Sarvinozdan chizgilar

"Qilolishingni ham óylashing mumkin, qilolmasligingni ham óylashing mumkin, ikkala holatdayam haqsan" (Genri Ford). Budda, Eynshteyn, Genri Fordning umumiy jihati nima bólishi mumkin? Hammasi Sirni bilishardi va endi bu sir bizning qólimizga ótadi!"
Secret kitobining asosini fan sosuga bulangan mistisizm va individning kuchi bórttirilib, unga gaz berilishi tashkil qiladi. Shu tariqa, asossiz óziga ishonch va ózidan qoniqish yaratilib, aslida qanchalik ojiz va begonalashganligini anglashi tósiladi. Bu kitobdan bir nechta jumlani tizib, tanqidiy kózdan kechirsak, faqat bósh va'dalarga tóla ekani yetmaganday, muammolarning asosini kórishimiz tósilgani uchun ham qanchalik xavfli ekani ma'lum bóladi.

Bu sotsiologik va siyosiy falsafa bóyicha turk mutaxassis Yıldız Silierning ilk bor 2010-yilda nashr qilingan "Ochko'zlik asri" kitobidan parcha. "The secret" kitobi haqida ósha yillarda tanqidiy fikrlar bildirgan ekan. Bu kitobni kópchiligingiz kórgan, eshitgan bólsangiz kerak.

Shu kunlarda siyosiy psixologiya bilan qiziqib qoldim va bir nechta kitob buyurtma qildim. Shulardan 2tasi Yıldız Silierniki. Ezoterika bilan birlashgan motivatsion gaplar va ommabop psixologiyaga oid jumlalarning 15-20 yillar avval, hatto ótgan asrda tanqid qilingani hayron qoldirdi. Avvalroq siyosiy kitoblarga qiziqmaganimga afsuslandim.

Hozirgi kapitalistik zamonning inson ruhiyatiga ta'sirini intuitiv ravishda his qilib, tanqidiy postlar yozib kelganman oxirgi 2 yillarda. Endi óy-fikrlarimni mutaxassislarning asarlari bilan tasdiqlash, rivojlantirish yoqyapti🙂‍↔️

Qahvaxonaga borib nimadirlar yozib oʻtirish, ishlash, rasm chizishni romantizatsiya qilib kelganman. Oxirgi oylarda bu yoqmay qoldi. Asosiy sababi — juda baland musiqa va unga hamrohlik qiladigan konditsioner, odamlar va mashinalar shovqini. Karabükdagi qahvaxonlarning aksariyati katta trassa yoʻl boʻyida joylashgan, men doim boradigan Starbucks ham. Tashqari hovlisida mashinalar, ichkarida esa baland musiqa (chiyildoq pop) tovushi yarim soatdan koʻp oʻtirishga imkon bermaydi.

Quloqchin taqib oʻzimga yoqqan qoʻshiqlarni tinglab ishlashni sinab koʻrdim. Lekin musiqani fon koʻrinishida tinglash yoqmadi. Zamonaviy dunyoda musiqaning hamma joyda fon sifatida ishlatilishidan bezorman. Bu xuddi toʻq odamni yana ovqat yeyishga majburlashga oʻxshaydi.

Bugun coworking kutubxonaga borib ishlab koʻrdim. Quloqlarim va miyam rahmat aytdi. Bir kunlik bilet olgach, kun davomida istagancha kirib chiqish mumkin ekan, uyga ovqatlanish uchun borib kelaveraman endi. Bir kunda bir marta tekin qahva ham olish mumkin.

