TGAlertsBot

Monitoring of keywords in channels and chats

SearcheeBot

Your guide in the world of telegram channels

Telegram Analytics

Subscribe to stay informed about TGStat news.

TGStat Bot

Bot to get channel statistics without leaving Telegram

Statistics Favorites

Санжар Саид | канал

Channel's geo and language: Uzbekistan, Uzbek

Category: Blogs

Журналист, блогер ва PR-менежер
Ўқиган-ўрганганларим асосида яшайман, яшаганларим ҳақида ёзаман

Related channels | Similar channels

Channel's geo and language

Uzbekistan, Uzbek

Category

Blogs

Statistics

Posts filter

Hide deleted

Hide forwards

Санжар Саид | канал

17 Apr, 04:21

Бугун ноёб кун. Бугун тарихда фақат бир марта бўладиган кун. Бугун ҳеч қачон қайтиб келмайдиган, бошқа такрорланмайдиган кун.

Шунинг учун бугуннинг ҳар лаҳзасидан унумли фойдаланишга, келажагимиз учун фойдали ўтказишга ҳаракат қилайлик.

Ҳаммага бугунги куни фойдали, самарали, қизиқарли ва қувноқ ўтишини тилаб қоламан.

211 0 1 18

Санжар Саид | канал

16 Apr, 17:18

Истанбулда бир акадан нарса олишим керак бўлиб қолди. Қўнғироқлашиб, қўним орқали манзилга етиб бордим. Мени кўриб:

– Ия, ўзимиз қатори экансизку, овозингиздан биздан катта бўлсангиз керак, деб ўйлабман, – деди.

Ўзидан ёшини сўрасам, 78-йилман, дейди. Ундан 8 ёш кичкинаман аслида 😄

Ҳа, ёшимга нисбатан катта кўринаман ва ёшимам ўзи анча катта бўлиб қолди 😄

Умуман, катта ёшли, виқорли, салобатли (😜) кўринишни яхши томонлари кўп:

- жамоат транспортида жой беришади;
- тўй-маъракаларда хизмат қилдиришмайди;
- давраларда тўрга ўтқазишади;
- гапингизга ишонишади, қулоқ солишади;
- ақлли гапларни айтсангиз, ярашади;
- хуллас, ҳурмат-иззатдасиз 😄

Яна фикрлар борми )

283 0 1 35

Санжар Саид | канал

13 Apr, 18:36

Рамазондан кучга, ғайрату шижоатга тўлиб чиққан иймонимизни кам-камдан, майда-майда, оз-оз қилиб заифлаштирамиз.

Бир ёмон нарсани кўрамиз, кўзимизни бир муддат узолмай қоламиз;

Беҳуда гап-сўз, фойдасиз иш билан машғул бўлиб қоламиз;

Кимнидир ғийбат қиламиз;

Намозларимизни ёлғиз, кечиктириб ўқиймиз;

Зикр, дуоларга вақт ажратмаймиз;

Садақа, яхшиликларни "унутиб" қўямиз;

Китоб ўқимаймиз, янги билимларни ўрганмаймиз.

Буларнинг ҳаммасини бирданига қилмаймиз, албатта. Аста-секин, бўлиб-бўлиб қиламиз, хаёлда эса ҳалиям ўша тақводор, ибодатгўй авлиёлигимизча қоламиз...

422 0 2 19

Санжар Саид | канал

13 Apr, 05:00

Кимгадир яхшилик қилмоқчи бўлсангиз, ҳеч қандай шартларсиз, кутилмаларсиз қилинг, акс ҳолда бу ишингиз яхшилик эмас, балки қандайдир келишув бўлади: мен сенга мана бу хизматни қиламан, эвазига мана бу иш ёки хизматни қиласан ёки ҳаққини тўлайсан.

Йўқ, ростдан ҳам яхшилик қилмоқчи бўлсангиз, эвазига ҳеч нарса кутманг, сўраманг ҳам.

Агар қачондир ўша яхшилик қилган одамингиздан кутган нимагадир эришолмасангиз, уни нонкўрликда айбламанг, шунчаки, ҳаётда ҳар хил одам бор, деб қўяверинг ва яхшилик қилишда давом этинг.

