Mudofaa va xavfsizlik masalalari qo'mitasi | Rasmiy kanali

Андижон вилояти Избоскан туманида сенаторнинг тарғибот тадбирлари давом этмоқда

Аввал хабар берилганидек, Сенатнинг Мудофаа ва хавфсизлик масалалари қўмитаси раиси К.Бурханов Андижон вилоятида хизмат сафарида бўлиб турибди.
Бугун 4 февраль куни Избоскан туманидаги "Гудур" МФЙ ҳудудида жойлашган 39-сонли мактабда Қўмита раиси К.Бурханов раҳбарлигида Халқ депутатлари Андижон вилояти Кенгаши депутати Т.Мадумаров, Сенат девони Қўмита котибияти мудири У.Джураевлар иштирокида сайловчилар билан учрашув бўлиб ўтди.
Учрашувда жамоатчилик ва аҳоли вакиллари йўналишли автобусларни ташкил этиш, оталар чойхонасини қуриб бериш ҳамда маҳалла кўчаларидаги яроқсиз ҳолатга келиб қолган ёғоч электр столбаларни янгилаш бўйича амалий ёрдам беришни сўрашди.
Қўмита раиси К.Бурханов томонидан қайд этилган масалалар ўрганиб чиқилиб, қонун доирасида босқичма-босқич ҳал қилиш чоралари кўрилиши маълум қилинди.
Шундан сўнг сенатор аҳолини қизиқтирган саволларга жавоб берди.
Сенаторнинг вилоятдаги аҳоли билан учрашувлари давом этмоқда.

Андижон вилояти Избоскан туманидаги маҳаллаларда муаммолар ўрганилди ва Сенатнинг учинчи ялпи мажлисида кўриб чиқилган масалалар юзасидан тарғибот тадбири ўтказилди

Ўзбекистон Республикаси Олий Мажлис Сенатнинг учинчи ялпи мажлисида маъқулланган қонунлар ва кўриб чиқилган масалаларни вилоят аҳолиси ўртасида учрашувлар ўтказиб, мазмун - моҳиятини аҳолига тушунтириш мақсадида Сенатнинг Мудофаа ва хавфсизлик масалалари қўмитаси раиси Кутбидин Бурханов, Халқ депутатлари Андижон вилояти Кенгаши депутати Толибжон Мадумаров ва Сенат девони Қўмита котибияти мудири Умиджон Джураевлар Андижон вилояти Избоскан туманида хизмат сафарида бўлиб туришибди.
Бугун 3 февраль куни Андижон вилояти Избоскан тумани “Тошлоқ” МФЙда сайловчилар билан учрашув бўлиб ўтди. Учрашувда маҳалла аҳолисини қийнаётган муаммолар, хусусан фуқароларни газ баллонлари билан таъминлаш, электр сим столбаларни кўчириш масалалари ижобий ҳал этилгани таъкидланди. Аҳоли бунинг учун сенаторга ўз миннатдорчилигини билдирди.
Шу билан бирга, аҳолини қийнаётган муаммолар, жумладан, “Тошлоқ” МФЙ учун ажратилган қабристоннинг ҳужжатлари билан боғлиқ муаммоларини ҳал қилиб берилишида ҳамда маҳалла аҳолиси кўпайганлиги сабабли маҳаллани икки қисмга бўлиш масалаларида амалий ёрдам беришни сўрашди.
Қўмита раиси К.Бурханов томонидан қайд этилган муаммолар ўрганиб чиқилиб, Қонун доирасида ҳал қилиниши маълум қилинди.
Шундан сўнг, сенатор томонидан аҳолини қизиқтирган саволларига жавоблар берилди.
Сенаторнинг вилоятдаги аҳоли билан учрашувлари давом этмоқда.

Сенатнинг Мудофаа ва хавфсизлик масалалари қўмитаси раиси К.Бурхановнинг "Аҳолининг эркин ҳаракатланиши" номли мақоласи "Куч-адолатда" газетасида чоп этилди.

🔵Сенатнинг Мудофаа ва хавфсизлик масалалари қўмитаси