Nega qayerda ishlash-ishlamaslik borasida buncha koʻp bosh qotiradi, deb oʻylarsiz. Bir uyda ikkita freelancer yasholmas, degan maqolni amalga kiritish kerak. Chunki yo ishlarda samaradorlik boʻlmaydi, yo munosabatlarga putur yetadi. Turmush oʻrtogʻim ikkimiz ham uyda ishlaymiz va bundan asosan men aziyat chekaman, sababi ishlash va ijod qilishim uchun hech kim bezovta qilmasligi kerak, bu ADHDim bilan bogʻliq holat. Bundan tashqari, psixologlik kasbimning shunaqa salbiy tarafi bor: mijozlar bilan sessiyalar kunlik muloqot limitimni toʻldirib qoʻyadi ba’zida, masalan bir kunda 3ta konsultatsiya oʻtsam — yaqinlarim bilan gaplashishga umuman kuchim qolmaydi degani, tiklanib olishim uchun vaqt kerak. Ba’zida sessiya tugagach, yarim soat yoki bir soat shunchaki jim yotgim keladi. Shunaqa har bir holatni tushuntirish, oldindan ogohlantirishni xohlamayman. Ish grafigim oʻzgaruvchanligi, ijodni esa grafikka solish qiyinligi uchun oʻzim ham qachon va qancha vaqt band boʻlishimni oldindan bilolmayman.
Coworking kutubxonaga borish hozircha yechim boʻladi, degan umiddaman. Kimdir art-rezidensiya qilib bersa, yaxshi boʻlar edi...

Bir soatdan keyin jonli efirni boshlayman. Efir paytida fikr va savollaringiz bólsa, shu post ostida komment qoldirishingiz mumkin🙌🏻

Moddiy tomondan qiyinchlik kórmagan, ota-onasi tomonidan ruhiy ehtiyojlarining yarmi yo undan kóp foizi qondirilgan, klassik gózallik standartlariga mos keladigan va jamiyat standartlarining kópini ("vaqtida" óqishga kirish, karyera boshlash, turmush qurish, bolali bólish va hk.) bajargan kishilar (ayniqsa erkaklar) tomonidan — muammolariga psixologiya orqali yechim qidirayotganlarni pastga urish, tanqid qilish holatlarini kóproq uchrataman.

Bir rus qizning tik-tok videosini kórgandim yaqinda: "Tengdoshlarim modaga aylangan separatsiya bilan mashg'ul ekan, men 22 yoshimda onam bilan yashashni tanladim va ishlab topayotgan pulim o'zimda qolyapti (="ijaraga sarflamayapman" demoqchi)". Adekvat kommentatorlarga duch kelibdi, "hammaning ota-onasi ham senikiday yaxshi bo'lmasligi, shaxsiy chegaralarni hurmat qilmasligi, har bir oila a'zosining alohida xonasi bólmasligi mumkin, separatsiya — tirik qolish, psixikani asrab qolishning eng birinchi zaruratiga aylanadi shunda" deb qarshi fikr bildirishgan.

"Moda bo'lgani uchun terapiyaga boryapti", "moda bólgani uchun óziga ADHD, autizm, bipolyar buzilish taxshisini qóyvolgan", "ota-onasini ayblash moda bólgan", "hozir hamma ózicha depressiyada" degan gaplarni eshitgandirsiz siz ham.

Bunday gaplarning mualliflari post boshida yozganimday anchagina farovon hayotda ósgan, zóravonlik kórmagan bólishadi. Biroq stiril hayotda yashashadi degani emas — ularning ham muammolari bóladi, lekin ommabop yupatuvchi, tinchlantiruvchi, ruhlantiruvchi g'oyalar bilan ("kuchli odamga qiyinchiliklar keladi", "ota-ona bolasiga yomonlik tilamaydi", "ózingga ishonsang yetarli", "hammasi yaxshilikka", "bu muammoning ijobiy tarafi ham albatta bor") yengil bólishadi. Boshqalarni ham shunday g'oyalar bilan yashash, miyasini psixologiya va "moda"dagi diagnozlar bilan qiynamaslikka undashadi.

Jonli efirni ertaga (11-aprel 20.00 (Toshkent vaqti bilan) ótadigan bóldim. Onalar va qizlarning munosabatlariga oid asosiy muammolar va ularning belgilari haqida gaplashamiz. Keyin leksiyalar haqida qisqa ma'lumot berib ótaman.

Leksiyalarga hozirdan yozilmoqchi bólsangiz, har bir leksiya narxi — 250 ming sómdan, hammasini birga sotib olmoqchi bólsangiz — 700 ming sóm.

🌻Yozilish uchun @ps_sarvinoz_omonova akkauntimga mutojaat qiling.

