Muxabbat_Abdurasulovna

Oilada erkakning roli: Mas’uliyat, himoya va mehr

Oilada erkak – faqatgina ta’minotchi emas. Uning roli bundan ancha keng va chuqur. Erkak – oila suyanadigan tog‘, himoya va barqarorlik kafolati. Agar u o‘z o‘rnini to‘g‘ri anglab, yetuk shaxs sifatida harakat qilsa, oila ham mustahkam, ham baxtli bo‘ladi.

1. Mas’uliyat va yetakchilik

Erkakning eng asosiy vazifasi – mas’uliyatni zimmasiga olish. Bu faqat moddiy ta’minot emas, balki oilaviy muhit, bolalar tarbiyasi va hayotiy qarorlarni qabul qilishga ham tegishli. Chin yetakchi – buyruq beruvchi emas, balki o‘zi o‘rnak bo‘lib, atrofidagilarni ilhomlantiruvchi insondir.

2. Himoya va barqarorlik

Ayol o‘zini ishonchli qo‘llar ostida xavfsiz his qilganida, u o‘z ayollik tabiatini to‘liq namoyon eta oladi. Oila himoyasi faqat tashqi tahdidlarga qarshi emas, balki ruhiy qo‘llab-quvvatlashni ham o‘z ichiga oladi. Erkak o‘z rafiqasining his-tuyg‘ulariga befarq bo‘lmasa, oilada iliqlik hukm suradi.

3. Mehr va hurmat muhitini yaratish

Ba’zi erkaklar "erkaklik" deganda faqat qattiqqo‘llik va talabchanlikni tushunishadi. Lekin haqiqiy erkak – oilasiga mehr bera oladigan inson. Bolalar otaning xatti-harakatlarini kuzatib ulg‘ayadi, shuning uchun ular qanday tarbiya olishlari erkakka bog‘liq. Ayolga hurmat va mehr ko‘rsatgan erkak oilasida sadoqat va baxt muhitini yaratadi.

4. O‘zini doimiy ravishda rivojlantirish

Oila boshi bo‘lish – doimiy o‘sishni talab qiladi. Hozirgi davrda erkak faqatgina pul topuvchi emas, balki dono maslahat beruvchi, tarbiyachi, ilhomlantiruvchi ham bo‘lishi kerak. Ruhiy va aqliy rivojlanishsiz, o‘z ustida ishlamasdan haqiqiy yetakchi bo‘lish qiyin.

Xulosa

Oilada erkak – shunchaki mavjud bo‘ladigan shaxs emas, u oila qanchalik baxtli va mustahkam bo‘lishini belgilovchi asosiy figuralardan biridir. Haqiqiy erkak – mas’uliyatni his qilgan, oilasini ham jismonan, ham ruhan himoya qilgan, mehr va barqarorlikni ta’minlay olgan insondir.

​​💁ДУОНИНГ ОДОБЛАРИ


1️⃣ Қиблага қараб дуо қилиш.

2️⃣ Икки қўлни кўтариб дуо қилиш.

3️⃣ Икки қўлни кўтариб дуо қилгандан кейин қўлларни юзга суртиш.

4️⃣ Икки қўлни кўтариб, кафтнинг ичини ўзига қаратиб дуо қилиш. Сўнгра уларни юзга суртиш.

5️⃣ Дуонинг аввалида Аллоҳ таолога ҳамду сано айтиш.

6️⃣ Пайғамбар соллаллоҳу алайҳи васалламга саловот айтиш.

7️⃣ Азми қарор билан иккиланмай, бўшашмай сўраш.

8️⃣ Дуонинг ижобат бўлишига шошилмаслик ва нима учун дуоим қабул бўлмаяпти, демаслик.

9️⃣ Ижобатга аниқ ишонган ҳолда дуо қилиш.

🔟 Ўзига ва ўзига тобеъ бўлган шахс ва нарсаларга дуои бад қилмаслик.

1️⃣1️⃣ Гуноҳ аралаштирмасдан дуо қилиш.

1️⃣2️⃣ Қариндошлик алоқасини узмасдан туриб, дуо қилиш.

1️⃣3️⃣ Дуода муболағага кетиб, ҳаддан ошмаслик.

1️⃣4️⃣ Дуони уч марта такрорлаш.

1️⃣5️⃣ Дуо қилувчи таоми, шароби ва кийимининг ҳалол-пок бўлиши учун ҳаракат қилмоғи. Бўлмаса, дуо қабул бўлмаслиги аниқ.

1️⃣6️⃣ Дуо қилувчининг озуқаси, маскани, либоси ва барча нарсалари ҳалолдан бўлиши керак.
Имом Муслим ривоят қилган ҳадисда Пайғамбар соллаллоҳу алайҳи васаллам:
«Бир киши узоқ сафар қилади. Ҳориб, чарчайди. Чангу ғуборга бурканади. Икки қўлини чўзиб, эй Роббим, эй Роббим, дейди. Ҳолбуки, таоми ҳаромдир, шароби ҳаромдир, либоси ҳаромдир, ҳаромдан ғизолангандир. Бас, қандоқ ҳам унга ижобат қилинсин», деганлар.

1️⃣7️⃣ Дуо қилиш учун шарафли вақтларни ихтиёр қилиш лозим. Йилнинг энг шарафли вақти Арафа кунидир. Ойларнинг энг шарафлиси Рамазондир. Ҳафтанинг энг шарафли куни Жума кунидир. Саҳар чоғи ҳар бир куннинг энг шарафли вақтидир.

1️⃣8️⃣ Дуо қилиш учун шарафли ҳолатларни ихтиёр қилиш лозим. Ёмғир ёғишни бошлаган вақт, азон ва иқомадан кейин, фарз намоздан кейин, ифтор пайтида, саждадаги ҳолда, кўнгил эриган пайтлар дуо қилиш учун муносиб ҳолатлар бўлади.

1️⃣9️⃣ Овозни жуда кўтариб ҳам, жуда пастлатиб ҳам юбормай дуо қилиш керак.

2️⃣0️⃣ Тазарруъ, хушуъ, хузуъ, рағбат ва илтижо ила дуо қилиш лозим.

2️⃣1️⃣ Ёлворган ҳолда дуо қилиш.

2️⃣2️⃣ Олдин астойдил тавба қилиб, зулм қилган бўлса, уни ўрнига қайтариб туриб, дуо қилиш лозим.
Манба : Qalbda Islom