Қилган яхшиликларингиз мукофотини эса ҳеч нарсани унутмайдиган ва яхшиликларга зиёдаси билан, такрор-такрор мукофот берувчи Зотдан кутинг. Ишонинг, шу вақтгача ҳеч бир яхшилик ерда қолмаган!

Лекин кимдир сизга яхшилик қилса, уни қарз сифатида қабул қилинг ва эвазига ўша яхшилик мислича ёки ундан зиёда қилиб қайтаринг ёхуд ҳаққига чиройли дуо қилинг. Бу — ҳақиқий Набавий суннат бўлади.

648 0 12 21

Санжар Саид | канал

12 Apr, 12:15

Шу пайтгача "мени эшик қисганми, нега хориждаги марҳум миллионер қариндошларим менга мерос қолдирмайди", деб сиқилиб юрардим.

Йўқ, Худога шукур, Саид фамилияли қариндошим оламдан ўтиб, кўп бойлик қолдирибди менга.

Фақат битта муаммо бор: фамилиям пастпортда Рустамов. Меросни олиш учун уни Саидга ўзгартирсам, қанча харажатга тушаман 😁

422 0 0 34

Санжар Саид | канал

11 Apr, 15:50

Жамшидга "касалимни юқтирдим". Олмонларни шайтонаравасидан олибди. Бугун 27,5 чақирим юриб келдик.

Бу орада қабристонга зиёратга кирдик, кейин опамникида туршак суви ичдик, қайтишда гўжахўрлик қилдик.

Хуллас, Жамшидни аҳволи ҳозир қандайлигини билмадиму, мен мазза қилдим. Айниқса ҳамма ёқ ям-яшил, ҳаво салқингина.

Худо хоҳласа, Дўстликдан Гарашага Арнасой кўли орқали бормоқчимиз. Бугунги машғулотимиз катта саёҳат олдидан кичкина тайёргарлик бўлди 😀

373 0 1 29

Санжар Саид | канал

10 Apr, 04:55

Ассалому алайкум ва роҳматуллоҳи ва барокатуҳу, барчангизга бугунги айём муборак бўлсин. Аллоҳ барча ибодату дуоларингизни ижобат этган, Рамазондан барча гуноҳлардан пок ҳолда чиқишни насиб этган бўлсин, кейинги Рамазонларга етказсин!

399 0 2 25

Санжар Саид | канал

8 Apr, 09:08

Forward from: Yaxshilar bormisiz

Ehsonning mukofoti ehsondir.

Ko‘pchilik talab va takliflariga binoan Yaxshilar bormisiz aksiyamizni yana davom ettirishga qaror qildik. O‘tgan safar aksiyadan ortgan summa:
567 ming so‘m plastik kartada
60 ming so‘m naqd pul ko‘rinishida mavjud.

Biz bu safar ehtiyojmand oila farzandlariga ramazon hayiti tuhfasi ko‘rinishida tarqatishga qaror qildik.

Quyidagi kartaga pul o‘tkazishingiz mumkin.

8600042370584186

Qosimov Saidmurodxon nomida

Ushbu xabarni maksimal gruppa va tanishlarga jo‘nating. Zeroki sababchi bo‘lgan inson ham katta savobga ega bo‘ladi.

Naqd pul ko‘rinishidagi ehsonni quyidagi telefon raqamga murojaat qilib berishingiz mumkin.
📞+998975212244

Aksiya hayit kuniga qadar davom etadi.
Aksiya to‘g‘risida batafsil ma'lumot
@yaxshilar_bormisiz kanalida ma'lumot berib boriladi.

524 0 1 2

Санжар Саид | канал

8 Apr, 04:48

Қалбимиздаги ҳасад, ёмон кўриш, кўролмаслик, адоват, бировнинг ютуғи, қувончи, мартабаю мол-дунёсини қабул қилмасликдан қандай қутилиш мумкин?

Бунинг учун биринчи навбатда Худо билан алоқаларни тўғрилаб олиш керак. Ҳамма муаммо шунда: сизга ва бошқаларга бу тақдирни раво кўрган, берган У.

Кимга нимани қачон ва қанча беришни У ҳал қилади. Ва ҳаммасини ҳикмат билан беради; берганлари синовми, жазоми - вақт кўрсатади.

