Sayxunobod maktabgacha va maktab ta’limi

Сайхунобод туманида “Методик маҳорат куни” тадбирлари ўтказилди.

2025 йил 7 январь куни Сирдарё вилояти Сайхунобод туманидаги 7-сонли Давлат мактабгача таълим ташкилоти (ДМТТ)да таянч база сифатида "Методик маҳорат куни" тадбирлари бошланди. Ушбу тадбир мактабгача таълим тизимида раҳбар кадрлар ва етакчи педагогларнинг касбий маҳоратини ошириш ҳамда таълим-тарбия жараёнида замонавий ёндашувларни жорий этиш мақсадида ташкил этилди.

Тадбир доирасида махсус ўқув курслари ўтказилиб, унда туман миқёсидаги мактабгача таълим ташкилотларидан 16 нафар директор ўринбосарлари (етакчи педагоглар) иштирок этишди. Иштирокчиларнинг барчаси таълим ва тарбия жараёнини янада такомиллаштириш бўйича тажриба алмашиш ва инновацион методлардан самарали фойдаланиш борасида ўз билимларини янада бойитиш имконига эга бўлишди.

Bizni kuzatib boring 👇🏻
telegram  | facebook  |  youtube | instagram

✅ Сайхунобод туманининг умумтаълим мактабларида қишги таътил кунлари давомида тўгарак машғулотлари олиб борилмоқда. Ушбу машғулотларда ўқувчилар ижодий ва жисмоний фаолиятлари орқали ўзларининг қобилиятларини кўрсатиб, алоҳида қизиқишларга асосланган фаолиятларда иштирок этишмоқда.
Ⓜ️ Марказлаштирилган тўгаракларда фанлар, спорт, ижод ва технологияларни ўрганиш имконияти бераётган тўгараклар аниқ равишда ташкил қилинган. Ўқувчилар тўгаракларда ҳамкорлик, ижодий фикрлаш, спорт фаолиятлари ва технологик кўникмаларни ривожлантираётганлари биламиз.
〽️ Машғулотларнинг асосий мақсади ўқувчиларни фаол қилган ҳолда, уларнинг шахсий ривожланишига ёрдам беришдир. Спорт билан шуғулланиш ўқувчиларнинг соғлиғини яхшилаш билан бир қаторда, уларнинг жисмоний фаоллигини ҳам оширади. Футбол, баскетбол, гимнастика каби турлар ўқувчилар орасида кенг тарқалган.

Bizni kuzatib boring 👇🏻
telegram  | facebook  |  youtube | instagram

Ҳурматли таълим соҳаси ходимлари!

Янги 2025-йил остонасида Сизларга чуқур ҳурмат ва самимий тилаклар йўлланади. Сизларнинг саъй-ҳаракатларингиз, шижоатингиз ва келажак авлодга қилган ҳиссангиз бутун жамият учун катта аҳамиятга эга.

– Янги йилда ҳар бирингизга соғлик, тинчлик ва барча ишларингизда омад тилаймиз.
– Таълим жараёнидаги инновацион ғояларингиз ва ижодий ёндашувларингиз ўз самарасини берсин.
– Оилаларингизда бахт ва файз, ҳаётингизда тўкинлик ҳукмрон бўлсин.
– Ўқувчиларга билим беришдаги интилишларингиз янада муваффақиятли бўлиб, келажак авлод учун ўрнак бўлиб қолсин.

Таълим соҳасидаги меҳнатингиз доимо қадрланади ва жамиятнинг равнақида муҳим ўрин эгаллайди. Янги йил сизларга ёруғ кунлар, ижодий илҳом ва профессионал ютуқлар олиб келсин.

Янги йил муборак, азиз таълим соҳаси фидойилари!

Bizni kuzatib boring 👇🏻
telegram  | facebook  |  youtube | instagram