Anchadan beri ayol bólishning qiyinchiliklari, hozirgi zamon va sistemalarning ayollarga yuklagan mas'uliyat va ayblovlari haqida kóp óylayman. Xulosalarimni qanday shaklga solish borasida bir qarorga kelolmay yurgandim, axiyri leksiyalar seriyasi yaratishga qaror qildim.

Quyidagi mavzular bóyicha leksiyalar ótmoqchiman:

"Onalar va qizlar"

"Go'zallik. Moda. Qarilik"

"Romantik va oilaviy munosabatlarda ayollarning muammolari"

"Ayol va karyera"

Birinchi leksiyasi kelayotgan yakshanba (13-aprel) kuni bóladi.

Payshanba (10-aprel) kuni leskiyalarning tarkibi, narxi va ótkazilish tartibi haqida jonli leksiya ótaman🙌🏻

Sizga bu mavzular qiziqmi? Qaysi siz uchun muhim va og'riqli?

Ruhiy buzilishlar haqida yengil, komedik, koʻngilni yorishtiradigan filmlar topish qiyin. Lekin kecha 1997-yilda chiqqan “As good as it gets” (“Imkoni boricha yaxshi”)ni koʻrdik turmush oʻrtogʻim bilan (Netflix’da turkcha dublyajda). Biram yoqimli film ekan.

Obsessiv-kompulsiv buzilishdan aziyat chekadigan, bu ruhiy buzilish tufayli jamiyatdan uzilib qolgan odamning asta-sekin tuzalishi tasvirlangan. Kuniboʻyi yozish bilan shugʻullanadigan erkak — rassom qoʻshnisiga yordam berishga majbur boʻlib qoladi. Tozalik, tartibga oʻta qattiq amal qilishi, qilmasdan turolmaydigan retullari, antisemitizmi va gomofobligi, oʻta keskir tili — odamlarga yaqinlashishiga juda halal berardi. Yaqinlikning ta’mini totishni boshlagach, yumshash va xushmuomalikka urinib koʻradi. Tuzalish oson emas — qahramonimiz har safar kimgadir yaxshilik qilganida yoki yaqinlashganida, asabga tegadigan va qalb ogʻritadigan nimadir deydi.
Terapiyada ham shunaqa holat boʻlib turadi. Yaqinlik oʻrnatishga qiynaladigan mijozlar psixologga ochilish uchun bir qadam tashlaganida buning ortidan jahlni chiqaradigan nimadir qiladi — psixikasi hali ma’lum darajadagi yaqinlikka dosh berolmagani uchun.

Filmga 10/10 ball qoʻyaman. Ham yoqimli, ham kulgili sahnalari koʻp film istasangiz, yoqishi aniq.

Oxirgi yillarda shunga guvoh bo'ldim. Ijtimoiy tarmoqlarda jamiyat uchun qayg'uradigan, vatanparvar, bilimli, adekvat, liberal ko'rinadigan bloger erkaklarning ba'zilari — xotini/sevgan qiziga ruhiy, moddiy, jismoniy zo'ravonlik qilib yurgan bo'ladi.

Shu blogerning xotiniga maza bo'lsa kerak a, deb óylaysiz. U ayol esa dardini kimga aytishni bilmay, hech kimdan yordam ololmay yurgan bo'ladi. Chunki o'sha "aqlli" er manipulyatsiyalari, gazlaytinglari bilan xotinining aloqalarini cheklab tashlagan, o'ziga ishonchini tushirib yuborgan, ish va o'qishini imkonsizlashtirgan, ayblovlarga ko'mib tashlagan bo'ladi.

Activist degan "til himoyachisi", o'zbek tilining "jonkuyari" — unga qarshi fikr bildirgan erkak va uning sheriklari haqida "dugonalar" ("g'iybatchilar") deyapti.

Ayollarni yerga uradigan seksistlar til uchun qayg'urishiga hech ishonolmayman.

ADHDni yengib bólmaydi. unga ko'ra yashashga to'g'ri keladi. 2ta yo'ldan ketish yoki ikkalasini birlashtirish mumkin:

• medikamentlar ichish. diqqatni jamlash va miyada sokinlik paydo qilishga yordam beradi, deyishadi. men sinab ko'rmaganman. ba'zida juda qiynalib ketsam, psixiatrga borib, u yozib bergan dorilarni ichib yashab ko'rish fikri keladi. Anqaraga borishim kerak buning uchun. oxirgi oylarda hech imkon bo'lmagani uchun keyinga suryapman. asabiylashib, nolib olganimdan keyin ishlarimni qilishga yordam beradigan texnikalarni qilaman.