Энг асосийси, барча нарсалар Унинг мулки. Мана шу нарсани билмаслигимиз бизни бошқаларнинг ютуғидан қувониш, ўзимизнинг ҳолатимизга шукур қилишдан тўсади.

Яъни, бировнинг қўлидаги нарса вақтинчалик омонат. Бу омонатдан фақат егани, кийиб эскиртиргани ўзини қолгани ўткинчи.

Худо билан ўртани ислоҳ қилиш, У билан кўпроқ мулоқот қилиш, ҳамма шикоят, араз, хуллас, ични сиқаётган ҳамма нарсани Унга айтиш керак. Ёш болага ўхшаб нима муаммо бўлса дарҳол Унга етказиш керак. Унга эркаланиш, ялиниш, самимий мурожаат усулларини ўйлаб топиш мумкин.

Яна бир муҳим нарса: сизга ажратилган лимит, сизга белгиланган позиция, ўрнингиз, мавқейингиз, хуллас, сиздаги ҳамма нарсани борича, бошқаларга солиштирмай, нега унда ундай, мендай бундай, "қанийди", "агар", каби сўзларсиз қабул қилишга мажбурсиз!

Минг норози бўлсангиз ҳам, ҳеч қачон бировнинг ўрнида бўлиб қололмайсиз. Шунинг учун ўзингизнинг терингизда, жойингизда, мавқейингизда эканингизга рози бўлинг, шу сиз эканингизни ва бошқача бўлмаслигини қабул қилинг.

Бир нарсани унутманг: кимга нима берилган бўлса, ҳаммасининг жавобини, ҳисобини биттама-битта, сонияма-сония беради.

448 0 6 20

Санжар Саид | канал

5 Apr, 16:19

Forward from: Muslim.uz

🌙ҚАДР КЕЧАСИ ҚАНДАЙ КЕЧА ЭКАНИНИ БИЛАСИЗМИ?

📕 Бу кеча — Қуръони карим нозил этила бошлаган. "Албатта, Биз У (Қуръон)ни Қадр кечасида туширдик" (Қадр сураси, 1-оят).

🧎‍♂️ Бу кеча — Расулуллоҳ соллаллоҳу алайҳи васаллам ухламай, тунни ибодат билан ўтказардилар.

🌙 Бу кеча — "...минг ойдан яхшироқдир" (Қадр сураси, 3-оят).

🟢Бу кеча — қилинган амаллар 1000 ойда қилинган амаллардан афзал ва савоби кўпдир.

🗣Бу кеча — фаришталар тинимсиз мўмин-мусулмонлар ҳаққига салавот ва саломлар айтишади.

🤲 Бу кеча — ҳақида Расулуллоҳ соллаллоҳу алайҳи васаллам: “Ким Лайлатул Қадр кечасини имон ва ихлос билан бедор ўтказса, унинг шу кечагача содир этган барча гуноҳлари мағфират қилинади”, (Имом Бухорий, Имом Муслим, Имом Термизий ривояти) деганлар.

😄Бу кеча — Аллоҳ таоло бедор бўлувчи бандаларини бошқа ойлардан кўра кўпроқ ажру савоблар билан мукофотлайди.

🔵Бу кеча — иссиқ ҳам, совуқ ҳам бўлмайди. Унинг тонгида қуёш қизғиш бўлиб чиқади.

💧 Бу кечада — қуёш чиққунига қадар тинчлик ва сокинлик ҳукм суради. "У (кеча) то тонг отгунича саломатликдир" (Қадр сураси, 5-оят).

🤲 Бу кеча — ҳақида Оиша онамиз розияллоҳу анҳо: “Ё Расулуллоҳ агар Қадр кечасини топишга муваффақ бўлсам нима деб дуо қилай?” деб сўрадилар.
Шунда Расулуллоҳ соллаллоҳу алайҳи васаллам ушбу дуони ўқишни айтдилар:
اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنِّي
Ўқилиши: "Аллоҳумма иннака аъфуввун кариймун туҳиббул аъфва фаъфу аънний".
Маъноси: "Аллоҳим, албатта, Сен кечиргувчисан, кечиришни яхши кўрасан. Гуноҳларимни кечиргин" (Имом Термизий ривояти).

