Sensatsiya Novosti

#uzbekistan #tezkor #dolzarb #new #prezident #шошилинч_хабарлар #youtube #sensatsiya #novosti #sud #sos #prokuratura #ypx #ииб

Фарғона вилояти прокурори

Б.Исмоиловга

Фарғона шаҳар Инжинерлар кўчаси 12-уй 27-хонадонда яшовчи фуқаро

С.Қамчиевдан

АРИЗА

20.04.2025 йил 20:30ларда онамга дори олиш мақсадида “JAC” 7 русумли 40 528 LCA давлат рақамли автомашинамда ҳаракатланиб кетаётганимда Мустақиллик кўчасидаги “Фестивал” савдо мажмуаси рўпарасига етган вақтимда оқ рангли (давлат рақам белгиси ёдимда йўқ) “Жентра” русумли автомашинада ЙПХ ходимлари келишиб, машина ойнасидан жезлни кўрсатиб, йўлимни қисиб, йўлнинг ўртасида ҳаракат хавфсизлигига тахдид солиб, Низом талабларига зид равишда ноқонуний равишда тўхтатишди. Мен ушбу ЙПХ ходимларининг ноқонуний хатти-ҳаракатларига тушунмадим.

​Чунки, Ўзбекистон Республикаси Вазирлар Маҳкамасининг 01.12.2018 йилдаги “Йўл-патруль хизмати ходимларининг йўл ҳаракати қатнашчилари билан ўзаро муносабатлари ҳамда махсус мосламалардан фойдаланиши тартиби тўғрисидаги низомни тасдиқлаш ҳақида”ги 975-сон Қарори билан тасдиқланган Низомнинг 2-бандида “таъқиб қилиш” ва “кузатиш”га таъриф берилган.

Унга кўра, “таъқиб қилиш” — жиноят содир этилганликда гумон қилинаётган шахслар бўлган транспорт воситаси ҳайдовчиси ЙПХ ходимининг тўхташ тўғрисидаги қонуний талабини бажармаганда, транспорт воситасининг ҳаракатига чек қўйиш ҳамда гумонланувчини ушлаш мақсадида транспорт воситасининг орқасидан қувишга, “кузатиш” — маъмурий ҳуқуқбузарлик содир этган шахслар бўлган ўз ҳаракатлари билан бошқа ҳаракат қатнашчилари ҳаёти (соғлиғи)га хавф солаётган транспорт воситаси ҳайдовчиси ЙПХ ходимининг тўхташ тўғрисидаги қонуний талабини бажармаганда тўхтатиш мақсадида орқасидан боришга айтилади.

Савол: - ЙПХ ходимларининг мени автомашинамни таъқиб қилишга ёки кузатишга нима асос бўлган? Асословчи далиллар мавжуд бўлса тақдим қилсин.

Мазкур Низомнинг 48-бандида таъқиб қилиш ёки кузатиш вақтида ЙПХ ходимининг амал қилиши лозим бўлган талаблар белгиланган.

Унга кўра, таъқиб қилиш ёки кузатиш вақтида ЙПХ ходими махсус патруль автомобилида бўлиши ва патруль автомобилининг махсус чироқ-маёқча ва товушли сигналлар мунтазам ёқилган ҳолатда бўлиши, йўл ҳаракатининг бошқа қатнашчиларини ҳушёрлик ва эҳтиёткорлик чораларини кўришлари бўйича хабардор қилиб бориши, йўл ҳаракати қатнашчиларининг ҳаёти ва соғлиғи учун хавфли ҳаракатлар содир этмаслиги белгиланган.

Бироқ, ЙПХ ходимлари Низомнинг ушбу банди талабига зид равишда мени ҳамда йўл ҳаракати қатнашчиларининг ҳаёти ва соғлиғи учун хавфли ҳаракатлар содир этиб, шахсий транспорт воситасида таъқиб қилишни амалга оширди.

​Бундан ташқари, Низомнинг 14-бандида ЙПХ ходимининг ўз хизмат вазифаларини бажаришда мобиль видеокамерадан фойдаланган ҳолда ошкора олиб бориши, йўл ҳаракати қатнашчисини тўхтатганидан кейин унинг олдига бориш, ўзини таништириш, лавозими, унвони, фамилияси ҳақида маълумот бериш, унинг талабига кўра кўкрак нишон белгисини маълум қилиш ва хизмат гувоҳномасини очиқ ҳолда (бунда ЙПХ ходими томонидан хизмат гувоҳномасини йўл қатнашчиси ихтиёрига бериш тақиқланади) кўрсатиши, ҳар қандай вазиятда йўл ҳаракати қатнашчилари билан вазмин, хушмуомала, одобли ва эътиборли бўлиш, уларга ҳурмат билан ҳамда «Сиз» деб мурожаат қилиш, йўл ҳаракати қатнашчилари билан ўзаро муносабатларда муомала маданияти ва қонунийликка риоя қилиши белгиланган.

Бироқ, шу куни мен билан суҳбатлашаётган ЙПХ ходимининг мобиль видеокамераси мавжуд бўлмаган ва у ўзини таништиришдан бош тортган, шунингдек, у мен билан сухбат давомида қўлини чўнтагига солиб, муомала маданиятига риоя этмади.

Шунингдек, ЙПХ ходими сухбат давомида “протакол” туз ёки рапортинг қани деган сўзлардан фойдаланди. Протакол ёки рапорт нима ўзи? Ўзбек луғатида протакол ёки рапорт деган сўзлар мавжудми? Ўзбек тили луғатига янги сўзлар киритилганлигига алоҳида изоҳ берилса мақсадга мавофиқ бўларди.

Шу жумладан, ўзини таништирмаган ЙПХ ходими мени саволларимга жавоб бермасдан, 40057VSF давлат рақамли Ласетти русумли хизмат автомашинасига ўтириб бошқариб кетди. Ушбу автомашина ушбу ходимига бириктирилганми?