• ADHDli kishilar intuitiv ravishda o'ziga yordam beradigan ko'p texnika va usullarni o'zi o'ylab topishgan bo'ladi odatda. medikamentsiz ham bu texnikalar bilan hayotni ancha yengillashtirish mumkin. rejalashtirish, ishga kirishish bo'yicha texnikalar qidirib ko'ring internetdan. men o'zimga yoqqanlar va sinab ko'rganlarimni "Structure&Flow" kursimda yig'ganman. balki takror o'tarman bu kursni.

shu kunlarda qanday usullar menga yordam beryapti:

🌱"10 minut" texnikasi. buni rasm chizishda qo'llayapman. ko'pincha rasm chizishga o'tirsam bunga 2-4 soat ketib qoladi. oldindan tasavvur qilsam, shuncha soat ko'p tuyuladi. kerakli qog'ozni tanlash, bo'yoqlarni ochishga ham erinaman. va chizishdan voz kechaman. lekin tasviriy san'at bilan shug'ullanishning beradigan kayfi, energiyasidan ham mosuvo bo'laman. shuning uchun faqatgina 10 minut chizaman, deb jarayonga kirishyapman. bu 10 minut tabiiyki 1-2 soatga ulanib ketadi.

🌱juda erinib turgan, hech narsaga kirisholmayotgan bo'lsam, birorta ish bilan 20-30 minut shug'ullanishga harakat qilyapman. masalan kitob o'qiyman yoki yoga qilaman. yarim soatlik konsentratsiyadan keyin miyam yaxshigina qo'zg'aladi va yana shunaqa katta hajmli ishlar qilishga kuchi paydo bo'ladi, yangi vazifalar so'raydi. ya'ni ishlashga ishlash ilhom beradi))
bir oyda 2ta odatni tanlab, har kuni qilish "challenge'm ham bunga yordam beradi. 2ta odatdan qaysi yoqayotgan bo'lsa, shuni qilaman va butun kun uchun ko'tarinki kayfiyat paydo bo'ladi. kunim samarasiz o'tgan bo'lsa va uxlashgacha kam vaqt qolgan bo'lsa, shu 2ta odatni qilaman va eng muhim narsalarni qilganim uchun xotirjam bo'laman.

ADHDli insonlar uchun yana bir muhim narsa — o'zini qabul qilish, o'zini ayblamaslik, sindromning ijobiy taraflarini ko'rish.
bunga majbursiz yoki bir kun majbur bo'lasiz😀

Adhd ni qanday yengsa (yoki yengillatsa) bo’ladi?

kunlik rejalar, oylik rejalar, konsulatsiyalar rejasi, konsultatsiya davomida qilingan qaydlar, kontent uchun g'oyalar va mavzular, psixologik holatim bo'yicha qaydlar, psixologik praktikalar, ko'rmoqchi bo'lgan kino va o'qimoqchi bo'lgan kitoblarim ro'yxati, sotib olmoqchi bo'lgan narsalarim ro'yxati, yangi kurs va leksiyalarning rejasi va tarkibi, ingliz tilidan lug'at — hozircha esimga kelgani shular.

avval har biriga alohida bloknot tutardim. qishda bitta bloknot tutdim. bahorda kundalik fikrlarim uchun yangi bloknotga o'tdim.

endi tepadagi rasmda ko'rsatilganday sistemaga o'tmoqchiman. o'zim har bir mavzuga oid bir nechta kam sahifali daftarchalarni bitta jild ichiga yig'aman. birorta daftarcha tólsa, uni olib tashlab, boshqa qo'yaman.

Har xil bloknotga har xil narsalarni yozasizmi? Tartiblanganmi?

Instagramga yaqinda 4 ta reels joylagandim, ruhiyat bilan bog'liq insaytlarim haqida — kórmagan bólsangiz, kórib kelishingiz mumkin🦦

U yerdagi nikim: sarvinoz.umar