👁Бу кечада — қилинган амаллар салкам 84 йил бетўхтов қилинган ибодатга тенг. 84 йил эса тахминан 30 минг-у 295 кунга тенг. Расулуллоҳ соллаллоҳу алайҳи васаллам: "Умматимнинг умрлари олтмиш билан етмиш ўртасидадир. Озларигина ундан ташқарида бўладилар", деганлар (Имом Термизий ривояти).

🤝 Бу кеча — гина-адоват, нафрат-аразлар, хафагарчиликлар унутиладиган, ҳамма бир-биридан розилик ҳамда кечирим сўрайдиган кечадир.

🗣 Бу кеча — барча мўмин-мусулмонларга муборак бўлсин! Фазилатли ой ва муборак куннинг фазилатидан Аллоҳ таоло тўлиқ баҳраманд этсин!

Ўзбекистон мусулмонлари идораси Матбуот хизмати
#qadr #duo #ramazon
MUSLIM.UZ GA 😎 OBUNA BO'LING ✅ VA ULASHING🗣

▶️ @Muslimuzz/featured' rel='nofollow'>YouTube | 📷Instagram | 🔵 Facebook

467 0 6 2

Санжар Саид | канал

3 Apr, 16:23

Кеча Фейсбукка чиқарган постим:

Ўзбекистонда яна антирекорд: автомобилларни рўйхатга олиш ставкасини бирданига 68 бараварга ошириш кимга керак?

Ўзбекистон ички ишлар вазири Пўлат Бобожонов 31 март куни - якшанба бўлишига қарамасдан, 1 апрелдан автомобилларни давлат рўйхатидан ўтказиш ва қайта рўйхатдан ўтказиш бўйича ставкаларни бирданига 68 бараварга – 34 минг сўмдан 2,32 млн сўмгача ошириш тўғрисидаги буйруқни имзолади.

Вазир жаноблари 2023 йил 10 август куни 2,2 ойдан кейин – 1 ноябрдан давлат рақамларини рўйхатдан ўтказиш нархларини 2,5 бараварга (1,15 млн сўмгача) ошириш тўғрисидаги буйруқни имзолаган эди. Бу сафар эса атиги бир кундан кейин, яна душанбадан нархларни оширишди. Бирорта камбағал машинасини сув текинга давлат рўйхатидан ўтказиб олмасин, дейишгандир-да.

Дарвоқе, электромобилларни давлат рўйхатидан ўтказиш нархини белгилашда бир оз инсоф қилишибди: ставкалар “бор-йўғи” 15 бараварга ошибди. Юртимизда электромобиллар нархи оддий машиналарга қараганда қимматроқ эканини ҳисобга олсак, демак, яна калтак камбағал-бечораларнинг бошида синади.

Эсингиздами, бир вақтлар емай-ичмай пул йиғиб, етмаганини қарз-ҳавола қилган кўпчилик автомобилни ўз номига ўтказишда машина нархининг 3 фоизи миқдоридаги йиғимга пул етказолмай, сотиш ҳуқуқи билан умумий ишончнома асосида уни ҳайдаб юрар, яна кимгадир қайта сотмоқчи бўлганида эса автомобилнинг эски эгасига ялиниб юрарди. Аввалги эгаси инсофли бўлса, майли, акс ҳолда машинасидан айрилиб қолиши ҳам ҳеч гап эмасди (эгаси ёки унинг вафотидан кейин ворислари келишувни тан олмаган қанча ҳолатлар бўлганди ҳам).

Аҳолига енгиллик яратиш мақсадида бу тартиб бекор қилинганди. Бироқ камбағалларнинг қувончи узоққа чўзилмади. Монополияни севувчи жаноб яна уларнинг нонини туя қилишни бошлади. Ҳа, бу пуллар давлат бюджетига тушади деб ўйлаганмидингиз? Бунчалик содда бўлманг! Катта эҳтимол билан пуллар Ички ишлар вазирлигининг махсус ҳисоб рақами орқали бир кишининг чўнтагига ўтади (Расул Кушербаев ҳам шунга ишора қилди).

