar uchun, Yaxshi erkaklar yaxshi ayollar uchun”.

(Quran, Surah 24 An-Nur, oyat 26).

231 0 0 2 19

Shaxzoda Iskandarova

24 Dec 2024, 20:14

Forward from: 𝓓𝓲 𝓵𝓲𝓯𝓮

🌷

Bir yigit bir qizni yaxshi ko’rsa, mendayam bo’lsin unda ham bo’lsin deydida, xuddi shunday qizlar ham, do’stlar ham. Mening ham ishim zo’r bo’lib ketsin, uni ham ishi zo’r bo’lib ketsin deydi.. ya’ni o’zi bo’ladi har doim. Lekin ota-onalarda unday bo’lmaskanda.
Menda bo’lmasa bo’lmasin, bunda bo’lsin…)

Bu muhabbatning eng baland martabasi..

220 0 0 8

Shaxzoda Iskandarova

18 Dec 2024, 21:22

Forward from: Anvarov’s blog

Ulg’ayganim sari tushundim-ki, dadalarni yuziga ajin va sochlariga oq shunchaki yoshi ulg’aygani sabab tushmas ekan.

294 0 1 10

Shaxzoda Iskandarova

18 Dec 2024, 12:51

Ma'qullanmaslik qo'rquvi

Insonlar tomonidan ma'qullanish yoki e'tirof etilishga diqqat qaratsangiz, ularning asiriga aylanasiz.

O'z ishingizni bajaring va ortga chekining.

Ko'ngil xotirjamligiga olib boruvchi yagona yo'l shudir.

•Lao Szi

291 0 0 1 9

Shaxzoda Iskandarova

15 Dec 2024, 10:25

00:13

Video is unavailable for watching

Show in Telegram

Birinchi qor bilan! ❄️

( O'zi aslida ikkinchi ,oʻtgan safar bunday yog'magandi)

Hamma joyda qor yog'dimi?

369 0 0 5 12

Shaxzoda Iskandarova

4 Dec 2024, 15:03

Nega yaxshi ayol shifokorlar kam?

Muammo
Hozirgi kunda butun dunyo boʻyicha qizlar va yigitlarning tibbiyot oliygohiga topshirish koʻrsatkichi teng, ayrim oʻrinlarda qizlar soni yuqori ham chiqadi. Lekin butun sohada faoliyat olib borayotgan, karyerasini oxirigacha ushlab qola olgan mutaxassislar orasidagi koʻrsatkichda erkaklar soni koʻproq chiqadi.

Mana shu koʻrsatkichdan kelib chiqib juda koʻpchilik fikriga koʻra yaxshi shifokorlar faqat erkaklar orasida topiladi. Va xattoki eng yaxshi akusher-ginekologlar ham bu erkaklar. Uyimizda hamma shifokor boʻlgani uchun bu fikr koʻp marta suhbatlarda koʻtarilgan.

Sabab
Oila, jamiyat va ish joyidagi turli toʻsiqlar, ayol kishi hayotida yuzaga keladigan oʻzgarishlar toʻlqinlari. Biz, ayollar, koʻproq hissiyotga tayanamiz. Hayotimizning qaysidir nuqtasida shunchaki uy bekasi va ona boʻlishni tanlashni xohlab qolishimiz mumkin.

Bu istak ham oʻrinli. Faqat u cheklangan muddatga boʻlishi kerak. Yuqoridagi har ikki rol ham oʻz orzularidan toʻla voz kechishga sabab boʻlmasligi kerak. Koʻp onalarni kuzatganman, bolamni tarbiyalashim kerak deb, boshqa hamma narsadan voz kechadi. Lekin bolaga ona har doim ham 24/7 kerak boʻlmaydi. Sekin asta bola katta boʻla borishi bilan onaga boʻlgan qaramligi kamayib boradi. Oʻz ishlarini oʻzi bajara olishi, uy vazifalarini toʻliq oʻzi tayyorlab boshlashi va eng muhimi oʻsmirlik davriga yaqinlashib oʻzi yolgʻiz qolishni xohlashi bu tabiiy holat. Shunaqa payti oʻz orzularidan voz kechib faqat farzand katta qilaman degan onalar tushkunlikka tushib qoladi. Yolgʻizlikni his qila boshlaydi, voz kechgan maqsadlari haqida oʻyga choʻmadi.

Namuna
Bunga tirik misol mening onam. Tibbiyot oliygohini tamomlagandan keyin, uzoq yillar boshqa sohada ishlashlariga toʻgʻri keladi. Biz Toshkentga koʻchib kelganimizdan keyin-ku, butunlay uy bekasi boʻlib qolganlar. Opalarim turmushga chiqib, men oʻqishga kirganimdan keyin ularda ham yuqoridagi oʻzgarishlar paydo boʻla boshlagan.

Oʻshanda onam yoshim katta-ku demasdan, oʻqishga topshirganlar. UT diagnostika yoʻnalishida bir yildan oshiq oʻqib, keyin ishlay boshladilar. Men bilan birga oʻtirib dars tayyorlardilar, tushunmagan narsalarini birga oʻrganardik. Bu hechdan koʻra kech degan tanlov edi, lekin onam xursandlar.

Yechim
Bu degani inson hayotida mana shunaqa kech davr kelishini kutib turishi kerak degani emas. Kecha turmush oʻrtogʻimga shu mavzuda gap ochganimda, "shunaqa boʻlmasligi uchun ayol kishi tuqqandan keyin oʻzini darrov qoʻlgan olib, ishiga chiqib ketishi kerak" deb qoldilar. Men jarrohlik boʻyicha ketsam, ertaga oila va ishda qiynalaman-ku, boshqa yengilroq yoʻnalish tanlaganim yaxshimikan deganimda ham "e, boʻlganga yarasha operatsiya qila oladigan jarroh boʻl-da" degandilar.

P.S. Work-life balance haqida hali fikrlarim yoʻq. Yurib borayotgan yoʻlimda oʻrganganlarimni keyinroq ulashaman.

Tibbiyot Kundaligi
04.12.2024