Энди кичик ҳисоб-китоб қилиб кўрамиз. Ўтган йилнинг апрель-декабрь ойларида Ўзбекистонда 1 млн 340 минг дона автомобиль олди-сотдиси қайд этилган. Улардан бюджетга 45,5 млрд тушган. Бу йил ҳам тахминан шунча олди-сотди бўлса, бу рақамларнинг 68 барвари қанча бўлишини тасаввур қиляпсизми? 3 трлн сўмдан зиёд! Бир йилда камида шунчага бойиётган одамга фақир-фуқароларнинг норозилигию дод-войининг неча чақалик қизиғи бўларди?

Ўғри бўл, ғар бўл, инсофли бўл, дейишган. Лекин монополиячи жанобда инсоф бормикан?

717 0 10 19

Санжар Саид | канал

2 Apr, 13:13

Видеода мен борман, кўринглар 😁

550 0 0 16

Санжар Саид | канал

2 Apr, 13:05

Forward from: Abadiyat

01:25

Video is unavailable for watching

Show in Telegram

Chorsu "mardikor" bozoridan kitobxongacha — kitob sabab o‘zgargan yigitlar hikoyasi!

📚 Jamiyatimizda kitobxonlikning keng targ'iboti uchun "Abadiyat" loyihasini qarshi oling! Loyihada turli insonlardan qahramonlar tanlab olinadi va kitob taqdim qilinadi.

Ko'rsatuvning ilk sonida ruhiy kasallar shifoxonasida davolangan, biri esa jigar kasalligini boshidan oʻtkazgan va shu ahvollarida ham ogʻir mehnat bilan shugʻullanib kelgan yigitlar kitob yuzasidan bellashdilar. 🔥

“Besh bolali yigitcha” kitobini kim koʻproq uqdi va gʻolib boʻldi? Kitobda ular oʻz hayot akslarini koʻra olishdimi? Umrida qoʻliga kitob olmagan yigitlarning fikrlashi qay darajada oʻzgardi?

O'ylaymizki, "Abadiyat" loyihasi orqali insonlarning kitobga bo'lgan qiziqishini yanada orttiramiz, kitobni sevishga o'rgatamiz. Ushbu yo'lda bizni qo'llab-quvvatlashingizni, loyihani keng ommaga tarqatishda ko'maklashishingizni so'raymiz.

To'liq videoni YouTube sahifamizda tomosha qiling!

👉 https://youtu.be/--HDbfnIzFE

@abadiyat_uz

550 0 4 9

Санжар Саид | канал

2 Apr, 10:47

Махачқалъада меҳнат муҳожирлари ушлаб кетилгани сабвбли чиқиндилар уюмлари пайдо бўлишни бошлабди.

Африкадан ишчилар олиб келиши керак; тезроқ ва кўпроқ )

558 0 2

Санжар Саид | канал

1 Apr, 20:34

Forward from: ТУРКИЯДАГИ ЎЗБЕКЛАР

Ие ана

Газиантеп шаҳар ҳокимлигига мустақил номзод бўлган чиқинди қоғоз йиғувчи Рамазон Карабудак кўплаб машҳур партиялар вакилларини ортда қолдириб, 3029 овоз олди.

435 0 4 15

Санжар Саид | канал

31 Mar, 09:50

Туркияда маҳаллий ҳокимият органларига сайловлар бошланди. Истанбулда сайлов бюллетенининг узунлиги қарийб 1 метр.

Эътибор беринг, бу ерда номзодларгамас, партияларга овоз берилади )

573 0 0 5

Санжар Саид | канал

29 Mar, 15:03

Телеграмда тангани босиб ўтириб пул ишлаш имконияти пайдо бўлганида, ишонмагандим. Лекин охирги вақтлар ноткоинлар учун ҳақиқатдан ҳам пул таклиф қилиш бошланди.

Майнинг жараёни тугашига уч кун қолди. Вақт бўлганда кириб, танга йиғинг ва кейин уларни ҳақиқий пулларга алмаштиринг 🤩

https://t.me/notcoin_bot?start=rp_7246045

Probably nothing @notcoin

757 0 11 6

Санжар Саид | канал

23 Mar, 08:59

Москвадаги терактда гумонланиб икки киши қўлга олинибди. Кутилганидек, улар мигрантлар - Тожикистон фуқаролари экан. Яна тўрт киши қочиб кетган.

Baza

Двое подозреваемых в нападении на Крокус Сити Холл задержаны в Брянской области. Автомобиль с предполагаемыми преступниками был остановлен недалеко от поселка Теплый в нескольких километрах от границы с Белоруссией и Украиной. В машине, по предварительным данным, находилось шесть человек: двое были...

981 0 1

Санжар Саид | канал

21 Mar, 11:25

Жиззахнинг чекка туманларидан бири Арнасойнинг чекка қишлоғида (халқ тилида 15-савхоз дейилади) масжид таъмирланаётган экан.

Қуйидаги қурилиш материалларига эҳтиёж бор. Ҳаммадан имкони даражасида кўмак беришларини сўрашяпти.

▶️1000 дона шлакоблок
▶️2500 дона пишган ғишт
▶️5 та стойкага турба
▶️2*2 профил 1025 метр
▶️4*4 уголник 10 метр
▶️4*4 профил 21 метр
▶️2 та ролик
▶️15 та болгарка тош
▶️2 пачка электрот

Сиз маҳсулот кўринишида эҳсон қилсангиз ҳам бўлади.

5614682000714545

Турлибеков Абдурашид

📞933230081

1.1k 0 4 14

Санжар Саид | канал

18 Mar, 14:43

Оила деганда ота, она, ака, ука, опа, сингил қариндош, билингки, сизнинг сулолангиз тушунилади.

Шу сўзнинг қадрсиз, қийматсиз ҳолатини кўрганман. Бизни юртимизда ҳам бу сўзнинг қадрини, қийматини йўқ қилмоқчи бўлганлар чиқди, чиқяпти, кейин ҳам чиқади.

Россияда тахминан 12-14 йил давомида ишлаб, яшадим.

Жуда кўп қарияларни кўрдим, орасида ўзим таниганларим ҳам бор эди.
Қариликдан ўлади ва бир неча кун, аксар ҳолатларда ойлаб ўлиги қолиб кетади.

Менга энг таьсир қилган ҳолат бу Москва шаҳрида бўлди.

Қўшни кампир бор эди. Деярли ҳар кун саломлашамиз. Эрталаб эди. Подъезд олдида кўришиб, саломлашдик, кампир қўлидаги пулни узатиб:

- Шу пулларни эҳтиёжингга ишлат, - деди.

- Нега менга беряпсиз, - деб сўрадим.

- Қачондир ўлсам, эслаб юрасан, манимча, мени болаларим мен ҳақимда унутиб юборишган.

- Нега менга беряпсиз, ўзингизнинг миллатдош, диндошларингизга берсангиз бўлмайдими?

- Йўқ-йўқ, сенга беришимнинг сабаби, подъездимизга кўчиб келганингдан бери ҳар доим табассуб билан саломлашасан, подъезддаги чироқларни доимо ўзинг алмаштирасан, бирор марта қоронғуда қолмадик қўшни қампирлар. Шунинг учун сенга беряпман.

Орадан кўп ўтмай билдимки кампир ўлибди, 15-20 кун ҳеч ким билмабди.
Ўлигини эса мушуклари еб қўйибди.

Оила, яъни сулола бўлиб, ҳамма жипс бўлиб яшашида хотиржамлик бор, барака бор.

Депрессия, қўрқувга ўрин ҳам йўқ.

Ўлигингни мушугинг еб қўйишидан Аллоҳ сақласин.

Баҳриддин Сиддиқов

1.4k 0 17 27

20 last posts shown.

927

subscribers

Channel statistics

Popular in the channel

Оила деганда ота, она, ака, ука, опа, сингил қариндош, билингки, сизнинг сулолангиз тушунилади. ...

Жиззахнинг чекка туманларидан бири Арнасойнинг чекка қишлоғида (халқ тилида 15-савхоз дейилади) м...

Москвадаги терактда гумонланиб икки киши қўлга олинибди. Кутилганидек, улар мигрантлар - Тожикист...

Телеграмда тангани босиб ўтириб пул ишлаш имконияти пайдо бўлганида, ишонмагандим. Лекин охирги ...

Кеча Фейсбукка чиқарган постим: Ўзбекистонда яна антирекорд: автомобилларни рўйхатга олиш ставка...